కొలెస్ట్రాల్ మలబద్ధకం బరువు తగ్గడానికి సింపుల్ చిట్కా, మన వంటగదిలో ఉండే నల్ల నువ్వులు చాలు

ఆనాటి నుంచి నేటి ఆధునిక జీవనశైలిలో తలెత్తే అనేక ఆరోగ్య సమస్యలకు కూడా ఇవి సహజ సిద్ధమైన పరిష్కారం. ముఖ్యంగా నిరంతం పొట్ట సమస్యలతో బాధపడేవారికి, బరువు తగ్గాలనుకునే వారికి ఇవి సంజీవనిలా పనిచేస్తాయి. రోజూ ఒక స్పూన్‌ నల్ల నువ్వులను మన ఆహారంలో భాగం చేసుకోవడం వల్ల ఊబకాయం సమస్య బారిన పడకుండా ఉండటమే కాకుండా జీర్ణక్రియ సైతం సాఫీగా జరుగుతుంది. గ్యాస్‌, కడుపు ఉబ్బరం వంటి సమస్యలకు ఉపశమనం కలిగిస్తుంది. ఇక శరీరంలోని చెడు కొవ్వును తగ్గించడంలోనూ, ఎముకలను దృఢంగా మార్చడంలోనూ ఇవి అద్భుతంగా దోహదపడతాయని సైన్స్‌ డైరెక్ట్‌ అధ్యయనం పేర్కొంది. ఈ నేపథ్యంలో కెమికల్‌ మందుల కంటే ప్రకృతి ప్రసాదించిన ఈ నల్లటి ముత్యాల వల్ల శరీరానికి కలిగే ప్రయోజనాలను తెలుసుకుందాం..నల్ల నువ్వులు తినడం వల్ల ఉపయోగాలు ఎముకలకు బలం గుండె ఆరోగ్యానికి మేలు చేస్తుంది చెడు కొలెస్ట్రాల్ తగ్గుతుంది చర్మం, జుట్టు సంరక్షణకు ఉపయోగం రోగనిరోధక శక్తి పెరుగుతుంది జీర్ణక్రియ మెరుగుపడుతుంది బరువు తగ్గడానికి తోడ్పడుతాయిబరువు తగ్గడానికి నల్ల నువ్వుల్లో ఉండే పోషకాలు శరీరంలో అదనపు కొవ్వును కరిగించడానికి సహాయపడతాయని JFF అధ్యయనం పేర్కొంది. నువ్వుల్లో లిగ్నాన్స్‌ అనే సమ్మేళనాలు మెండుగా ఉంటాయి. ఇవి శరీరంలో కొవ్వును కరిగించే కాలేయ ఎంజైములను ప్రేరేపిస్తాయి. దీని వల్ల శరీరంలో ఫ్యాట్‌ బర్నింగ్‌ ప్రక్రియ వేగవంతమవుతుంది. అంతే కాకుండా నల్ల నువ్వుల్లో ప్రొటీన్లు, పీచు పదార్థం పుష్కలంగా ఉంటాయి.నల్లనువ్వులు తిన్న తర్వాత కడుపు నిండిన అనుభూతిని కలిగిస్తాయి. దీంతో పదే పదే ఆహారం తీసుకోవాలనే కోరిక తగ్గి కేలరీల నియంత్రణ సులభమవుతుంది. ఇక నల్ల నువ్వుల్లో ఉండే ఒమేగా-3 ఫ్యాటీ యాసిడ్స్‌ శరీర జీవక్రియలను వేగవంతం చేసి బరువు తగ్గడానికి దోహదపడతాయి. జీర్ణక్రియ సాఫీగా జరగడానికి పొట్ట సమస్యలతో బాధపడేవారికి నల్ల నువ్వులు మంచి సహజ సిద్ధమైన పరిష్కారం. ముఖ్యంగా నల్ల నువ్వుల పైన ఉండే పొట్టులో పీచు పదార్థం పుష్కలంగా ఉంటుంది. ఇది జీర్ణవ్యవస్థను శుభ్రపరిచి పేగుల కదలికలను సాఫీగా ఉంచుతుంది. దీని వల్ల మలబద్ధకం సమస్య పూర్తిగా తగ్గుతుంది. గ్యాస్‌ సమస్యకు ఆయుర్వేదం ప్రకారం నల్ల నువ్వులు శరీరంలో వాత దోషాన్ని