పోలీస్ కొలువుల జాతర.. 7 వేల పోస్టుల భర్తీకి తెలంగాణ సర్కార్ గ్రీన్ సిగ్నల్

ఈ భారీ రిక్రూట్‌మెంట్‌లో భాగంగా అ పోలీస్, జైళ్లు, అగ్నిమాపక శాఖ, అలాగే స్పెషల్ ప్రొటెక్షన్ ఫోర్స్ వంటి విభాగాల్లో ఖాళీలను భర్తీ చేయనుంది. మొత్తం 7వేల పోస్టులలో ఇప్పటికే 5వేల పోస్టుల భర్తీకి సంబంధించిన జీవోలను జారీ చేసింది. మిగిలిన 2వేల పోస్టులకు సంబంధించిన జీవోలు కూడా నేడో రేపో వెలువడనున్నాయని అధికార వర్గాల సమాచారం. ఈ పోస్టుల భర్తీకి సంబంధించి ఆర్థిక శాఖ అనుమతులు కూడా ఇప్పటికే లభించాయి.

ఆర్థిక శాఖ గ్రీన్ సిగ్నల్ ఇవ్వడంతో, తెలంగాణ రాష్ట్ర స్థాయి పోలీస్ నియామక మండలి (టీఎస్ఎల్‌పీఆర్‌బీ) సమగ్ర నోటిఫికేషన్ జారీ చేయడానికి సన్నద్ధమైంది. ఒకటి రెండు రోజుల్లోనే.. అభ్యర్థుల వయోపరిమితి, విద్యార్హతలు, శారీరక ప్రమాణాలు, సిలబస్, పరీక్షల నిర్వహణ తేదీలతో కూడిన పూర్తి వివరాలనుటీఎస్ఎల్‌పీఆర్‌బీ తన అధికారిక వెబ్‌సైట్‌లో అందుబాటులో ఉంచనుంది. గత కొంతకాలంగా రాష్ట్రంలో కొత్త పోలీస్ నోటిఫికేషన్లు విడుదల చేయాలని, వయోపరిమితి సడలించాలని నిరుద్యోగ అభ్యర్థులు డిమాండ్ చేస్తున్న సంగతి తెలిసిందే.

నిర్మాత బండ్ల గణేష్‌ ఆస్తి వేలంపై హైకోర్టు సంచలన తీర్పు.!

లాహోర్ లో విదేశీ మహిళలపై సామూహిక అత్యాచారం.. పాక్ ఉప ప్రధాని సమీప బంధువు అరెస్ట్.!

.