History News

Embodiments of architectural excellence and hallmarks of history. ప్రస్తుత రోజుల్లో ఎటువంటి భవనం నిర్మిస్తున్నా.. వాటి నాణ్యత ఏమేరకు ఉంటుందో, ఎంతవరకు మరమ్మతులకు గురికాకుండా ఉంటాయో చెప్పలేని పరిస్థితి. అయితే బ్రిటిష్‌ హయాంలో కట్టడాలు మాత్రం అందుకు భిన్నంగా దర్శన మిస్తున్నాయి. వందేళ్లు దాటినా నేటికీ ఎంతో పదిలంగా ఉంటూ అందర్నీ ఆశ్చర్యపరుస్తున్నాయి.

మాస్ మహారాజా రవితేజ, దర్శకుడు శివ నిర్వాణ కాంబినేషన్‌లో వచ్చిన చిత్రం 'ఇరుముడి' బాక్సాఫీస్ వద్ద సరికొత్త చరిత్ర సృష్టించింది. పవర్ ఫుల్ ఎమోషన్స్, తండ్రీ కూతుళ్ల డ్రామా, భక్తి రసంతో తెరకెక్కిన ఈ చిత్రం ప్రపంచవ్యాప్తంగా ₹200 కోట్లకు పైగా గ్రాస్ కలెక్షన్లు సాధించి బ్లాక్‌బస్టర్ గా నిలిచింది. మైత్రీ మూవీ మేకర్స్ నిర్మించిన ఈ చిత్రంలో ప్రియా భవానీ శంకర్, బేబీ నక్షత్ర ముఖ్య పాత్రలు పోషించారు. చిన్న, పెద్ద, క్లాస్, మాస్ అనే తేడా లేకుండా ప్రతి ఒక్కరినీ కట్టిపడేస్తూ థియేటర్లలో పూనకాలు తెప్పిస్తున్న మూవీ 'ఇరుముడి'. రీసెంట్ టైమ్స్‌లో సరైన హిట్ లేక రవితేజ ఫ్యాన్స్ నిరాశలో ఉన్న సమయంలో, డైరెక్టర్ శివ నిర్వాణ ఒక అద్భుతమైన ఎమోషనల్ అండ్ డివోషనల్ కథతో ముందుకు వచ్చారు. తండ్రీ కూతుళ్ల అనుబంధం, అయ్యప్ప స్వామి భక్తి నేపథ్యం మిక్స్ చేసి చెప్పిన ఈ కథ ప్రేక్షకులకు హత్తుకుంది. రిలీజ్ అయిన మొదటి రోజు నుంచే పాజిటివ్ టాక్‌తో దూసుకెళ్లిన 'ఇరుముడి', బాక్సాఫీస్ వద్ద సునామీ సృష్టించింది. ఎంత పెద్ద కాంపిటీషన్ ఉన్నా, కొన్ని చోట్ల థియేటర్ల సమస్యలు ఎదురైనా, ఆడియన్స్ ఆదరణ ముందు అవన్నీ తలవంచక తప్పలేదు. పిల్లలు, పెద్దలు, యూత్ అనే తేడా లేకుండా ప్రతి ఒక్కరూ 'ఇరుముడి'ని తమ సొంత సినిమాగా భావించి థియేటర్లలో పండుగ చేసుకుంటున్నారు. ఆ ఫలితంగానే 'ఇరుముడి' మూవీ ప్రపంచవ్యాప్తంగా ఏకంగా 200 కోట్ల గ్రాస్ మార్క్‌ను అందుకొని, రవితేజ కెరీర్‌లోనే బిగ్గెస్ట్ హిట్ గా నిలిచింది. యశ్ వివాదంలో ఆర్జీవీ ఎంట్రీ: అహంకారం ఉన్న‌వారే అలా కామెంట్ చేస్తారు.!

పరకాల నెత్తుటి త్యాగానికి 75 ఏళ్లు రజాకార్ల దాడుల్లో నేలకొరిగిన యోధులు మరో జలియన్‌వాలాబాగ్‌ ఘటనగా ప్రసిద్ధి పరకాల(వరంగల్): రజాకారుల పాశవిక దాడికి పరకాలలో 15 మంది సమరయోధులు అమరులైన ఉదంతానికి నేటితో (సెప్టెంబరు 2) 75 ఏళ్లు పూర్తయ్యాయి. భారతదేశం బ్రిటీష్‌ పాలన నుంచి విముక్తి చెంది ఆగస్టు 15 స్వేచ్ఛా స్వాతంత్య్రం పొందితే.. నిజాం నిరంకుశ పాలన నుంచి తెలంగాణకు విముక్తి లభించలేదు. స్వేచ్ఛా స్వాంతంత్య్రం కోసం తెలంగాణ ప్రాంత ప్రజలు ఉద్యమం వైపు ఉరుకులు తీశారు. ప్రజా సంఘాలు, సాయుధ బలగాలను ఏర్పా టు చేసుకుని సాయుధ పోరాటానికి సిద్ధమయ్యారు. నిజాం సర్కారు ఖాసీంరజ్వీ నేతృత్వంలో రజాకార్ల పేరిట ప్రైవేటు సైన్యాన్ని ఏర్పాటు చేసుకుంది. వీరు ఉద్యమకారులను, సానుభూతిపరుల కుటుంబాలను అత్యంత దారుణంగా చిత్రహింసలకు గురిచేసి మహిళలు, వృద్ధులు, పిల్లలు అనే తేడా లేకుండా విచక్షణారహితంగా ప్రవర్తించారు. రజాకారుల చర్యలను ఎదుర్కొనేందు కు సమరయోధులు సాయుధబాట పట్టారు. పరకా ల చుట్టుపక్కల గ్రామాలకు చెందిన కటంగూరి కేశవరెడ్డి, ప్రకా్‌షరెడ్డి, ఎస్‌.మనోహర్‌రావు, కటంగూరి నర్సింహరెడ్డి, వీరగోపాల్‌రావు, చాడ వాసుదేవరెడ్డి, బల్గూరి బుచ్చయ్య, తోపునూరి కోటయ్య, కందుకూ రి జోగారెడ్డి, మేడిపల్లి మల్లయ్య, పాడి నర్సింహారెడ్డి, చంద్రయ్య, చిట్టిరెడ్డి వెంకట్‌రెడ్డి లాంటి పోరాటయోధులు ఒక్కొక్క విభాగానికి నాయకత్వం తీసుకుని ఉద్యమాన్ని ముందుకు నడిపించారు. 1947 సెప్టెంబరు 2న పరకాలలో త్రివర్ణ పతాకాన్ని ఎగురవేయాలని ముహూర్తం ఖరారు చేశారు. ఈ కార్యక్రమానికి పరకాల ప్రాంతంలోని ప్రతీ గ్రామం నుంచి వేలాదిగా ప్రజలు తరలివచ్చారు. పట్టణంలోని చాపలబండ వద్దకు చేరుకుని ఊరేగింపులో పాల్గొన్నారు. పరకాలప్రాంతంలో జరుగుతున్న ఉద్యమాన్ని అణచాలని అప్ప టికే పధకం ప్రకారం నిజాంసేనలు మాటువేసి ఉన్నాయి. పట్టణంలోని తహసీల్‌ కార్యాలయం వరకు ప్రజలు చేరగానే రజాకార్‌ మూకలు కత్తులు, బరిసెలు, తల్వార్లతో ఉద్యమకారులను వెంబడించి ఊచకోత కోయగా, నిజాం ఆధీనంలోని పోలీసులు తుపాకులతో విచక్షణారహితంగా ప్రజలపై కాల్పులు జరిపారు. ఈ సంఘటనలో 15

దేశంలోని ఉన్న ఆలయాలలో కొన్ని నిర్మించినవైతే, మరికొన్ని స్వయంభువుగా వెలిశాయని పురాణాల్లో తెలిపారు. ఎంతో చరిత్ర విశిష్టత కలిగిన ఆలయాల్లో శ్రీ ఖాద్రి లక్ష్మీనరసింహస్వామి క్షేత్రం కూడా ఒకటి. శ్రీ సత్యసాయి జిల్లా కదిరి పట్టణంలో వెలసిన ఈ ఆలయానికి ఒక చరిత్ర ఉంది. శ్రీలక్ష్మీనరసింహస్వామి హిరణ్యకశిపుడిని వదించిన తర్వత.. ఆగ్రహంతో స్వామి అలానే సంచరించడం చూసిన దేవతలు, ప్రహ్లాదున్ని స్వామిని శాంత పరచడం నీవల్లే అవుతుందని చెప్తారు. అప్పుడు ప్రహ్లాదుడు ఈ కద్రి ప్రదేశంలో స్వామిని శాంతపరచడంకోసం ప్రార్థనలు చేసాడు. అందుకు నిదర్శనంగా ఇక్కడ స్వామి వారు ప్రహ్లాదుని సమేతంగా ఉంటారు. స్వామిని పూజిస్తున్నట్టు ప్రహ్లాదుడు స్వామికి ఎడమవైపు ఈ ఆలయంలో మనకు దర్శనమిస్తారు. శ్రీ లక్ష్మీనరసింహస్వామి విగ్రహం మరియు స్వామిని పూజిస్తున్నట్టు ఉన్న ప్రహ్లదుని విగ్రహం ఖాద్రి వృక్షం క్రింద కొలువై ఉంటాయి. 10వ శతాబ్దంలో ఇక్కడ ఆలయం నిర్మించినట్టు చరిత్రకారులు చెబుతున్నారు. ఇక్కడ స్వామి వారి రూపంతో పాటు ఎవరికీ తెలియని ఒక దైవ రహస్యం కూడా ఉంది. ఈ క్షేత్రంలో మూలవిరాట్టుకు అభిషేకం చేసిన తర్వాత విగ్రహం నాభి నుంచి వచ్చే స్వేదాన్నే భక్తులు తీర్థంగా స్వీకరిస్తారు. అయితే ఆ స్వేదం ఎలా వస్తుందన్నది నేటికీ ఎవరూ చెప్పలేని పరిస్థితి. నేటికీ స్వామి వారు ఇక్కడ నిజరూపంలో ఉన్నారని చెప్పేందుకు ఇది ఒక సాక్షంగా భక్తులు నమ్ముతారు. అసలు కదిరి నరసింహాస్వామిని కాటమరాయునిగా ఎందుకు పిలుస్తారంటే. కదిరికి దగ్గరలో కొండకి అనుకోని కాటం అనే కుగ్రామం ఉండటం వలన కాటమరాయుడుగా స్వామికి పేరు వచ్చింది. అలాగే ఖాద్రి అని ఎందుకంటారంటే.. సంస్కృతంలో ఖా అనగా విష్ణు పాదం, అద్రి అనగా పర్వతం. విష్ణువు పాదాలు మోపడం వలన ఈ పర్వతానికి ఖాద్రి అనే పేరు వచ్చింది. కాలక్రమేణా ఖాద్రి కాస్త కదిరిగా మారిందని ఇక్కడి ప్రజలు చెబుంటారు. అలాగే భారతదేశంలో ఎన్నో నరసింహస్వామి దేవాలయాలు ఉన్నప్పటికీ ప్రహ్లాదునితో సహా

తెలుగు చిత్ర పరిశ్రమలో 'మహానటి' సావిత్రి తర్వాత అంతటి గౌరవం, కీర్తి సంపాదించుకున్న నటి సౌందర్య. చిరంజీవి, బాలకృష్ణ, వెంకటేశ్, నాగార్జున, రజనీకాంత్ వంటి అగ్ర హీరోలతో ఆమె నటించారు. తిరుగులేని స్టార్‌ హీరోయిన్‌గా ఎదిగారు. గ్లామర్‌ కి దూరంగా ఉంటూ చీరకట్టుతో కనిపించి ఆ చీరకే అందాన్ని తీసుకొచ్చారు. 2004లో జరిగిన హెలికాప్టర్ ప్రమాదంలో ఆమె మరణం చిత్ర పరిశ్రమను శోకసంద్రంలో ముంచెత్తింది. సౌందర్య నటించిన చివరి సూపర్ హిట్ సినిమా వై.వి.ఎస్ చౌదరి దర్శకత్వంలో వచ్చిన 'సీతయ్య' (2003). ఈ సినిమాలో నందమూరి హరికృష్ణ హీరోగా నటించారు. రాయలసీమ ఫ్యాక్షన్ నేపథ్యంలో వచ్చిన ఈ సినిమా బ్లాక్‌బస్టర్ హిట్టయ్యింది. దురదృష్టవశాత్తు, ఈ సినిమా విడుదలైన కొద్ది నెలలకే సౌందర్య ప్రమాదంలో మరణించారు. విధి విచిత్రమో ఏమో గానీ, 'సీతయ్య' చిత్ర హీరో నందమూరి హరికృష్ణ కూడా రోడ్డు ప్రమాదంలోనే ప్రాణాలు విడిచారు. 2018లో నెల్లూరు జిల్లాలో ఒక పెళ్లికి వెళ్తుండగా, నల్గొండ జిల్లా సమీపంలో ఆయన కారు ప్రమాదానికి గురైంది. ఈ ఘటనలో హరికృష్ణ మరణించారు. ఒకే సినిమాలో జంటగా నటించిన హీరో, హీరోయిన్ ఇద్దరూ వేర్వేరు ప్రమాదాల్లో మరణించడం నిజంగా ఆశ్చర్యకరమైన, బాధాకరమైన విషయం. సౌందర్య, హరికృష్ణ ఇద్దరూ ఈ రోజు మన మధ్య లేరు. హరికృష్ణ.. జూ ఎన్టీఆర్‌, కళ్యాణ్‌లకు తండ్రి, సీనియర్‌ ఎన్టీఆర్‌ కొడుకు. అనే విషయం తెలిసిందే. భౌతికంగా మన మధ్య లేకపోయినా, వారి నటన, చిరునవ్వు, మంచి మనసుతో కోట్లాది అభిమానుల గుండెల్లో సౌందర్య, హరికృష్ణ ఎప్పటికీ జీవించే ఉంటారు. సౌందర్య `సీతయ్య` తర్వాత రెండు మూడు సినిమాలు చేసింది. అందులో `స్వేతనాగు`, ` ప్రేమ దొంగ` చిత్రాలు రిలీజ్‌ అయ్యాయి. కానీ ఆడలేదు. అదే సమయంలో మోహన్‌ బాబుతో `శివ శంకర్‌`, `నర్తనశాల` చిత్రాల్లో నటిస్తున్నారు. వీటి షూటింగ్‌ జరిగే సమయంలోనే ఆమె కన్నుమూయడం అత్యంత బాధాకరం

చిరంజీవి క్యారెక్టర్, క్యాలిబర్ మీకేం తెలుసు.. బండ్ల గణేష్ మాస్ స్పీచ్ మెగాస్టార్ చిరంజీవి పుట్టినరోజు సందర్భంగా నిర్వహించిన ప్రత్యేక వేడుకల్లో నిర్మాత బండ్ల గణేష్ పాల్గొని ప్రసంగించారు. చిరంజీవి అంటే తనకు ప్రాణమని, ఆయన వల్లే తనలాంటి సామాన్యులు సినీ పరిశ్రమలోకి వచ్చారని బండ్ల గణేష్ పేర్కొన్నారు. టాలెంట్ ఉన్న ప్రతి ఒక్కరిని ప్రోత్సహించే చిరంజీవి స్పూర్తిదాయక జీవితాన్ని రాబోయే తరాల కోసం పాఠ్య పుస్తకాల్లో చేర్చాలని ఆయన కోరారు. చిరంజీవితో తనకున్న అనుబంధాన్ని పంచుకుంటూ బండ్ల గణేష్ చేసిన వ్యాఖ్యలు ప్రస్తుతం నెట్టింట వైరల్‌గా మారాయి. ఈ వార్తకు సంబంధించిన

అది అట్లాంటిక్ మహాసముద్రపు తీరం.. చుట్టూ దట్టమైన అడవి, పక్షుల కిలకిలా రావాలు, నీటి అలల సప్పుడు తప్ప మనుషుల అలికిడే ఉండదు. వినడానికి ఏదో హర్రర్ సినిమాలో సైలెంట్ ఐలాండ్ లా అనిపించినా.. ఇది అమెరికాలోని మైనే తీరంలో ఉన్న విచ్ ఐలాండ్ (Witch Island) కథ! సరిగ్గా 18 ఎకరాల వైశాల్యం ఉన్న ఈ చిన్న దీవి వెనుక నమ్మశక్యం కాని ఒక సుదీర్ఘ చరిత్ర ఉంది. ఒకప్పుడు సముద్రపు దొంగలు దాక్కునే స్థలంగా, ఆ తర్వాత దెయ్యాల దీవిగా ప్రచారంలోకి వచ్చి.. చివరకు ఒక రహస్య మహిళ చేతి నుంచి పక్షులు, వన్యప్రాణుల రక్షణ కేంద్రంగా ఎలా మారిందో తెలుసుకుంటే ఆశ్చర్యపోవాల్సిందే.1630ల కాలంలో డిక్సీ బుల్ అనే ప్రసిద్ధ సముద్రపు దొంగ తన దోపిడీ సొత్తును దాచడానికి ఈ దీవిని ఒక సీక్రెట్ స్థావరంగా వాడుకునేవాడని ఇక్కడ ప్రచారంలో ఉన్న పాత కథ. ఆ తర్వాత ఫ్రాన్స్, బ్రిటన్ దేశాల మధ్య యుద్ధం జరిగినప్పుడు శత్రువుల నుంచి తప్పించుకునేందుకు ఓడలు ఇక్కడే దాక్కునేవట. కాలక్రమేణా ఈ దీవి పలువురి చేతులు మారింది. అయితే 1887లో డానియల్, అన్నా చిట్టెండెన్ అనే దంపతులు వేలంలో ఈ దీవిని కొనుగోలు చేయడంతో దీని అసలు కథ ప్రారంభమైంది.ఎవరీ విచ్ ఆఫ్ వాల్ స్ట్రీట్?అన్నా అనే మహిళ జీవితం ఒక హాలీవుడ్ థ్రిల్లర్ సినిమాను తలపిస్తుంది. చిన్నతనంలోనే కష్టాలు అనుభవించి, నాటకరంగంలో రాణించి, ఒక భారీ ఓడ ప్రమాదం నుంచి ప్రాణాలతో బయటపడింది. ఆ తర్వాత స్టాక్ మార్కెట్‌లో షేర్ల ధరలు ఎలా పెరుగుతాయో ముందుగానే ఊహించి చెప్పే విచిత్ర శక్తి తన వద్ద ఉందంటూ వాల్ స్ట్రీట్‌లో అడుగుపెట్టింది. పెద్ద పెద్ద బ్యాంకర్లు, స్టాక్ బ్రోకర్లు ఆమె జోస్యాలు విని పెట్టుబడులు పెట్టేవారు. దీంతో ప్రతిఒక్కరూ ఆమెను ప్రేమగా, భయంగా విచ్ ఆఫ్ వాల్ స్ట్రీట్ (వాల్ స్ట్రీట్ మంత్రగత్తె) అని పిలవడం

