హైదరాబాద్ లో 'ట్రంప్ టవర్స్'కు గ్రీన్ సిగ్నల్.. కోకాపేటలో సరికొత్త ల్యాండ్ మార్క్

నగరంలోకి ప్రవేశించింది. రంగారెడ్డి జిల్లా, గండిపేట మండలం పరిధిలోని ఐటీ హబ్ కోకాపేటలో నిర్మించబోయే ఈ అల్ట్రా లగ్జరీ రెసిడెన్షియల్ ప్రాజెక్టుకు తెలంగాణ రియల్ ఎస్టేట్ రెగ్యులేటరీ అథారిటీ (TGRERA) తుది అనుమతులు మంజూరు చేసింది. ఈ గ్రీన్ సిగ్నల్‌తో నగరంలోనే అత్యంత విలాసవంతమైన జీవన ప్రమాణాలకు వేదిక సిద్ధమైంది.

Read also: POKలో పాక్ బలగాల కాల్పులు..ఆగ్రహం వ్యక్తం చేసిన భారత్

టీజీ రెరా అధికారిక సమాచారం ప్రకారం, ఈ ప్రతిష్ఠాత్మక ప్రాజెక్టును ‘ఇరా ది ఎడ్జ్ డెవలపర్స్ ఎల్ఎల్‌పీ’ (Ira The Edge Developers LLP) సంస్థ ప్రతిపాదించింది. P02400010871 నంబర్‌తో రిజిస్ట్రేషన్ లభించింది. ఔటర్ రింగ్ రోడ్డుకు అత్యంత సమీపంలో ఉన్న కోకాపేట “గోల్డెన్ మైల్” పరిధిలోని దాదాపు 4 ఎకరాల (16,389.76 చదరపు మీటర్లు) విస్తీర్ణంలో ఈ నిర్మాణం జరగనుంది. మొత్తం 2,64,580 చదరపు మీటర్ల భారీ బిల్ట్-అప్ ఏరియాతో రూపుదిద్దుకోనున్న ఈ ప్రాజెక్టును 2031 మే 15 నాటికి పూర్తి చేయాలని గడువుగా నిర్ణయించారు.

ట్రంప్ ఆర్గనైజేషన్‌కు చెందిన భారతీయ అధికారిక భాగస్వామి ‘ట్రైబెకా డెవలపర్స్’, స్థానిక నిర్మాణ సంస్థ ‘ఇరా రియల్టీ’ సంయుక్తంగా ఈ ప్రాజెక్టును పట్టాలెక్కిస్తున్నాయి. ఆకాశాన్ని తాకేలా అధునాతన డిజైన్‌తో రెండు భారీ జంట టవర్లను ఇక్కడ నిర్మించనున్నారు. ఇవి సుమారు 63 అంతస్తులకు పైగా ఎత్తులో ఉండే అవకాశం ఉందని అంచనా. అత్యంత సంపన్నులు, గ్లోబల్ సిటిజన్లను టార్గెట్ చేస్తూ 3, 4, 5 BHK కాన్ఫిగరేషన్లతో ఈ ప్రీమియం నివాసాలను రూపొందిస్తున్నారు. ఈ మెగా ప్రాజెక్ట్ మొత్తం అంచనా వ్యయం దాదాపు రూ.3,500 కోట్లుగా ఉండవచ్చని సమాచారం.

ట్రంప్ బ్రాండ్‌కు అంతర్జాతీయంగా ఉన్న క్రేజ్‌కు తగ్గట్లే.. ఈ ప్రాజెక్టులో కళ్లు చెదిరే విలాసవంతమైన సదుపాయాలను కల్పిస్తున్నారు.

భారత్‌లోని ఇతర మెట్రో నగరాల్లో ఇప్పటికే విజయవంతమైన ట్రంప్ టవర్స్, ఇప్పుడు హైదరాబాద్ మార్కెట్ వైపు రావడం ఇక్కడి లగ్జరీ హౌసింగ్ డిమాండ్‌కు నిదర్శనం.

ఈ ప్రతిష్ఠాత్మక ప్రాజెక్ట్ ప్రారంభోత్సవ వేడుకల కోసం అమెరికా అధ్యక్షుడు డొనాల్డ్ ట్రంప్ కుమారులు.. డొనాల్డ్ ట్రంప్ జూనియర్, ఎరిక్ ట్రంప్‌లు త్వరలోనే భారతదేశంలో పర్యటించనున్నట్లు బిజినెస్ వర్గాల్లో ప్రచారం జరుగుతోంది. ఈ అంతర్జాతీయ ప్రాజెక్ట్ గనుక పూర్తయితే, హైదరాబాద్ స్కైలైన్ (Skyline) రూపురేఖలు మారిపోవడమే కాకుండా, నగరానికే ఒక ఐకానిక్ ల్యాండ్‌మార్క్‌గా నిలవడం ఖాయం.

Fee Reimbursement : ఫీజు రీయింబర్స్మెంట్ నిధుల విషయంలో తెలంగాణ సర్కార్ కీలక నిర్ణయం

Today Rasi Phalalu : రాశి ఫలాలు – 10 జూన్ 2026

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.

Hyderabad Rains Tragedy: హైదరాబాద్‌లో వర్ష బీభత్సం.. పాతబస్తీలో కరెంట్ షాక్‌తో ఇద్దరు యువకులు మృతి

Heavy Rains Telangana: హైదరాబాద్‌లో కుండపోత వాన.. తెలంగాణలోని పలు జిల్లాలకు ‘ఎల్లో అలర్ట్’ జారీ!

Heavy rain in Hyderabad: హైదరాబాద్‌లో భారీ గాలులతో కూడిన వర్షాలు

Ebola alert in telangana: ఎబోలా కలకలం.. విదేశీ ప్రయాణికులపై ప్రభుత్వం ప్రత్యేక నిఘా!

Today Gold Rate: 10 రోజులుగా తగ్గిన పసిడి.. ఇవాళ ఒక్కసారిగా ఎంత పెరిగిందంటే!

Fish Prasadam: చేప ప్రసాదం పంపిణీకి అన్ని ఏర్పాట్లు పూర్తి : సీపీ సజ్జనార్