Health Update News

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. Mamitha Baiju Hospitalised News: చిత్రసీమలో వరుస విజయాలతో అద్భుతమైన క్రేజ్ సంపాదించుకున్న ప్రముఖ యువ కథానాయిక మమితా బైజు తీవ్ర అస్వస్థతకు గురయ్యారు. తీవ్రమైన జ్వరం, ఒంటి నొప్పులతో బాధపడుతున్న ఆమెను ప్రస్తుతం ఆసుపత్రిలో చేర్చి చికిత్స అందిస్తున్నారు. ఆస్ట్రేలియా పర్యటన రద్దు..వేడుకలు వాయిదా.. సెప్టెంబర్ 5న ఆస్ట్రేలియాలో అత్యంత వైభవంగా జరగాల్సిన 'క్లైడ్ ఓనం 2026' వేడుకలకు మమితా బైజు ముఖ్య అతిథిగా హాజరు కావాల్సి ఉంది. అయితే అకస్మాత్తుగా ఆమె ఆరోగ్యం క్షీణించడంతో, వైద్యుల సలహా మేరకు ఆమె తన ఆస్ట్రేలియా పర్యటనను పూర్తిగా రద్దు చేసుకున్నారు. ఈ విషయాన్ని 'క్లైడ్ మలయాళీ అసోసియేషన్' సోషల్ మీడియా వేదికగా అధికారికంగా ప్రకటిస్తూనే, ఆమె లేకపోవడంతో ఓనం వేడుకలను కూడా తాత్కాలికంగా వాయిదా వేస్తున్నట్లు ప్రకటించింది. అభిమానులకు క్షమాపణలు చెప్పిన మమిత.. ఈ మేరకు క్లైడ్ మలయాళీ అసోసియేషన్ సోషల్ మీడియాలో ఒక వీడియోను విడుదల చేసింది. ఆసుపత్రిలో చికిత్స పొందుతున్న మమితా బైజు ఈ వీడియోలో స్వయంగా మాట్లాడుతూ.. అనారోగ్య కారణాల వల్ల, వైద్యుల సూచనల మేరకు తాను ప్రయాణం చేయలేకపోతున్నానని తెలిపారు. ప్రయాణాలు చేయడం వల్ల శారీరక నొప్పులు, అలర్జీలు పెరుగుతాయని, ఎట్టి పరిస్థితుల్లోనూ ప్రయాణించవద్దని డాక్టర్లు హెచ్చరించారని, పూర్తి విశ్రాంతి తీసుకోమని సలహా ఇచ్చారని చెప్పారు. తనను ఎంతగానో ఆహ్వానించిన నిర్వాహకులకు, ఆస్ట్రేలియా అభిమానులకు క్షమాపణలు చెబుతూ, త్వరలోనే పూర్తిగా కోలుకుని కలుసుకుంటానని ఆమె ఆశాభావం వ్యక్తం చేశారు. వరుస విజయాలతో దూసుకుపోతున్న క్రేజ్.. ప్రస్తుతం సౌత్ ఇండస్ట్రీలో

Mamitha Baiju: మలయాళ బ్యూటీ మమితా బైజు ఆస్పత్రిలో చేరినట్లు సమాచారం. ప్రస్తుతం ఆమె వైద్యుల సూచనల మేరకు విశ్రాంతి తీసుకుంటున్నారు. దీంతో ఆమెకు సంబంధించిన ఆస్ట్రేలియా పర్యటన రద్దు కావడంతో పాటు, మెల్‌బోర్న్‌లో జరగాల్సిన ఓనం వేడుకలను కూడా వాయిదా వేసినట్లు తెలుస్తోంది. మమితా బైజు మెల్‌బోర్న్‌లో నిర్వహించనున్న Clyde Onam 2026 వేడుకలకు ముఖ్య అతిథిగా హాజరు కావాల్సి ఉంది. ఈ కార్యక్రమం కోసం ఆమె ఆస్ట్రేలియా వెళ్లాల్సి ఉండగా.. ప్రస్తుతం ఆస్పత్రిలో చికిత్స పొందుతున్న నేపథ్యంలో ఆ పర్యటనను రద్దు చేసుకోవాల్సి వచ్చిందని చెబుతున్నారు. దీంతో మమితా పాల్గొనాల్సిన ఓనం వేడుకను కూడా నిర్వాహకులు వాయిదా వేసినట్లు సమాచారం. మమితా బైజు ప్రస్తుతం వైద్యుల సలహాలను పాటిస్తూ విశ్రాంతి తీసుకుంటున్నట్లు ఆమె సన్నిహిత వర్గాలు వెల్లడించాయి. ఇటీవలే ఆమె నటించిన విశ్వనాథ్ అండ్ సన్స్ సినిమాతో ప్రేక్షకుల ముందుకు వచ్చి