శివ శివ..! రూ.2.5 కోట్ల సీఎంఆర్ ధాన్యం పక్కదారి
Vaartha
Wanaparthy Rice Mill Scam: తెలంగాణలో రైస్ మిల్లర్ల అవకతవకలు రోజుకొకటి చొప్పున బయటపడుతూనే ఉన్నాయి. అక్రమ మార్గాల్లో ప్రభుత్వ సొమ్మును పక్కదారి పట్టిస్తూ కోట్లకు పడగలెత్తిన కొందరు మిల్లర్లకు అధికారులు
ఇప్పుడు చుక్కలు చూపిస్తున్నారు. తాజాగా వనపర్తి జిల్లాలో ఓ ప్రముఖ రైస్ మిల్లు అక్రమాలు, లీలలు అధికారుల ఆకస్మిక తనిఖీల్లో నిలువునా బట్టబయలయ్యాయి.
వనపర్తి జిల్లా కొత్తకోట మండలం మీరాసిపల్లి (మీరాస్పల్లి) గ్రామంలోని శ్రీ సాంబశివ ఆగ్రో ఇండస్ట్రీస్ రైస్ మిల్లులో మంగళవారం రాష్ట్ర టాస్క్ఫోర్స్ బృందం, హైదరాబాద్ అధికారులు, జిల్లా పౌరసరఫరాల శాఖ అధికారులు సంయుక్తంగా ఆకస్మిక తనిఖీలు నిర్వహించారు.
Read also: Meenakshi Natarajan: మీనాక్షి నటరాజన్కు భారీ షాక్.. రాజ్యసభ నామినేషన్ తిరస్కరణ
ఈ తనిఖీల సందర్భంగా మిల్లు రికార్డులను, నిల్వలను పరిశీలించిన అధికారులకు భారీ షాక్ తగిలింది. మిల్లులో ఉండాల్సిన 25,426 బస్తాల సీఎంఆర్ (Custom Milled Rice – కస్టమ్ మిల్ల్డ్ రైస్) ధాన్యం మాయమైనట్లు, దానిని పక్కదారి పట్టించినట్లు అధికారులు పక్కాగా నిర్ధారించారు. బహిరంగ మార్కెట్లో ఈ మాయమైన ధాన్యం విలువ సుమారు రూ.2.5 కోట్లు ఉంటుందని అధికారులు వెల్లడించారు.
అక్రమాలు బయటపడటంతో టాస్క్ఫోర్స్ అధికారులు అక్కడికక్కడే పంచనామా నిర్వహించారు. అనంతరం మిల్లులో మిగిలి ఉన్న మిగతా ధాన్యాన్ని భద్రతా పరిరక్షణ చర్యల్లో భాగంగా.. రాయినిపేటలోని ‘ఎంఎస్ ఏకేఆర్ ఇండస్ట్రీస్’ యాజమాన్యానికి తక్షణమే అప్పగించారు.
ఈ భారీ కుంభకోణానికి సంబంధించిన పూర్తి నివేదికను, సదరు మిల్లు యజమానిపై చట్టపరమైన క్రిమినల్ చర్యలు తీసుకునేందుకు వీలుగా జిల్లా అదనపు కలెక్టర్ (Additional Collector) కు సమర్పించారు. ఉన్నతాధికారుల తదుపరి ఆదేశాల మేరకు సంబంధిత మిల్లర్పై కఠిన చర్యలు చేపట్టనున్నట్లు అధికారులు స్పష్టం చేశారు.
ఈ మెరుపు దాడితో వనపర్తి జిల్లాలోని రైస్ మిల్లర్లలో ఒక్కసారిగా గుండెల్లో రైళ్లు పరిగెడుతున్నాయి. టాస్క్ఫోర్స్ తనిఖీలు ఇలాగే కొనసాగితే ఏ క్షణంలో ఏ మిల్లుపై దాడులు జరుగుతాయో, ఎవరి అక్రమాలు బయటపడతాయోనని కొందరు అక్రమార్క మిల్లర్లు బిక్కుబిక్కుమంటూ కాలం వెళ్లదీస్తున్నారు.
Seat Chori : ఇది బీజేపీ ‘సీట్ చోరీ’ అంటూ రేవంత్ ఆగ్రహం
‘Secret’ Dating : ఇండియాలో రోజు రోజుకు పెరిగిపోతున్న ‘సీక్రెట్’ డేటింగ్ ట్రెండ్
గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.
Maoist Dump Seized:ఒరిస్సాలో బయటపడ్డ మావోయిస్టుల భారీ డంప్!
CM Revanth : సీఎం రేవంత్ ను వీధి రౌడీతో పోల్చిన కిషన్ రెడ్డి
Hyderabad Rains Tragedy: హైదరాబాద్లో వర్ష బీభత్సం.. పాతబస్తీలో కరెంట్ షాక్తో ఇద్దరు యువకులు మృతి
Master Your Mind Book:కలెక్టర్ చేతుల మీదుగా ‘మాస్టర్ యువర్ మైండ్’ పుస్తకావిష్కరణ!