నెలకు 2 లక్షల వరకు జీతంతో విద్యుత్ శాఖలో ఉద్యోగాలు

సదరన్ పవర్ డిస్ట్రిబ్యూషన్ కంపెనీ ఆఫ్ ఆంధ్రప్రదేశ్ లిమిటెడ్ (APSPDCL) నుంచి అసిస్టెంట్ ఎగ్జిక్యూటివ్ ఇంజినీర్ (AEE) పోస్టుల భర్తీకి అఫీషియల్ నోటిఫికేషన్ వచ్చేసింది.

డైరెక్ట్ రిక్రూట్‌మెంట్ బేసిస్‌పై ఈ ఉద్యోగాలను భర్తీ చేయనున్నారు. ప్రభుత్వ రంగంలో సెటిల్ అవ్వాలని చూస్తున్న బీటెక్ గ్రాడ్యుయేట్లకు ఇదొక గోల్డెన్ ఛాన్స్ అని చెప్పాలి. అర్హత ఉన్న అభ్యర్థులు ఆన్‌లైన్ ద్వారా చాలా ఈజీగా అప్లై చేసుకోవచ్చు.

ఈ తాజా నోటిఫికేషన్ ద్వారా మొత్తం 135 అసిస్టెంట్ ఎగ్జిక్యూటివ్ ఇంజినీర్ ఖాళీలను భర్తీ చేయబోతున్నారు. వేర్వేరు డిపార్ట్‌మెంట్స్ వారీగా చూసుకుంటే.. అత్యధికంగా అసిస్టెంట్ ఎగ్జిక్యూటివ్ ఇంజినీర్ (ఎలక్ట్రికల్) విభాగంలో 125 పోస్టులు ఉన్నాయి. వీటితో పాటు అసిస్టెంట్ ఎగ్జిక్యూటివ్ ఇంజినీర్ (సివిల్) విభాగంలో 6 పోస్టులు, అలాగే అసిస్టెంట్ ఎగ్జిక్యూటివ్ ఇంజినీర్ (టెలికాం) విభాగంలో 4 పోస్టులను భర్తీ చేయనున్నారు. మీ క్వాలిఫికేషన్‌ను బట్టి ఈ పోస్టులకు పోటీ పడవచ్చు.

ఈ జాబ్స్ కి అప్లై చేయాలనుకునే అభ్యర్థులు గుర్తింపు పొందిన యూనివర్సిటీ లేదా ఇన్‌స్టిట్యూట్ నుంచి సంబంధిత సబ్జెక్టులలో బీఈ లేదా బీటెక్ పాస్ అయి ఉండాలి. అంటే ఎలక్ట్రికల్, ఎలక్ట్రానిక్స్, టెలికమ్యూనికేషన్స్ లేదా సివిల్ ఇంజినీరింగ్ పూర్తి చేసిన వారు అర్హులు.

ఇక ఏజ్ లిమిట్ విషయానికి వస్తే.. 2026 జులై 1 నాటికి అభ్యర్థుల వయస్సు 18 నుంచి 42 ఏళ్ల మధ్య ఉండాలి. అయితే రిజర్వేషన్ ఉన్న వారికి ఏపీ ప్రభుత్వ నిబంధనల ప్రకారం వయోపరిమితిలో సడలింపు ఉంటుంది. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు 5 ఏళ్ల ఏజ్ రిలాక్సేషన్ లభిస్తుంది.

ఈ నోటిఫికేషన్‌లో అందరినీ బాగా అట్రాక్ట్ చేస్తున్న మెయిన్ హైలైట్ శాలరీనే. ఇందులో ఉద్యోగం సాధిస్తే లైఫ్ నెక్స్ట్ లెవెల్ కి వెళ్లడం ఖాయం. సెలెక్ట్ అయిన అభ్యర్థులకు మొదట రెండేళ్ల పాటు ప్రొబేషన్ పీరియడ్ ఉంటుంది. ఈ రెండేళ్ల ప్రొబేషన్ టైమ్‌లో నెలకు రూ.75,000 చొప్పున కన్సాలిడేటెడ్ వేతనం ఇస్తారు. ప్రొబేషన్ సక్సెస్‌ఫుల్‌గా పూర్తి అయిన తర్వాత రెగ్యులర్ పే స్కేల్ వర్తిస్తుంది. అప్పుడు బేసిక్ పే స్కేల్ రూ.86,245 నుంచి ప్రారంభమై ఏకంగా రూ.2,08,915 వరకు ఉంటుంది. అంటే నెలకు దాదాపు రూ.2 లక్షల వరకు జీతం అందుకునే సూపర్ ఛాన్స్ ఇది.

ఈ ఏఈఈ (AEE) పోస్టులకు అభ్యర్థుల సెలక్షన్ ప్రాసెస్ చాలా పారదర్శకంగా జరగనుంది. ఆన్‌లైన్ ద్వారా నిర్వహించే కంప్యూటర్ బేస్డ్ టెస్ట్ (CBT) రాత పరీక్ష ఆధారంగా మాత్రమే అభ్యర్థులను ఫైనల్‌గా సెలెక్ట్ చేస్తారు. ఈ ఎగ్జామ్ రాయడానికి, అప్లికేషన్ ప్రాసెసింగ్ ఫీజు కింద అభ్యర్థులు రూ.1,000 చెల్లించాల్సి ఉంటుంది. ఆన్‌లైన్ పేమెంట్ గేట్‌వేల ద్వారా ఈ ఫీజును సింపుల్‌గా పే చేయవచ్చు.

అర్హత, ఇంట్రెస్ట్ ఉన్న క్యాండిడేట్స్ ఆన్‌లైన్ మోడ్‌లో మాత్రమే తమ అప్లికేషన్లను సబ్మిట్ చేయాల్సి ఉంటుంది. దరఖాస్తుల ప్రక్రియ జూన్ 30 నుంచి అఫీషియల్‌గా స్టార్ట్ అయింది. ఆన్‌లైన్‌లో అప్లై చేయడానికి చివరి తేదీ జులై 20. కాబట్టి లాస్ట్ మినిట్ రష్, సర్వర్ ప్రాబ్లమ్స్ లాంటి తలనొప్పులు లేకుండా ఉండాలంటే, ఇంట్రెస్ట్ ఉన్న అభ్యర్థులు వీలైనంత త్వరగా తమ అప్లికేషన్ ప్రాసెస్ పూర్తి చేసుకోవడం మంచిది.