హైదరాబాద్ టూ గోవా విమానంలో వెళ్లేందుకు ఎంత ఖర్చవుతుంది.? సూప ర్ ప్యాకేజీ

IRCTC ప్రవేశపెట్టిన "గోవా డిలైట్" ప్యాకేజీ మొత్తం 3 రాత్రులు, 4 రోజుల పాటు కొనసాగుతుంది. ఈ టూర్ సెప్టెంబర్ 9న హైదరాబాద్‌లోని రాజీవ్ గాంధీ అంతర్జాతీయ విమానాశ్రయం నుంచి ప్రారంభమవుతుంది. విమాన ప్రయాణం, హోటల్ బస, భోజన సదుపాయాలు, స్థానిక రవాణా వంటి సేవలు ప్యాకేజీలోనే ఉంటాయి. హైదరాబాద్ నుంచి ఇండిగో విమానంలో ఉదయం బయల్దేరి మధ్యాహ్నానికి గోవా చేరుకునేలా ఏర్పాట్లు చేశారు. తిరుగు ప్రయాణం కూడా అదే విధంగా విమాన మార్గంలో ఉంటుంది. ప్రయాణికుల అవసరాలను దృష్టిలో ఉంచుకుని IRCTC వివిధ కేటగిరీల్లో ధరలను నిర్ణయించింది. సింగిల్ ఆక్యుపెన్సీ రూ.24,640, డబుల్ షేరింగ్ రూ.19,200 (ఒక్కో వ్యక్తికి), ట్రిపుల్ షేరింగ్ రూ.18,680 (ఒక్కో వ్యక్తికి), 5 నుంచి 11 ఏళ్ల పిల్లలకు: రూ.15,520, 2 నుంచి 4 ఏళ్ల పిల్లలకు: రూ.9,130గా నిర్ణ‌యించారు. ఈ ధరల్లో విమాన టిక్కెట్లు, హోటల్ వసతి, భోజనం, స్థానిక ప్రయాణ ఖర్చులు కూడా క‌వ‌ర్ అయ్యాయి. గోవా చేరుకున్న మొదటి రోజు హోటల్‌లో చెక్-ఇన్ చేసిన తర్వాత స్థానిక మార్కెట్లను సందర్శించే అవకాశం ఉంటుంది. సాయంత్రం విశ్రాంతి తీసుకుని హోటల్‌లోనే రాత్రి బస ఉంటుంది. రెండో రోజు సౌత్ గోవా పర్యటనలో భాగంగా పర్యాటకులను పలు ప్రముఖ ప్రాంతాలకు తీసుకెళ్తారు. ఓల్డ్ గోవాలోని చారిత్రక చర్చిలు, మ్యూజియంలు, ప్రసిద్ధ శ్రీ మంగేషి ఆలయం, మిరామార్ బీచ్ వంటి ప్రదేశాలు ఇందులో ఉంటాయి. సాయంత్రం మండోవీ నదిపై బోట్ క్రూయిజ్ ప్రయాణం కూడా ఏర్పాటు చేశారు. గోవా అందాలను నీటి మార్గంలో ఆస్వాదించే అవకాశం ఇది. మూడో రోజు నార్త్ గోవా సందర్శన ఉంటుంది. గోవాలో అత్యంత ప్రసిద్ధి చెందిన బీచ్‌లలో కొన్ని ఈ పర్యటనలో భాగం. అగువాడా ప్రాంతం, కాండోలిమ్ బీచ్, బాగా బీచ్, అంజునా బీచ్, వగాటర్ బీచ్‌లను సందర్శించవచ్చు. అడ్వెంచర్ ప్రియుల కోసం వాటర్ స్పోర్ట్స్ కార్యకలాపాలు కూడా అందుబాటులో ఉంటాయి. అదనంగా