సూపర్ హిట్ సక్సెస్‌ను అందుకున్నారు. మమితా ఆస్పత్రిలో చేరిన విషయం తెలియడంతో ఆమె అభిమానులు ఆందోళన వ్యక్తం చేస్తున్నారు. అయితే ఆమెకు ఎదురైన అనారోగ్య సమస్యకు సంబంధించిన పూర్తి వివరాలు, ఆస్పత్రిలో ఎంతకాలం ఉండాల్సి వస్తుందనే విషయంపై ఎలాంటి అధికారిక సమాచారం బయటికి రాలేదు. ప్రస్తుతం వైద్యుల సూచనల మేరకు విశ్రాంతి తీసుకుంటున్నట్లు మాత్రమే తెలుస్తోంది. మమితా త్వరగా కోలుకోవాలని అభిమానులు, సినీ ప్రముఖులు ఆకాంక్షిస్తున్నారు. ఆమె ఆరోగ్యం మెరుగుపడిన తర్వాత ఆస్ట్రేలియాలో వాయిదా పడిన ఓనం వేడుకకు సంబంధించిన కొత్త తేదీని నిర్వాహకులు ప్రకటించే అవకాశం ఉందని చెబుతున్నారు

'ప్రేమలు' మూవీతో యూత్ హార్ట్స్ లో తిష్ట వేసిన భామ మమితా భైజు. రీసెంట్ గా విశ్వనాధ్ అండ్ సన్స్ తో భారీ హిట్ అందుకొని సౌత్ ఇండియా క్రేజీ హీరోయిన్ గా మారింది. ఇప్పుడు ఉన్నట్టుండి హఠాత్తుగా ఆసుపత్రిలో జాయిన్ కావడం అభిమానులతో పాటు పరిశ్రమ వర్గాలని షాక్ కి గురి చేస్తుంది. హాస్పిటల్ లో జాయిన్ కావడానికి గల కారణాన్ని అధికారకంగా ప్రకటించకపోయినా జ్వరం, , ఆస్తమా, అలర్జీ లాంటి సమస్యలతో బాధపడుతున్నట్టుగా ఇండస్ట్రీ వర్గాల టాక్. ఈ నెల 5న ఆస్ట్రేలియా దేశంలోని మెల్‌బోర్న్‌లో జరగాల్సి ఉన్న 'క్లైడ్ మలయాళీ' ఓణం వేడుకలకి మమిత చీఫ్ గెస్ట్ గా హాజరుకావాల్సి ఉంది. దీంతో ఆ పర్యటన కూడా రద్దయింది. ఈ నేపథ్యంలో సోషల్ మీడియా వేదికగా మమిత బైజూ సోషల్ మీడియా వేదికగా ఒక వీడియో సందేశాన్ని విడుదల చేశారు. ఆ వీడియోలో 'ఆస్ట్రేలియా పర్యటన రద్దు కావడం నాకు చాలా పెద్ద లోటు. అనుకున్న దాని ప్రకారం రాలేకపోతున్నందుకు ప్రతి ఒక్కరికీ మనస్ఫూర్తిగా క్షమాపణలు చెబుతున్నాను. వైద్యుల సలహా మేరకు ప్రస్తుతం పూర్తిగా విశ్రాంతి తీసుకుంటున్నాను. వీలైతే ఎలాగైనా రావాలని అనుకున్నాను కానీ ఆరోగ్య పరిస్థితి సహకరించడం లేదు" అని ఆవేదన వ్యక్తం చేశారు. మమిత ఆరోగ్య పరిస్థితిపై సమాచారం తెలిసిన వెంటనే ఆమె అభిమానులు, సినీ ప్రముఖులు త్వరగా కోలుకోవాలని సోషల్ మీడియాలో పోస్టులు చేస్తున్నారు.సినిమాలతో నిరంతరం బిజీగా గడపడం, తీవ్రమైన పని ఒత్తిడి వల్లనే ఆమె ఆరోగ్యం దెబ్బతిన్నట్లు తెలుస్తోంది. ఏది ఏమైనా కెరీర్ పీక్ స్టేజ్‌లో ఉన్న సమయంలో మమిత బైజూ ఇలా ఆసుపత్రి పాలవ్వడం అందరినీ కలవరపెట్టినప్పటికీ, వైద్యుల పర్యవేక్షణలో ఆమె త్వరలోనే కోలుకొని మళ్లీ షూటింగ్‌లలో పాల్గొంటారని అభిమానులు ఆశిస్తున్నారు. సంకల్ప సాధకుడు కల్యాణ్ బాబు.. తమ్ముడికి మెగాస్టార్ చిరంజీవి బర్త్ డే విషెస్ 200 కోట్లకి చేరువలో: మరో డివోషనల్