మన దేశంలో 'పోస్టాఫీసు' అనగానే మైండ్ లోకి ఒక పాత భవనం, ఎర్రటి పోస్ట్‌బాక్స్, లేఖలను సార్ట్ చేసే ఉద్యోగులు గుర్తుకొస్తారు. కానీ, చుట్టూ నీళ్ళు, వెనక మంచు కొండల నడుమ హౌస్‌బోట్‌లో నీటిపై తేలియాడే పోస్టాఫీసును ఎప్పుడైనా చూశారా? ఇది ఏదో సినిమా దృశ్యం లేదా ఊహాజనిత కథ కాదు! జమ్మూకశ్మీర్‌లోని ప్రసిద్ధ శ్రీనగర్ డల్ లేక్‌పై నిజంగానే ఒక 'ఫ్లోటింగ్ పోస్టాఫీస్' (Floating Post Office) అందుబాటులో ఉంది. ఇప్పటికీ సజావుగా పనిచేస్తూ పర్యాటకులను, స్థానికులను విశేషంగా ఆకట్టుకుంటున్న ఈ పోస్టాఫీసు వెనుక ఉన్న ఆసక్తికరమైన కథేంటో చూద్దాం: శ్రీనగర్‌లోని ప్రసిద్ధ డల్ లేక్, నెహ్రూ పార్క్ సమీపంలో ఈ వినూత్న పోస్టాఫీస్ ఉంది. బయటి నుంచి చూస్తే ఇది కాశ్మీర్‌లో కనిపించే ఒక సాధారణ సంప్రదాయ హౌస్‌బోట్‌లాగే కనిపిస్తుంది. కానీ, కాస్త దగ్గరగా వెళితే మన 'ఇండియా పోస్ట్' (India Post) పేరు, లోగోలు స్పష్టంగా కనిపిస్తాయి. ఇది కేవలం పర్యాటకులు వచ్చి ఫొటోలు దిగడానికి పెట్టిన షోపీస్ అనుకుంటే పొరపాటే. సాధారణ పోస్టాఫీసులాగే ఇక్కడ కూడా ఉత్తరాలు, పార్సిళ్లు, పోస్టుకార్డులు పంపవచ్చు. డల్ లేక్ చుట్టూ ఉండే బోట్ నిర్వాహకులు, వ్యాపారులు, స్థానికులు, పర్యాటకులు రోజూ ఈ సేవలను వాడుకుంటారు. ప్రత్యేక ముద్ర (Special Stamp): ఇక్కడి నుండి పంపే ప్రతీ పోస్టుకార్డుపై డల్ లేక్ ,షికారా పడవ చిత్రం ఉన్న ప్రత్యేకమైన పోస్టల్ క్యాన్సిలేషన్ స్టాంప్ వేస్తారు. అందుకే పర్యాటకులు కాశ్మీర్ జ్ఞాపకార్థం తమ ప్రియమైన వారికి ఇక్కడి నుంచే ఉత్తరాలు రాస్తుంటారు. ఈ పోస్టాఫీసు సిబ్బంది ప్రతిరోజూ సేకరణ చేసిన పోస్టులను సేకరించి శ్రీనగర్‌లోని ప్రధాన కార్యాలయానికి చేరవేస్తారు. అక్కడ నుంచి అవి ఇతర ప్రాంతాలకు ప్రయాణిస్తాయి. అవసరమైతే ఇండియా పోస్ట్ సిబ్బంది స్వయంగా 'షికారా' పడవల్లో వెళ్ళి నీటిపై ఉండే హౌస్‌బోట్లలోని వారికి ఉత్తరాలను డెలివరీ చేస్తారు. చాలామంది ఈ ఫ్లోటింగ్ పోస్టాఫీస్ 2011లోనే

ప్రముఖ నటీమణి శంకరమంచి జానకి... తన తొలి చిత్రం 'షావుకారు'నే ఇంటిపేరుగా మార్చేసుకుంది. 76 సంవత్సరాల క్రితం ఏప్రిల్ 7, 1950లో విడుదలైన ఆ సినిమా జానకి జీవితాన్ని మార్చేసింది. ప్రముఖ నటీమణి శంకరమంచి జానకి... తన తొలి చిత్రం 'షావుకారు'నే ఇంటిపేరుగా మార్చేసుకుంది. 76 సంవత్సరాల క్రితం ఏప్రిల్ 7, 1950లో విడుదలైన ఆ సినిమా జానకి జీవితాన్ని మార్చేసింది. నిజానికి జానకికి తొలి అవకాశం కె.వి. రెడ్డి దర్శకత్వం వహించిన 'గుణసుందరి కథ'కు వచ్చింది. అదెలాగంటే... మద్రాసు ఆకాశవాణిలో రేడియో అన్నయ్య, అక్కయ్య, వింజమూరి సీతాదేవి, టి.జి. కమలాదేవి, తెన్నేటి హేమలత, ఎ.పి. కోమల, కొంగర జగ్గయ్య, సిహెచ్. నారాయణరావు, ఎస్వీ రంగారావు, గుమ్మడి తదితరులతో పిన్న వయసులోనే జానకి పలు కార్యక్రమాలలో పాల్గొనేది. మొదటి నుంచి ఆమె వాచకానికి మంచి గుర్తింపు ఉండేది. ఒకసారి రేడియోలో జానకి వాయిస్ విన్న బి.ఎన్. రెడ్డి డైరెక్ట్ గా రేడియో స్టేషన్ కు వచ్చేశారు. జానకిని ప్రత్యేకంగా ప్రశంసించారు. ఆ తర్వాత ఒకసారి బుచ్చిబాబు ఇంటికి వెళ్ళినప్పుడు అక్కడే ఉన్న బి.ఎన్. రెడ్డి జానకిని చూసి 'నువ్వెవరి పిల్లవు?' అని ప్రశ్నించారు. టేకుమళ్ళ వారమ్మాయిని'ని అని జానకి బదులిచ్చింది. 'సినిమాల్లో వేషం వేస్తావా' అని ఆయన అడిగేతే, మా నాన్నగారు పళ్ళు రాలగొడతారు... అని సమాధానం ఇచ్చింది జానకి. అప్పట్లో ఆయన 'గుణసందరి కథ' సినిమా తీస్తున్నారు. హీరోయిన్ గా అడిగితే, తండ్రి భయంతో ససేమిరా అనేసింది జానకి. అప్పటికి ఆమెకు కేవలం 15 సంవత్సరాల వయస్సే. ఆ తర్వాత ఆ పాత్రను ఎందుకు వదులుకున్నానా? అని బాధపడింది జానకి. 1947 నవంబర్ 5న ఆమె వివాహం శంకరమంచి శ్రీనివాసరావుతో అయ్యింది. ఆయన రేడియో ఇంజనీర్. అయితే ఆస్తిపంపకాలలో జరిగిన అన్యాయంతో శ్రీనివాసరావు వివాహానంతరం ఆర్థిక ఇబ్బందుల్లో పడ్డారు. దాంతో జానకి మనసు సినిమాలవైపు మళ్ళింది. దాంతో ప్రముఖ రచయిత కొడవటిగంటి కుటుంబరావు

మహానటి సావిత్రి (Savithri) కెరీర్ లో గొప్ప పేరు తెచ్చిపెట్టిన పాత్ర 'దేవదాసు'లోని సావిత్రి. నిజానికి ఆ పాత్రకు తొలుత జానకిని అనుకున్నారు. మహానటి సావిత్రి (Savithri) కెరీర్ లో గొప్ప పేరు తెచ్చిపెట్టిన పాత్ర 'దేవదాసు'లోని సావిత్రి. నిజానికి ఆ పాత్రకు తొలుత జానకిని అనుకున్నారు. అలానే గుండమ్మ కథలో మేరీ పాత్ర కూడా జానకికి ఎంతో పేరు తెచ్చిపెట్టింది. ఆ పాత్రకూ మొదట భానుమతిని అనుకున్నారు. కానీ ఈ రెండు పాత్రలు చిత్రంగా సావిత్రి పోషించి, చిత్రసీమలో తనకంటూ ఓ గొప్ప ముద్రను వేసేలా చేశాయి. సావిత్రితో జానకికి ఎంతో గాఢమైన అనుబంధం ఉంది. జానకి సినిమా రంగంలో నిలదొక్కుకునే రోజుల్లో జెమినీ గణేశన్ సహకారంతో పలు చిత్రాలలో అవకాశాలు పొందింది. ఆ చనువుతో ఒకసారి ఆయనతో కలిసి అద్దె ఇంటి కోసం వెతుకుంటుంటే... జెమినీ గణేశన్‌ ధౌంజెడ్‌ లైట్స్ లోని షఫీ మహమ్మద్ రోడ్డులోని మేడమీద పోర్షన్ ను చూపించారట. అదే మేడ కింద పోర్షన్ లో తొలిసారి గౌన్ వేసుకున్న సావిత్రిని తాను చూశానని జానకి చెబుతుండేవారు. జెమినీ గణేశన్ ద్వారానే నటి సావిత్రి పరిచయమైందని, ఆ తర్వాత ఆమె తనకు ఎంతో సన్నిహితురాలిగా మారిపోయిందని అంటుండేవారు జానకి. తమ సినీ ప్రయాణం గురించి చెబుతూ, 'సావిత్రి గొప్ప చిత్రకారణి. తన రూపు రేఖా విలాసాలన్నీ ప్రతిబించేలా ఒక గొప్ప వర్ణ చిత్రాన్ని రచించి, తనకు తానుగా దాన్ని కాలి కింద నలిపి, ముక్కలు చేసిందేమో అనిపిస్తుంది నాకు. సావిత్రి 'దేవదాసు'లో చేసిన పార్వతి పాత్రకు మొదట నన్నే అనుకన్నారు. రిహార్సిల్స్ కూడా జరిగాయి. అయితే ఆ పాత్ర నుంచి నన్ను తప్పించారు. నిజంగా అది నా దురదృష్టమే. ఎందుకంటే 'ఓ దేవదా' పాట రిహార్సిల్స్ ఎంత బాగా వచ్చిందో చెప్పలేను. కారణం లేకుండా తీసేయడంతో చాలా బాధపడ్డాను. వేషం పోయినందుకు పది రోజులు ఏడ్చాను. ఒకవేళ నేను

మహాత్మా గాంధీ స్వయంగా రాసిన అరుదైన చేతిరాత డైరీ వేలంలో రూ.16.20 కోట్ల భారీ ధర పలికింది. ముంబైలోని సాఫ్రాన్‌ఆర్ట్ నిర్వహించిన వేలంలో ‘ఎ థాట్ ఫర్ ది డే’ సంకలనం ఈ రికార్డు సృష్టించింది. భారతీయ చారిత్రక పత్రానికి వేలంలో ఇప్పటివరకు నమోదైన అత్యధిక ధర ఇదేనని వేలం సంస్థ వెల్లడించింది. గాంధీజీ తన సన్నిహితుడు ఆనంద్ టి. హింగోరాని కోసం రాసిన 688 రోజువారీ ఆలోచనలు ఇందులో ఉన్నాయి. కొనుగోలుదారు భారతీయుడేనని సంస్థ తెలిపింది, అయితే ఆయన గుర్తింపును మాత్రం బహిర్గతం చేయలేదు. గాంధీజీ ఈ రోజువారీ ఆలోచనలను 1944 నవంబర్ 20 నుంచి 1946 అక్టోబర్ 10 వరకు రాశారు. దాదాపు 23 నెలల కాలంలో ఆయన చేతిరాతతో మొత్తం 688 ఆలోచనలు ఈ సంకలనంలో నమోదయ్యాయి. హింగోరాని భార్య విద్యా మరణం తర్వాత ఆయనకు ఓదార్పు, మార్గదర్శకత్వం అందించేందుకు గాంధీజీ ఈ రచనలు ప్రారంభించారు. సత్యం, అహింస, సేవ, ఆత్మసంయమనం, భయరహితత్వం, ప్రార్థన, కర్తవ్యం వంటి అంశాలకు ఇందులో ప్రధాన స్థానం ఉంది. రామనామం, అస్పృశ్యతా నిర్మూలన వంటి అంశాలపై కూడా గాంధీజీ వ్యక్తిగత దృక్పథం ఈ చేతిరాత డైరీలో కనిపిస్తుంది. ఆనంద్ టి. హింగోరాని 1930లో తొలిసారి గాంధీజీని కలుసుకుని, అనంతరం సబర్మతి ఆశ్రమంలో పనిచేశారు. దండి మార్చ్, శాసనోల్లంఘన, క్విట్ ఇండియా ఉద్యమాల్లో పాల్గొని స్వాతంత్ర్య పోరాటంలో ఆయన తన పాత్ర పోషించారు. దీంతో గాంధీజీతో హింగోరానికి ఏర్పడిన అనుబంధం రాజకీయ పరిధిని దాటి వ్యక్తిగత స్థాయికి చేరుకుంది. తర్వాత గాంధీ రచనల ప్రచురణకర్తగా, పోషకుడిగా హింగోరాని కొనసాగారు. ఆయన కుటుంబం ఈ అరుదైన గాంధీజీ చేతిరాత డైరీని తరతరాలుగా జాగ్రత్తగా భద్రపరిచింది. ‘గాంధీ: ఫ్రమ్ ది కలెక్షన్ ఆఫ్ ఆనంద్ టి. హింగోరాని’ పేరుతో ఈ ప్రత్యేక వేలం నిర్వహించారు. ఇందులో లేఖలు, చేతిరాత ప్రతులు, ఛాయాచిత్రాలు, రాట్నం, తపాలా బిళ్లలు సహా మొత్తం

ఆధునిక టెస్ట్ క్రికెట్‌లో తన సూపర్ ఫామ్‌తో పరుగుల వరద పారిస్తున్న ఇంగ్లాండ్ స్టార్ బ్యాటర్ జో రూట్ మరో మైలురాయిని అధిగమించాడు. టెస్ట్ ఫార్మాట్‌లో అత్యధిక అర్ధశతకాలు సాధించిన బ్యాటర్ల జాబితాలో అగ్రస్థానంలో ఉన్న భారత క్రికెట్ దిగ్గజం సచిన్ టెండూల్కర్ రికార్డును రూట్ సమం చేశాడు. సచిన్ తన సుదీర్ఘ టెస్ట్ కెరీర్‌లో సాధించిన 68 హాఫ్ సెంచరీల రికార్డును సమం చేస్తూ, రూట్ తన 68వ అర్ధశతకాన్ని నమోదు చేసి ఆల్-టైమ్ చారిత్రాత్మక రికార్డులో భాగమయ్యాడు. పాకిస్థాన్‌తో జరుగుతున్న తొలి టెస్టులో అతడు ఈ రికార్డు బద్దలు కొట్టాడు.ఈ సరికొత్త రికార్డుతో జో రూట్ క్రికెట్ ప్రపంచంలోని ఎంతోమంది దిగ్గజ బ్యాటర్లను వెనక్కి నెట్టేశాడు. విండీస్ లెజెండ్ శివనారాయణ్ చంద్రపాల్ (66 హాఫ్ సెంచరీలు), భారత మిస్టర్ డిపెండబుల్ రాహుల్ ద్రవిడ్ (63), ఆస్ట్రేలియా మాజీ కెప్టెన్ అలన్ బోర్డర్ (63), రికీ పాంటింగ్ (62), సౌతాఫ్రికా ఆల్‌రౌండర్ జాక్వెస్ కల్లిస్ (58), ఇంగ్లాండ్ మాజీ సారథి అలిస్టర్ కుక్ (57) సాధించిన 50ల రికార్డులను రూట్ ఇప్పటికే దాటేశాడు. ప్రస్తుతం సచిన్‌తో కలిసి సంయుక్తంగా అగ్రస్థానంలో ఉన్న రూట్, మరొక్క హాఫ్ సెంచరీ సాధిస్తే టెస్టుల్లో అత్యధిక అర్ధశతకాలు చేసిన ఏకైక బ్యాటర్‌గా ప్రపంచ రికార్డు సృష్టించనున్నాడు.సచిన్ టెండూల్కర్ పేరిట ఉన్న 15,921 పరుగుల టెస్ట్ రికార్డును బద్దలు కొట్టే దిశగా సాగుతున్న ఏకైక సమకాలీన ఆటగాడిగా జో రూట్ విమర్శకుల ప్రశంసలు అందుకుంటున్నాడు. ఏళ్ల తరబడి నిలకడైన ప్రదర్శన కనబరుస్తూ, రెడ్ బాల్ క్రికెట్‌లో ఇంగ్లాండ్ జట్టుకు ప్రధాన బ్యాక్‌బోన్‌గా మారిన రూట్, పరిస్థితులు ఏదైనా పరుగులు సాధించడంలో సరిసాటి లేని వేగాన్ని చూపుతున్నాడు. అర్ధశతకాలను భారీ సెంచరీలు, డబుల్ సెంచరీలుగా మలచడంలోనూ అతడు ఆరితేరిన ఆటగాడిగా గుర్తింపు పొందాడు.ఇక జో రూట్ టెస్ట్ కెరీర్ పరుగుల ప్రొఫైల్‌ను పరిశీలిస్తే, ప్రపంచంలోని దాదాపు అన్ని ప్రధాన జట్లపై

రెండు వేర్వేరు రాష్ట్రాలు, రెండు వేర్వేరు ప్రభుత్వాలు.. కానీ రాజధాని మాత్రం ఒకటే. ఇది మరెక్కడో కాదు.. మన దేశంలోనే. పంజాబ్, హర్యానా రాష్ట్రాలు రెండింటికీ ఏకైక రాజధానిగా ఉన్న నగరం చండీగఢ్.. అసలు.. రెండు రాష్ట్రాలకు ఒకే నగరం రాజధానిలా ఎలా మారింది..? భారతదేశంలోని మొదటి ప్లాన్డ్ సిటీగా పిలిచే చండీగఢ్ నగరం కథేంటి? ఈ నగరం ఎందుకు అంత స్పెషల్..? ఈ విషయం ఇప్పుడు తెలుసుకుందాం... ఈ ప్రాంతంలో ప్రసిద్ధ చండీ మందిరం ( దుర్గా దేవి గుడి) ఉంది. అలాగే ఇక్కడ ఫేమస్ గఢ్( కోట) కూడా ఉంది. ఈ రెండు పదాలను కలిపి చండీగఢ్ అనే పేరు పెట్టారు. 1947లో దేశ విభజన జరిగినప్పుడు.. పంజాబ్ పాత రాజధాని ‘లాహోర్’ పాకిస్తాన్ లోకి వెళ్లిపోయింది. దీంతో పంజాబ్ కోసం కొత్త రాజధాని నిర్మించాల్సిన అవసరం వచ్చింది. అప్పుడు చండీగఢ్ ని రాజధానిగా నియమించారు. స్వతంత్ర భారత ప్రతిభను ప్రపంచానికి చూపించేలా ఒక ఆధునిక నగరాన్ని కట్టాలని అప్పటి ప్రధాని జవహర్ లాల్ నెహ్రూ అనుకున్నారు.ఫ్రెంచ్ ఆర్కిటెక్ట్ లీ కార్బుసియర్ ఈ నగరానికి ప్లాన్ వేశారు. విచిత్రమేంటంటే.. మనిషి శరీరం ఆధారంగా ఈ నగరాన్ని డిజైన్ చేశారు. క్యాపిటల్ కాంప్లెక్స్ తల భాగంలో, సిటీ సెంటర్ గుండె ఆకారంలో, పార్కులు, చెట్లు ఊపిరితిత్తులు గా విభజించారు. ఇక ఈ నగరాన్ని 'సెక్టర్లు'గా విభజించారు. ప్రతీ సెక్టార్‌లోనే బడులు, మార్కెట్లు, పార్కులు ఉండేలా ప్లాన్ చేశారు. అయితే చండీగఢ్‌లో సెక్టర్ 13 ఉండదు. 1966లో పంజాబ్ నుండి 'హర్యానా' ప్రత్యేక రాష్ట్రంగా ఏర్పడింది. మన తెలుగు రాష్ట్రాలు విడిపోయినట్లే పంజాబ్, హర్యానా రెండు రాష్ట్రాలుగా విడిపోయాయి. అయితే.. విభజన తర్వాత చండీగఢ్ మాదంటే మాదని ఇరు రాష్ట్రాలూ పట్టుబట్టాయి. దాంతో కేంద్ర ప్రభుత్వం ఒక పరిష్కారం కనుగొంది. చండీగఢ్‌ను ఒక కేంద్రపాలిత ప్రాంతంగా (UT) ప్రకటిస్తూ, రెండింటికీ ఉమ్మడి రాజధానిగా చేసింది

