ఇల్లు కొంటున్నారా? తక్కువ వడ్డీకి హోమ్ లోన్లు ఇస్తున్న బ్యాంకులు ఇవే

దీన్ని బట్టి మీరు ఏ బ్యాంకులో హోమ్ లోన్ తీసుకోవాలో సొంతంగానే నిర్ణయించుకోవచ్చు.

హోమ్ లోన్ కావాలంటే కొన్ని అర్హతలు ఉండాలి. ఉద్యోగం చేస్తున్నవారి పే స్లిప్పులు, బ్యాంక్ స్టేట్మెంట్ వంటివి అడుగుతారు. ఉద్యోగం చేసేవారికి త్వరగా లోన్ వస్తుంది. ఉద్యోగం చేయని వారు కూడా హోంలోన్ తీసుకోవచ్చు. ఉద్యోగం చేయనివారు, వ్యాపారాలు చేస్తున్నవారు కచ్చితంగా ఐటీ ఫైల్ చేసి ఉండాలి. ఆ వివరాలను బ్యాంకు వారికి అందించాలి.

అన్ని బ్యాంకులతో పోలిస్తే అత్యల్పంగా సెంట్రల్ బ్యాంక్ ఆఫ్ ఇండియా 7.1 శాతానికి హోమ్ లోన్ అందిస్తుంది. అలాగే బ్యాంక్ ఆఫ్ మహారాష్ట్ర కూడా తక్కువ వడ్డీకి గృహ రుణాలను ఇస్తుంది. ఇది కూడా 7.1 శాతానికి అందిస్తోంది. ఆ తర్వాత బ్యాంక్ ఆఫ్ ఇండియా 7.35 శాతం హోమ్ లోన్ అందిస్తోంది. ఇక బ్యాంక్ ఆఫ్ బరోడా 7.2 శాతంతో హోమ్ లోన్ ఇస్తోంది. ప్రైవేట్ బ్యాంకుల విషయానికొస్తే హెచ్‌‌డిఎఫ్సి, బజాజ్ కోటక్ మహేంద్ర వంటి బ్యాంకులు కూడా తక్కువ వడ్డీకే రుణాలు అందిస్తున్నాయి. వీరివి 7.2 శాతం నుంచి 7.75 శాతం వరకు రుణాలను అందిస్తున్నాయి. వారితో మీరు మాట్లాడే విధానాన్ని బట్టి వడ్డీశాతం ఆధారపడి ఉంటుంది.