ఇంటర్నెట్‌ డెస్క్: నటి మమితా బైజు అస్వస్థతకు గురయ్యారు. తీవ్ర జ్వరంతో ఆమె ఆసుపత్రిలో చేరారు. సెప్టెంబర్ 5న ఆస్ట్రేలియాలో జరగనున్న ‘క్లైడ్ ఓనం 2026’ వేడుకలకు మమితా బైజు ముఖ్య అతిథిగా హాజరుకావాల్సి ఉంది. అనారోగ్యం కారణంగా ఈ ప్రయాణాన్ని రద్దు చేసుకున్నారు. ఈ విషయాన్ని క్లైడ్ మలయాళీ అసోసియేషన్ వెల్లడించింది. ఓనం వేడుకలను వాయిదా వేస్తున్నట్లు ప్రకటించింది. ఈ మేరకు అసోసియేషన్‌ ఓ వీడియో పంచుకుంది. అందులో మమిత మాట్లాడుతూ.. వైద్యుల సలహా మేరకు ప్రయాణం చేయలేకపోతున్నందుకు క్షమాపణలు చెప్పారు (Mamitha Health Update). త్వరలోనే అభిమానులను కలుసుకుంటానని ఆశాభావం వ్యక్తం చేశారు. ఇక మమిత వరుస విజయాలతో అందరి దృష్టిని ఆకర్షిస్తున్నారు. ఆమె నటించిన మూడు చిత్రాలు నెల రోజుల వ్యవధిలోనే విడుదలై ఘన విజయాన్ని అందుకున్నాయి. ప్రస్తుతం ఆమె నటించిన మలయాళ చిత్రం ‘బెత్లెహోమ్‌ కుటుంబ యూనిట్‌’ తెలుగు విడుదలకు సిద్ధంగా ఉంది. సెప్టెంబర్‌ 4న ఇది ప్రేక్షకుల ముందుకు రానుంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

Actress Prema: సీనియర్ హీరోయిన్ ప్రేమ తెలుగు, కన్నడ, తమిళ సినిమాల్లో మంచి గుర్తింపు తెచ్చుకున్నారు. దాదాపు మూడు దశాబ్దాలుగా ఆమె సినీ రంగంలో కొనసాగుతున్నారు. హీరోయిన్‌గా మాత్రమే కాకుండా ప్రస్తుతం తల్లి, అక్క, వదిన వంటి పాత్రల్లో కూడా నటిస్తూ ప్రేక్షకులను అలరిస్తున్నారు. అయితే కొంతకాలంగా ప్రేమ ఆరోగ్యం గురించి సోషల్ మీడియాలో కొన్ని వార్తలు ప్రచారం అవుతున్నాయి. దేవి సినిమాతో స్టార్ హీరోయిన్ గా మారిన.. ప్రేమకు క్యాన్సర్ వచ్చిందని కొందరు ప్రచారం చేశారు. చికిత్స కోసం ఆమె విదేశాలకు వెళ్లారని కూడా వార్తలు వచ్చాయి. ఈ విషయంతో ఆమె అభిమానులు ఆందోళనకు గురయ్యారు. అయితే ఈ వార్తల్లో నిజం లేదని ప్రేమ స్వయంగా స్పష్టం చేశారు. ఇటీవల ఇచ్చిన ఓ ఇంటర్వ్యూలో ఆమె తన ఆరోగ్యం గురించి మాట్లాడారు. తనకు ఎలాంటి అనారోగ్యం లేదని చెప్పారు. తాను న్యూజిలాండ్‌కు వెళ్లిన మాట నిజమేనని అయితే అది చికిత్స కోసం కాదని వివరించారు. అక్కడ ఉన్న తన స్నేహితుడిని కలవడానికి వెళ్లినట్లు తెలిపారు. తన గురించి కొందరు తప్పుడు విషయాలను సృష్టించారని ప్రేమ అన్నారు. ఇలాంటి వార్తలు తనను బాధపెట్టినా వాటి వల్ల తాను మరింత బలంగా మారానని చెప్పారు. దేవుడి దయతో తాను ఆరోగ్యంగా ఉన్నానని స్పష్టం చేశారు. ప్రేమ వ్యక్తిగత జీవితంపై కూడా గతంలో ఎన్నో వార్తలు వచ్చాయి. ముఖ్యంగా ఆమె రెండో పెళ్లి గురించి తరచుగా ఊహాగానాలు కనిపిస్తున్నాయి. ఈ విషయంపై కూడా ఆమె స్పందించారు. పెళ్లి అనేది తన వ్యక్తిగత నిర్ణయమని చెప్పారు. తనకు సరైన వ్యక్తి దొరికితే భవిష్యత్తులో పెళ్లి చేసుకోవడానికి సిద్ధంగా ఉన్నానని తెలిపారు. తన జీవితంపై తనకు పూర్తి అవగాహన ఉందని ప్రేమ చెప్పారు. చిన్నప్పటి నుంచి తల్లిదండ్రులు తనకు ఎంతో స్వేచ్ఛ ఇచ్చి పెంచారని తెలిపారు. జీవితంలో ఎన్నో విషయాలు చూశానని అన్నారు. తన బాధ్యతలను కూడా సక్రమంగా నిర్వహించానని

