భారత్ లో ఫిఫా ప్రసార హక్కులు ఎవరికి దక్కాయంటే

ఇంటర్నెట్‌ డెస్క్‌: భారత ఫుట్‌బాల్‌ అభిమానులకు శుభవార్త. 2026 ఫిఫా వరల్డ్‌ కప్‌ ప్రసార హక్కులను జీ నెట్‌వర్క్‌ సోమవారం సొంతం చేసుకుంది. ఎనిమిదేళ్ల కాలానికి అంటే.. 2034 వరకు ఆ మీడియా సంస్థ ఒప్పందం కుదుర్చుకుంది. అమెరికా, కెనడా, మెక్సికో దేశాల్లో జూన్ 11 నుంచి ప్రపంచ కప్ ప్రారంభం కానుంది. దానికి కేవలం 10 రోజుల ముందు ఈ ఒప్పందం కుదిరింది. ఈ డీల్‌ ద్వారా 2034 వరకు 38 ఫీఫా ఈవెంట్‌ల ప్రసార హక్కులు జీ నెట్‌వర్క్‌కు లభించనున్నాయి. అయితే ఈ ఒప్పందానికి సంబంధించిన ఆర్థిక వివరాలను వెల్లడించలేదు. 2026, 2030 ప్రపంచకప్‌లను కవర్ చేసే ఇండియా ప్యాకేజీ కోసం ఫిఫా మొదట సుమారు 100 మిలియన్ డాలర్లను కోరింది. తర్వాత ఆ మొత్తాన్ని 60 మిలియన్ డాలర్లకు తగ్గించిందని గతంలో వార్తలు వచ్చాయి. భారతదేశంలోని ప్రముఖ క్రీడా ప్రసార సంస్థ జియోస్టార్ ఈ హక్కుల కోసం సుమారు 20 మిలియన్ డాలర్లను ఆఫర్ చేసినట్లు సమాచారం. అయితే ఫీఫా ఈ బిడ్‌ను తిరస్కరించింది. సోనీ సంస్థ కూడా ఈ హక్కుల ప్యాకేజీపై చర్చలు జరిపింది. కానీ చివరికి అది బిడ్ సమర్పించలేదు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. ఇంగ్లాండ్‌ మాజీ క్రికెటర్‌ కెవిన్‌ పీటర్సన్‌ తన బౌలింగ్‌లో