హోటల్ లో ఉండే కెటిల్ లో మ్యాగీ చేసే అలవాటు ఉందా? ఇది తెలిస్తే..మళ్లీ ఆ పనిచేయరు

కానీ, హోటల్స్ లో స్టే చేసేటప్పుడు చాలా జాగ్రత్తగా ఉండాలని నిపుణులు హెచ్చరిస్తున్నారు. ముఖ్యంగా హోటల్ లో ఫ్రీగా ఇచ్చే కొన్ని వస్తువులు, వాడుకోవడానికి ఉంచే వస్తువులను వాడే సమయంలో చాలా జాగ్రత్తగా ఉండాలి.

దాదాపు చిన్నా, పెద్దా అన్ని హోటల్స్ లో కెటిల్స్ ని ఉంచుతారు. ఆ కెటిల్ లో హాట్ వాటర్ పెట్టుకొని.. దానితో టీ, కాఫీ లాంటివి కలుపుకుంటూ ఉంటాం. ఇక చాలా మంది ఫుడ్ బిల్లు మిగుల్చుకోవాలి అని.. కెటిల్ లో.. మ్యాగీ లాంటివి వండుకొని హ్యాపీగా తింటూ ఉంటారు. కానీ.. మనం శుభ్రంగా ఉంది అని.. మ్యాగీ లాంటివి చేసుకొని తినే కెటిల్ లో.. ఎలాంటి పనులు చేస్తారో తెలిస్తే.. ఇంకోసారి మీరు మ్యాగీ కూడా తినరు.

ఓ నివేదిక ప్రకారం, చాలా మంది హోటల్ లో ఇచ్చిన కెటిల్స్ ని కేవలం నీటిని మరిగించడానికి మాత్రమే కాదు..చిన్న చిన్న వస్తువులను ముఖ్యంగా... లో దుస్తులను ఉతకడానికి ఉపయోగిస్తారని మీకు తెలుసా? ఓ సర్వేలో దాదాపు 23 శాతం మంది తాము హోటల్ రూమ్స్ లో ఇచ్చే కెటిల్ లో.. లో దుస్తులను ఉతుకుతాం అని అంగీకరించారు. మరో 30 శాతం మంది ఇన్ స్టాంట్ నూడిల్స్ చేసుకుంటాం అని చెప్పారు. అందుకే.. ఈసారి నూడిల్స్ కెటిల్ లో వండుకొనేటప్పుడు జాగ్రత్తగా ఉండాలి.

చాలా మంది హోటల్ గదిలోకి అడుగుపెట్టగానే.. మొదటగా టీవీ రిమోట్ వాడతారు. కానీ, హౌస్ కీపింగ్ సిబ్బంది దుప్పట్లు, బాత్రూమ్ లను శుభ్రం చేసినట్లుగా రిమోట్స్ ని శుభ్రం చేయరు. అందుకే, ఆ రిమోట్లపై టాయిలెట్ ఖంటే ఎక్కువ బ్యాక్టీరియా ఉంటుంది. మీరు ఈ రిమోట్ వాడేటప్పుడు సానిటైజ్ చేసి వాడటం చాలా ముఖ్యం.

హోటల్స్ రూమ్ లో బెడ్ పక్కన ఉండే స్విచ్ బోర్డును దాదాపు అందరూ తాకుతూ ఉంటారు. రాత్రి పడుకునే ముందు.. ఉదయం లేవగానే ఈ స్విచ్ బోర్డునే పట్టుకుంటాం. కానీ.. ఈ స్విచ్ లను కూడా చాలా అరుదుగా శుభ్రం చేస్తారు. వీటిపై కూడా చాలా ఎక్కువగా బ్యాక్టీరియా పెరగకుండా చూసుకోవాలి.

కొన్ని హోటల్స్ లో.. హెయిర్ డ్రెయ్యర్ సౌఖర్యం కూడా ఉంటుంది. కానీ.. చాలా మంది బాత్రూమ్ లో ఉంచిన హెయిర్ డ్రెయ్యర్లను తడి చేతులతో వాడతారు. బాత్రూమ్ లోని తేమతో కూడిన వాతావరణం కారణంగా..వాటిలో బ్యాక్టీరియా ఎక్కువగా పెరిగిపోయే ప్రమాదం ఉంది. కాబట్టి.. వాటిని కూడా వాడకపోవడమే మంచిది.