కేబినెట్ భేటీకి ఒకే కారులో సింధియా, రామ్మోహన్ నాయుడు

ఒకే వాహనంలో కలిసి ప్రయాణించి ఆదర్శంగా నిలిచారు. వాహనాల వినియోగాన్ని తగ్గించడం ద్వారా పర్యావరణ పరిరక్షణకు, సుస్థిరతకు ప్రాధాన్యమివ్వాలన్న ప్రభుత్వ సంకల్పానికి ఈ చర్య అద్దం పడుతోంది.పశ్చిమాసియాలో నెలకొన్న ఉద్రిక్తతల నేపథ్యంలో ఇంధన భద్రతపై ఆందోళనలు వ్యక్తమవుతున్న తరుణంలో, కేంద్ర మంత్రులు కార్‌పూలింగ్ విధానాన్ని అనుసరించడం ప్రాధాన్యత సంతరించుకుంది. కేవలం సింధియా, రామ్మోహన్ నాయుడు మాత్రమే కాకుండా, మరికొందరు మంత్రులు సైతం బృందాలుగా కేబినెట్ భేటీకి హాజరయ్యారు. నితిన్ గడ్కరీ, జేపీ నడ్డా ఒకే వాహనంలో రాగా, శివరాజ్ సింగ్ చౌహాన్, కిషన్ రెడ్డి, సీఆర్ పాటిల్ కలిసి మరో వాహనంలో వచ్చారు. అశ్విని వైష్ణవ్, మన్‍సుఖ్ మాండవీయ కూడా కలిసి ప్రయాణించడం విశేషం.గతంలో జరిగిన ఒక సమావేశంలో ప్రధాని మోదీ మాట్లాడుతూ, మంత్రులు తమ కాన్వాయ్‌ల సంఖ్యను తగ్గించుకోవాలని, వీలైతే ఒకే వాహనంలో ప్రయాణించాలని సూచించారు. ఇప్పటికే ప్రధాని మోదీతో పాటు కేంద్ర హోంమంత్రి అమిత్ షా తమ కాన్వాయ్‌లను గణనీయంగా తగ్గించుకోగా, తాజాగా ఇతర మంత్రులు సైతం అదే బాటలో పయనిస్తున్నారు. ఈ చర్య ఇంధనాన్ని ఆదా చేయడమే కాకుండా, సామాన్య ప్రజల్లోకి సైతం సానుకూల సందేశాన్ని తీసుకువెళ్తుందని ప్రభుత్వ వర్గాలు భావిస్తున్నాయి.