వొడాఫోన్ నుంచి కొత్త ప్లాన్.. ఏడాదంతా అన్ లిమిటెడ్ డేటా, అన్ లిమిటెడ్ కాల్స్.. రోజుకు రూ.12.6 మాత్రమే

ఒక్కసారి రీఛార్జ్ చేస్తే ఏడాది మొత్తం ప్లాన్ కొనసాగడమే కాదు రోజుకు అపరిమిత డేటా, అపరిమిత కాల్స్ సైతం లభిస్తాయని తెలిపింది. ఇందుకోసం తమ యూజర్లు ఖర్చు చేసేందుకు రోజుకు కేవలం రూ. 12.60 మాత్రమే అవుతుందని పేర్కొంది. మరి ఈ సరికొత్త రీఛార్జ్ ప్లాన్ గురించిన వివరాలు ఇప్పుడే మనం తెలుసుకుందాం. రూ. 4600 తో వార్షిక ప్రీపెయిడ్ ప్లాన్‌ను తీసుకొచ్చింది. అన్‌లిమిటెడ్ కాల్స్, అన్‌లిమిటెడ్ డేటాతో దేశవ్యాప్తంగా ఉన్న 5జీ, 4జీ యూజర్లకు ఈ సరికొత్త ప్లాన్ అందుబాటులోకి తెచ్చినట్లు వీఐ తెలిపింది. అయితే, ప్రస్తుతం కొన్ని సర్కిల్లలోనే ఈ కొత్త ప్లాన్ అందుబాటులోకి వచ్చింది. అతి త్వరలోనే అన్ని సర్కిళ్లకూ విస్తరిస్తామని కంపెనీ వెల్లడించింది. రూ. 4600 రీఛార్జ్ ప్లాన్ 365 రోజుల వ్యాలిడిటీ కలిగి ఉంటుంది. దీంతో పాటు రోజూ అన్‌లిమిటెడ్ డేటా, అన్‌లిమిటెడ్ వాయిస్ కాల్స్ లభిస్తాయి. వీటితో పాటు రోజుకు 100 ఎస్ఎంఎస్‌లు సైతం వస్తాయి. వ్యక్తిగత, నాన్ కమర్షియల్ వినియోగానికి మాత్రమే ఈ కొత్త ప్లాన్ అందుబాటులో ఉంటుందని వీఐ ఓ ప్రకటనలో తెలిపింది. 5జీ నెట్‌వర్క్ కవరేజీ ఉన్న ప్రాంతంలో 5జీ అన్‌లిమిటెడ్ డేటా లభిస్తుంది. ఈ అన్‌లిమిడెట్ డేటాపై రోజువారీ లిమిట్ ఏమీ లేకపోయినా 28 రోజులకు గరిష్ఠంగా 300 జీబీ వరకు మాత్రమే డేటా వినియోగించుకునే అవకాశం ఉంటుంది. ఈ పరిమితి దాటితే ఇంటర్నెట్ స్పీడ్ తగ్గిపోతుంది. ఈ ప్లాన్ కోసం యూజర్లు రోజుకు కేవలం రూ. 12.60 చొప్పున మాత్రమే ఖర్చు చేస్తున్నట్లవుతుందని కంపెనీ పేర్కొంది. 6 నెలల వ్యాలిడిటీ ప్లాన్వార్షిక ప్లాన్‌తో పాటుగా అర్ధ వార్షిక (6 నెలలు) వ్యాలిడిటీతో మరో ప్లాన్ సైతం వొడాఫోన్ ఐడియా లాంచ్ చేసింది. రూ. 2475 ప్రీపెయిడ్ ప్లాన్‌తో 180 రోజుల పాటు వ్యాలిడిటీ కలిగి ఉంటుంది. ఇందులోనూ అపరిమిత వాయిస్ కాల్స్, అపరిమిత డేటా లభిస్తాయని కంపెనీ పేర్కొంది. అలాగే రోజుకు 100 ఎస్ఎంఎస్ లు సైతం వస్తాయి. వార్షిక ప్లాన్ మాదిరిగానే అర్ధ వార్షిక ప్లాన్‌లోనూ డేటా పరిమితి రూల్స్ వర్తిస్తాయి. 28 రోజులకు గరిష్ఠంగా 300 జీబీ మాత్రమే వినియోగించుకోవచ్చు. అంటే ఒక రోజులోనైనా లేదా 28 రోజుల వరకైనా 300 జీబీ వరకు వాడుకోవచ్చు.