ఇరుముడి’ విడుదల తేదీ ఫిక్స్ .. రవితేజ నాని

. ఆగస్టు 21న (Irumudi Release Date) ఈ చిత్రం ప్రేక్షకుల ముందుకు రానుంది. నిర్మాణ సంస్థ మైత్రీ మూవీ మేకర్స్‌ ఈ వివరాలను సోషల్‌ మీడియా వేదికగా ప్రకటించింది. ‘‘ఇరుముడి.. దైవిక అంశాలతో ముడిపడిన ఫ్యామిలీ డ్రామా. అన్ని వయసుల వారికీ కనెక్ట్‌ అవుతుంది. తండ్రి పాత్రలో మాస్‌ మహారాజా రవితేజ పెర్ఫామెన్స్‌ ప్రేక్షకుల హృదయాల్ని హత్తుకుంటుంది’’ అని పేర్కొంది. ఇటీవల విడుదలైన గ్లింప్స్‌నకు మంచి స్పందన దక్కిన సంగతి తెలిసిందే. ఈ సినిమాలో ప్రియా భవానీశంకర్‌, సాయికుమార్‌, బేబీ నక్షత్ర కీలక పాత్రలు పోషిస్తున్నారు.

నాని మూవీ ‘ది ప్యారడైజ్‌’ (The Paradise) ఆగస్టు 21న రిలీజ్‌కు సిద్ధమవుతున్న సంగతి తెలిసిందే. చిత్ర బృందం ఈ డేట్‌ని ఎప్పుడో ప్రకటించింది. రవితేజ, నాని సినిమాలు ఒకే రోజున రానుండటంతో బాక్సాఫీసు వద్ద సందడికి లోటు ఉండదు. అయితే, ‘ఇరుముడి’ అప్‌డేట్‌ వచ్చిన నేపథ్యంలో.. ‘ది ప్యారడైజ్‌’పై రూమర్లు మొదలయ్యాయి. ఆగస్టు 21న ‘ఇరుముడి’ని తీసుకురానున్నారు కాబట్టి.. నాని సినిమా వాయిదా పడే అవకాశాలున్నాయంటూ సినీ వర్గాల్లో వినిపిస్తోంది. దీనిపై అధికారిక ప్రకటన లేదు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.