90వ దశకంలోపిల్లలకు ఎన్నో మధుర జ్ఞాపకాలు ఉన్నాయి. ఆటల నుంచి మొదలుపెడితే చదువుల దాకా ఎన్నింటితోనో పెనవేసుకున్న బంధాలు ఉన్నాయి. అందులోను స్కూల్ కు వెళ్లిన 90s కిడ్స్ కు మర్చిపోలేని జ్ఞాపకం రెనాల్డ్స్' (Reynolds) పెన్ను.అప్పట్లో రాత పరీక్షల నుండి క్లాస్ నోట్స్ వరకు ప్రతీ దానికి రెనాల్డ్స్ పెన్ను వాడటమే ఒక ట్రెండ్. ముఖ్యంగా Reynolds 045 (Fine Carbure) మోడల్ ఆ రోజుల్లో స్కూల్ పిల్లలకి ఐకానిక్ చిహ్నంగా మారింది. మరి ఇప్పుడు ఆ పెన్నులు ఉన్నాయా? వాడుతున్నారా? 90s కాలంలో జెల్ పెన్నులు లేదా ఫ్యాన్సీ పెన్నుల వినియోగం చాలా తక్కువ. ఆ సమయంలో రెనాల్డ్స్ పెన్నులు చాలా ఎక్కువగా దొరికేవి. అంతే కాదు సరసమైన ధరతో పాటు ఎక్కువ రోజులు మన్నిక, ఈ పెన్నుల ఆకారం కూడా పిల్లలను ఎంతగానో ఆకట్టుకున్నాయి. అంతే కాదు ఈ పెన్నును స్టేటస్ సింబల్ గా చూసేవారు. జేబులో ఒక రెనాల్డ్స్ పెన్ పెట్టుకోవడం అప్పట్లో విద్యార్థులకు ఎంతో గర్వకారణంగా ఉండేది. రెనాల్డ్స్ పెన్నులు రాయడానికి చాలా అనుకూలంగా ఉండేవి. చాలా థిక్ గా అక్షరాలు రాయడానికి ఉపయోగపడేవి. బోర్డు పరీక్షలు లేదా వార్షిక పరీక్షల సమయంలో చేతికి అలసట రాకుండా స్పీడ్ గా రాయడానికి విద్యార్థులు కేవలం రెనాల్డ్స్ 045 లేదా 'జైపాన్' (Jaipan) మోడళ్లనే నమ్ముకునేవారు. అంతే కాదు ఈ పెన్నులను రకరకాలుగా వాడేవారు. ఆటలు ఆడటానికి కూడా ఈ పెన్నులు ఉపయోగపడేవి. ఈ పెన్నుల్లో రిఫిల్ అయిపోతే కొత్త రిఫిల్ మార్చుకునే సదుపాయం ఉండేది. ఈ పెన్నుకు ఉన్న గాజు మూతలో తమ పేర్లు రాసుకున్న పేపర్ చిటీలను అమర్చుకునేవారు. ఇక పెన్ను మూతతో రకరకాల శబ్దాలు చేయడం, పెన్నులోని రీఫిల్ , స్ప్రింగ్‌లతో ఆడుకోవడం నాటి పిల్లలకు ఒక మంచి జ్ఞాపకం. రెనాల్డ్స్ పెన్ను ఆకారం అన్నింటికంటే డిఫరెంట్ గా ఉండేది. లైట్ వెయిట్ తో

మన దేశమంతా ఆగస్టు 15న స్వాతంత్య్ర దినోత్సవం ఘనంగా నిర్వహించుకుంటాము. కానీ పశ్చిమబెంగాల్ లోని కొన్ని ప్రాంతాల్లో మాత్రం ఆరోజు నిర్వహించుకోరు. వారికి ఆగస్టు 18న స్వాతంత్య్రం వచ్చిందని చెప్పుకుంటారు. అందుకే ఆ రోజే నిర్వహించుకుంటారు. పశ్చిమ బెంగాల్‌లోని మాల్దా, ముర్షిదాబాద్ జిల్లాలు ఆగస్టు 18నే స్వాతంత్య్ర దినోత్సవం సెలెబ్రేట్ చేసుకుంటాయి. అలా ఎందుకు చేసుకుంటారో తెలుసుకోండి. 1947లో భారత విభజన సమయంలో బ్రిటీష్ ప్రభుత్వం సరిహద్దుల విభజన బాధ్యతను లండన్‌కు చెందిన న్యాయవాది సర్ సిరిల్ రాడ్‌క్లిఫ్ కు అప్పగించింది. అంతకుముందు ఎన్నడూ భారతదేశానికి రాని రాడ్‌క్లిఫ్, సరిహద్దు కమిషన్లకు ఛైర్మన్‌గా వ్యవహరించారు. వారు గీసిన ప్రాథమిక మ్యాప్ ప్రకారం పశ్చిమ బెంగాల్ లోని హిందూ జనాభా ఎక్కువగా ఉన్న నదియా, మాల్దా, ముర్షిదాబాద్, దినాజ్‌పూర్ వంటి ప్రాంతాలను పొరపాటున తూర్పు పాకిస్తాన్ (ప్రస్తుత బంగ్లాదేశ్) భూభాగంలో చూపించారు. 1947 ఆగస్టు 15న దేశమంతా సంబరాలు చేసుకుంటుంటే, ఈ ప్రాంతాల ప్రజలు తాము ఏ దేశంలో ఉన్నామో తెలియక తీవ్ర భయాందోళనలకు గురయ్యారు. తాత్కాలిక మ్యాప్ ఆధారంగా ఆగస్టు 14, 15 తేదీలలో నదియాలోని కృష్ణనగర్, మాల్దాలోని ఇంగ్లీష్ బజార్ వంటి ప్రభుత్వ భవనాలపై పాకిస్తాన్ జాతీయ జెండాలను కూడా ఎగురవేశారు. ఈ నిర్ణయంపై స్థానిక ప్రజలు, హిందూ మహాసభ నాయకులు శ్యామా ప్రసాద్ ముఖర్జీ, నదియా రాజకుటుంబీకులు తీవ్ర నిరసనలు వ్యక్తంచేసి బ్రిటిష్ వైస్రాయ్ లార్డ్ మౌంట్‌బాటన్‌ను ఆశ్రయించారు. దీనిపై స్పందించిన మౌంట్‌బాటన్, రాడ్‌క్లిఫ్‌ను సరిహద్దులను సరిచేయాల్సిందిగా ఆదేశించారు. ఆగస్టు 17 రాత్రి ఆల్ ఇండియా రేడియో ద్వారా సవరించిన మ్యాప్ వివరాలను ప్రకటించారు. దీని ప్రకారం ఈ ముస్లిమేతర మెజారిటీ ప్రాంతాలు భారతదేశంలోనే ఉంటాయని స్పష్టమైంది. రేడియో ప్రకటన తర్వాత, 1947 ఆగస్టు 18 మధ్యాహ్నం ఆయా ప్రాంతాల్లోని పాకిస్తాన్ జెండాలను తొలగించి, మొదటిసారిగా భారత త్రివర్ణ పతాకాన్ని అధికారికంగా ఎగురవేశారు

భారతీయులకు సాయంత్రం సమయంలో సమోసా ప్రతిరోజూ తినేవారు ఎంతో మంది. గల్లీలోని చిన్న బండి మొదలుకొని పెద్ద ఫైవ్ స్టార్ హోటళ్ల దాకా ఎక్కడ చూసినా కనిపించే రుచికరమైన స్నాక్ ఇది. నిజానికి సమోసా మనదేశానికి చెందినది కాదు. సమోసా మూలాలు 10వ శతాబ్దానికి చెందిన మధ్యప్రాచ్యం , మధ్య ఆసియా ప్రాంతాల్లో ఉన్నాయి. ప్రాచీన పర్షియాలో దీనిని 'సంబోసగ్' (Sanbosag) లేదా 'సంబుసక్' (Sambusak) అని పిలిచేవారు. ఆ కాలంలో చాలా దూర ప్రాంతాలకు ప్రయాణించే వర్తకులు, యాత్రికులు మార్గమధ్యంలో ఆహారంగా తీసుకువెళ్లడానికి మైదా పిండి పొరల్లో మాంసం, డ్రై ఫ్రూట్స్, నట్స్ నింపి నిప్పులపై లేదా నూనెలో వేయించి సమోసాలను తయారుచేసేవారు. ఈ విదేశీ వంటకం 13వ, 14వ శతాబ్దాల కాలంలో సిల్క్ రోడ్ వర్తకులు, మధ్య ఆసియా నుంచి వచ్చిన ముస్లిం పాలకులు, వంటవాళ్ల ద్వారా భారత్ లోకి అడుగుపెట్టింది. ఢిల్లీ సుల్తానుల పాలనలో రాజభవనాల్లో జరిగే విందులలో సమోసాను ఎంతో ప్రత్యేకమైన వంటకంగా వడ్డించేవారని ప్రసిద్ధ రచయిత అమీర్ ఖుస్రో, మొరాకో యాత్రికుడు ఇబ్న్ బతూతా తమ రచనల్లో చెప్పారు. అప్పట్లో ఇది మాంసంతో కూడిన రాజభోజనంగా మాత్రమే ఉండేది. అయితే 16వ శతాబ్దంలో పోర్చుగీసు వర్తకులు భారతదేశానికి బంగాళాదుంపలను (ఆలూ) పరిచయం చేయడంతో సమోసా రుచి మారింది. భారతీయ వంటగాళ్లు మాంసానికి బదులుగా ఉడకబెట్టిన ఆలూ, పచ్చి బఠానీలు, అల్లం, ధనియాలు, గరం మసాలాలను స్టఫింగ్‌గా ఉపయోగించడం ప్రారంభించారు. మాంసం బదులు బంగాళాదుంపలు చేరడంతో సమోసా సామాన్య ప్రజల నిత్య జీవితంలో భాగమైంది. తక్కువ ధర, తింటే పొట్ట నిండే గుణం, అద్భుతమైన మసాలా రుచి వల్ల ఇది దేశవ్యాప్తంగా విపరీతమైన ఆదరణ దక్కించుకుంది. ప్రాంతాన్ని బట్టి ఉత్తరాదిలో ఆలూ-సమోసా, హైదరాబాద్‌లో కీమా సమోసా, గుజరాత్‌లో వెజ్-పన్నీర్ సమోసాలుగా వివిధ రూపాల్లో తయారుచేస్తున్నారు. పుదీనా చట్నీ, తీపి చింతపండు చట్నీలతో వేడివేడిగా వడ్డించే సమోసా.. దేశ సరిహద్దులు

ATM అంటే Automated Teller Machine. బ్యాంకుకు వెళ్లకుండానే డబ్బు తీసుకోవడానికి ఉపయోగించే యంత్రం ఇది. ATM కార్డు, PIN ద్వారా నగదు తీసుకోవడంతో పాటు బ్యాలెన్స్ తెలుసుకోవడం, మినీ స్టేట్‌మెంట్ తీసుకోవడం వంటి సేవలను కూడా పొందవచ్చు. భారతదేశంలో మొట్టమొదటి ATMను 1987లో ముంబైలో ఏర్పాటు చేశారు. HSBC బ్యాంక్ తన ముంబై శాఖలో ఈ ATM సేవలను ప్రారంభించింది. అప్పట్లో ఇది భారతదేశంలో పూర్తిగా కొత్త తరహా బ్యాంకింగ్ సౌకర్యం. 1987కు ముందు నగదు కావాలంటే తప్పనిసరిగా బ్యాంకు శాఖకు వెళ్లాల్సి వచ్చేది. బ్యాంకు ఉద్యోగుల సహాయంతో డబ్బు తీసుకోవాలి. కొన్ని సందర్భాల్లో గంటల తరబడి క్యూలో నిలబడాల్సి వచ్చేది. ATM రావడంతో బ్యాంకు కౌంటర్లపై ఆధారపడాల్సిన అవసరం కొంత తగ్గింది. ప్రారంభంలో ప్రధానంగా నగదు తీసుకోవడానికి ATMను ఉపయోగించేవారు. కాలక్రమేణా ATMల్లో అనేక సౌకర్యాలు అందుబాటులోకి వచ్చాయి. నగదు ఉపసంహరణతో పాటు ఖాతా బ్యాలెన్స్ తెలుసుకోవడం, మినీ స్టేట్‌మెంట్ తీసుకోవడం వంటి సేవలు కూడా అందుబాటులోకి వచ్చాయి. ముంబైలో ప్రారంభమైన ATM సేవలు క్రమంగా దేశంలోని ఇతర నగరాలు, ప్రాంతాలకు విస్తరించాయి. ప్రస్తుతం UPI, డిజిటల్ చెల్లింపులు విస్తరించినప్పటికీ, అవసరమైనప్పుడు నగదు తీసుకోవడానికి ATMలు ఇప్పటికీ కీలకంగా ఉన్నాయి

బంగారం భారతీయులకు కేవలం ఆభరణం మాత్రమే కాదు. తరతరాలుగా నమ్మకమైన పెట్టుబడిగా, కష్టకాలంలో ఆదుకునే భరోసాగా దీనిని భావిస్తారు. స్వాతంత్య్రం వచ్చిన 1947లో 10 గ్రాముల బంగారం ధర కేవలం రూ.88.62 పైసలు ఉండగా, నేడు లక్షన్నర రూపాయలకు పైగా ఉంది. అంటే దాదాపు 80 ఏళ్లలో బంగారం ధర ఏకంగా 1711 రెట్లు పెరిగింది.ఈ భారీ పెరుగుదలకు ప్రపంచ ఆర్థిక పరిస్థితులు, ద్రవ్యోల్బణం, రూపాయి విలువ, అంతర్జాతీయ బంగారం ధరలు, వడ్డీ రేట్లు, యుద్ధాలు, భౌగోళిక రాజకీయ ఉద్రిక్తతలు వంటి అనేక అంశాలు కారణం. ముఖ్యంగా రూపాయి విలువ ప్రభావం భారత్‌లో బంగారం ధరపై అధికంగా ఉంటుంది. 1970లలో ప్రపంచవ్యాప్తంగా ద్రవ్యోల్బణం, చమురు సంక్షోభాలు, ఆర్థిక అనిశ్చితి వంటివి బంగారం ధర పెరగడానికి కారణమయ్యాయి. 2008 ప్రపంచ ఆర్థిక సంక్షోభం, 2020లో కరోనా మహమ్మారి వంటి ఘటనలు బంగారానికి సేఫ్ హెవెన్ హోదాను పెంచాయి. ప్రస్తుతం కూడా ప్రపంచవ్యాప్త అనిశ్చితి, కేంద్ర బ్యాంకుల కొనుగోళ్లు ధరలను ప్రభావితం చేస్తున్నాయి. ఈ 80 ఏళ్ల ప్రయాణం భారత ఆర్థిక వృద్ధి, ద్రవ్యోల్బణం, ప్రపంచ పరిణామాలను ప్రతిబింబిస్తుంది. గ్లోబల్‌ బిజినెస్‌ లెక్కలు మార్చేస్తున్న రామాయణ టీమ్‌ ఫరియా అబ్దుల్లాను ట్రోల్ చేయడం కరెక్ట్ కాదు అజిత్ సినిమాలో గెస్ట్ రోల్స్‌లో వెంకటేష్‌, మోహన్‌లాల్‌

World Photography Day: చిత్రాల వెనుక ఎవరికి తెలియని ఆసక్తికర విషయాలు ఇవిగో.! World Photography Day: ప్రపంచవ్యాప్తంగా ప్రతి సంవత్సరం ఆగష్టు 19వ తేదీన వరల్డ్ ఫోటోగ్రఫీ డే ఘనంగా నిర్వహిస్తారు. కళ, నైపుణ్యం, విజ్ఞాన శాస్త్రం, చరిత్రను ఆస్వాదించే ఫోటోగ్రఫీ ప్రియులు ఈ రోజును ప్రత్యేకంగా జరుపుకుంటారు. ఈ ప్రత్యేక సందర్భాన్ని పురస్కరించుకుని ఫోటోగ్రఫీకి సంబంధించిన కొన్ని ఆసక్తికరమైన అంశాలు, చారిత్రక విశేషాలు తెలుసుకోవడం ఎంతో ముఖ్యం. ఫోటోగ్రఫీ ఆవిర్భావం వెనుక అనేక ఆసక్తికరమైన మైలురాళ్లు ఉన్నాయి. ఈ డే ఏర్పాటు వెనుక ఒక భారతీయ నిపుణుడి ప్రమేయం ఉంది. భారతీయ ఫోటోగ్రఫీ ఉపాధ్యాయులు ఓపీ శర్మ 1988 సంవత్సరంలో ఈ ప్రత్యేక రోజును ప్రతిపాదించారు. ఆ తర్వాత మొట్టమొదటిసారిగా 1991 ఆగస్టు 19న ప్రపంచవ్యాప్తంగా ఈ వేడుకలు అధికారికంగా ప్రారంభమయ్యాయి. అప్పటినుంచి ప్రతి ఏటా ఈ తేదీన ఫోటోగ్రఫీ రంగంలోని గొప్పతనాన్ని ప్రపంచానికి చాటిచెప్పే కార్యక్రమాలు నిర్వహిస్తున్నారు. ఫోటోగ్రఫీ చరిత్ర 1839 సంవత్సరంలో ఫ్రాన్స్ దేశంలో ప్రారంభమైంది. లూయిస్ డాగ్యుర్ రూపొందించిన డాగ్యురోటైప్ పద్ధతి ద్వారా రాగి ప్లేట్లను ఉపయోగించి చిత్రాలను బంధించడం సాధ్యపడింది. ఈ ఆవిష్కరణకు నైస్ఫోర్ నీప్సే అందించిన కృషి కూడా ఎంతో ఉంది. ఆ కాలంలో ఫోటోలను రికార్డ్ చేయడానికి ఈ టెక్నాలజీ ఒక విప్లవాత్మక అడుగుగా నిలిచింది. ఫ్రెంచ్ ప్రభుత్వం ఈ పేటెంట్‌ను కొనుగోలు చేసిన తర్వాత, దానిని ప్రపంచ ప్రజలకు ఉచిత బహుమతిగా అందించింది. ఎటువంటి ఆంక్షలు లేకుండా అందరూ ఈ సాంకేతికతను ఉపయోగించుకునేలా ఫ్రాన్స్ ప్రభుత్వం స్వేచ్ఛనిచ్చింది. దీని ఆధారంగానే దాదాపు నలభై సంవత్సరాల తరువాత అమెరికాకు చెందిన జార్జ్ ఈస్ట్‌మన్ మరింత అధునాతన కెమెరా సాంకేతికతను అభివృద్ధి చేశారు. భారతదేశంలో ఫోటోగ్రఫీ రంగానికి బలమైన చరిత్ర ఉంది. ప్రముఖ ఫోటోగ్రాఫర్లలో లాలా దీన్ దయాల్ దేశంలో అత్యంత ప్రాచుర్యం పొందారు. అదేవిధంగా హోమై వ్యారావాలా భారతదేశపు మొదటి మహిళా ప్రెస్