తగ్గిస్తాయి. పొట్టలో గ్యాస్‌ చేరడం అనేది వాత దోషం వల్లే జరుగుతుంది. అయితే నువ్వులను తీసుకోవడం వల్ల జీర్ణరసాలు సరిగా ఊరి గ్యాస్‌, కడుపు ఉబ్బరం సమస్య తగ్గేందుకు దోహదపడతాయి. అంతే కాకుండా ఇందులో ఉండే ఆరోగ్యకరమైన ఆయిల్స్‌ ప్రేగులకు లూబ్రికేషన్‌లా పనిచేసి ఆహారం సులభంగా అరగడానికి సహాయపడతాయి. కొలెస్ట్రాల్‌ సమస్యకు నల్ల నువ్వులు శరీరంలో పెరిగిపోయే చెడు కొలెస్ట్రాల్‌ (LDL) సమస్యకు నల్ల నువ్వులు ఒక అద్భుతమైన సహజ నివారిణిగా పనిచేస్తాయి. గుండె నాళాల్లో కొవ్వు చేరకుండా కాపాడటంలో దోహదపడతాయి. ఇందులో ఉండే లిగ్నాన్స్‌ అనే ప్రత్యేకమైన ఫైబర్‌ కాలేయం కొలెస్ట్రాల్‌ సమస్యను తగ్గించడమే కాకుండా మనం తినే ఆహారం నుంచి చెడు కొలెస్ట్రాల్‌ను గ్రహించకుండా అడ్డుకుంటుంది.వీటిలో ఆరోగ్యకరమైన కొవ్వులు పుష్కలంగా ఉంటాయి. ఇవి శరీరంలో మంచి కొలెస్ట్రాల్‌ను పెంచి రక్తనాళాలు గట్టిపడకుండా చూస్తాయి. ఇందులో ఉండే మెగ్నీషియం రక్తనాళాలను రిలాక్స్‌ చేస్తుంది. తద్వారా రక్తప్రసరణ సాఫీగా జరిగి కొలెస్ట్రాల్‌ వల్ల గుండెపై పడే ఒత్తిడి తగ్గుతుంది. నల్ల నువ్వులను ఎలా ఉపయోగించాలి? నల్ల నువ్వులను కొంచెం దోరగా వేయించి పొడి చేసి పెట్టుకోండి. రోజూ ఉదయం ఒక గ్లాస్‌ గోరువెచ్చటి నీటిలో ఒక స్పూన్‌ పొడి వేసుకుని, కొద్దిగా తేనె కలుపుకుని తాగితే జీర్ణక్రియ మెరుగవుతుంది. బరువు కూడా తగ్గొచ్చు. రోజూ ఉదయం పరగడుపున ఒక టీ స్పూన్‌ నల్ల నువ్వులను బాగా నమిలి తినాలి. ఆపై కొంచెం గోరువెచ్చని నీళ్లు తాగడం వల్ల పోషకాలు శరీరానికి బాగా అందుతాయి. ఒక స్పూన్‌ నల్ల నువ్వులను రాత్రంతా నీటిలో నానబెట్టి ఉదయాన్నే ఆ నీటిని మరిగించి వడకట్టుకుని తాగొచ్చు. ఈ విషయాలను మరిచిపోవద్దు నల్ల నువ్వుల్లో కేలరీలు ఎక్కువగా ఉంటాయి. కాబట్టి రోజూ 1 టీ స్పూన్‌ మాత్రమే తీసుకోవాలి. ఎక్కువ తీసుకోకూడదు. నువ్వులు శరీరంలో వేడిని పెంచుతాయి. ముఖ్యంగా గర్భిణీ స్త్రీలు వీటిని తీసుకోకపోవడమే మంచిది. ఒకవేళ తీసుకోవాలనుకుంటే డాక్టర్‌ సలహా మేరకు మాత్రమే తీసుకోండి. అంతేకానీ సొంతంగా ప్రయోగం చేయవద్దు.ముఖ్య గమనిక: ఈ కథనంలోని సమాచారం కేవలం అవగాహన కోసం మాత్రమే. వీటిని పాటించే ముందు డాక్టర్ సలహా తీసుకోవడం మంచిది. అలాగే వీటిని ఎంత వరకు పాటించాలనేది, విశ్వసించాలనేది పూర్తిగా మీ వ్యక్తిగత విషయం. సమయం తెలుగు వీటిని ధృవీకరించడం లేదు.