పరేష్ జీ తెలుగు డిజిటల్ మీడియాలో సబ్ ఎడిటర్‌గా పనిచేస్తున్నారు. ఇక్కడ 2024 నుంచి నేషనల్, సోషల్ మీడియా వైరల్ న్యూస్, క్రైమ్, తెలంగాణ, ఏపీ రాజకీయాలు, ఆస్ట్రాలజీ, లైఫ్ స్టైల్ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Pawan kalyan to visit kerala for rotator cuff treatment: ఆంధ్ర ప్రదేశ్ డిప్యూటీ సీఎం గత కొన్నినెలలుగా తీవ్రమైన అనారోగ్య సమస్యలతో బాధపడుతున్నారు. కొన్ని నెలల క్రితం ముక్కుకు సంబంధించిన సర్జరీని హైదరాబాద్‌ అపోలో ఆస్పత్రిలో సర్జరీ చేసుకున్నారు. ఆతర్వాత కూడా ఊపిరి తీసుకోవడానికి ఇబ్బందిపడ్డారు. దీంతో వైద్యులు సైనసైటిస్‌కు సంబంధించి సర్జరీ చేశారు. కొన్నినెలల తర్వాత భూజాలకు చెందిన రోటెటర్ కఫ్ సమస్యలతో ముంబైలోని కోకిలాబెన్ ఆస్పత్రిలో అడ్మిట్ అయ్యారు. అక్కడ సర్జరీని వైద్యులు విజయవంతంగా నిర్వహించారు. అయితే మరోవైపు.. పవన్ కు రెండు భుజాలకు రొటేటర్ కఫ్ ఇంజ్యూరీస్ ఉన్నాయి. మరో భుజానికి రెండు నెలల వ్యవధిలో శస్త్ర చికిత్స చేయాల్సి ఉందన్నారు. పవన్ కళ్యాణ్‌ భుజానికి గబ్బర్ సింగ్ మూవీ షూటింగ్ సమయంలో గాయమైన విషయం తెలిసిందే. ఆతర్వాత 2018లో పోరాట యాత్ర సమయంలో.. ఆ సమయంలో పవన్ కళ్యాణ్‌తో కరచాలనం, గట్టిగా లాగడం వంటి వాటితో భూజాల సమస్యలు ఎక్కువయ్యాయి. ఇక ముంబైలో సర్జరీ తర్వాత కొన్ని రోజులు విశ్రాంతి తీసుకొవాలని చెప్పిన పవన్ అధికారిక కార్యక్రమాల్లో పాల్గొన్నారు. దీంతో భూజాలవాపు, జ్వరంకు గురయ్యారు. ఇక పదే పదే అనారోగ్యం బారిన పడటం, కండరాల వాపుతో తీవ్రసమస్యలను ఎదుర్కొంటున్నారు. ఈ క్రమంలో పవన్ కళ్యాణ్ రేపు శనివారం రోజున కేరళకు వెళ్లనున్నారు. అక్కడే 20 రోజుల పాటు ఉండనున్నారు. Read more: Nellore: మిమ్మల్ని చూసి బండి దాచిపెట్టిండు.. నెల్లూరులో తండ్రి బండారం బైటపెట్టిన బుడ్డొడు.. ఫన్నీ వీడియో.. అక్కడే ఉండి కేరళలో ప్రసిద్ది

కృష్ణా జిల్లా ఉయ్యూరులో డయేరియా విస్తరిస్తోందంటూ జరుగుతున్న ప్రచారంలో నిజం లేదని, కొందరు కావాలనే అసత్యాలు ప్రచారం చేస్తున్నారని మంత్రి నారాయణ మండిపడ్డారు. ఉయ్యూరు ప్రభుత్వ ఆసుపత్రిలోని డయేరియా బాధితులను ఆయన ఈరోజు పరామర్శించారు. స్థానిక 5వ వార్డులో పర్యటించి ప్రజల సమస్యలను అడిగి తెలుసుకున్నారు. ప్రస్తుతం ఆసుపత్రిలో 9 మంది చికిత్స పొందుతున్నారని, బాధితులందరి ఆరోగ్యం ప్రస్తుతం నిలకడగానే ఉందని తెలిపారు. ఆగస్టు 17న మృతి చెందిన ఒక వ్యక్తి గుండెపోటు కారణంగానే కన్నుమూశారని, ఆ మరణానికి డయేరియాకు ఎలాంటి సంబంధం లేదని మంత్రి తేల్చిచెప్పారు. ప్రాథమిక నీటి పరీక్షల నివేదిక ప్రకారం తాగునీటిలో ఎలాంటి బ్యాక్టీరియా లేదని వెల్లడైందన్నారు. సమస్యకు కారణం మున్సిపల్ పైప్‌లైన్లా లేక ప్రైవేట్ ఆర్వో ప్లాంట్లా అనే అంశంపై స్పష్టత రావాల్సి ఉందని వివరించారు. అమృత్ 2.0 పథకంలో భాగంగా రాష్ట్రంలోని 123 మున్సిపాలిటీల్లో పాత పైప్‌లైన్లను మారుస్తున్నామని, అందులో భాగంగా ఉయ్యూరులో రూ. 