ప్రపంచవ్యాప్తంగా క్రీడా ప్రసారాల రూపురేఖలను మార్చేసిన ఈఎస్‌పీఎన్ (ESPN) సహ వ్యవస్థాపకుడు బిల్ రాస్ముసెన్ (93) కన్నుమూశారు. కొంతకాలంగా పార్కిన్సన్స్ వ్యాధితో బాధపడుతున్న ఆయన, నిన్న‌ తుదిశ్వాస విడిచినట్లు కుటుంబసభ్యులు తెలిపారు. ఆయన మృతి పట్ల ఈఎస్‌పీఎన్ ప్రస్తుత, మాజీ ప్రతినిధులు సంతాపం వ్యక్తం చేస్తూ, ఆయన దార్శనికతను స్మరించుకున్నారు.1970వ దశకం చివర్లో తన కుమారుడు స్కాట్‌తో కలిసి 24 గంటల పాటు కేవలం క్రీడల కోసమే ఒక కేబుల్ నెట్‌వర్క్ ఉండాలనే ఆలోచనకు బిల్ రాస్ముసెన్ బీజం వేశారు. ఈ ఆలోచన ఫలితంగా 1979 సెప్టెంబర్ 7న ఈఎస్‌పీఎన్ ప్రారంభమైంది. మొదట్లో ఈ కాన్సెప్ట్‌పై ఎన్నో సందేహాలు వ్యక్తమైనా, అనతికాలంలోనే ఇది మీడియాలో ఒక సంచలనంగా మారింది. రాస్ముసెన్ ఈఎస్‌పీఎన్ మొదటి అధ్యక్షుడిగా పనిచేశారు.ఈఎస్‌పీఎన్ ఛైర్మన్ జిమ్మీ పిటారో నివాళులర్పిస్తూ.. "రాస్ముసెన్ ఒక అసాధారణ వ్యక్తి, గొప్ప దార్శనికుడు, ఆవిష్కర్త. క్రీడలకే అంకితమైన నెట్‌వర్క్ ఆలోచన ఆయనదే" అని కొనియాడారు. 1970లలో ఆయన చూపిన స్ఫూర్తి, అభిరుచి ఇప్పటికీ తమ సంస్థ సంస్కృతిలో భాగమేనని తెలిపారు. ప్రముఖ యాంకర్ క్రిస్ బెర్మన్ స్పందిస్తూ.. "ఆయన మా జార్జ్ వాషింగ్టన్, ఒక మంచి స్నేహితుడు" అని అభివర్ణించారు.క్రీడా ప్రసార రంగంలో ఆయన చేసిన సేవలకు గానూ 2025లో స్పోర్ట్స్ బ్రాడ్‌కాస్టింగ్ హాల్ ఆఫ్ ఫేమ్‌లో చోటు దక్కించుకున్నారు. ఆయనకు ఇద్దరు కుమారులు, ఒక కుమార్తె, ఏడుగురు మనవళ్లు, ఇద్దరు మునిమనవళ్లు ఉన్నారు

Suryapet: సూర్యాపేటలో ఘనంగా సర్దార్ సర్వాయి పాపన్న 376వ జయంతి వేడుకలు! ఈ వార్తకు సంబంధించిన

Victoria 1107 Runs Record: ఆధునిక క్రికెట్‌లో టీ20ల రాకతో బ్యాటర్లు విరుచుకుపడుతున్నారు. పదుల సంఖ్యలో ఫోర్లు, సిక్సర్లు బాదుతూ బౌలర్లకు చుక్కలు చూపిస్తున్నారు. వన్డేల్లో 400 పరుగులు, టెస్టుల్లో 700 పరుగులు చేయడం ఇప్పుడు సాధారణ విషయంగా మారిపోయింది. సరిగ్గా 99 ఏళ్ల క్రితం ఎలాంటి ఆధునిక బ్యాట్లు, రక్షణ పరికరాలు లేని కాలంలోనే ఓ జట్టు బౌలర్లపై అత్యంత దారుణంగా దాడికి దిగింది. 1926 డిసెంబర్ 24న ఆస్ట్రేలియా దేశవాళీ క్రికెట్‌లో విక్టోరియా, న్యూ సౌత్ వేల్స్ జట్ల మధ్య జరిగిన ఫస్ట్ క్లాస్ మ్యాచ్ దీనికి వేదికైంది. ఆ రోజు విక్టోరియా బ్యాటర్లు ఆడిన ఇన్నింగ్స్ చరిత్రలో ఎప్పటికీ చెరిగిపోని ఒక మహా రికార్డుగా మిగిలిపోయింది. విల్ వుడ్‌ఫుల్ సారథ్యంలోని ఆ జట్టు ఏకంగా 1107 పరుగులు బోర్డుపై ఉంచి కనీవినీ ఎరుగని చరిత్ర సృష్టించింది. ఒకే ఇన్నింగ్స్‌లో వెయ్యికి పైగా పరుగులు చేయడం భవిష్యత్తులోనూ ఏ జట్టుకు సాధ్యపడకపోవచ్చు. ట్రిపుల్ సెంచరీతో చెలరేగిన పోన్స్‌ఫోర్డ్.. న్యూ సౌత్ వేల్స్ బౌలర్లకు ఆ మ్యాచ్ ఒక పీడకల లాంటిది. ఓపెనర్‌గా బరిలోకి దిగిన విక్టోరియా కెప్టెన్ బిల్ వుడ్‌ఫుల్ (133) పరుగుల వరదకు పునాది వేశాడు. అతనికి తోడుగా వచ్చిన మరో ఓపెనర్ బిల్ పోన్స్‌ఫోర్డ్ మైదానంలో ఆకాశమే హద్దుగా చెలరేగిపోయాడు. ఏకంగా 36 ఫోర్లు బాది 352 పరుగులతో ట్రిపుల్ సెంచరీ నమోదు చేశాడు. ప్రత్యర్థి బౌలర్లకు ఏమాత్రం అవకాశం ఇవ్వకుండా క్రీజులో పాతుకుపోయి వారి ఆత్మవిశ్వాసాన్ని దెబ్బతీశాడు. తర్వాతి స్థానాల్లో వచ్చిన బ్యాటర్లు కూడా ఏమాత్రం తగ్గలేదు. ఎక్కువమంది చదివినది: 59 ఫోర్లు, 1 సిక్స్‌.. ఒకే ఇన్నింగ్స్‌లో 451 పరుగులతో బీభత్సం.. ప్రపంచ రికార్డ్‌నే షేక్ చేసిన దిగ్గజాలు..! మూడో స్థానంలో బ్యాటింగ్‌కు వచ్చిన స్టార్క్ హెండ్రీ 100 పరుగులు సాధించగా, నాలుగో నంబర్ బ్యాటర్ జాక్ రైడర్ అద్భుతమైన డబుల్ సెంచరీతో కదం తొక్కాడు

కోకాపేట్‌ చరిత్రను అర్థం చేసుకోవాలంటే హైదరాబాద్‌ సంస్థాన కాలానికి వెళ్లాలి. నిజాం పాలనలో హైదరాబాద్‌ చుట్టుపక్కల విస్తారమైన భూములు వివిధ రకాల భూవ్యవస్థల కింద ఉండేవి. జాగీర్‌ వ్యవస్థలో భాగంగా కొన్ని భూభాగాలు ప్రభావవంతమైన కుటుంబాలు, అధికారులు, సంస్థానానికి అనుబంధ వర్గాల ఆధీనంలో ఉండేవి. ఆ సమయంలో కోకాపేట్‌ నేటి నగర రూపానికి పూర్తిగా భిన్నంగా ఉండేది. వ్యవసాయమే ప్రధాన కార్యకలాపంగా ఉండేది. జనసాంద్రత తక్కువగా ఉండటంతో గ్రామీణ వాతావరణం కనిపించేది. హైదరాబాద్‌ ప్రధాన నగర ప్రాంతాలతో పోలిస్తే ఈ ప్రాంతం పెద్దగా పట్టణీకరణకు లోనుకాలేదు. కోకాపేట్‌ భూముల్లో కొంత భాగం అప్పటి ప్రభావవంతమైన భూస్వామ్య కుటుంబాల ఆధీనంలో ఉన్నట్లు చారిత్రక ప్రస్తావన‌ల్లో కనిపిస్తాయి. భారత స్వాతంత్రం తర్వాత హైదరాబాద్‌ సంస్థానం భారతదేశంలో విలీనమైంది. అనంతరం హైదరాబాద్‌ ప్రాంతంలోని పాత భూవ్యవస్థల్లో ప్రభుత్వం కీలక మార్పులు తీసుకొచ్చింది. జాగీర్‌ వ్యవస్థ రద్దుతో అనేక భూముల పరిపాలన విధానం మారిపోయింది. ఆ దశలో కోకాపేట్‌కు మాత్రం వెంటనే పట్టణ ప్రాంత హోదా రాలేదు. హైదరాబాద్‌ నగరం అప్పటికి ప్రస్తుత స్థాయిలో పశ్చిమ దిశగా విస్తరించలేదు. దీంతో కోకాపేట్‌ చాలాకాలం వరకు నగరానికి బయట ఉన్న ప్రశాంతమైన ప్రాంతంగానే కొనసాగింది. కాలం గడిచే కొద్దీ హైదరాబాద్‌లో జనాభా పెరిగింది. కొత్త నివాస ప్రాంతాల అవసరం ఏర్పడింది. ప్రధాన నగర ప్రాంతాల్లో భూముల కొరత, ధరల పెరుగుదలతో అభివృద్ధి సంస్థలు, రియల్‌ ఎస్టేట్‌ కంపెనీలు నగర శివార్ల వైపు దృష్టి సారించాయి. ఈ పరిణామం కోకాపేట్‌ భవిష్యత్తును మార్చే కీలక దశగా మారింది. హైదరాబాద్‌ ఐటీ రంగంలో వేగంగా ఎదగడం కోకాపేట్‌ అభివృద్ధికి మరో పెద్ద కారణమైంది. గచ్చిబౌలి, ఫైనాన్షియల్‌ డిస్ట్రిక్ట్‌, నానక్‌రామ్‌గూడ వంటి ప్రాంతాల్లో కార్యాలయాలు, ఐటీ సంస్థలు పెరగడంతో వాటి చుట్టుపక్కల నివాసాలకు డిమాండ్‌ ఏర్పడింది. ఈ నేపథ్యంలో కోకాపేట్‌ భౌగోళిక స్థానం కీలకంగా మారింది. నగరంలోని ప్రధాన ఐటీ, ఆర్థిక కేంద్రాలకు సమీపంగా ఉండటంతో

ఈ రోజు చాలామంది అనుకుంటున్నట్లు BMW ప్రయాణం కార్ల తయారీ సంస్థగా ప్రారంభం కాలేదు. 20వ శతాబ్దం ప్రారంభంలో యూరప్‌లో ఇంజనీరింగ్, సాంకేతిక ఆవిష్కరణలు వేగంగా అభివృద్ధి చెందుతున్నప్పుడు ఈ కంపెనీ మొదలైంది. BMW పేరు దాని మూలం, భాష, పని విధానాన్ని సూచిస్తుంది. BMW కంపెనీని 1916లో జర్మనీలో స్థాపించారు. ప్రారంభంలో ఈ కంపెనీ కార్లకు బదులుగా విమానాల ఇంజిన్ల తయారీపై దృష్టి పెట్టింది. ఆ సమయంలో విమానయాన సాంకేతికత అభివృద్ధి చెందుతుండగా, నమ్మకమైన ఇంజిన్లను తయారు చేస్తూ BMW తన వంతు పాత్ర పోషించింది. BMW పూర్తి రూపం 'Bayerische Motoren Werke' (బయెరిషే మోటోరెన్ వెర్కే). ఇంగ్లీషులో దీని అర్థం 'Bavarian Motor Works' (బవేరియన్ మోటార్ వర్క్స్). 'Bayerische' అనే పదం దక్షిణ జర్మనీలోని 'Bavaria' (బవేరియా) అనే ప్రాంతాన్ని సూచిస్తుంది. 'Motoren' అంటే ఇంజిన్లు, 'Werke' అంటే ఫ్యాక్టరీ లేదా వర్క్స్. మొత్తం మీద ఈ పేరు జర్మనీలోని బవేరియా ప్రాంతంలో ఇంజిన్లు తయారు చేసే కంపెనీని సూచిస్తుంది. ప్రస్తుతం BMW కార్లు, మోటార్‌సైకిళ్లు, ఎలక్ట్రిక్ వాహనాలను తయారు చేస్తున్నప్పటికీ, 'Bayerische Motoren Werke' అనే పేరు ఇంజిన్ల తయారీ, మెకానికల్ డిజైన్‌లో కంపెనీకున్న బలమైన పునాదిని ఇప్పటికీ సూచిస్తుంది

క్రికెట్‌ను సాధారణంగా సురక్షితమైన క్రీడగానే భావిస్తాం. కానీ గంటకు 140 కిలోమీటర్లకుపైగా వేగంతో దూసుకొచ్చే బంతి శరీరంలోని కీలక భాగాలకు తగిలితే ప్రాణాంతకంగా మారొచ్చు. చారిత్రక రికార్డులు, వైద్య అధ్యయనాల ప్రకారం శతాబ్దాలుగా క్రికెట్‌ ఆడుతూ బంతి తాకిడితో పలువురు ప్రాణాలు కోల్పోయారు. ఆస్ట్రేలియాలో నిర్వహించిన ఒక చారిత్రక అధ్యయనం ప్రకారం 1858 నుంచి 2016 మధ్య మొత్తం 174 క్రికెట్‌ సంబంధిత మరణాలు నమోదయ్యాయి. ఫిలిప్ హ్యూస్‌.. ప్రపంచాన్ని కుదిపేసిన విషాదం క్రికెట్‌ బంతి తాకిడితో జరిగిన అత్యంత విషాదకర ఘటనల్లో ఆస్ట్రేలియా క్రికెటర్‌ ఫిలిప్ హ్యూస్‌ మరణం ఒకటి. 2014లో దేశవాళీ మ్యాచ్‌లో సీన్ అబాట్ వేసిన బౌన్సర్‌ అతని మెడ భాగంలో బలంగా తగిలింది. వెన్నుపూస సమీపంలోని రక్తనాళానికి తీవ్రమైన గాయం కావడంతో హ్యూస్‌ ఆసుపత్రిలో చికిత్స పొందుతూ కొన్ని రోజుల తర్వాత మరణించాడు. ఈ ఘటన తర్వాత బ్యాటర్ల భద్రతపై క్రికెట్‌ ప్రపంచంలో పెద్ద చర్చ మొదలైంది. ముఖ్యంగా హెల్మెట్ల డిజైన్‌, మెడ రక్షణకు సంబంధించిన పరికరాలపై మరింత దృష్టి పెట్టారు. రమణ్ లాంబా.. ఫీల్డింగ్‌లోనే ప్రాణాలు కోల్పోయాడు ఫిబ్రవరి 23, 1998న భార‌త క్రికెట్‌లో తీవ్ర విషాదం చోటు చేసుకుంది. 38 ఏళ్ల వ‌య‌స్సులో టీమిండియా కీల‌క ఆట‌గాడు రామ‌న్ లాంబా ప్రాణాలు విడిచారు. 1998లో బంగ్లాదేశ్‌లోని ఢాకాలో జరిగిన క్లబ్ మ్యాచ్ యావత్తు క్రికెట్ ప్రపంచాన్ని దిగ్భ్రాంతికి గురిచేసింది. అప్పటిలో చాలా మంది భారత క్రికెటర్లు బంగ్లాదేశ్ దేశవాళీ క్రికెట్‌లో ఆడేవారు. ఈ క్రమంలో ఢాకా ప్రీమియర్ డివిజన్ లీగ్‌లో అబహానీ క్రిరా చక్రకు ప్రాతినిధ్యం వహించిన లాంబా.. మహమ్మదన్ స్పోర్టింగ్ క్లబ్‌తో జరిగిన ఫైనల్‌ మ్యాచ్‌లో అకాల మరణం చెందారు. రామన్ లాంబా సిల్లీ పాయింట్ వద్ద ఫీల్డింగ్ చేస్తుండగా.. ప్రత్యర్ధి జట్టు బ్యాటర్ మెహ్రబ్ హుస్సేన్ భారీ షాట్ కొట్టాడు. ఈ క్రమంలో బంతి బలంగా సిల్లీ పాయింట్‌లో ఉన్న లాంబాకు తాకి

టెస్ట్ క్రికెట్ ప్రారంభమై 149 ఏళ్లు దాటింది. కానీ ఇప్పటివరకు ఎవరూ ఊహించని సంచలనం ఒకటి డార్విన్ మైదానంలో జరిగింది. క్రికెట్ దిగ్గజం ఆస్ట్రేలియాను వారి సొంతగడ్డపైనే బంగ్లాదేశ్ జట్టు చిత్తు చేసింది. 23 ఏళ్ల తర్వాత ఆస్ట్రేలియాలో పర్యటిస్తున్న నజ్ముల్ శాంటో సారథ్యంలోని బంగ్లాదేశ్ జట్టు ఏకంగా 9 వికెట్ల తేడాతో ఘన విజయం సాధించింది. డార్విన్ లోని మారా ప్రాంగణంలో జరిగిన ఈ మ్యాచ్ లో బంగ్లాదేశ్ క్రికెట్ జట్టు పూర్తి ఆధిపత్యం ప్రదర్శించింది. ఆస్ట్రేలియాను వారి సొంతగడ్డపై బంగ్లాదేశ్ ఓడించడం టెస్ట్ చరిత్రలోనే ఇది మొదటిసారి కావడం విశేషం. రెండో ఇన్నింగ్స్‌లో గ్రీన్ సెంచరీ చేసినప్పటికీ ఆస్ట్రేలియాను ఘోర ఓటమి నుంచి కాపాడలేకపోయాడు. ఈ టెస్ట్ సిరీస్‌కు కొద్ది రోజుల ముందు క్రికెట్ ఆస్ట్రేలియా XIతో జరిగిన వార్మప్ మ్యాచ్‌లో బంగ్లాదేశ్ ఘోరంగా విఫలమైంది. కేవలం 54 పరుగులకే ఆలౌట్ అయి, ఇన్నింగ్స్ 38 పరుగుల తేడాతో ఓడిపోయింది. కానీ ప్రధాన టెస్ట్ మ్యాచ్ ప్రారంభమయ్యే సరికి బంగ్లాదేశ్ పూర్తిగా మారిపోయింది. తొలి ఇన్నింగ్స్‌లో టాస్ గెలిచి బ్యాటింగ్ ఎంచుకున్న ఆస్ట్రేలియాను బంగ్లా పేసర్ హసన్ మహమూద్ 55 పరుగులు ఇచ్చి 6 వికెట్లు తీసి 198 పరుగులకే కుప్పకూల్చాడు. అనంతరం బ్యాటింగ్‌కు దిగిన బంగ్లాదేశ్ ఏకంగా 426 పరుగులు సాధించింది. దీంతో బంగ్లాదేశ్‌కు తొలి ఇన్నింగ్స్‌లో 228 పరుగుల భారీ ఆధిక్యం లభించింది. ఈ ఆధిక్యమే మ్యాచ్ స్వరూపాన్ని మార్చివేసింది. సాధారణంగా కంగారూలు ఫీల్డింగ్‌లో చాలా జాగ్రత్తగా ఉంటారు. కానీ ఈ మ్యాచ్‌లో ఫీల్డింగ్ లో తీవ్రంగా నిరాశపరిచారు. ఆస్ట్రేలియాలో ఆసియా జట్ల అత్యధిక టెస్ట్ విజయాలు (ఈ శతాబ్దంలో): మ్యాచ్ నాలుగో రోజు ఆల్ రౌండర్ మెహదీ హసన్ మిరాజ్ తన ఆఫ్ స్పిన్ బౌలింగ్‌తో ఆస్ట్రేలియా బ్యాటింగ్ లైన్ అప్‌ను దారుణంగా దెబ్బతీశాడు. ఆయన 33.1 ఓవర్లలో 66 పరుగులు ఇచ్చి 5 వికెట్లు పడగొట్టాడు

