ఫ్రెంచ్ క్వీన్ ఆండ్రీవా

చ్వాలిన్‌స్కా ఆఖరి మెట్టుపై చతికిలపడింది. 19 ఏళ్ల రష్యా అమ్మాయి ఆండ్రీవా.. చ్వాలిన్‌స్కా జైత్రయాత్రకు తెరదించి ఫ్రెంచ్‌ ఓపెన్‌ను పట్టుకుపోయింది. 1992 (మోనికా సెలెస్‌) తర్వాత ఈ టైటిల్‌ గెలిచిన పిన్నవయస్కురాలు ఆండ్రీవానే.

రష్యా టీనేజర్‌ మిరా ఆండ్రీవా సత్తా చాటింది. పూర్తి ఆధిపత్యాన్ని ప్రదర్శిస్తూ ఫ్రెంచ్‌ ఓపెన్‌ టైటిల్‌ను చేజిక్కించుకుంది. శనివారం జరిగిన మహిళల సింగిల్స్‌ ఫైనల్లో ఎనిమిదో సీడ్‌ ఆండ్రీవా 6-3, 6-2తో అన్‌సీడెడ్‌ చ్వాలిన్‌స్కాను ఓడించింది. మరియా షరపోవా (2014) తర్వాత గ్రాండ్‌స్లామ్‌ టైటిల్‌ గెలిచిన తొలి రష్యా మహిళగా ఆమె ఘనత సాధించింది. తుది పోరులో ఆండ్రీవా 25 ఏస్‌లు కొట్టింది. ఏడుసార్లు ప్రత్యర్థి సర్వీసును బ్రేక్‌ చేసింది. 10 విన్నర్లు మాత్రమే కొట్టిన చ్వాలిన్‌స్కా.. 29 అనవర తప్పిదాలతో దెబ్బతింది. ప్రపంచ ర్యాంకింగ్స్‌లో 114వ స్థానంలో ఉన్న చ్వాలిన్‌స్కా.. ఫ్రెంచ్‌ ఓపెన్‌ గెలిచిన తొలి క్వాలిఫయర్‌గా నిలవాలనుకుంది. కానీ ఆండ్రీవా ముందు నిలవలేకపోయింది.

ఫైనల్లో ఇలా..: ఫైనల్‌ ఆరంభంలో ఆండ్రీవా ఒత్తిడిని ఎదుర్కొంది. రసవత్తరంగా మొదలైన తొలి సెట్లో వరుసగా నాలుగు సర్వీసులు బ్రేక్‌ కావడం విశేషం. తొలి, మూడో గేముల్లో చ్వాలిన్‌స్కా.. రెండు నాలుగో గేముల్లో ఆండ్రీవా సర్వీసు కోల్పోయారు. అయిదో గేమ్‌లో సర్వీసు నిలబెట్టుకున్న చ్వాలిన్‌స్కా 3-2తో నిలిచింది. అయితే మ్యాచ్‌ సాగుతున్నకొద్దీ పరిస్థితులకు అలవాటుపడ్డ ఆండ్రీవా.. ఆధిపత్యాన్ని ప్రదర్శించింది. ఆరో గేమ్‌లో సర్వీసు నిలబెట్టుకున్న ఆమె. తర్వాతి గేమ్‌లో బ్రేక్‌ సాధించింది. తిరిగి సర్వీసును కాపాడుకున్న ఆమె.. 9వ గేమ్‌లో బ్రేక్‌తో సెట్‌ను చేజిక్కించుకుంది. రెండో సెట్లో ఆండ్రీవా మరింత చెలరేగిపోయింది. తొలి, నాలుగో గేముల్లో బ్రేక్‌లు సాధించిన ఆమె.. 9వ గేమ్‌లో సర్వీసు నిలబెట్టుకుని 5-0తో ఆధిక్యంలో నిలిచింది. ఆండ్రీవా ఏడో గేమ్‌లో సర్వీసును చేజార్చుకున్నా.. వెంటనే బ్రేక్‌ సాధించి టైటిల్‌ గెలుచుకుంది.

జ్వెరెవ్‌ (జర్మనీ) × కొబోలి (ఇటలీ) సాయంత్రం 6.30 నుంచి

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.