మైత్రీ మూవీ మేకర్స్ 4వ తమిళ చిత్రం ప్రారంభం.. హీరో ఎవరంటే
Chitrajyothy
పాన్-ఇండియా నిర్మాణ సంస్థగా వరుస సినిమాలతో దూసుకెళుతోన్న ‘మైత్రీ మూవీ మేకర్స్’.. కేవలం తెలుగు పరిశ్రమకే పరిమితం కాకుండా ఇతర భాషల్లోనూ భారీ ప్రాజెక్ట్స్ను నిర్మిస్తోంది.
ఈ క్రమంలో ఈ సంస్థ నాల్గవ తమిళ చిత్రాన్ని అధికారికంగా ప్రకటించింది.
పాన్-ఇండియా నిర్మాణ సంస్థగా వరుస సినిమాలతో దూసుకెళుతోన్న ‘మైత్రీ మూవీ మేకర్స్’ (Mythri Movie Makers).. కేవలం తెలుగు పరిశ్రమకే పరిమితం కాకుండా ఇతర భాషల్లోనూ భారీ ప్రాజెక్ట్స్ను నిర్మిస్తోంది. ఈ క్రమంలో ఈ సంస్థ నాల్గవ తమిళ చిత్రాన్ని (MythriTamil04) అధికారికంగా ప్రకటించింది. చియాన్ విక్రమ్ తనయుడు ధృవ్ విక్రమ్ (Dhruv Vikram) హీరోగా నటిస్తోన్న ఈ మూవీ అతనికి కూడా నాల్గవ చిత్రం కావడం విశేషం. పూర్తి స్థాయి కమర్షియల్ ఎంటర్టైనర్గా రూపుదిద్దుకోనున్న ఈ చిత్రానికి కరణ్ అరవింద్ కుమార్ (Karan Arvind Kumar) దర్శకుడు. ఈ చిత్రం తాజాగా పూజా కార్యక్రమాలను జరుపుకుని అధికారికంగా ప్రారంభమైంది.
చెన్నైలోని MRC నగర్ మైత్రీ ఆఫీస్లో ఈ మూవీ పూజా కార్యక్రమాలను గ్రాండ్గా నిర్వహించారు. ఈ ప్రారంభోత్సవ కార్యక్రమానికి చిత్ర బృందంతో పాటు పలువురు ప్రముఖులు అతిథులుగా హాజరయ్యారు. ధృవ్ విక్రమ్, దర్శకుడు కరణ్ అరవింద్ కుమార్, చిత్ర బృందంతో కలిసి ఈ ప్రారంభోత్సవంలో పాల్గొన్నారు. ముహూర్తపు షాట్కు దర్శకుడు కీర్తిశ్వరన్ క్లాప్ కొట్టగా.. దర్శకులు అధిక్ రవిచంద్రన్, రవికుమార్, కీర్తిశ్వరన్, ఆంటోనీ భాగ్యరాజ్, రాజా, శశి, ‘హాయ్ నాన్న’ ఫేమ్ శౌర్యువ్ ఈ ప్రారంభోత్సవ వేడుకకు హాజరై.. టీమ్కు శుభాకాంక్షలు తెలిపారు.
నవీన్ యెర్నేని, వై. రవి శంకర్ నిర్మిస్తోన్న ఈ చిత్రంలో ధృవ్ విక్రమ్ పూర్తిగా మాస్-ఓరియెంటెడ్ అవతార్లో కనిపించనున్నారు. నటనకు ప్రాధాన్యతనిచ్చే పాత్రలతో ప్రయోగాలు చేసే హీరోగా పేరు తెచ్చుకున్న ధృవ్.. ఇప్పుడు మాస్ ప్రేక్షకులను ఆకట్టుకునేలా రూపొందనున్న ఒక కమర్షియల్ ఎంటర్టైనర్ కోసం సిద్ధమయ్యారు. కరణ్ అరవింద్ కుమార్, సబీతో కలిసి ఈ చిత్రానికి స్క్రీన్ప్లేను కూడా అందించారు. ఈ చిత్రానికి సినిమాటోగ్రఫీని వికీ నిర్వహించనుండగా, జయసూర్య ఎడిటర్. కాస్ట్యూమ్ డిజైనర్ ప్రవీణ్ రాజా, ప్రొడక్షన్ డిజైనర్ జి.ఎం. శేఖర్, యాక్షన్ కొరియోగ్రాఫర్ విక్రమ్ మోర్ బాధ్యతలను నిర్వహించనున్నారు. ప్రస్తుతం ఈ మూవీ పూజా కార్యక్రమానికి సంబంధించిన ఫొటోలు సోషల్ మీడియాలో వైరల్ అవుతున్నాయి.
దర్శకుడు మెహర్ రమేష్ కుమార్తె పెళ్లిలో చిరు, వెంకీ, పవన్ సందడి
‘జాంబి రెడ్డి 2’ ఫస్ట్ షెడ్యూల్ పూర్తి.. దర్శకుడెవరో తెలుసా?
వెంకీ కోసం చేసిన పాటలు.. ఉదయ్ కిరణ్ సినిమాకు వాడేశారు