భారతీయ రక్తం, పంజాబీ పౌరుషం మరోసారి అంతర్జాతీయ స్థాయిలో దేశ పేరును మారుమోగేలా చేశాయి. భారతీయ సంతతికి చెందిన 28 ఏళ్ల అర్ష్‌దీప్ సింగ్ డాంగ్ బ్రిటన్ రాయల్ ఎయిర్ ఫోర్స్ ఫైటర్ పైలట్‌గా ఎంపికై చారిత్రాత్మక రికార్డు సృష్టించారు. రెండో ప్రపంచ యుద్ధం తర్వాత బ్రిటన్ వైమానిక దళంలో ఫైటర్ స్క్వాడ్రన్ నుంచి అధికారికంగా వింగ్స్ సాధించిన మొదటి సిక్కు యోధుడిగా అర్ష్‌దీప్ నిలిచారు. నార్త్ వేల్స్‌లోని ఆర్ఏఎఫ్ వ్యాలీలో శుక్రవారం జరిగిన వేడుకలో ఆయన గ్రాడ్యుయేషన్ పూర్తి చేసుకున్నారు. పంజాబ్‌లోని చండీగఢ్‌లో జన్మించిన అర్ష్‌దీప్, ఆరేళ్ల వయసులోనే తన కుటుంబంతో కలిసి ఇంగ్లాండ్‌కు వెళ్లారు.అర్ష్‌దీప్ విమానాన్ని అధిరోహించేందుకు సాగించిన ప్రయాణం సామాన్యమైనది కాదు. లండన్‌లోని రోడ్‌సైడ్ కలల నుంచి బ్రిస్టల్ యూనివర్సిటీలో మేథ్స్, ఫిలాసఫీ చదువుతూనే వైమానిక రంగానికి ఆకర్షితులయ్యారు. 2022లో ఆఫీసర్ శిక్షణ, 2023లో ప్రాథమిక ఫ్లయింగ్ కోర్సు పూర్తి చేసి సైప్రస్‌లో పనిచేశారు. ఆయన లోని అత్యుత్తమ ప్రతిభను గుర్తించి 2024లో ఫాస్ట్ జెట్ స్ట్రీమ్కు ఎంపిక చేశారు. ఆ తర్వాత 2025లో టెక్సాస్‌లో సోలో ఫ్లయింగ్, 2026 జులైలో వింగ్స్ టెస్టులో నెగ్గి చరిత్ర సృష్టించారు. ఫ్రంట్‌లైన్ ఫైటర్ జెట్‌లను నడిపేందుకు మరో ఏడాది పాటు ఆయన అత్యంత కఠినమైన అధునాతన శిక్షణ పొందనున్నారు. కిమ్‌కు దండం పెట్టేసిన ట్రంప్. అమెరికా సైనిక విన్యాసాలకు బ్రేక్..చర్దీ కలా స్పిరిట్.. ఆకాశంలోనూ తగ్గని విశ్వాసం!ఈ అద్భుత ఘనత వెనుక ఒక తరం నెరవేరని కల ఉంది. అర్ష్‌దీప్ తండ్రి జగదీప్ సింగ్‌ను పైలట్‌గా చూడాలని ఆయన తాతగారు సర్దార్ సంతోఖ్ సింగ్ కలలు కన్నారు. కానీ తండ్రి చిన్నతనంలోనే తాతగారు మరణించడంతో ఆ అవకాశం దక్కలేదు. తల్లిదండ్రుల ప్రోత్సాహంతో తాత కలను మనవడు నెరవేర్చారు. సంక్షోభ పరిస్థితుల్లోనూ గురుద్వారా పెంపకం, పంజాబీ సాంప్రదాయంలో చెప్పే చర్దీ కలా (ఎప్పుడూ ఉన్నతమైన మనోధైర్యంతో ఉండటం) అనే భావన తనకు విమానం

Basic Pay: ఉద్యోగుల కనీస వేతనాలు పెంచాలనే డిమాండ్లు వినిపిస్తున్నాయి. 8వ వేతన సంఘం ఏర్పాటైనప్పటి నుంచి ఉద్యోగుల బేసిక్ పే అంశంపై చాలా అంచనాలు వెలువడుతున్నాయి. కేంద్ర ప్రభుత్వ ఉద్యోగులు, పెన్షనర్లు 8వ వేతన సంఘం సిఫార్సుల కోసం ఆసక్తిగా ఎదురుచూస్తున్నారు. ప్రతీ వేతన సంఘం ప్రభుత్వ ఉద్యోగుల కనీస ప్రాథమిక వేతనం (Minimum Basic Pay), అలవెన్సులు, పెన్షన్ గణనీయంగా పెంచుతూ వస్తోంది. స్వాతంత్య్రానికి ముందే ఏర్పాటైన 1వ వేతన సంఘం నుంచి నేటి 7వ వేతన సంఘం వరకు రూ.55 గా ఉన్న కనీస బేసిక్ పే నేటు రూ.18000లకు ఎలా చేరిందో ఈ కతనం ద్వారా తెలుసుకుందాం. 1వ వేతన సంఘం: 1946లో ఒకటవ వేతన సంఘం అమలులోకి వచ్చింది. అప్పుడు ఉద్యోగుల కనీస వేతనం రూ.55 మాత్రమే. స్వాతంత్య్రానికి ముందు ప్రారంభ వేతన ప్రమాణాలు నిర్దేశించారు. 2వ వేతన సంఘం: 1959లో రెండో వేతన సంఘం అమలులోకి వచ్చింది. అప్పుడు ఉద్యోగుల కనీస వేతనాన్ని రూ.80కి పెంచారు. జీవన వయ్యానికి అనుగుణంగా బేసిక్ పే స్వల్పంగా పెంచారు. 3వ వేతన సంఘం: 1973లో మూడో వేతన సంఘం అమలులోకి వచ్చింది. అప్పుడు ఉద్యోగుల బేసిక్ పేను రూ.196కు పెంచారు. కరువు భత్యం (Dearness Allowance-DA), ఇతర అలవెన్సుల అనుసంధానం చేశారు. 4వ వేతన సంఘం: 1986లో నాలుగో వేతన సంఘం అమలులోకి వచ్చింది. ఉద్యోగుల కనీస వేతనాన్ని ఒక్కసారిగా రూ.750కి పెంచారు. ప్రభుత్వ ఉద్యోగుల జీతాల నిర్మాణంలో తొలిసారి భారీ పెరుగుదల నమోదు అప్పుడే జరిగింది. 5వ వేతన సంఘం: 1996లో 5వ వేతన సంఘం అమలులోకి వచ్చింది. అప్పుడు ఉద్యోగుల కనీస వేతనాన్ని రూ.2,550కి పెంచారు. పే స్కేళ్ల సంఖ్యను తగ్గించి, జీతాల నిర్మాణాన్ని సరళీకరించారు. 6వ వేతన సంఘం: 2006లో ఆరవ వేతన సంఘం అమలులోకి వచ్చింది. అప్పుడు ఉద్యోగుల బేసిక్ పేను రూ.7000లకు

క్రికెట్ ప్రపంచంలో ఒక అద్భుతం ఆవిష్కృతమైంది! సుదీర్ఘ కాలంగా కంగారూల కోటగా భావించే ఆస్ట్రేలియా గడ్డపై బంగ్లాదేశ్ క్రికెట్ జట్టు సరికొత్త చరిత్రను లిఖించింది. డార్విన్ వేదికగా జరిగిన తొలి టెస్ట్ మ్యాచ్‌లో పటిష్టమైన ఆస్ట్రేలియాను దెబ్బకొట్టి, ఆస్ట్రేలియాలో తమ తొలి టెస్ట్ విజయాన్ని సాధించింది. ఈ చారిత్రాత్మక విజయంతో 2 టెస్టుల సిరీస్‌లో 1-0 ఆధిక్యంలోకి దూసుకెళ్లింది. దీంతో బంగ్లాదేశ్ క్రికెట్ చరిత్రలో ఈరోజు మరిచిపోలేని రోజుగా మారిపోయింది.ఈ మ్యాచ్‌లో బంగ్లాదేశ్ జట్టు ఆరంభం నుంచే అద్భుతమైన ఆధిపత్యాన్ని ప్రదర్శించింది. ఆస్ట్రేలియాను తొలి ఇన్నింగ్స్‌లో 198 పరుగులకు ఆలౌట్ చేసింది. అనంతరం తమ తొలి ఇన్నింగ్స్‌లో ఏకంగా 138 ఓవర్ల పాటు బ్యాటింగ్ చేసి 426 పరుగుల భారీ స్కోరు సాధించింది. దీంతో 228 పరుగుల కొండంత ఇన్నింగ్స్ ఆధిక్యాన్ని దక్కించుకుంది. ఆస్ట్రేలియా బౌలర్లను సమర్థవంతంగా ఎదుర్కొంటూ బంగ్లాదేశ్ లోయర్ ఆర్డర్ బ్యాటర్లు చూపిన పోరాటపటిమ ఈ మ్యాచ్ ఫలితాన్ని మార్చడంలో అత్యంత కీలక పాత్ర పోషించింది.రెండో ఇన్నింగ్స్‌లోనూ ఆస్ట్రేలియా బ్యాటర్లు.. బంగ్లాదేశ్ బౌలర్ల దెబ్బకు నిలవలేకపోయారు. హసన్ మహమూద్, మెహిదీ హసన్, తైజుల్ ఇస్లామ్‌లు కట్టుదిట్టమైన బౌలింగ్‌తో వణికించారు. ఆస్ట్రేలియా అగ్రశ్రేణి బ్యాటర్లైన స్టీవ్ స్మిత్, మార్నస్ లబుషేన్, ట్రవిస్ హెడ్‌లను తక్కువ పరుగులకే పెవిలియన్‌కు పంపి ఆసీస్‌ను కోలుకోలేని దెబ్బతీశారు. దీంతో ఆ జట్టు రెండో ఇన్నింగ్స్‌లో 284 పరుగులకు ఆలౌట్ అయింది. అనంతరం స్వల్ప లక్ష్యంతో బరిలోకి దిగిన బంగ్లాదేశ్.. ఒక్క వికెట్ మాత్రమే కోల్పోయి 57 పరుగుల లక్ష్యాన్ని ఛేదించింది. దీంతో 9 వికెట్ల తేడాతో ఘన విజయం సాధించింది.ఆస్ట్రేలియాను వారి సొంత మైదానంలోనే మట్టికరిపించి ఈ చారిత్రాత్మక విజయాన్ని అందుకోవడం బంగ్లాదేశ్ క్రికెట్ ప్రయాణంలో ఒక మైలురాయిగా నిలిచిపోతుంది. ఎంతో కాలంగా ఆస్ట్రేలియా గడ్డపై విజయం కోసం నిరీక్షిస్తున్న బంగ్లాదేశ్‌కు ఇది అత్యంత తీపి జ్ఞాపకం.. ఈ విజయం ఆసియా క్రికెట్‌కు కూడా పెద్ద ఎత్తున

అయిదు దశాబ్దాల అనుబంధం. మరిచిపోలేని అనుభవం. సముద్రం మీదుగా విమానం గాలిలోకి ఎగురుతుంటే విండో సీట్లో కూర్చుని చేసిన ప్రయాణం. ఇక.. ఇదంతా గతం. కోట్లాది మంది ప్రయాణీకులకు రాక పోకలకు విశాఖ విమానాశ్రయం వేదికగా నిలిచింది. భోగాపురంలో అల్లూరి సీతారామరాజు అంతర్జాతీయ విమానాశ్రయం ప్రారంభమైన నేపథ్యంలో దీనిని పూర్తిగా మూసి వేస్తున్నారు. విశాఖలో ఈ విమానాశ్రయం మూసివేత వేళ గత చరిత్ర గుర్తు చేసుకుంటున్నారు.విశాఖ విమానాశ్రయం లో ఇక విమానాల రాకపోకలు నిలిచిపోనున్నాయి. భోగాపురం ఎయిర్‌పోర్టు సిద్ధమై సోమవారం నుంచి కార్యకలాపాలు ప్రారంభిస్తున్న నేపథ్యంలో ఆదివారం అర్ధరాత్రి నుంచి విశాఖ విమానాశ్రయానికి రాకపోకలు నిలిచిపోనున్నాయి. ఇక.. తూర్పు నౌకాదళం పూర్తిస్థాయిలో దీనిని ఉపయోగించుకోనుంది. విశాఖపట్నం విమానాశ్రయానికి ఘనమైన చరిత్ర ఉంది. రెండో ప్రపంచ యుద్ధం సమయంలో (1941) ఆంగ్లేయులు రాయల్‌ ఎయిర్‌ఫోర్స్‌ కోసం ఇక్కడ చిన్న రన్‌ వే (ఎయిర్‌ స్ట్రిప్‌) నిర్మించారు.నౌకాదళం 1972లో ఇదే రన్‌వేను రక్షణ అవసరాలకు ఉపయోగించుకోవడం ప్రారంభించింది. విశాఖలో తూర్పు నౌకాదళం కార్యకలాపాలు విస్తృతం కావడంతో, 1986లో ఆ రన్‌వేను, భూములను రక్షణ శాఖకు బదిలీ చేశారు. మొదట్లో విశాఖ పట్నానికి రోజుకు ఒకటే విమానం వచ్చి వెళ్లేది. సుమారు 3,050 మీటర్ల పొడవైన రన్‌వేను నిర్మిం చి 2007 జూన్‌ 15 నుంచి అందుబాటులోకి తీసుకువచ్చారు. ఆస్ట్రేలియా పై బంగ్లాదేశ్ సంచలన విజయం, టెస్టు క్రికెట్లో నయా చరిత్ర..!!ఎంతో ఘన చరిత్రకాగా, ప్రయాణికుల సంఖ్య పెరగడంతో వారి కోసం 2008లో ప్రత్యేకంగా ఒక టెర్మినల్‌ అందు బాటు లోకి తీసుకొచ్చారు. క్రమేణా శ్రీలంక, సింగపూర్‌, మలేసియా, బ్యాంకాక్‌లకు అంతర్జాతీయ సర్వీసులు అందుబాటులోకి వచ్చాయి. తదనంతర పరిణామాలతో విమానాశ్రయంలోకి ఒక వైపు నుంచే(సముద్రం మీదుగా) ల్యాండిం గ్‌, టేకాఫ్‌లకు అనుమతి ఇవ్వాలని నిర్ణయించింది. భోగాపురం లో గ్రీన్‌ఫీల్డ్‌ విమానాశ్రయం నిర్మాణానికి శంకుస్థాపన చేసిన తరువాత నేవీ విశాఖ వచ్చే విమానాలపై ఆంక్షలు పెంచింది. రాత్రి 11 గంటల

Sachin Tendulkar: బెంగళూరులోని ఒక హోటల్ వేదికగా 1995లో జరిగిన ఒకే ఒక్క ఒప్పందం భారత క్రీడారంగ వాణిజ్య స్వరూపాన్ని పూర్తిగా మార్చేసింది. 22 ఏళ్ల సచిన్ టెండూల్కర్ సంతకం చేసిన ఆ ఒక్క కాంట్రాక్ట్.. సాధారణ మ్యాచ్ ఫీజులపై ఆధారపడే భారత క్రికెటర్లను వందల కోట్ల బ్రాండ్లుగా మార్చే దిశగా తొలి అడుగు వేసింది. 1995 జులైలో రవిశాస్త్రి టీవీ వ్యాఖ్యాతగా పనుల్లో బిజీగా ఉన్న సమయంలో వర్డ్‌టెల్ అధినేత మార్క్ మస్కరెన్హాస్‌ను కలిశారు. సచిన్ టెండూల్కర్ కమర్షియల్ హక్కులను నిర్వహించేందుకు ఆసక్తి ఉందా అని రవిశాస్త్రి అడిగిన ప్రశ్నకు మార్క్ వెంటనే ఒప్పుకున్నారు. ఆ తర్వాత అక్టోబర్‌లో బెంగళూరులోని తాజ్ రెసిడెన్సీ హోటల్‌లో సచిన్ సోదరుడు అజిత్ టెండూల్కర్‌తో మార్క్ సమావేశమయ్యారు. ఐదేళ్ల కాలానికి గానూ రూ.2.5 మిలియన్ డాలర్లు (అప్పట్లో మన కరెర్సీలో సుమారు రూ.7.5 కోట్లు) గ్యారెంటీ ఇస్తూ సచిన్ కమర్షియల్ రైట్స్ కోసం మార్క్ ఆఫర్ ఇచ్చారు. న్యాయవాదుల వివాదాలు, కమిటీల చర్చలు లేకుండా సచిన్ కుటుంబం ఒకే రోజులో ఈ చారిత్రక నిర్ణయం తీసుకుంది. సుప్రీంకోర్టు తీర్పుతో మారిన భారత క్రికెట్ వ్యాపార సూత్రాలు ఆ రోజుల్లో భారత ఆటగాళ్లకు యాన్యువల్ కాంట్రాక్టులు లేవు. క్రికెటర్లు కేవలం మ్యాచ్ ఫీజులు, చిన్నపాటి పత్రిక ప్రకటనలపైనే ఆధారపడేవారు. బీసీసీఐ మ్యాచ్‌లను ప్రసారం చేసేందుకు దూర్‌దర్శన్‌కే డబ్బులు చెల్లించాల్సి వచ్చేది. అయితే 1995 ఫిబ్రవరిలో సుప్రీంకోర్టు ఎయిర్‌వేవ్స్ ప్రభుత్వ ఆస్తి కాదు, ప్రజా ఆస్తి అని చారిత్రాత్మక తీర్పు ఇచ్చింది. దీనితో ప్రసార హక్కుల వేలం తెరుచుకుంది. 1996 ప్రపంచకప్ ప్రసార హక్కులను వర్డ్‌టెల్ సంస్థ 10 మిలియన్ డాలర్లకు దక్కించుకుంది. ప్రసార హక్కులతో పాటు భారత్‌లో అత్యంత ప్రజాదరణ పొందిన సచిన్ బ్రాండ్ హక్కులను కూడా ఒకే సంస్థ చేజిక్కించుకోవడం క్రీడా రంగంలో కొత్త అధ్యాయానికి తెరలేపింది. సచిన్ సోదరుడు అజిత్ పెట్టిన ఏకైక నిబంధన ఏంటంటే

CM Chandrababu: అమరావతిలోని రాయపూడి పరేడ్ గ్రౌండ్స్‌లో 80వ స్వాతంత్ర్య దినోత్సవ వేడుకలు ఘనంగా జరిగాయి. ఈ సందర్భంగా ముఖ్యమంత్రి చంద్రబాబు నాయుడు జాతీయ పతాకాన్ని ఆవిష్కరించారు. అనంతరం ప్రజలను ఉద్దేశించి ప్రసంగించిన ఆయన.. దేశం మనకు హక్కులు, గుర్తింపు, గౌరవం ఇచ్చిందని, ఇప్పుడు దేశానికి మనం ఏం చేయగలమో ఆలోచించాల్సిన సమయం వచ్చిందని అన్నారు. దేశమే నా బాధ్యత.. ప్రతి ఒక్కరిలో సంకల్పం ఉండాలి దేశం మనకు ఎంతో ఇచ్చిందని, అందుకే “దేశమే నా బాధ్యత” అనే ఆలోచనతో ముందుకు సాగాలని సీఎం చంద్రబాబు పిలుపునిచ్చారు. ప్రతి ఒక్కరి చేతిలో జాతీయ జెండా ఉండటంతో పాటు, గుండెల్లో బలమైన అజెండా ఉండాలని అన్నారు. అనుకున్న లక్ష్యాలను సాధించేందుకు వచ్చే 20 ఏళ్లకు అనుసంధానమైన ప్రణాళికతో పనిచేస్తామని ఈ స్వాతంత్ర్య దినోత్సవం సందర్భంగా సంకల్పం తీసుకోవాలని సూచించారు. దేశానికి మనం ఏం ఇవ్వగలం అనే ఆలోచనే “అనే నేను..” అనే సంకల్పానికి మూలమని పేర్కొన్నారు. సమాజ హితం కోసం పనిచేయాలి తాము చేసే ప్రతి పని దేశ భవిష్యత్తును దృష్టిలో పెట్టుకుని, సమాజ హితం కోసం ఉండాలని చంద్రబాబు అన్నారు. దేశ నిర్మాణంలో ప్రతి ఒక్కరికీ భాగస్వామ్యం ఉందని స్పష్టం చేశారు. విద్యార్థులు తమ నైపుణ్యాలను ఉపయోగించి ఆవిష్కరణలు సాధించాలని, రైతులు ప్రకృతి సాగు ద్వారా ప్రజల ఆరోగ్యంతో పాటు భూసారాన్ని కాపాడాలని సూచించారు. ఉద్యోగులు అంకితభావంతో పనిచేస్తూ సమాజం పట్ల తమ బాధ్యతను నెరవేర్చాలని అన్నారు. మహిళలు అందుబాటులో ఉన్న అవకాశాలను అందిపుచ్చుకుని సాధికారత సాధించాలని పిలుపునిచ్చారు. ప్రతి వ్యక్తి తన వ్యక్తిగత జీవితంలో విజయం సాధించడం ద్వారా దేశ నిర్మాణంలో భాగస్వామి కావాలని సూచించారు. ఆలోచన చిన్నదైనా.. సంకల్పం గొప్పగా ఉండాలి ఒక వ్యక్తిగా తమ ఆలోచన చిన్నదిగా ఉన్నప్పటికీ, దేశం కోసం చేసే సంకల్పం మాత్రం గొప్పదిగా ఉండాలని చంద్రబాబు అన్నారు. వ్యక్తిగత ప్రయోజనాలకు మించి దేశ ప్రయోజనాలను దృష్టిలో