98 కోట్లతో పనులు చేపడుతున్నామని మంత్రి నారాయణ పేర్కొన్నారు. ఈ కార్యక్రమంలో ఎమ్మెల్యే బోడే ప్రసాద్, మాజీ ఎమ్మెల్సీ బాబు రాజేంద్రప్రసాద్ తదితరులు పాల్గొన్నారు

పాకిస్థాన్‌ మాజీ ప్రధాని ఇమ్రాన్‌ ఖాన్‌కు వైద్య పరీక్షలు చేసిన వైద్యులు.. ఆసుపత్రిలో చేరాల్సిన అవసరం లేదని తేల్చారు. దీంతో ఆయన్ను తిరిగి అడియాలా జైలుకు తరలించారు. గురువారం అర్ధరాత్రి కట్టుదిట్టమైన భద్రత మధ్య ఇమ్రాన్‌ను ఇస్లామాబాద్‌లోని షిఫా ఇంటర్నేషనల్‌ ఆసుపత్రికి తీసుకెళ్లారు.ఇమ్రాన్‌ ఆరోగ్యంపై ఆందోళనలు వ్యక్తమవుతున్న నేపథ్యంలో ప్రత్యేక వైద్య పరీక్షలు చేయాలని పాకిస్థాన్‌ సుప్రీంకోర్టు ఆదేశించింది. 48 గంటల్లో ప్రత్యేక ఆసుపత్రికి తరలించాలని స్పష్టం చేసింది. కోర్టు ఆదేశాల మేరకు అధికారులు ఆయనను ఆసుపత్రికి తీసుకెళ్లారు.73 ఏళ్ల ఇమ్రాన్‌కు ఆరుగురు నిపుణులైన వైద్యులతో కూడిన బృందం పరీక్షలు చేసింది. రక్తపోటులో హెచ్చుతగ్గులు, గుండె దడ, తలనొప్పి, ఆందోళన వంటి సమస్యలను పరిశీలించారు. కుడి కంటికి గతంలో తలెత్తిన సమస్యపై కూడా పరీక్షలు నిర్వహించారు.పరీక్షల తర్వాత ఆయన ఆరోగ్య పరిస్థితి నిలకడగానే ఉందని వైద్యులు నిర్ధారించినట్లు సమాచారం. ప్రస్తుతం ఆసుపత్రిలో చేర్చి చికిత్స చేయాల్సిన అవసరం లేదని తేల్చారు. జైలులోనే ఉండటం సురక్షితమని వైద్య బృందం సూచించింది.ఆసుపత్రి పరిసరాల్లో భారీగా పోలీసులను మోహరించారు. ఇమ్రాన్‌ రాకపోకల కోసం ప్రత్యేక భద్రతా ఏర్పాట్లు చేశారు. పరీక్షలు పూర్తయిన వెంటనే ఆయనను తిరిగి అడియాలా జైలుకు తరలించారు.ఆగస్టు 2023లో అరెస్టైన ఇమ్రాన్‌ ఖాన్‌ వివిధ కేసుల్లో జైలు శిక్ష అనుభవిస్తున్నారు. ఆయన ఆరోగ్యం, నిర్బంధం పాకిస్థాన్‌ రాజకీయాల్లో ప్రధాన చర్చగా మారాయి

Sowcar Janaki on Ventilator: తమిళ చిత్ర పరిశ్రమకు చెందిన సీనియర్ నటి ‘షావుకారు’ జానకి తీవ్ర అస్వస్థతకు గురయ్యారు. శ్వాసకోశ సంబంధిత సమస్యలతో బాధపడుతున్న ఆమెను వారం రోజుల క్రితం చెన్నైలోని ఓ ప్రైవేట్ ఆస్పత్రిలో చేర్పించారు. ఆరోగ్య పరిస్థితి క్షీణించడంతో బుధవారం రాత్రి ఇంటెన్సివ్ కేర్ యూనిట్ (ఐసీయూ)కి తరలించారు. 95 ఏళ్ల షావుకారు జానకి ప్రస్తుతం వెంటిలేటర్‌పై చికిత్స పొందుతున్నారు. చెన్నైలోని ఆల్వార్‌పేటలో నివసిస్తున్న జానకి.. వయోభారంతో కొంతకాలంగా ఆరోగ్య సమస్యలతో బాధపడుతున్నారు. నిన్న రాత్రి ఆమె ఆరోగ్యం మరింత క్షీణించడంతో వైద్యులు ఐసీయూలో ఉంచి ప్రత్యేక వైద్య చికిత్స అందిస్తున్నారు. జానకి ఆరోగ్య పరిస్థితిపై కుటుంబ సభ్యులు, అభిమానుల్లో ఆందోళన నెలకొంది. ఆమె త్వరగా కోలుకోవాలని అందరూ కోరుకుంటున్నారు. షావుకారు జానకి 1931లో జన్మించారు. 