సూరజ్ స్టాల్లో జ్యూస్ లు అమ్మిన జ్యో-శివన్నారాయణ బాధ-సూరజ్ వార్నింగ్

కార్తీక దీపం 2 సీరియల్ సోమవారం ఎపిసోడ్ లో జ్యోత్స్న కోసం స్టాల్ దగ్గర వెయిట్ చేస్తుంటాడు సూరజ్. అప్పుడే జ్యోత్స్న, పారులను తీసుకొని స్టాల్ దగ్గరకు వస్తాడు కార్తీక్. బ్రదర్ టైమింగ్ సూపర్. అదిగో మన స్పెషల్ గెస్ట్ వచ్చింది అంటాడు సూరజ్. కార్తీక్, సూరజ్ హాయ్ చెప్పుకుంటారు. ఆ తర్వాత జ్యోను స్టాల్ దగ్గరకు తీసుకెళ్తాడు కార్తీక్.

సూరజ్ స్టాల్ దగ్గర జ్యోత్స్న వల్ల తప్పు జరిగిందన్నట్లు రాసిన ఫ్లెక్సీలు ఉంటాయి. అవి చూసి షాక్ అవుతుంది జ్యోత్స్న. ఈ ఫ్లెక్సీల గురించి నాకు ముందే ఎందుకు చెప్పలేదు అంటుంది జ్యోత్స్న. నీ వల్లే కదా చెడ్డపేరు వచ్చింది.. దాన్ని పోగొట్టాల్సింది కూడా నువ్వే అంటాడు కార్తీక్. మీరు చూసుకోలేదు కానీ.. సోషల్ మీడియాలో కూడా గట్టిగానే పబ్లిసిటీ చేశాం అంటాడు కార్తీక్.

జ్యోత్స్నని షాప్ లో పని చేసే అమ్మాయిలా రెడీ చేస్తారు సూరజ్ , కార్తీక్. షాప్ లో జ్యోత్స్న జ్యూస్ లు తయారు చేసి, సర్వ్ చేస్తుంది. ఆ ఫోటోలను శివన్నారాయణకు పంపిస్తాడు కార్తీక్.

మనుమరాలి ఫోటోలు చూసి బాధపడతాడు శివన్నారాయణ. ఈ ఇంటి వారసురాలు ఎలాంటి పరిస్థితి తెచ్చుకుందో చూడండి. అని సుమిత్ర వాళ్లకు ఆ ఫోటోలను చూపిస్తాడు. సూరజ్ రివేంజ్ కోసం ఈ పని చేసినట్లు అనిపించలేదని అంటారు దీప, కాంచన. తనకి బుద్ధి రావాలంటే ఇలాంటివి చేయించాల్సిందే అంటారు దశరథ, సుమిత్ర.

మరోవైపు పనిచేస్తున్న జ్యోత్స్నను చూసి బాధపడుతుంది పారు. కార్తీక్ ని పిలిచి దానికోసం ఒక కూలర్ పెట్టించురా అంటుంది. ఇది శివన్నారాయణ బడ్జెట్ కాదు. సూరజ్ బడ్జెట్... నో కూలర్, నో ఏసీ. పని చేయాల్సిందే అంటాడు కార్తీక్. కాస్త నవ్వుతూ కస్టమర్లను పిలువు అని జ్యోతో అంటాడు కార్తీక్. నేను అలా చేయలేను అంటుంది జ్యోత్స్న. కస్టమర్లని పిలవకపోతే ఈవినింగ్ వరకు ఇక్కడే పనిచేయాలి అంటాడు సూరజ్.

సూరజ్ హెల్తీ ఫుడ్స్ గురించి 4 మంచి మాటలు చెప్తుంది జ్యోత్స్న. అప్పుడే ఓ కస్టమర్ వచ్చి జ్యూస్ అడుగుతాడు. ఈ స్టాల్ ముందు అన్నీ నీ ఫొటోలే ఉన్నాయేంటి అని అడుగుతాడు కస్టమర్. స్టాల్ పెట్టుకునేదానిలా కనిపిస్తున్నానా అంటుంది జ్యోత్స్న. అవును అని నిర్మోహమాటంగా చెప్పేస్తాడు కస్టమర్. అతనితో గొడవ పడుతుంది జ్యోత్స్న. స్పెషల్ జ్యూస్ అని చెప్పి మిక్సీలో అన్నీ వేసి తయారు చేసిన జ్యూస్ ఇవ్వబోతుంది జ్యోత్స్న. అడ్డుకుంటాడు సూరజ్. అతని కోసం వేరే జ్యూస్ తయారు చేసి ఇస్తాడు.

కాసేపటికి ఇప్పటివరకు నీ షాప్ లో పనిచేయడమే చాలా ఎక్కువ అని ఆప్రాన్ తీసి విసురుకొట్టి కారు ఎక్కుతుంది జ్యోత్స్న. కారు దగ్గరికి వెళ్లిన సూరజ్.. కాలం ఎప్పుడూ మనకు అనుకూలంగా ఉంటుందని అనుకోవద్దు. నిన్న మీది, ఈ రోజు నాది. మరోసారి నా జోలికి రావద్దని జ్యోకు వార్నింగ్ ఇస్తాడు. అక్కడితో నేటి కార్తీక దీపం 2 సీరియల్ ఎపిసోడ్ ముగుస్తుంది.