1947 ఆగస్టు 15న భారతదేశం స్వేచ్ఛా వాయువులు పీల్చుకున్న వేళ రాజధాని ఢిల్లీలో అపూర్వ ఘట్టం ఆవిష్కృతమైంది. దేశానికి స్వాతంత్య్రం సిద్ధించిన ఆ తొలి ఉదయం ఢిల్లీ వీధులు, మైదానాలు జనసంద్రంగా మారిన తీరును చారిత్రక రికార్డులు వెల్లడిస్తున్నాయి. ఆగస్టు 14 అర్ధరాత్రి న్యూఢిల్లీలోని కాన్స్టిట్యూయెంట్ అసెంబ్లీలో పండిట్ జవహర్‌లాల్ నెహ్రూ చేసిన ప్రసంగంతో భారత్ స్వతంత్ర దేశంగా కొత్త ప్రయాణాన్ని ప్రారంభించింది. గడియారం 12 గంటలు కొట్టగానే అసెంబ్లీలో శంఖనాదం మోగగా, వెలుపల వేలాది మంది ప్రజలు జాతీయ నినాదాలతో హోరెత్తించారు. స్వాతంత్య్రం వచ్చిన ఆ రాత్రి నుంచే ఢిల్లీ నలుమూలల నుంచి లక్షలాది మంది ప్రజలు అసెంబ్లీ భవనం వద్దకు వచ్చి చేరారు. సమకాలీన సైనిక రికార్డుల ప్రకారం అర్ధరాత్రి సమయంలోనే దాదాపు 3 లక్షల మంది పౌరులు రహదారులపై గుమిగూడి తమ సంతోషాన్ని పంచుకున్నారు. ఉదయం ప్రమాణ స్వీకార కార్యక్రమాలు పూర్తయినా కూడా వేలాది మంది ప్రజలు రాత్రంతా ఫుట్‌పాత్‌లపైనే నిద్రించి చారిత్రక ఘట్టాల కోసం వేచి చూశారు. ఆగస్టు 15 ఉదయం రాష్ట్రపతి భవన్‌లో గవర్నర్ జనరల్ ప్రమాణ స్వీకారం అనంతరం కొత్త మంత్రిమండలి ప్రమాణం చేయడంతో పాటు 31 తుపాకుల సెల్యూట్ ఇచ్చారు. ఇదిలా ఉండగా ఆ రోజు మధ్యాహ్నం ఇండియా గేట్ సమీపంలోని ప్రిన్సెస్ పార్క్‌లో భారీ ప్రజా ధ్వజారోహణ కార్యక్రమం నిర్వహించారు. కేవలం 30 వేల మంది వస్తారని అధికారులు అంచనా వేసినప్పటికీ అనూహ్యంగా 5 లక్షలకు పైగా ప్రజలు తరలిరావడంతో అక్కడ ప్లాన్ చేసిన పరేడ్ రద్దు చేయాల్సి వచ్చింది. దీంతో భారీ జనసముద్రం మధ్యలోనే నెహ్రూ మరియు లార్డ్ మౌంట్‌బాటన్ ఎంతో శ్రమించి వేదికపైకి చేరుకుని త్రివర్ణ పతాకాన్ని ఎగురవేశారు. జెండా ఎగురవేసే ఆ చారిత్రక సమయంలో ఆకాశంలో వర్షం కురిసి ఇంద్రధనుస్సు కనిపించడాన్ని ప్రజలంతా శుభసూచనగా భావించారు. ఫలితంగా దేశవ్యాప్తంగా స్వేచ్ఛా ఉత్సాహం వెల్లువెత్తినప్పటికీ, మరోవైపు దేశ విభజన వల్ల

చరిత్రను తెలుసుకున్న వాళ్లే భవిష్యత్తును చక్కగా నిర్మించగలరని తెలంగాణ రక్షణ సేన అధ్యక్షురాలు కవిత అన్నారు. టీఆర్‌ఎస్ రాష్ట్ర కార్యాలయంలో 80వ స్వాతంత్ర్య వేడుకలను ఘనంగా నిర్వహించారు. హైదరాబాద్, ఆగస్టు 15: చరిత్రను తెలుసుకున్న వాళ్లే భవిష్యత్తును చక్కగా నిర్మించగలరని తెలంగాణ రక్షణ సేన అధ్యక్షురాలు కవిత అన్నారు. టీఆర్‌ఎస్ రాష్ట్ర కార్యాలయంలో 80వ స్వాతంత్ర్య వేడుకలను ఘనంగా నిర్వహించారు. ఈ సందర్భంగా కవిత జాతీయ జెండాను ఎగురవేశారు. అనంతరం మాట్లాడుతూ... బ్రిటీష్ పాలనలో జరిగిన అఘయిత్యాలు, విభజించి పాలించిన విధానం అందరికీ తెలియాల్సి అవసరం ఉందన్నారు. రెండు ప్రపంచ యుద్ధాలకు భారతీయులను సైనికులుగా వాడుకొని ఎంతో మంది చావులకు కారణమయ్యారని మండిపడ్డారు. బ్రిటీష్ వాళ్లు వచ్చిన తర్వాతే కుల వ్యవస్థ మరింత పెరిగిందని వ్యాఖ్యానించారు. అడవుల్లో ఉండే ఆదివాసీలను రాజ్యం పరిధిలోకి తెచ్చి తీరని అన్యాయం చేశారన్నారు. బ్రిటీష్ పరిపాలన పోయినప్పటికీ వాళ్ల ఆలోచన విధానాన్నే ఇప్పటికీ అమలు చేస్తున్నారని కవిత విమర్శించారు. ఇంగ్లీష్ మాట్లాడిన వాళ్లే గొప్ప అన్నట్లుగా చూస్తున్నారని.. తెలుగు భాష మాట్లాడితే తక్కువ చేసి చూస్తున్నారని మండిపడ్డారు. ‘తెల్ల తోలు గొప్ప, నల్ల తోలు కాదన్నట్లుగా ప్రచారం చేసి మనలో మనల్ని శత్రువులను చేశారు’ అని అన్నారు. ఆనాటి బ్రిటీష్ వాళ్ల పరిపాలన, ఆలోచనా విధానాన్ని వీడాలని కవిత పేర్కొన్నారు. నవ భారత నిర్మాణంలో ప్రతి పౌరుడు కర్తవ్యనిష్టతో ముందుకు సాగాలి: సీఎం రేవంత్ గోల్కొండ కోటపై జాతీయ జెండా ఆవిష్కరించిన సీఎం రేవంత్

Goa Liberation Day : బ్రిటీష్ పాలన నుంచి భారత దేశానికి 1947లో విముక్తి లభించిన విషయం తెలిసిందే. ఆగస్టు 15వ తేదీన దేశానికి స్వాతంత్ర్యం వచ్చింది. అయితే, మన దేశంలో కొన్ని సంస్థానాలకు మాత్రం ఆ రోజు స్వాతంత్ర్య సంబరాలు చేసుకునే అవకాశం లేకుండాపోయింది. అలాంటి ప్రాంతాల్లో గోవా ఒకటి. అయితే, గోవా అప్పటికి బ్రిటిష్ పాలనలో లేదు. ఆ సమయంలో గోవా పోర్చుగీసు పాలనలో కొనసాగింది. చివరకు 1961లో భారత సాయుధ దళాలు చేపట్టిన ‘ఆపరేషన్ విజయ్’ ద్వారా గోవా విముక్తి పొందింది. ఈ సైనిక చర్య 36 గంటలకు పైగా కొనసాగి, 19 డిసెంబర్ 1961న పోర్చుగీసు దళాల లొంగుబాటుతో ముగిసింది. 1947లో బ్రిటిష్ పాలన ముగిసిన తర్వాత భారతదేశంలోని అత్యధిక ప్రాంతాలు స్వతంత్ర భారతదేశంలో భాగమయ్యాయి. అప్పటికి గోవాలో పోర్చుగీసు పాలన కొనసాగుతోంది. పోర్చుగీసులు 1510 నుంచి గోవాపై తమ ఆధిపత్యాన్ని కొనసాగించారు. భారత్ స్వాతంత్ర్యం పొందిన తర్వాత గోవాను భారత్‌లో విలీనం చేయడానికి దౌత్యపరంగా ప్రయత్నాలు జరిగాయి. కానీ, పోర్చుగల్ గోవాపై తన నియంత్రణను వదులుకోవడానికి అంగీకరించలేదు. దీంతో భారత దేశానికి స్వాతంత్ర్యం వచ్చిన తరువాత కూడా సుదీర్ఘకాలం గోవా వారి పాలనలోనే కొనసాగింది. 1961 డిసెంబర్‌లో పరిస్థితి కీలక మలుపు తిరిగింది. భారత సాయుధ దళాలు ‘ఆపరేషన్ విజయ్’ పేరుతో భూ, వాయు, సముద్ర మార్గాల్లో సైనిక చర్య ప్రారంభించాయి. ఈ ఆపరేషన్ డిసెంబర్ 17 నుంచి 19 వరకు సాగింది. 36 గంటలకుపైగా జరిగిన సైనిక చర్య అనంతరం పోర్చుగీసు గవర్నర్ మాన్యుయెల్ ఆంటోనియో వస్సాలో ఇ సిల్వా లొంగిపోయారు. దీంతో 1961 డిసెంబర్ 19న గోవా అధికారికంగా భారతదేశంలో భాగమైంది. అప్పటి నుంచి ప్రతి ఏడాది డిసెంబర్ 19న గోవా విమోచన దినోత్సవం నిర్వహిస్తారు. ఈ రోజుతో భారత భూభాగంలో కొనసాగుతున్న పోర్చుగీసు పాలనకు ముగింపు పలికింది. పోర్చుగీసు నుంచి భారత దేశంలో

Pakistan Independence Day : ఇండియా, పాకిస్థాన్ రెండు కంట్రీస్ కూడా బ్రిటిష్ రూల్ నుంచి ఒకే టైమ్‌లో ఫ్రీడమ్ సాధించాయి. 1947 ఆగస్టు 14 అండ్ 15 మిడ్‌నైట్ పొందిన ఈ ఇండిపెండెన్స్ వెనుక ఎంతో హిస్టరీ, ఎమోషన్స్ అండ్ డివిజన్ పెయిన్ ఉన్నాయి. అయితే ప్రతి సంవత్సరం మన నైబర్ కంట్రీ పాకిస్థాన్ ఆగస్టు 14న వాళ్ల ఇండిపెండెన్స్ డే సెలబ్రేట్ చేసుకుంటే, మన ఇండియా మాత్రం ఆగస్టు 15న గ్రాండ్‌గా జరుపుకుంటుంది. బ్రిటిష్ రూలర్స్ ఒకే టైమ్‌లో రెండు దేశాలకు పవర్ ట్రాన్స్‌ఫర్ చేసినప్పుడు, ఈ ఒక్క రోజు గ్యాప్ ఎలా వచ్చిందనేది చాలా ఇంట్రెస్టింగ్ అండ్ క్యూరియస్ టాపిక్. లార్డ్ మౌంట్‌బాటన్ బిజీ షెడ్యూల్.. రెండు కంట్రీస్ పవర్ ట్రాన్స్‌ఫర్ స్టోరీ స్వాతంత్య్రం ఇచ్చే టైమ్‌లో లాస్ట్ వైస్రాయ్ లార్డ్ మౌంట్‌బాటన్ రోల్ చాలా క్రూషియల్. 1947 ఆగస్టు 15న అఫీషియల్ ట్రాన్స్‌ఫర్ ఆఫ్ పవర్ జరగాల్సి ఉంది. కానీ వైస్రాయ్‌గా ఉన్న మౌంట్‌బాటన్ ఒకే టైమ్‌లో కరాచీ (అప్పటి పాకిస్థాన్ క్యాపిటల్) అండ్ ఢిల్లీ రెండింటిలోనూ డైరెక్ట్‌గా ప్రెజెంట్ కావడం ఇంపాజిబుల్ అయిపోయింది. ఈ ప్రోటోకాల్ అండ్ ట్రావెల్ ఇష్యూని సాల్వ్ చేయడానికి మౌంట్‌బాటన్ ఆగస్టు 14న కరాచీకి వెళ్లి మహమ్మద్ అలీ జిన్నాకు పవర్ హ్యాండోవర్ చేస్తున్నట్లు అఫీషియల్ అనౌన్స్‌మెంట్ చేశారు. ఆ నెక్స్ట్ డే అంటే ఆగస్టు 15న ఢిల్లీకి వచ్చి ఇండియన్ లీడర్స్‌కి పవర్ ఇచ్చారు. కరాచీలో ఈ ఈవెంట్ ఆగస్టు 14 ఆఫ్టర్ నూనే జరగడం వల్ల, పాకిస్థాన్ ఆ డేట్‌నే తమ ఇండిపెండెన్స్ డేగా కన్సిడర్ చేయడం స్టార్ట్ చేసింది. టైమ్ జోన్ డిఫరెన్స్.. ఆ అర గంట గ్యాప్ గేమ్ ఇక నెక్స్ట్ మెయిన్ టెక్నికల్ రీజన్ 'టైమ్ జోన్ డిఫరెన్స్'. 1947 ఆగస్టు 14 అండ్ 15 మధ్య మిడ్‌నైట్ 12:00 క్లాక్‌కి ఇండియన్ యూనియన్ అండ్

చుట్టూ మైళ్ల కొద్దీ అరేబియా సముద్రం.. నోట్లో చుక్క కూడా పోసుకోలేని ఉప్పు నీరు, కానీ ఆ సముద్రం మధ్యలో ఒక చారిత్రక కోట.. ఆ కోటలోకి అడుగుపెడితే..తీయని నీరు దొరుకుతుంది. పాలు, పెరుగు, పంచదార పేర్లతో పిలిచే ఆ మూడు తీపి నీటి బావుల వెనక కథేంటి? ఉప్పు నీటి మధ్యలో తియ్యటి నీరు ఎలా సాధ్యం అయ్యింది? దీని వెనక సైన్స్ ఏంటి? మహారాష్ట్రలోని మాల్వన్ తీరానికి కాస్త దూరంలో, అరేబియా సముద్రంలో ఉమ్మడి ద్వీపంపై నిర్మించినదే 'సింధుదుర్గ్ కోట' . ఛత్రపతి శివాజీ మహారాజ్ సైనిక వ్యూహంతో నిర్మించిన ఈ కోటలో శత్రువులు ఊహించని ఒక ప్రత్యేకత ఉంది. కోట లోపల దూధ్‌బావ్ (Milk Well), సాఖర్‌బావ్ (Sugar Well), దహీబావ్ (Curd Well) అని పిలిచే మూడు ప్రత్యేకమైన బావులు ఉన్నాయి. సముద్రపు ఒడ్డున ఎంత తవ్వినా ఉప్పునీరే పడే చోట.. ఈ బావుల్లో మాత్రం తీయని తాగునీరు లభిస్తుంది. చాలామంది ఇది ఏదో దైవిక శక్తుల వల్ల లేదా అద్భుతం వల్ల జరుగుతోందని నమ్ముతారు. కానీ దీని వెనుక ఉన్నది సైన్స్ మాత్రమే అని నిపుణులు చెబుతున్నారు. ఫ్రెష్‌వాటర్ లెన్స్ : లక్షద్వీప్ వంటి సముద్ర ద్వీపాల్లోనూ ఈ ఫినామినా కనిపిస్తుంది. వర్షం పడినప్పుడు కోటలోని రాళ్లు, ఇసుక పొరల గుండా నీరు ఇంకి భూమి అడుగు భాగానికి చేరుతుంది. సాంద్రతలో తేడా: సముద్రపు ఉప్పునీటి సాంద్రత (Density) ఎక్కువ.. వర్షపు మంచినీటి సాంద్రత తక్కువ. అందువల్ల భూగర్భంలో చేరిన మంచినీరు, సముద్రపు ఉప్పునీటిపై ఒక పలుచని పొరలా తేలియాడుతూ నిల్వ ఉంటుంది. బావులు తవ్వినప్పుడు ఈ మంచినీటి పొర నుంచే నీరు ఊరుతుంది. కోట నిర్మాణ సమయంలో శత్రువులు నెలల తరబడి ముట్టడి వేస్తే లోపల ఉన్న సైన్యానికి ప్రాణాధారం 'తాగునీరు'. కోట బయటకు వెళ్లకుండా సైనికులు ఏళ్ల తరబడి పోరాడేందుకు, ప్రకృతి సిద్ధమైన ఈ

దక్షిణ భారతదేశ దేవాలయాలలో లభించే పులిహోర కేవలం రుచికరమైన ప్రసాదం మాత్రమే కాదు, ఆధ్యాత్మికంగా, ఆరోగ్యపరంగా ఎంతో ప్రాముఖ్యత కలిగింది. పులిహోర తయారీలో ఉపయోగించే చింతపండు, పసుపు, ఇంగువ, మిరియాలు, ఆవాలు, కరివేపాకు వంటి సుగంధ ద్రవ్యాలు జీర్ణక్రియను మెరుగుపరచడంతో పాటు శరీరానికి రోగనిరోధక శక్తిని అందిస్తాయి. ఆయుర్వేదం ప్రకారం ఇది త్రిదోషాలను సమతుల్యం చేస్తుంది. ఈ పులిహోర ఆధ్యాత్మిక ప్రాముఖ్యత ఏంటో ఇప్పుడు చూద్దాం.. అసలు పులిహోర ఎలా పుట్టింది అనే విషయానికి వస్తే.. దక్షిణ భారతీయ భాషల నుంచి వచ్చింది పులిహోర. ఇందులో పులి అంటే చింతపండు రుచి, హోర అంటే అన్నం లేదా వండిన బియ్యానికి సంబంధించిన పదం. ఈ పులిహోరను తమిళంలో పులియోదరై, కన్నడంలో పులియోగరే అని పిలుస్తారు. అందువల్ల పులిహోర అంటే పులుపు అన్నం అని అర్థం. ఇది కేవలం వంటకం కాదు. భాష, సంస్కృతి, ఆధ్యాత్మికత కలసిన జీవన చిహ్నం. ఆలయాలలో పూజలు ముగిసిన తర్వాత భగవంతునికి నివేదించే నైవేద్యంలో పులిహోరకు అగ్రతాంబూలం ఉంటుంది. ఆయుర్వేద, వైష్ణవ సంప్రదాయాల ప్రకారం, చింతపండుతో తయారుచేసే ఈ అమ్ల ఆహారం సాత్విక గుణాలను పెంపొందిస్తుంది. మంత్రోచ్ఛారణల మధ్య, పవిత్రమైన వాతావరణంలో తయారుచేసి స్వామివారికి అర్పించడం వల్ల ఈ ప్రసాదంలో సానుకూల శక్తి నిండి ఉండి, భక్తులకు ఆధ్యాత్మిక ఆనందాన్ని కలిగిస్తుంది. ఇకపోతే, పులిహోర తయారీలో వాడే ప్రతి పదార్థమూ ఒక ఔషధ గని అని చెప్పవచ్చు. ఇకపోతే, పులిహోర తయారీలో వాడే ప్రతి పదార్థమూ ఒక ఔషధ గని అని చెప్పవచ్చు. చింతపండు : ఇందులో విటమిన్ C, యాంటీ ఆక్సిడెంట్లు పుష్కలంగా ఉంటాయి. ఇది జీర్ణక్రియను వేగవంతం చేయడమే కాకుండా శరీరంలో కొలెస్ట్రాల్‌ను తగ్గించడంలో సహాయపడుతుంది. పసుపు: ఇది సహజసిద్ధమైన యాంటీసెప్టిక్, యాంటీ బయోటిక్. రోగనిరోధక శక్తిని పెంచి, ఇన్ఫెక్షన్ల నుండి కాపాడుతుంది. ఇంగువ, ఆవాలు: కడుపులో గ్యాస్, ఉబ్బరం వంటి సమస్యలను నివారించి జీర్ణవ్యవస్థను ఆరోగ్యంగా

