అయ్యగారు’ మాట మేరకే లెనిన్ వాయిదా

టాలీవుడ్‌లో ప్రస్తుతం మోస్ట్ అవేటెడ్ ప్రాజెక్ట్‌లలో ఒకటిగా నిలిచిన ‘లెనిన్’ చిత్రం గురించి ఒక ఇంట్రెస్టింగ్ అప్‌డేట్ ఫిలిం నగర్ సర్కిల్స్‌లో తెగ హల్‌చల్ చేస్తోంది. అక్కినేని అభిమానులు ఎప్పుడెప్పుడా అని వెయ్యి కళ్లతో ఎదురుచూస్తున్న ఈ సినిమా విడుదల వాయిదా పడినట్లు గట్టిగా వినిపిస్తోంది. షెడ్యూల్ ప్రకారం ఈ నెల 26న థియేటర్లలోకి రావాల్సిన ఈ క్రేజీ ప్రాజెక్ట్, ఇప్పుడు జూలై మధ్యలో ప్రేక్షకుల ముందుకు వచ్చే అవకాశాలు కనిపిస్తున్నాయి. ఈ వార్తతో ఫ్యాన్స్ కాస్త నిరాశకు గురవుతున్నప్పటికీ, దీని వెనుక ఉన్న అసలు కారణం అయితే అఖిల్ అని అంటున్నారు. ఇండస్ట్రీ వర్గాల సమాచారం ప్రకారం.. సినిమా షూటింగ్ మరియు పోస్ట్ ప్రొడక్షన్ పనులన్నీ దాదాపు పూర్తయ్యాయి. రష్ చూసుకున్న యూనిట్ సభ్యులంతా సినిమా చాలా బాగా వచ్చిందని, ఖచ్చితంగా బ్లాక్‌బస్టర్ హిట్ కొడుతున్నామని ఫుల్ కాన్ఫిడెన్స్‌తో ఉన్నారు. అయితే, సినిమా ఎంత బాగా వచ్చినప్పటికీ, క్వాలిటీ విషయంలో అస్సలు రిస్క్ తీసుకోకూడదని హీరో గట్టిగా డిసైడ్ అయ్యారట. ఎక్కడైనా చిన్న చిన్న లోపాలు ఉంటే వాటిని కూడా ఫైన్ ట్యూన్ చేసి, ప్రేక్షకులకు ఒక బెస్ట్ విజువల్ ఎక్స్‌పీరియన్స్ ఇవ్వాలని ఆయన పట్టుబట్టినట్లు తెలుస్తోంది. తొందరపడి రిలీజ్ చేయడం కంటే, మరికొంత సమయం తీసుకున్నా పర్లేదు కానీ పక్కా క్వాలిటీతోనే థియేటర్లలోకి వెళ్దామని హీరో స్పష్టం చేయడంతోనే మేకర్స్ ఈ వాయిదా నిర్ణయానికి మొగ్గు చూపినట్లు ఇన్సైడ్ టాక్. ప్రస్తుతానికి కొత్త విడుదల తేదీపై చిత్ర యూనిట్ నుండి అధికారిక ప్రకటన రావాల్సి ఉంది