ఐరన్ లోపం.. మైగ్రేన్ కు కారణమవుతుందా

ఇంటర్నెట్ డెస్క్: ఇటీవల కాలంలో చాలా మందిని వేధిస్తున్న ఆరోగ్య సమస్యల్లో మైగ్రేన్, రక్తహీనత (అనీమియా) ప్రధానమైనవి. తాజాగా వెలువడిన ఓ అధ్యయనం ప్రకారం.. ఐరన్ లోపం వల్ల వచ్చే రక్తహీనతకు, మైగ్రేన్ తలనొప్పికి మధ్య సంబంధం ఉండే అవకాశం ఉందని పరిశోధకులు చెబుతున్నారు. అయితే, రక్తహీనతే మైగ్రేన్‌కు నేరుగా కారణమని మాత్రం ఈ అధ్యయనం నిర్ధారించలేదు. కానీ ఈ రెండింటి మధ్య సంబంధం ఉండొచ్చని సూచించింది.

పబ్‌మెడ్‌లో ప్రచురితమైన అధ్యయనం ప్రకారం.. శరీరంలో ఐరన్ లోపం ఎక్కువగా ఉన్నవారిలో మైగ్రేన్ సమస్య కనిపించే అవకాశం అధికంగా ఉంది. హిమోగ్లోబిన్ స్థాయిలు తగ్గిపోవడంతో మెదడుకు అవసరమైనంత ఆక్సిజన్ అందకపోవడం వల్ల మైగ్రేన్ వచ్చే అవకాశం ఉంటుందని పరిశోధకులు భావిస్తున్నారు. అయితే దీనిపై మరింత పరిశోధన అవసరమని కూడా వారు పేర్కొన్నారు.

వెలుతురు లేదా పెద్ద శబ్దాన్ని తట్టుకోలేకపోవడం

రోజూ ఐరన్ ఎక్కువగా ఉండే ఆహారాలు తీసుకోవాలి. ఆకుకూరలు, పప్పులు, బీన్స్, బెల్లం, ఎండు పండ్లు వంటి ఆహారాలను ఆహారంలో చేర్చుకోవడం మంచిది. అలాగే తగినంత నీరు తాగడం, సరిపడా నిద్రపోవడం, ఒత్తిడిని తగ్గించుకోవడం కూడా అవసరం. తరచూ తలనొప్పి లేదా రక్తహీనత లక్షణాలు కనిపిస్తే వెంటనే వైద్యులని సంప్రదించాలి. వైద్యుల సలహా లేకుండా మందులు వాడకూడదు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

తులసి ఆకులు నమిలితే కిడ్నీ స్టోన్స్ కరిగిపోతాయా?

ఈ డ్రై ఫ్రూట్స్‌ను మితంగా తినాలి.. ఎక్కువగా తింటే డేంజర్