టాక్ యావరేజ్ .. కలెక్షన్స్ సూపర్ హిట్ .. మరి దృశ్యం 4’ ఉంటుందా

ఇంటర్నెట్‌డెస్క్‌: మోహన్‌లాల్‌ (Mohanlal) కీలక పాత్రలో జీతూ జోసెఫ్‌ దర్శకత్వంలో వచ్చిన తాజా క్రైమ్‌ మిస్టరీ థ్రిల్లర్‌ ‘దృశ్యం3’ (Drishyam 3). గతం చిత్రాలకు కొనసాగింపుగా ఈ మూవీని తీర్చిదిద్దారు. మలయాళంతో పాటు, తెలుగులోనూ విడుదలైన ఈ సినిమా మిశ్రమ స్పందనలకే పరిమితమైంది. మరీ ముఖ్యంగా ప్రథమార్ధమంతా సాగదీత వ్యవహారమంటూ సమీక్షకులు, విమర్శకులు అభిప్రాయం వ్యక్తం చేశారు. కానీ అవేవీ ‘దృశ్యం3’ వసూళ్లను ఆపలేకపోయాయి. ద్వితీయార్ధం, ముఖ్యంగా చివరి గంట కథ, కథనాలను ఆసక్తికరంగా థ్రిల్‌ పంచేలా నడపడంలో జీతూ మార్క్‌ కనపడింది. అదే ఇప్పుడు ఈ మూవీని నిలబెట్టింది. వసూళ్లలో సరికొత్త రికార్డులు సృష్టిస్తోంది. ప్రపంచ వ్యాప్తంగా ఈ మూవీ రూ.200 కోట్లకు పైగా రాబట్టి, అత్యధిక వసూళ్లు మలయాళ చిత్రాల్లో ఒకటిగా నిలిచింది.

మే 21న ప్రేక్షకుల ముందుకు వచ్చిన ఈ మూవీ తాజాగా భారత్‌లో రూ.105 కోట్లు (గ్రాస్‌) రాబట్టింది. శనివారం దేశవ్యాప్తంగా 2,570 షోలు పడగా, రూ.5.05 కోట్లు వచ్చాయి. ఓవర్సీస్‌లోనూ ఈ మూవీని ప్రేక్షకులు ఆదరిస్తున్నారు. ప్రపంచవ్యాప్తంగా రూ.113.75 కోట్లు వసూలు చేయగా, మొత్తం రూ.219 కోట్లకు పైగా రాబట్టింది. తాజా వసూళ్లతో అత్యధిక కలెక్షన్స్‌ రాబట్టిన మలయాళ చిత్రాల్లో ఆరోస్థానంలో నిలిచింది. రూ.303 కోట్లతో ఇప్పటికీ ‘కొత్తలోక: చాప్టర్‌1’ టాప్‌లో ఉండటం గమనార్హం.

‘దృశ్యం3’ బాక్సాఫీస్‌ వద్ద విజయవంతమైతే ‘దృశ్యం 4, 5’ కూడా రావొచ్చని మోహన్‌లాల్‌, దర్శకుడు జీతూ జోసెఫ్‌ పలు వేదికలపై అభిప్రాయం వ్యక్తం చేశారు. అన్నట్లుగా ప్రస్తుతం ‘దృశ్యం3’ బాక్సాఫీస్‌ వద్ద జోష్‌ చూపిస్తోంది. ఈ క్రమంలో నాలుగో భాగం వచ్చే అవకాశాన్ని కొట్టిపారేయలేం. అయితే, ఇప్పటికిప్పుడే అది సాధ్యమయ్యే పని కాదు. ప్రస్తుతం విజయాన్ని ఆస్వాదిస్తున్న చిత్ర బృందం నుంచి కూడా ఎలాంటి ప్రకటనా రాలేదు. అలాగని, చెప్పిన కథే మళ్లీ చెప్పి పిప్పి పిప్పి చేసి, చివరో ఓ ట్విస్ట్‌తో ముగిస్తానంటే కుదరదు. చూద్దాం..! దేనికైనా కాలమే సమాధానం చెబుతుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

కృష్ణ జయంతిని పురస్కరించుకుని ‘శ్రీనివాస మంగాపురం’ టీమ్‌.. ఈ మూవీ గ్లింప్స్‌ను విడుదల చేసింది.

అజిత్‌ ఇంటికి సీఎం విజయ్‌, త్రిష కలిసి వెళ్లారు. సంబంధిత వీడియో నెట్టింట వైరల్‌గా మారింది.

For digital advertisements Contact : 040 - 23318181 eMail: marketing@eenadu.in

© 1999 - 2026 Ushodaya Enterprises Pvt.Ltd,All rights reserved.

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.

This website follows the DNPA Code of Ethics.