కేవలం సాయంత్రం రెండుమూడు గంటలే వ్యాపారం.. అయినా నెలకి రూ.30 వేలు సంపాదించవచ్చు

ఈ సమయంలో ఓ చిన్న టేబుల్ పై ఉడికించిన పప్పులు (గుడాలు లేదా మొలకెత్తిన విత్తనాలు) అమ్ముతూ కొంతమంది యువత కలిపిస్తుంటారు. అయితే ఇది చూడటానికి చిన్న వ్యాపారంలా అనిపించినా, తక్కువ పెట్టుబడితో రోజూ మంచి లాభాలు తెచ్చిపెడుతుంది. సరిగ్గా ప్లాన్ చేసి ఈ బిజినెస్‌తో నెలకు రూ.30,000 వరకు సంపాదించేవాళ్లు ఉన్నారు. మీరుకూడా చిన్నగా ఏదైనా వ్యాపారం ప్రారంభించాలని అనుకుంటే ఈ బిజినెస్ ట్రై చేయవచ్చు.

ఉడికించిన పప్పుల వ్యాపారంలో అతిపెద్ద ప్లస్ పాయింట్ తక్కువ పెట్టుబడే.

ప్రారంభ పెట్టుబడి : ఒక చిన్న తోపుడు బండి లేదా టేబుల్, స్టీల్ గిన్నెలు, స్టవ్, ముడిసరుకులకు (శనగలు, బఠాణీ, మసాలాలు) కలిపి రూ.5,000 నుంచి రూ.10,000 వరకు చాలు.

లాభం : పప్పుల ఉడికించడానికి (మసాలా, గ్యాస్ ఖర్చులతో కలిపి) సుమారు రూ.80 నుంచి రూ.100 ఖర్చవుతుంది. దాన్ని చిన్న ప్లేట్లలో అమ్మితే రూ.300 నుంచి రూ.400 వరకు వస్తుంది. అంటే ఇందులో 60% నుంచి 70% నికర లాభమే ఉంటుంది.

రోజుకు సగటున 50 ప్లేట్ల ఉడికించిన పప్పులు అమ్ముతున్నారనుకోండి. ఒక ప్లేట్ ధర రూ.30 అనుకుంటే..

నెలవారీ లాభం: రూ.900 x 30 రోజులు = రూ.27,000 నుంచి రూ.30,000 వరకు.

సాయంత్రం 4 నుంచి రాత్రి 7-8 గంటల వరకు అంటే రోజుకి 3-4 గంటలు కష్టపడితే ఈ ఆదాయం సంపాదించవచ్చు.

సాయంత్రం పూట జనం ఎక్కువగా ఉండే బస్టాండ్లు, పార్కులు, స్కూళ్లు/కాలేజీలు లేదా థియేటర్ల దగ్గర బండి పెట్టాలి.

శుభ్రత: ఈ రోజుల్లో జనం రుచి కన్నా శుభ్రతకే ఎక్కువ ప్రాధాన్యం ఇస్తున్నారు. చేతులకు గ్లౌజులు, తలకు క్యాప్ పెట్టుకుని, ఈగలు వాలకుండా ఉడికించిన పప్పులు అమ్మాలి. మూసివుంచిన గాజు బాక్సులో వీటిని పెట్టి అమ్మవచ్చు… దీంతో కస్టమర్లకు కూడా పప్పులు శుభ్రంగా ఉన్నాయనే నమ్మకం వస్తుంది. ఇది మీ వ్యాపారానికి విలువను పెంచుతుంది.

ఉడికించిన పప్పుల వ్యాపారం పెట్టుబడిలో చిన్నది, కానీ లాభంలో పెద్దది. "వ్యాపారం చేయడానికి సిగ్గుపడకూడదు" అనే ఆలోచన, కస్టమర్లను నవ్వుతూ పలకరించే గుణం ఉంటే చాలు. ఈ చిన్న వ్యాపారమే మిమ్మల్ని ఒక విజయవంతమైన వ్యాపారవేత్తగా మారుస్తుందనడంలో సందేహం లేదు.