1950లో విడుదలైన ‘షావుకారు’ సినిమాతో సినీ రంగంలోకి అడుగుపెట్టారు. తొలి సినిమానే ఆమెకు గుర్తింపును తీసుకురావడంతో.. అప్పటి నుంచి ‘షావుకారు జానకి’గా సినీ ప్రేక్షకులకు సుపరిచితమయ్యారు. షావుకారు సినిమా అనంతరం తెలుగు, తమిళం, కన్నడ, మలయాళ భాషల్లో అనేక చిత్రాల్లో నటించిన జానకి తనకంటూ ప్రత్యేక గుర్తింపు తెచ్చుకున్నారు. తన సుదీర్ఘ సినీ ప్రయాణంలో శివాజీ గణేశన్, ఎంజీఆర్, జెమినీ గణేశన్ వంటి పలువురు దిగ్గజ నటులతో కలిసి నటించారు. కథానాయికగా మాత్రమే కాకుండా.. క్యారెక్టర్ ఆర్టిస్ట్‌గా కూడా ఎన్నో వైవిధ్యమైన పాత్రలు పోషించారు. దాదాపు 400కు పైగా చిత్రాల్లో నటించిన జానకి దక్షిణ భారత సినీ పరిశ్రమలో తనదైన ముద్ర వేశారు. కళారంగానికి చేసిన విశేష సేవలను గుర్తించిన కేంద్ర ప్రభుత్వం 2022లో షావుకారు జానకిని పద్మశ్రీ పురస్కారంతో సత్కరించింది. ఆంధ్రప్రదేశ్‌కు చెందిన ఆమె తెలుగు సినీ ప్రేక్షకులకు కూడా ఎంతో సుపరిచితురాలు. ప్రస్తుతం ఆస్పత్రిలో వైద్యుల పర్యవేక్షణలో చికిత్స పొందుతున్న జానకి ఆరోగ్య పరిస్థితిపై అధికారికంగా మరిన్ని వివరాలు తెలియాల్సి ఉంది. సుదీర్ఘ సినీ ప్రస్థానంతో కోట్లాది మంది అభిమానులను

'పాండవులే పాండవులే తుమ్మెద' అంటూ తెలుగు ప్రేక్షకుల మనస్సులో ఎవర్ గ్రీన్ హీరోయిన్ గా ముద్రపడిన సీనియర్ నటి షావుకారు జానకి. పద్మశ్రీ అవార్డుతో పాటు ఎన్నో ప్రతిష్టాత్మక పురస్కారాలని అందుకున్న జానకి గారు కొంతకాలంగా వృద్ధాప్య సంబంధిత ఆరోగ్య సమస్యలు, తీవ్రమైన శ్వాసకోశ ఇబ్బందులతో బాధపడుతున్నారు. దాంతో కుటుంబ సభ్యులు వారం రోజుల క్రితం చెన్నైలోని ప్రముఖ ప్రైవేటు ఆస్పత్రి కావేరిలో చేర్పించి చికిత్స అందిస్తున్నారు. నిన్న రాత్రి ఆమె ఆరోగ్య పరిస్థితి మరింత క్షీణించడంతో, వైద్యులు తక్షణమే ఇంటెన్సివ్ కేర్ యూనిట్ (ICU) కు తరలించి ప్రత్యేక పర్యవేక్షణలో అత్యవసర వైద్య సేవలు అందిస్తున్నారు. ప్రస్తుతం ఆమె ఆరోగ్య పరిస్థితి నిలకడగా ఉందని ఆస్పత్రి వర్గాలు ప్రాథమికంగా వెల్లడించినప్పటికీ, ఆరోగ్య పరిస్థితిపై పూర్తి వివరాలతో కూడిన అధికారిక హెల్త్ బులిటెన్ వెలువడాల్సి ఉంది. నాటకరంగంలో తన నట ప్రస్థానాన్ని ప్రారంభించి, వివాహం తర్వాత చిత్రసీమలోకి అడుగుపెట్టారు. 