ఆగస్టు 13న అంతర్జాతీయ ఎడమచేతి వాటం వారి దినోత్సవాన్ని నిర్వహిస్తారు. ఈ సందర్భంగా ఎడమచేతితో పనులు చేసే వారి ప్రత్యేకతలు, అలవాట్లు, ఆసక్తికరమైన విషయాల గురించి తెలుసుకుందాం.. ఇంటర్నెట్ డెస్క్: ప్రతి ఏడాది ఆగస్టు 13న అంతర్జాతీయ ఎడమచేతి వాటం వారి దినోత్సవాన్ని నిర్వహిస్తారు. ఎడమ చేతితో రాయడం, తినడం, ఇతర పనులు చేయడం అలవాటుగా ఉన్నవారు ప్రపంచ జనాభాలో సుమారు 10 శాతం మంది ఉన్నట్లు అంచనాలు చెబుతున్నాయి. ఈ రోజును ఎడమచేతి వాటం వారు ఎదుర్కొనే ఇబ్బందులు, వారి ప్రత్యేకతలపై అవగాహన కల్పించేందుకు నిర్వహిస్తారు. ప్రపంచంలోని చాలా వస్తువులు, పనిముట్లు కుడిచేతి వాటం వారికి అనుకూలంగా రూపొందించబడి ఉంటాయి. దీంతో ఎడమచేతి వాటం వారు కొన్ని సందర్భాల్లో ఇబ్బందులు ఎదుర్కొంటారు. అయినప్పటికీ వారు తమకు అనుకూలమైన విధంగా వాటిని ఉపయోగిస్తూ పనులను పూర్తి చేస్తారు. లెఫ్ట్-హ్యాండర్స్ క్లబ్ వ్యవస్థాపకుడు డీన్ ఆర్. క్యాంప్‌బెల్ 1976లో ఈ దినోత్సవాన్ని ప్రారంభించారు. కొన్ని అధ్యయనాల ప్రకారం.. ఎడమచేతి వాటం వారి ఆలోచనా విధానం, సృజనాత్మకతలో కొన్ని ప్రత్యేకతలు కనిపిస్తాయి. అయితే ఎడమచేతి వాటం ఉన్న ప్రతి ఒక్కరూ ఎక్కువ తెలివితేటలు లేదా అధిక ఐక్యూ కలిగి ఉంటారని చెప్పడానికి తగిన ఆధారాలు లేవు. వారిలో సృజనాత్మకత, సమస్యలను విభిన్నంగా పరిష్కరించే సామర్థ్యం, పరిస్థితులకు అనుగుణంగా మారే లక్షణాలు కనిపించవచ్చని కొన్ని పరిశోధనలు సూచిస్తున్నాయి. క్రికెట్, టెన్నిస్, బాక్సింగ్ వంటి క్రీడల్లో ఎడమచేతి వాటం ఆటగాళ్లు ప్రత్యర్థులకు భిన్నమైన సవాలుగా నిలుస్తారు. రఫెల్ నాదల్, డియెగో మారడోనా, బ్రియాన్ లారా, పీలే వంటి ప్రముఖ క్రీడాకారులు ఎడమచేతి వాటం వారిగా గుర్తింపు పొందారు. మొత్తంగా చూస్తే, ఎడమచేతి వాటం అనేది లోపం కాదు.. ఒక సహజమైన భిన్నత్వం. తమకు అనుకూలంగా లేని పరిస్థితులను అధిగమిస్తూ ప్రత్యేక గుర్తింపు సాధిస్తున్న ఎడమచేతి వాటం వారిని గౌరవించడమే ఈ దినోత్సవం ముఖ్య ఉద్దేశం. Note: ఇందులోని సమాచారం ఇంటర్నెట్‌లో

రెండో ప్రపంచ యుద్ధంలో సైనికులకు ఆహారం అంటే రుచి కంటే ఎక్కువ రోజులు నిల్వ ఉండటం, సులభంగా తీసుకెళ్లడం, ఎక్కువ శక్తినివ్వడం ముఖ్యం. యుద్ధభూముల్లో తాజా ఆహారం, వంట సదుపాయాలు అందుబాటులో లేకపోవడంతో అమెరికా సహా పలు దేశాల సైన్యాలు ప్రత్యేక రేషన్‌ ప్యాక్‌లను సిద్ధం చేశాయి. క్యాన్లలో మాంసం నుంచి గట్టి బిస్కెట్లు, చాక్లెట్‌, ఇన్‌స్టంట్‌ కాఫీ వరకు ఎన్నో రకాల ఆహారాలు సైనికుల రేషన్‌లో భాగమయ్యాయి.డి, సి, కె రేషన్‌లుగా విభజనరెండో ప్రపంచ యుద్ధంలో అమెరికా సైన్యం సైనికుల అవసరాలను బట్టి రేషన్‌లను వేర్వేరు కేటగిరీలుగా రూపొందించింది. డి-రేషన్‌ అత్యవసర పరిస్థితుల్లో ఉపయోగించే అధిక శక్తి ఆహారం కాగా, సి-రేషన్‌ రోజువారీ భోజనానికి సరిపోయే క్యాన్డ్ మీల్‌గా రూపొందింది. కె-రేషన్‌ మాత్రం తక్కువ బరువుతో సులభంగా తీసుకెళ్లేందుకు, ముఖ్యంగా వేగంగా కదిలే సైనికుల కోసం తయారు చేశారు. అమెరికా ఆర్మీ చారిత్రక రికార్డులు కూడా వీటిని ప్రత్యేక సైనిక రేషన్ కేటగిరీలుగా పేర్కొంటున్నాయి.ఒక రోజు రేషన్‌ తో దాదాపు 3,700 కేలరీల శక్తిఅమెరికా సైనికుల సి-రేషన్‌లో క్యాన్‌లో భద్రపరిచిన మాంసం, కూరగాయలతో కూడిన కూర ప్రధానంగా ఉండేవి. టొమాటో సాస్‌లో మీట్‌, మీట్‌ నూడుల్స్‌, పోర్క్‌ అండ్‌ బీన్స్‌, చికెన్‌, వెజిటబుల్స్‌ వంటి వంటకాలు కూడా ఉండేవి. ఒక రోజు రేషన్‌ దాదాపు 3,700 కేలరీల శక్తిని అందించేది. ఫ్రిజ్‌ లేదా ప్రత్యేక వంట సదుపాయం అవసరం లేకపోవడం వీటి ప్రధాన ప్రయోజనం.కె-రేషన్‌ బిస్కెట్లుతక్కువ బరువుతో ఎక్కువ దూరం వెళ్లాల్సిన సైనికుల కోసం కె-రేషన్‌

ఆధునిక కాలంలో 'స్కూల్' (పాఠశాల) అనగానే మనకు వెంటనే గుర్తొచ్చేవి కఠినమైన రూల్స్, పరీక్షలు, హోమ్‌వర్క్, క్రమశిక్షణ, రోజూ ఉదయాన్నే పరుగులు, టైమ్ కు వెళ్లాలని ఆరాటం, ఇవే గుర్తుకు వస్తుంటాయి. చదువును చాలామంది విద్యార్థులు ఒక పెద్ద బాధ్యతగా భావిస్తుంటారు. అందుకోసం చాలా ఒత్తిడిని భరిస్తుంటారు. అయితే అసలు 'స్కూల్' అనే పదానికి అర్ధం ఏంటో తెలుసా? ఇది ఎలా పుట్టిందనేది తెలిస్తే ఎవరైనా ఆశ్చర్యపోవాల్సిందే! మనం ప్రస్తుతం భావించే నియంత్రణలకు, ఒత్తిళ్లకు పూర్తి భిన్నంగా... ఈ పదం 'ఖాళీ సమయం' లేదా 'విశ్రాంతి సమయం' (Leisure Time) అనే అర్థం నుండి పుట్టింది. 'స్కూల్' (School) అనే ఇంగ్లీష్ పదం ప్రాచీన గ్రీకు భాషలోని 'స్కోలే' (Schole / Skhole) అనే పదం నుండి వచ్చింది. ప్రాచీన గ్రీకులో 'స్కోలే' అంటే "విశ్రాంతి సమయం", "సమయాన్ని ఆహ్లాదకరంగా గడపడం" లేదా "స్వేచ్ఛా సమయం" అని అర్థం. ఆ తర్వాత ఈ పదం గ్రీకు నుండి లాటిన్ భాషలోకి 'స్కోలా' (Schola) గా మారిపోయింది. లాటిన్‌లో దీనికి "ఉపాధ్యాయులు, విద్యార్థులు కలిసి నాలెడ్జ్ కోసం చర్చలు జరిపే ప్రదేశం" అనే అర్థం ఏర్పడింది. అక్కడి నుండి ఇంగ్లీష్ లోకి వచ్చే సరికి 'స్కూల్' (Scol) గా మారి.. చివరకు ఇప్పుడు 'School' గా స్థిరపడింది. ప్రాచీన గ్రీకు సమాజంలో ప్రజలు తమ రోజువారీ పనులు పూర్తి చేసుకున్న తర్వాత ఖాళీ టైమ్ ను 'స్కోలే'గా పిలిచేవారు. ఆ ఖాళీ సమయాన్ని ఊరికే వృథా చేయకుండా, జ్ఞానాన్ని పెంపొందించుకోవడానికి ఉపయోగించేవారు. అప్పటి ప్లేటో, అరిస్టాటిల్ వంటి గొప్ప తత్వవేత్తలు, ఆలోచనాపరులు ఒకచోట చేరి ప్రకృతి, రాజనీతి, తత్వశాస్త్రం వంటి అంశాలపై మేధోమథనం చేసేవారు. అప్పట్లో చదువు నేర్చుకోవడం అనేది ఒక నిర్బంధం కాదు, అది స్వేచ్చగా, ఖాళీ టైమ్ లో ఇష్టపూర్వకంగా చేసే వ్యాపకం. కానీ అది నేటి సమాజంలో ఎంత ఒత్తడిని పనిగా

సింహాద్రి అప్పన్నస్వామి ఆలయానికి వెళ్లామంటే అక్కడ అన్నదానం చేయకుండా బయటకు రాకూడదు అంటారు. అప్పన్నస్వామి దర్శనానికి వేలాది మంది భక్తులు వస్తుంటారు.. అక్కడికి వచ్చిన వారందరికీ కాదనకుండా అన్నదానం చేస్తుంటారు. నిత్య అన్నప్రసాద పథకం కింద భక్తులకు ఆహారం అందిస్తున్న ఈ అన్నప్రసాద పథకం ఆగస్టు 14తో 37 ఏళ్లు పూర్తి చేసుకుని 38వ సంవత్సరంలోకి అడుగుపెడుతోంది.ఒకప్పుడు సింహగిరిని అన్నగిరిగా పిలిచేవారని చరిత్ర చెబుతోంది. సింహగిరికి వచ్చి ఏ ఒక్కరూ ఆకలితో తిరిగి వెళ్లేవారు కాదని, అందరికీ కడుపు నిండా భోజనం పెట్టేవారని చెబుతుంటారు. 1989 ఆగస్టు 14న సింహాచలం దేవస్థానం రూ. 50 వేల విరాళాలు సేకరించి, ఆ సొమ్ముతో భక్తులకు అన్నప్రసాద వితరణ ప్రారంభించారు. అప్పటి నుంచి ఇప్పటి వరకు ఆ వితరణ కేంద్రంలోనే భక్తులకు అన్నదానం చేస్తున్నారు.READ ALSO బెజవాడ కనకదుర్గమ్మ ఆలయం ఆల్‌టైం రికార్డు.. ఆరు లక్షల ఆషాఢం సారెలు!చాలా మంది భక్తులు కూడా లక్షలాది రూపాయలు అన్న సంతర్పణకు విరాళాలుగా ఇస్తున్నారు. రూ. లక్ష పైబడి విరాళాలు అందించిన దాతలకు దేవస్థానం ఒక సర్టిఫికెట్ ఇచ్చి, ఫొటో గుర్తింపు కార్డు కూడా జారీ చేస్తుంది. కుటుంబ సమేతంగా దర్శనం కల్పించి శేషమాలతో సత్కరిస్తారు. 400 గ్రాముల కల్యాణం లడ్డూ ఒకటి, 80 గ్రాముల లడ్డూలు నాలుగు, ఆరు పులిహోర పొట్లాలు ప్రసాదంగా అందిస్తారు. ఏడాదికి ఒకసారి స్వామిని దర్శించుకోవచ్చు. దాత కోరిన తేదీనే వారి గోత్రనామాలతో భక్తులకు అన్నదానం చేస్తారు.రూ. 5 లక్షలకు పైబడి విరాళమిచ్చిన వారికి ప్రత్యేకంగా చందనోత్సవం రోజున రెండు రూ. వెయ్యి టికెట్లు అందిస్తారు. రూ. 10 వేల నుంచి రూ. లక్షలోపు దాతలకు ఏడాదిలో ఒకరోజు వారు కోరిన తేదీన దాత పేరిట అన్నప్రసాదం వితరణ చేస్తారు. సాధారణ రోజుల్లో మూడు వేల మంది, శనివారం 5500 మంది, ఆదివారం 4500 మందికి అన్నప్రసాదం అందిస్తారు. ప్రతి రోజు రాత్రి 7

ఐడియా పెద్దదైనంత మాత్రాన ఎక్కువ పెట్టుబడి కావాల్సిన అవసరం లేదని నిరూపించిన కథ ఇది. చేతిలో భారీగా నిధులు లేవు. పెద్ద ఆఫీసు లేదు. మార్కెట్‌లో పేరు లేదు. అయినా ఆరుగురు యువకులు ఒక కలను నమ్మారు. చేతిలో ఉన్న పొదుపు, అప్పులతో కలిపి రూ.1.87 లక్షలు సమకూర్చుకున్నారు. చివరకు ఆ ఆలోచనే భారత టెక్నాలజీ రంగాన్ని మార్చిన హెచ్‌సీఎల్‌గా ఎదిగింది.హెచ్‌సీఎల్‌ సహ వ్యవస్థాపకుడు అజయ్‌ చౌదరి ఈ సంస్థ తొలి రోజుల్ని గుర్తుచేసుకుంటూ ‘ఎక్స్‌’లో సుదీర్ఘ పోస్టు చేశారు. హెచ్‌సీఎల్‌ 50వ వార్షికోత్సవం సందర్భంగా అప్పటి పరిస్థితులను ఆయన పంచుకున్నారు.చేతిలో రూ.1.87 లక్షలు1976లో కంప్యూటర్‌ అంటే భారత్‌లోనే కొత్త ఆలోచన. అలాంటి సమయంలో ఆరుగురు కలిసి సొంతంగా కంప్యూటర్‌ తయారు చేయాలని నిర్ణయించుకున్నారు. వారి దగ్గర భారీ పెట్టుబడిదారులు లేరు. వెంచర్‌ క్యాపిటల్‌ సంస్థల మద్దతు లేదు. ఆరుగురూ కలిసి రూ.1.87 లక్షలు సమకూర్చుకున్నారు. కొంత డబ్బు అప్పుగా తెచ్చారు. మరికొంత పొదుపు నుంచి పెట్టారు. ఓ సందర్భంలో కారును కూడా అమ్మేశారు.చిన్న గదిలో తొలి అడుగుఢిల్లీలోని గోల్ఫ్‌ లింక్స్‌లో ఓ భవనంపై ఉన్న చిన్న గదే హెచ్‌సీఎల్‌ తొలి కార్యాలయమైంది. అప్పటికి వారు తయారు చేయాలనుకున్న కంప్యూటర్‌ పూర్తిగా సిద్ధం కాలేదు. బ్రోచర్‌ ఉంది. నమూనా ఉంది. యంత్రం మాత్రం ఇంకా రూపుదిద్దుకుంటోంది. అయినా ఆ ఆరుగురు వెనక్కి తగ్గలేదు. కంప్యూటర్‌ను విక్రయించేందుకు సంస్థలను కలవడం మొదలుపెట్టారు. తొలి ఆర్డర్లు ఐఐటీ ఖరగ్‌పూర్‌, ఐఐటీ మద్రాస్‌ నుంచి వచ్చాయి.ఒక్క ఆర్డర్‌.. వరుసగా అవకాశాలువ్యాపార సంస్థలను

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది. Balochistan Independence day Celebrations: పాకిస్థాన్ కు బలూచిస్తాన్ పెద్ద షాక్ ఇచ్చింది. బలూచ్ పాకిస్తాన్‌లో కలిసినప్పటి నుంచి గత కొన్ని దశాబ్దాలుగా ప్రత్యేక స్వాతంత్య్ర దేశం కోసం అక్కడి వాళ్లు పోరాడుతున్నారు. పాకిస్తాన్‌లో అరేబియా సముద్ర తీరానికి దగ్గరగా ఉన్న ఈ ప్రాంతం భౌగోళికంగా అత్యంత ప్రాధాన్యత ఉంది. ముఖ్యంగా అపారమైన ఖనిజ నిల్వలు సహా అనేక వనరులకు కీలక స్థానం. అయినా.. అన్నీ ఉన్న అల్లుడు నోట్లో శని అన్నట్లు.. పాక్ పాలకులు.. ఇక్కడ వనరులను వాడుకుంటూ ఇక్కడి అభివృద్ది చేయడాన్ని విస్మరించారు. మొత్తంగా వనరులను పంజాబ్ ప్రాంత అభివృద్ధికే వెచ్చించారు. అంతేకాదు అక్కడి ప్రజలను సెకండ్ గ్రేడ్ పౌరులుగా చూస్తూ వచ్చింది పాక్. పైగా చైనా పాకిస్తాన్ ఆర్ధిక నడవాకు ఈ ప్రాంతం అత్యంత కీలకం. పైగా అక్కడ నిర్మించే ప్రాజెక్టుల్లో పనిచేయడానికి స్థానికంగా కాకుండా చైనాతో పాటు పాకిస్థాన్‌లో పంజాబ్ ప్రాంతాల నుంచి పని చేయడానికి మనుషులను తీసుకురావడం వంటి కారణాల్లో అక్కడి ప్రజలు రగిలిపోయారు. దీంతో చైనా పోస్టులపై దాడికి కూడా తెగపడ్డారు. బలూచ్ పై పాకిస్తాన్ నరమేధం.. మొత్తంగా ఎన్నో యేళ్ల అణచివేత, నరమేధాన్ని తట్టుకోలేక బలూచిస్తాన్ లిబరేషన్ ఆర్మీ.. స్వంతంత్రం ప్రకటించుకుంది. బలూచ్ నాయకుడు మీర్ యార్ బలోచ్.. పాకిస్థాన్ నుంచి వేరుగా బలూచిస్థాన్‌ను ఒక స్వతంత్ర దేశంగా ప్రకటించుకున్నారు. జాతీయ గీతంగా మచుకీన్ బలోచానీ , బలోచీ ఫాలూస్ ను కరెన్సీగా ఖరారు చేశారు. 85శాతం

