హైదరాబాద్ కు దగ్గరలోనే.. వర్షాకాలంలో ఈ 6 ప్లేసెస్ కెళ్తే కిక్కే వేరప్పా

ఇలాంటి టైమ్‌లో వీకెండ్ వస్తే చాలు, ఎక్కడికైనా లాంగ్ డ్రైవ్ వెళ్ళాలి, ప్రకృతి అందాలను ఆస్వాదించాలి అనిపించడం చాలా కామన్.

హైదరాబాద్ చుట్టుపక్కల వర్షాకాలంలో సరికొత్తగా ముస్తాబయ్యే కొన్ని మైండ్ బ్లోయింగ్ ప్లేసెస్ ఉన్నాయి. మీ ఫ్రెండ్స్ గ్యాంగ్‌తో లేదా ఫ్యామిలీతో కలిసి ఈ వీకెండ్‌లోనే కార్ ఎక్కి లాంగ్ డ్రైవ్ వెళ్ళిపోవడానికి టాప్ 6 డెస్టినేషన్స్ వివరాలు మీకోసం.

భక్తితో పాటు ప్రకృతి అందాలను కూడా ఎంజాయ్ చేయాలనుకునే వారికి బెస్ట్ ఆప్షన్ శ్రీశైలం. హైదరాబాద్ నుంచి దట్టమైన నల్లమల అడవుల గుండా ప్రయాణిస్తుంటే వచ్చే మజానే వేరు. వర్షాకాలంలో ఈ ఘాట్ రోడ్లు పొగమంచుతో నిండిపోయి అద్భుతంగా కనిపిస్తాయి.

ఇక్కడ ప్రసిద్ధ మల్లికార్జున స్వామి ఆలయ దర్శనంతో పాటు పాతాళగంగలో బోటింగ్ చేయడం, రోప్‌వే ఎక్కడం సరికొత్త వైబ్స్ ఇస్తుంది. అడ్వెంచర్ ఇష్టపడే వారు అక్కమహాదేవి గుహలను కూడా ఎక్స్‌ప్లోర్ చేయవచ్చు. చుట్టూ కొండలు, కింద కృష్ణా నది పరవళ్ళు.. ఈ వ్యూస్ అస్సలు మిస్ అవ్వకండి.

మీరు శ్రీశైలం వెళ్తున్నట్లయితే, దారిలోనే కొద్దిగా పక్కకు రూట్ మార్చి చూడాల్సిన క్రేజీ ప్లేస్ మల్లేల తీర్థం. నల్లమల అడవుల లోపల ఉండే ఈ జలపాతం వర్షాకాలంలో నిండుగా ప్రవహిస్తుంది. వందల సంఖ్యలో ఉన్న మెట్లు దిగుతూ, చుట్టూ పచ్చటి చెట్ల మధ్య నడుచుకుంటూ వెళ్తుంటే వచ్చే ఫీలింగ్ మాటల్లో చెప్పలేం. ఎత్తైన కొండల పైనుంచి పడే నీటి ధారలను చూస్తే మైండ్ కంప్లీట్‌గా రీఫ్రెష్ అయిపోతుంది. ఫోటోగ్రఫీ ప్రేమికులకు, రీల్స్ చేసేవారికి ఇది ఒక పర్ఫెక్ట్ స్పాట్.

వర్షాకాలంలో నాగార్జున సాగర్ రూటే వేరు. ఎగువ నుంచి భారీగా వరద నీరు వచ్చి చేరినప్పుడు సాగర్ డ్యామ్ గేట్లు ఎత్తుతారు. ఆ స్పిల్‌వే గేట్ల గుండా నీరు వైట్‌వాటర్‌లా దూకుతుంటే వచ్చే సౌండ్, ఆ వాటర్ మిస్ట్ మిమ్మల్ని కచ్చితంగా థ్రిల్ చేస్తాయి. ఇక్కడికి వెళ్తే నాగార్జునకొండకు బోటులో వెళ్లి, అక్కడ ఉన్న బౌద్ధ చారిత్రక గుర్తులు, మ్యూజియంను చూడటం ఒక మంచి ఎక్స్‌పీరియన్స్. కేవలం రెండు మూడు గంటల డ్రైవ్‌తో రీచ్ అవ్వగలిగే బెస్ట్ ప్లేస్ ఇది.

ఎక్కువ దూరం ప్రయాణించడం ఇష్టం లేదా? అయితే కేవలం 80 కిలోమీటర్ల దూరంలో ఉన్న వికారాబాద్ అనంతగిరి హిల్స్ వైపు మీ బండిని తిప్పేయండి. వర్షాకాలంలో ఇక్కడి దట్టమైన అడవులు, ఉదయాన్నే కమ్ముకునే పొగమంచు ఊటీ లేదా కొడైకెనాల్‌ను తలపిస్తాయి.

ఇక్కడి స్వచ్ఛమైన గాలి పీలుస్తూ అడవుల్లో ట్రెక్కింగ్ చేయడం యువతకు బాగా నచ్చుతుంది. ఇక్కడే ఉన్న పవిత్ర అనంత పద్మనాభ స్వామి ఆలయాన్ని దర్శించుకోవచ్చు. ఫ్రెండ్స్‌తో కలిసి నైట్ క్యాంపింగ్, వ్యూ పాయింట్స్ దగ్గర చిల్ అవ్వడానికి ఇది బెస్ట్ లొకేషన్.

తెలంగాణలోనే అత్యంత పాపులర్ అయిన జలపాతాల్లో ములుగు జిల్లాలో ఉన్న బోగతా జలపాతం ఒకటి. దీన్ని మనవాళ్లు ముద్దుగా తెలంగాణ నయాగరా అని పిలుచుకుంటారు. దట్టమైన అటవీ ప్రాంతం మధ్యలో ఉండే ఈ జలపాతం, వర్షాకాలంలో ఉధృతంగా ప్రవహిస్తూ పర్యాటకులను కట్టిపడేస్తుంది. హైదరాబాద్ నుంచి కొంచెం లాంగ్ రోడ్ ట్రిప్ ప్లాన్ చేయాలనుకునే వారికి, ప్రకృతి ఒడిలో కాసేపు ప్రశాంతంగా గడపాలనుకునే వారికి ఇది ఒక పర్ఫెక్ట్ వీకెండ్ డెస్టినేషన్.

అడ్వెంచర్, హైకింగ్ అంటే ఇష్టపడే వారి కోసం ఆదిలాబాద్ జిల్లాలోని కుంతల జలపాతం వేచి చూస్తోంది. ఇది తెలంగాణలోనే అత్యంత ఎత్తైన జలపాతం. సుమారు 45 మీటర్ల ఎత్తు నుండి నీరు కిందకు పడుతుంటే వచ్చే దృశ్యం వర్ణనాతీతం. వర్షాకాలంలో ఈ జలపాతం పూర్తి రూపాన్ని సంతరించుకుంటుంది. చుట్టూ ఉన్న కొండలు, అడవులు ప్రకృతి ప్రేమికులకు కనువిందు చేస్తాయి. అయితే ఇక్కడ నీటి ప్రవాహం ఎక్కువగా ఉన్నప్పుడు కొంచెం జాగ్రత్తగా ఉండటం మంచిది.