1949లో ఎన్టీఆర్ సరసన 'షావుకారు' చిత్రంతో సినీ రంగ ప్రవేశం చేయగా, ఆ సినిమా సాధించిన విజయం కారణంగా తన ఇంటిపేరునే 'షావుకారు జానకి'గా మార్చుకుని సినీ చరిత్రలో సువర్ణాక్షరాలతో నిలిచిపోయారు. ఆ మూవీ అప్పడు ఆమె వయసు పంతొమ్మిది సంవత్సరాలు. కళాత్మక నటనకు చిరునామాగా నిలిచిన ఆమె సుదీర్ఘ సినీ ప్రయాణంలో తెలుగు, తమిళం, కన్నడ మరియు మలయాళ భాషల్లో ఏఎన్ఆర్, ఎన్టీఆర్, ఎంజిఆర్, రాజ్‌కుమార్‌ వంటి అగ్ర హీరోలతో జత కట్టి తొలి పాన్ ఇండియా నటీమణులలో ఒకరిగా ప్రత్యేక ముద్ర వేశారు. 400 కి పైగా చిత్రాలు ఆమె ఖాతాలో ఉన్నాయి. భారత ప్రభుత్వం ఆమె విశిష్ట సేవా నిరతికి గుర్తించి దేశంలోనే అత్యున్నత పౌర పురస్కారమైన 'పద్మశ్రీ'తో గౌరవించింది. ఎన్నో ప్రతిష్టాత్మక అవార్డులు, రివార్డులు అందుకున్న ఈ మహానటి ఆస్పత్రి పాలయ్యారనే వార్త తెలియగానే టాలీవుడ్, కోలీవుడ్ సినీ ప్రముఖులు, అభిమానులు తీవ్ర దిగ్భ్రాంతికి గురవుతున్నారు. మహానటి త్వరగా

దక్షిణాది చిత్ర పరిశ్రమలో సుదీర్ఘ కాలం పాటు తన విలక్షణ నటనతో ప్రేక్షకుల హృదయాల్లో చెరగని ముద్ర వేసిన సీనియర్ నటి, పద్మశ్రీ పురస్కార గ్రహీత ‘షావుకారు’ జానకి (95) తీవ్ర అస్వస్థతకు గురయ్యారు. వయోభారం, శ్వాసకోశ సమస్యలతో బాధపడుతున్న ఆమెను వారం రోజుల క్రితం చెన్నైలోని ఓ ప్రైవేటు ఆసుపత్రిలో చేర్పించారు. అయితే బుధవారం రాత్రి ఆమె ఆరోగ్య పరిస్థితి మరింత క్షీణించడంతో వైద్యులు వెంటనే ఐసీయూకు తరలించి చికిత్స అందిస్తున్నారు. ప్రస్తుతం ఆమె ఆరోగ్యం నిలకడగా ఉందని వైద్య వర్గాలు వెల్లడించాయి.* ‘నీ ధైర్యానికి హ్యాట్సాఫ్’.. అనుపమ పరమేశ్వరన్‌కి మద్దతుగా నిలిచిన ‘భైరవం’ బ్యూటీషావుకారు జానకి అసలు పేరు శంకరమంచి జానకి. ఆమె 1931 డిసెంబర్ 12న ఆంధ్రప్రదేశ్‌లోని రాజమహేంద్రవరోం జన్మించారు. చిన్నతనంలోనే రేడియో నాటికల ద్వారా కళారంగంలోకి అడుగుపెట్టిన ఆమె, అద్భుతమైన వాక్చాతుర్యం, స్పష్టమైన ఉచ్చారణతో గుర్తింపు పొందారు. అనంతరం 1950లో నందమూరి తారక రామారావు సరసన ‘షావుకారు’ చిత్రంలో వెండితెరకు పరిచయమయ్యారు. మొదటి చిత్రమే ఘనవిజయం సాధించడంతో అదే ఆమె ఇంటి పేరుగా మారి ‘షావుకారు జానకి’గా సినీ చరిత్రలో సుస్థిరమైపోయింది. ఆమె సోదరి కృష్ణకుమారి కూడా తెలుగు చిత్రసీమలో అగ్ర కథానాయికగా రాణించిన సంగతి తెలిసిందే.నాలుగు తరాల నటులతో 400 చిత్రాలుతెలుగు, తమిళ, కన్నడ, మలయాళ భాషల్లో దాదాపు 400కు పైగా చిత్రాల్లో నటించిన ఘనత ఆమె సొంతం. ఇందులో సుమారు 200 చిత్రాల్లో కథానాయికగా నటించి మెప్పించారు. ఎన్టీఆర్, ఏఎన్నార్, ఎంజీఆర్, శివాజీ గణేశన్, జెమినీ గణేశన్ వంటి దిగ్గజ హీరోలందరి సరసన నటించి ఆనాటి మేటి తారగా వెలుగొందారు. బహుభాషా ప్రావీణ్యం ఉన్న ఆమె, పరభాషా చిత్రాల్లోనూ తన పాత్రలకు తానే స్వయంగా డబ్బింగ్ చెప్పుకోవడం విశేషం. కథానాయికగానే కాకుండా, తర్వాతి కాలంలో ఎన్నో కీలకమైన సహాయ, క్యారెక్టర్ పాత్రల్లో నటించి నాలుగు తరాల నటీనటులతో స్క్రీన్ షేర్ చేసుకున్నారు. ముఖ్యంగా ఏవీఎం సంస్థ

