కర్ణాటక మంత్రివర్గంలో ముసలం, రామలింగారెడ్డి బాటలో మరో సీనియర్ మంత్రి

కర్ణాటక మంత్రివర్గంలో కలకలం మొదలైంది. డీకే శివకుమార్ కేబినెట్ లో మంత్రులకు శాఖల కేటాయింపు కొత్త వివాదంగా మారుతోంది. శాఖల కేటాయింపుల పైన అలక బూనిన మంత్రులు రాజీనామా బాట పట్టారు. ఇప్పటికే మంత్రి పదవికి రామలింగారెడ్డి రాజీనామా చేసారు. తాజాగా అదే బాటలో మరో సీనియర్ మంత్రి నడుస్తున్నారు. తాజా పరిణామాల పైన హైకమాండ్ సీరియస్ గా ఉంది. ఎవరిని బుజ్జగించవద్దని డీకేకు తేల్చి చెప్పింది. దీంతో.. ఇప్పుడు కర్ణాటక ప్రభుత్వంలో ఏం జరుగుతుందనే ఉత్కంఠ కొనసాగుతోంది.కర్ణాటకలో కొత్తగా కొలువు తీరిన డీకే శివకుమార్ మంత్రివర్గంలో మంత్రులు అలక బూనారు. మంత్రులకు శాఖలు కేటాయించారు. తనకు కేటాయించిన శాఖ పైన ఆగ్రహంతో ఉన్న రామలింగారెడ్డి మంత్రి పదవికి రాజీనామా చేసారు. గతంలో డీకే శివకుమార్ ఇచ్చిన వాగ్దానాన్ని తుంగలో తొక్కారని, వరుసగా 8 సార్లు గెలిచిన తనను అవమానించారని ఆయన మండిపడ్డారు. బుధవారం రోజే ఆయన మంత్రిగా ప్రమాణ స్వీకారం చేయగా.. కేవలం రెండు రోజులు తిరక్కుండానే శుక్రవారం తన రాజీనామా లేఖను సమర్పించడం కన్నడ రాజకీయాల్లో సంచలనంగా మారింది. తనకు కేటాయించిన శాఖపై అసంతృప్తితో ఆయన రాజీనామా చేసినట్లు తెలుస్తోంది. సిద్ధరామయ్య కేబినెట్‌లో రవాణా శాఖ మంత్రిగా పనిచేసిన రామలింగారెడ్డి.. డీకే శివకుమార్ కేబినెట్‌లో బెంగళూరు నగరాభివృద్ధి శాఖను ఆశించారు.జనసేన నుంచి రాజ్యసభ అభ్యర్ధి ఫిక్స్, పవన్ అనూహ్య ఎంపిక..!!మంత్రుల అలక పై హైకమాండ్ సీరియస్ అయితే కేబినెట్ పునర్వ్యవస్థీకరణలో భాగంగా ఆయనకు ఇరిగేషన్ శాఖ కేటాయించారు. తనకు డీకే బెంగళూరు నగరాభివృద్ధి శాఖ కేటాయిస్తామని హామీ చెప్పారని.. ఇచ్చిన మాట తప్పడంతో మంత్రి పదవికి రాజీనామా చేస్తునట్లు రామలింగారెడ్డి ప్రకటించారు. కాగా, ఇప్పుడు మరో సీనియర్ మంత్రి మునియప్ప సైతం అదే తరహా అసహనం వ్యక్తం చేస్తున్నారు. మునియప్పకు పౌర సరఫరాల శాఖ కేటాయించారు. కాగా, మునియప్ప తనకు సాంఘిక సంక్షేమం.. వ్యవసాయ శాఖ కావాలని కోరుతున్నారు. తనకు కేటాయించిన శాఖల పైన అసహనం వ్యక్తం చేసిన ఆయన అలక బూనారు. కాగా.. అటు కాంగ్రెస్ హైకమాండ్ కర్ణాటకలో చోటు చేసుకుంటున్న పరిణామాల పైన సీరియస్ గా ఉంది. మంత్రులు అలక బూనినా ఎవరినీ బుజ్జగించే ప్రయత్నం చేయవద్దని ముఖ్యమంత్రి డీకే శివకుమార్ కు స్పష్టం చేసినట్లు తెలుస్తోంది. తాజా పరిణామాల తో కర్ణాటక ప్రభుత్వంలో ఎలాంటి పరిణామాలు చోటు చేసుకుంటాయనే ఉత్కంఠ కొనసాగుతోంది.