Indian Players Debut Last Test Match: భారత టెస్టు క్రికెట్‌లో ప్రతిష్టాత్మకమైన క్యాప్ అందుకోవడం ప్రతీ క్రీడాకారుడి కల. అయితే కొందరు ఆటగాళ్లకు ఆ కల నెరవేరిన మరుక్షణమే చేజారిపోయింది. అరంగేట్రం చేసిన ఏకైక టెస్టు మ్యాచ్ చివరి మ్యాచ్‌గా మారి, మళ్లీ ఎప్పటికీ రెడ్ బాల్ క్రికెట్‌లో అవకాశం రాని ఐదుగురు క్రికెటర్ల చేదు నిజాలు ఇప్పుడు తెలుసుకుందాం. భారత క్రికెట్ జట్టు 1932 నుంచి ఇప్పటివరకు వందలాది టెస్టు మ్యాచ్‌లు ఆడింది. ఎంతో మంది దిగ్గజాలు టీమిండియా వైపు నుంచి కొన్ని వందల మ్యాచ్‌లకు ప్రాతినిధ్యం వహించారు. దాదాపు 12 మంది ఆటగాళ్లు వందకు పైగా టెస్టులు ఆడి రికార్డు సృష్టించారు. కొందరికి మాత్రం కాలం సహకరించలేదు. తొలి మ్యాచ్‌లోనే పొరపాట్లు జరగడం, అనుకోకుండా గాయాల బారిన పడటం వల్ల ఒకే ఒక్క మ్యాచ్‌తో అంతర్జాతీయ రెడ్ బాల్ కెరీర్‌కు మంగళం పాడాల్సి వచ్చింది. యోగ్‌రాజ్ సింగ్ నుంచి సబా కరీమ్ వరకు..: యువరాజ్ సింగ్ తండ్రి యోగ్‌రాజ్ సింగ్ 1981లో న్యూజిలాండ్ పర్యటనలో భాగంగా వెల్లింగ్‌టన్‌లో టెస్టు అరంగేట్రం చేశారు. ఆ మ్యాచ్‌లో ఒక వికెట్ తీసిన తర్వాత ఫీల్డింగ్ చేస్తూ తీవ్రంగా గాయపడ్డారు. దీంతో రెండో ఇన్నింగ్స్‌లో బౌలింగ్ చేయలేకపోయిన ఆయన, ఆ తర్వాత తీవ్రమైన గాయాలు, ఫామ్ లేమి వల్ల మళ్లీ కనీసం జట్టులో చోటు దక్కించుకోలేకపోయారు. వికెట్ కీపర్ బ్యాటర్ సబా కరీమ్ కథ మరింత దారుణమైనది. 2000 సంవత్సరంలో బంగ్లాదేశ్‌పై వికెట్ కీపింగ్ చేస్తూ కంటికి తీవ్రమైన దెబ్బ తగలడంతో శస్త్రచికిత్స చేయించుకున్నారు. అదే ఏడాది టెస్టు డెబ్యూ చేసినప్పటికీ, కంటి చూపు సమస్యలు తగ్గకపోవడంతో ఒకే ఒక్క టెస్టులో 15 పరుగులు చేసి అంతర్జాతీయ క్రికెట్‌కు వీడ్కోలు పలకాల్సి వచ్చింది. గబ్బా హీరో నటరాజన్, లెగ్ స్పిన్నర్ కర్ణ్ శర్మ..: 2021లో ఆస్ట్రేలియా గడ్డపై చారిత్రాత్మక గబ్బా టెస్టులో అరంగేట్రం చేసిన

సామాన్యుడి జేబులోని చిల్లర నాణెం నుంచి దేశ ఆర్థిక శక్తిని ప్రపంచ పటంలో సగర్వంగా నిలబెట్టే ప్రతీక వరకు.. మన రూపాయి సాగించిన ప్రయాణం ఒక అద్భుతమైన అధ్యాయం. భారతదేశం 80వ స్వాతంత్ర్య దినోత్సవ సంబరాలకు సిద్ధమవుతున్న ఈ చారిత్రక తరుణంలో, మన చేతుల్లో మెదిలే కరెన్సీ ప్రయాణాన్ని ఒక్కసారి వెనక్కి తిరిగి చూస్తే ఆసక్తికరమైన ఎన్నో సత్యాలు వెలుగులోకి వస్తాయి.ఒకప్పుడు సంస్థానాల రాజముద్రలతో, వేర్వేరు పరిమాణాల్లో చెలామణి అయిన రాగి నాణేలు, వెండి నాణేల స్థానంలో.. నేడు స్మార్ట్‌ఫోన్ స్క్రీన్‌పై డిజిటల్ సంతకంగా మారిన డిజిటల్ రూపాయి వరకు మన రూపాయి సాధించిన పురోగతి అసాధారణం.రాజభవంతుల నాణేల నుంచి ఏకీకృత వ్యవస్థ వైపు..1947కి పూర్వం భారతదేశం ఆర్థికంగా, భౌగోళికంగా ఎన్నో ముక్కలుగా ఉండేది. హైదరాబాద్ నైజాం నాణేల నుంచి మరాఠాల కరెన్సీ వరకు ప్రతి రాచరిక ప్రాంతానికి సొంత నాణేల వ్యవస్థ ఉండేది. అయితే, దేశానికి స్వాతంత్ర్యం సిద్ధించే క్రమంలో ఆర్థిక సమగ్రత అత్యంత కీలకమైన అంశంగా మారింది.1935లో రిజర్వ్ బ్యాంక్ ఆఫ్ ఇండియా ఆవిర్భావంతో కరెన్సీ జారీ హక్కులన్నీ ఒకే కేంద్రీకృత వ్యవస్థ కిందకు వచ్చాయి. అంతకుముందు ప్రైవేటు బ్యాంకులు, ప్రెసిడెన్సీ బ్యాంకులు ముద్రించే నోట్లకు చరమగీతం పడుతూ, 1861 నాటి పేపర్ కరెన్సీ యాక్ట్ ద్వారా ప్రభుత్వమే నేరుగా నోట్లను చలామణిలోకి తెచ్చింది.ఒక్క రూపాయి నోటు వెనుక ఉన్న అసలు కథ!మనదేశంలో చలామణి అయ్యే ప్రతి నోటుపైనా ఆర్బీఐ గవర్నర్ సంతకం ఉంటుంది.. కానీ, ఒకే ఒక్క రూపాయి నోటుపై మాత్రం కేంద్ర ఆర్థిక శాఖ కార్యదర్శి సంతకం ఉంటుంది. దీని వెనుక ఒక ఆసక్తికరమైన చరిత్ర ఉంది. మొదటి ప్రపంచ యుద్ధ సమయంలో తీవ్రమైన వెండి కొరత ఏర్పడింది. నాణేలను ముద్రించడం సాధ్యం కాక, బ్రిటన్‌లో ఐదో జార్జ్ రాజు చిత్రంతో మొదటిసారిగా కాగితపు రూ.1 నోటును ముద్రించారు.స్వాతంత్ర్యం వచ్చాక 1949లో బ్రిటీష్ రాజు బొమ్మ స్థానంలో సారనాథ్

హైదరాబాద్‌లోని ప్రముఖ ప్రాంతాల్లో నాంపల్లి ఒకటి. నాంపల్లి రైల్వే స్టేషన్‌, ఎగ్జిబిషన్‌ గ్రౌండ్స్‌, పబ్లిక్‌ గార్డెన్స్‌ వంటివాటితో నగర చరిత్రలో ప్రత్యేక స్థానం సంపాదించుకున్న ఈ ప్రాంతానికి ఆ పేరు ఎలా వచ్చిందనే విషయం మాత్రం చాలామందికి తెలియదు. హైదరాబాద్‌లోని అనేక ప్రాంతాల పేర్ల వెనుక నిజాం కాలం నాటి వ్యక్తులు, జాగీర్లు, గ్రామాలు, స్థానిక భౌగోళిక పరిస్థితులకు సంబంధించిన కథలు ఉన్నాయి. నాంపల్లి పేరు విషయంలోనూ ప్రధానంగా ఒక చారిత్రక కథనం ప్రచారంలో ఉంది.చారిత్రకంగా ప్రాచుర్యంలో ఉన్న వివరాల ప్రకారం.. 1670లో రజా అలీఖాన్‌ అనే వ్యక్తి హైదరాబాద్‌ రాజ్యాన్ని పాలించిన నిజాం పాలకుల దర్బార్‌లో దివాన్‌గా పనిచేశారు. ఆయనకు 'నేక్‌నామ్‌ ఖాన్‌' అనే బిరుదు ఉండేది. ఆయనకు జాగీర్‌గా ఇచ్చిన ప్రాంతాన్ని నేక్‌నామ్‌ ఖాన్‌పల్లిగా పిలిచేవారని.. కాలక్రమంలో ఆ పేరు కాస్తా నాంపల్లిగా మారిందని పలు చరిత్ర ఆధారిత కథనాలు పేర్కొంటున్నాయి. నాంపల్లి పేరుకు సంబంధించి మరో కథ కూడా ప్రచారంలో ఉంది. ఆ ప్రాంతం గతంలో తేమగా, నీటి వనరులతో కూడిన ప్రదేశంగా ఉండేదని, అక్కడి భౌగోళిక పరిస్థితుల ఆధారంగా పేరు ఏర్పడిందనే కథ ప్రాచుర్యంలో ఉంది. ఉర్దూలో నామ్‌ అంటే తేమగా ఉండే ప్రదేశమని.. పల్లి అంటే జాగా అని.. ఆ ప్రదేశం ఎప్పుడూ తడిగా తేమతోకూడిన జాగాగా ఉండటంతో దాన్ని 'నాంపల్లి' ప్రాంతంగా పిలిచే వారని కథనం కూడా ఉంది.నాంపల్లి పేరు వెనుక ఉన్న కథ ఏదైనా.. హైదరాబాద్‌ నగరం ఎలా విస్తరించిందో అర్థం చేసుకోవడానికి ఈ ప్రాంత చరిత్ర ఒక మంచి ఉదాహరణ. ఒకప్పుడు జాగీర్‌, గ్రామం చుట్టూ ఉన్న ప్రాంతంగా ఉన్న నాంపల్లి.. కాలక్రమంలో హైదరాబాద్‌ నగరంలో కీలక వాణిజ్య, రవాణా కేంద్రంగా అభివృద్ధి చెందింది. ముఖ్యంగా నాంపల్లి రైల్వే స్టేషన్‌ నిర్మాణంతో ఈ ప్రాంత ప్రాధాన్యం మరింత పెరిగింది. ఈ స్టేషన్‌ 1907లో చివరి నిజాం మీర్‌ ఉస్మాన్‌ అలీఖాన్‌ హయాంలో నిర్మించారు

On This Day: భారత క్రికెట్ చరిత్రలో ఆగస్టు 10వ తేదీకి ఒక ప్రత్యేక స్థానం ఉంది. 2007 జూలై-ఆగస్టు కాలంలో టీమిండియా మూడు మ్యాచ్‌ల టెస్టు సిరీస్ కోసం ఇంగ్లాండ్‌లో పర్యటించింది. ది ఓవల్ మైదానంలో జరిగిన మూడో టెస్టులో ముందుగా బ్యాటింగ్ చేసిన భారత జట్టు, ఇంగ్లాండ్ బౌలింగ్‌ను చీల్చిచెండాడుతూ బోర్డుపై ఏకంగా 664 పరుగుల భారీ స్కోరును నమోదు చేసింది. ఆగస్టు 9న ప్రారంభమైన ఈ టెస్టులో భారత జట్టు రెండో రోజున 664 పరుగులకు ఆలౌటైంది. ఈ ఇన్నింగ్స్‌లో అత్యంత ప్రధాన విశేషం ఏంటంటే.. నంబర్ 8 స్థానంలో బ్యాటింగ్‌కు వచ్చిన దిగ్గజ స్పిన్నర్ అనిల్ కుంబ్లే అద్భుతమైన సెంచరీ సాధించడం. కుంబ్లే 16 ఫోర్లు, 1 సిక్సర్ సాయంతో 110 పరుగులతో నాటౌట్‌గా నిలిచాడు. ఈ సెంచరీతో ఓవల్ మైదానంలో సెంచరీ చేసిన అత్యంత పెద్ద వయస్కుడైన ఆసియా ఆటగాడిగా కుంబ్లే సరికొత్త రికార్డు సృష్టించాడు. సెంచరీ చేసే సమయానికి ఆయన వయస్సు 36 సంవత్సరాల 296 రోజులు. ఈ ఇన్నింగ్స్‌లో భారత అగ్రశ్రేణి బ్యాటర్లంతా రాణించారు. ఎంఎస్ ధోనీ (92), దినేష్ కార్తీక్ (91), సచిన్ టెండూల్కర్ (82), రాహుల్ ద్రావిడ్ (55), వీవీఎస్ లక్ష్మణ్ (51) హాఫ్ సెంచరీలతో మెరిశారు. వీరితో పాటు వసీమ్ జాఫర్ (35), సౌరవ్ గంగూలీ (37), జహీర్ ఖాన్ (11), ఆర్పీ సింగ్ (11), శ్రీశాంత్ (35) పరుగులు చేశారు. గడిచిన 50 ఏళ్ల టెస్ట్ క్రికెట్ చరిత్రలోనే, జట్టులోని 11 మంది ఆటగాళ్లూ డబుల్ డిజిట్ (కనీసం 10 పరుగులు) దాటడం ఇదే తొలిసారి కావడం గమనార్హం. భారత జట్టు భారీ స్కోరు సాధించినప్పటికీ ఈ మ్యాచ్ డ్రాగా ముగిసింది. తొలి ఇన్నింగ్స్‌లో ఇంగ్లాండ్‌ను 345 పరుగులకే ఆలౌట్ చేసిన భారత్, ఆ తర్వాత రెండో ఇన్నింగ్స్‌లో 180/6 వద్ద డిక్లేర్ చేసి ఇంగ్లాండ్ ముందు 500

Hyderabad : ఒకప్పటి ఉమ్మడి ఆంధ్ర ప్రదేశ్ రాజధానిగా.. ఇప్పుడు తెలంగాణ రాజధానిగా నిజాంల నగరం హైదరాబాద్ ఓ వెలుగు వెలుగుతోంది. దక్కన్ పీఠభూమిపై వెలిసిన ఈ నగరానికి నాలుగు శతాబ్దాలకు పైగా సుదీర్ఘమైన చరిత్ర ఉంది. విశిష్టమైన సంస్కృతి, సాంప్రదాయాలు, చారిత్రక వైవిధ్యం సమ్మిళితమైన ఈ మహానగరం నేడు ప్రపంచ పటంలో తనదైన ప్రత్యేక స్థానాన్ని సంపాదించుకుంది. అయితే ఈ నగరానికి 'హైదరాబాద్' అనే పేరు ఎలా వచ్చింది? అనే అంశంపై చారిత్రకారుల్లో, ప్రాచుర్యంలో ఉన్న కథనాల్లో భిన్నమైన ఆసక్తికరమైన అభిప్రాయాలు ఉన్నాయి. కుతుబ్ షాహీల నాటి ప్రేమకథల నుంచి మతపరమైన విశ్వాసాల వరకు ఈ నగర నామకరణం వెనుక ఉన్న చారిత్రక విశేషాలు ఎంతో ఆకట్టుకుంటాయి. మరి ఈ నవాబుల నగరానికి 'హైదరాబాద్' పేరు రావడం వెనకన్న ఆసక్తికర స్టోరీలను తెలుసుకుందాం. హైదరాబాద్ పేరుకు సంబంధించి అత్యంత ప్రాచుర్యంలో ఉన్న కథనం గోల్కొండ ఐదవ సుల్తాన్ ముహమ్మద్ కులీ కుతుబ్ షా, భాగమతిల ప్రేమాయణం. కుతుబ్ షా మూసీ నది ఒడ్డున ఉన్న చించల (నేటి చంచల్ గూడ) గ్రామానికి చెందిన భాగమతి అనే హిందూ యువతిని ప్రాణంగా ప్రేమించాడు. నాటి రాజవంశ నియమాలు, సామాజిక పరిస్థితుల ప్రకారం ఇతర మతానికి చెందిన మహిళను వివాహం చేసుకోవడం సులభం కాకపోవడంతో, భాగమతి ఇస్లాం మతాన్ని స్వీకరించి కుతుబ్ షాను వివాహమాడిందని కథలుకథలుగా చెప్పుకుంటారు. అయితే ఇస్లాం స్వీకరించిన అనంతరం భాగమతికి 'హైదర్ మహల్' అనే పేరు పెట్టారు. సుల్తాన్ తన ప్రియరాలిపై ఉన్న అమితమైన అనురాగంతో ఈ ప్రాంతానికి మొదట 'బాగ్ నగర్' అని పెట్టారు.. తదనంతరం ఆమె పేరు 'హైదర్ మహల్' ఆధారంగా 'హైదరాబాద్' (హైదర్ నగరం) అని మార్చినట్లు అనేకమంది చారిత్రకారులు విశ్లేషిస్తారు. మరొక చారిత్రక కథనం ప్రకారం.. హైదరాబాద్ పేరు వెనుక ఆధ్యాత్మిక కోణం ఉందనే వాదన కూడా ఉంది. ముహమ్మద్ కులీ కుతుబ్ షా అత్యంత

హిమాలయాలు ఎంత అందంగా ఉంటాయో స్పెషల్ గా చెప్పాల్సిన అవసరం లేదు. తెల్లటి మంచుతో కప్పేసి, మండే ఎండల్లోనూ చల్లదనాన్ని పంచుతాయి.అలాంటి హిమాలయాల్లో మనం ఊహించని భయంకరమైన ప్రదేశాలు కూడా ఉన్నాయి. ముఖ్యంగా ఈ ఎత్తైన కొండల మధ్యలో.. రద్దీగా ఉండే నగరాలకు దూరంగా, బిజీ రహదారులు ఏమీ లేని ఓ అందమైన సరస్సు ఉంది. ఈ సరస్సు చూడటానికి ఎంతో అందంగా, ఆకర్షించేలా ఉంటుంది. కానీ, ఒక్కసారి ఆ సరస్సులో మంచు కరిగితే.. దానిలోని అస్థిపంజరాలన్నీ బయపడతాయి. అదే రూప్ కుండ్ సరస్సు. దీనిని అస్థిపంజరాల సరస్సు అని కూడా పిలుస్తారు. మరి, ఆ సరస్సులో ఉన్న అస్థిపంజరాలు ఎవరివి? ఈ రూప్ కుండ్ సరస్సును చూడటానికి ప్రతి సంవత్సరం చాలా మంది పర్యాటకులు వెళ్తూ ఉంటారు. దట్టమైన అడవుల మధ్యలో ట్రెక్కింగ్ చేస్తూ వెళ్తే.. సముద్ర మట్టానికి 5వేల మీటర్లపైగా ఎత్తులో మంచుతో గడ్డకట్టిన సరస్సు ఒకటి ఉంటుంది. అదే రూప్ కుండ్ సరస్సు. దీని వెడల్పు కేవలం 40 మీటర్లు మాత్రమే. దాదాపు ఇది ఎప్పుడూ మంచుతో గడ్డకట్టుకొనే ఉంటుంది. కానీ.. సంవత్సరం మొత్తంలో ఏదో ఒక సమయంలో మాత్రమే మంచు కొద్దిగా కరుగుతుంది. అప్పుడు ఈ అస్థిపంజరాలు కనపడతాయి. ఇక్కడ అస్థిపంజరాలు ఉండటాన్ని 1942లో హరి కిషన్ మాద్వాల్ అనే ఫారెస్ట్ రేంజర్ కనుగొన్నారు. రెండో ప్రపంచ యుద్ధంలో చనిపోయిన సైనికుల ఎముకలు అని మొదట అనుకున్నారు. కానీ, పరిశోధనల్లో అవి శతాబ్దాల నాటి ప్రాచీన అస్థిపంజరాలు అని తేలింది. ఈ అస్థిపంజరాల సరస్సు వెనక చాలా కథలు వినపడుతూ ఉంటాయి. భయంకరమైన వడగండ్ల వాన పడి చనిపోయారని అక్కడివారు నమ్ముతారు. ఆ సరస్సులో లభించిన అస్థిపంజరాల పుర్రెలపై గుండ్రని వస్తువుల కారణంగా ఏర్పడిన గాయాలను శాస్త్రవేత్తలు గుర్తించారు. అందుకే, ఆకాశం నుంచి పడిన అతి పెద్ద వడగండ్ల వాన కారణంగా చనిపోయారని కొందరు నమ్ముతుంటారు. అయితే, తాజా