నందమూరి బాలకృష్ణ బాలకృష్ణ తన 111వ సినిమాలో ఓ యాక్షన్ సీన్ షూటింగ్ లో ప్రమాదానికి గురయ్యారు. ఆయన మోకాలికి గాయం కావడంతో డాక్టర్లు సర్జరీ చేశారు. రెండు నెలలు విశ్రాంతి తీసుకోమని కూడా సూచించారు. అయితే బాలయ్య మాత్రం సెప్టెంబర్ నుంచే షూటింగ్ కి రెడీ అంటున్నారట. సెప్టెంబర్ లో తనకు సంబంధించిన షూటింగ్ మొత్తం పూర్తి చేయాలని బాలకృష్ణ చూస్తున్నారు. అలా షూటింగ్ పూర్తి కాగానే అక్టోబర్ లో ప్యాచ్ వర్క్, నవంబర్ లో పోస్ట్ ప్రొడక్షన్ ను పూర్తి చేయాలని ప్లాన్. డిసెంబర్ లో ఎట్టి పరిస్థితుల్లోనూ సినిమాను రిలీజ్ చేయాలన్నది బాలయ్య యోచన. అందుకు దర్శకుడు గోపీచంద్ మలినేని, నిర్మాత వెంకట సతీశ్ కిలారు కూడా సిద్ధమవుతున్నట్టు సమాచారం. బాలకృష్ణకు ప్రమాదాలు కొత్తకాదు. కెరీర్ ఆరంభంలోనే 'బాబాయ్-అబ్బాయ్' షూటింగ్ లో, ఆ తరువాత 'భార్యాభర్తల బంధం' షూటింగ్ లో వరుసగా గాయాల పాలయ్యారు.అయినా డెడికేషన్ తో అప్పట్లో ఏడాదికి ఐదారు సినిమాలు చేస్తూ సాగారు. ఆపై 'విజయేంద్రవర్మ' షూటింగ్ లో మోకాలుకి గాయమైంది. అప్పట్లో కొన్ని నెలల పాటు విశ్రాంతి తీసుకోవలసి వచ్చింది. మళ్ళీ ఇప్పుడు మోకాలుకే గాయం కాగా, డాక్టర్స్ రెండు నెలలు రెస్ట్ తీసుకోమని సూచించారు. అయినా బాలయ్య నిర్మాతకు ఇబ్బంది కలగరాదని షూటింగ్ లో త్వరలోనే పాల్గొనడానికి సిద్ధమవుతున్నారని తెలుస్తోంది. నటరత్న ఎన్టీఆర్ కెరీర్ లోనూ 'పల్లెటూరి పిల్ల' మొదలు, పలుమార్లు చేతికి యాక్సిడెంట్స్ జరిగాయి. దాంతో ఎన్టీఆర్ కుడిచేతి వేళ్ళకు పట్టు పోయింది. 'సర్దార్ పాపారాయుడు' షూటింగ్ లో మళ్ళీ అదే చేయికి గాయమైంది. వైద్యులు సూచించినా తన నిర్మాతలకు నష్టం రాకూడదని ఎన్టీఆర్ కట్టుతోనే కొన్ని చిత్రాల్లో నటించారు. ఆ అంకితభావమే బాలయ్యకూ వచ్చిందనేది ఇండస్ట్రీ మాట. ‘ఇరుముడి’కి చాలా నేషనల్ అవార్డ్స్ వస్తాయి: సంగీత దర్శకుడు జీవీ ప్రకాష్ కుమార్ పొంగల్ బరిలో టాలీవుడ్ టాప్ స్టార్స్.. క్యూ కడుతున్న

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది. NTR Health Update: ఎన్.టి.ఆర్. అభిమానులను కొంతకాలంగా ఆందోళనకు గురిచేస్తున్న ఆయన భుజం గాయంపై తాజాగా స్పష్టత వచ్చింది. షూటింగ్ సమయంలో కుడి భుజానికి గాయం కావడంతో తారక్‌కు ఇటీవల శస్త్రచికిత్స జరిగింది. ప్రస్తుతం ఆయన ఆస్పత్రి నుంచి డిశ్చార్జ్ అయి ఇంటి వద్ద విశ్రాంతి తీసుకుంటూ, కోలుకునే ప్రక్రియను కొనసాగిస్తున్నారు. తారక్‌కు అందించిన చికిత్స, ప్రస్తుతం ఆయన ఆరోగ్య పరిస్థితి గురించి సికింద్రాబాద్‌లోని కిమ్స్ ఆస్పత్రి వైద్యులు వివరాలు వెల్లడించారు. కుడి భుజం జాయింట్ ప్రాంతంలో గాయం కావడంతో శస్త్రచికిత్స చేయాల్సి వచ్చిందని వైద్యులు తెలిపారు. ప్రస్తుతం తారక్ ప్రతిరోజూ ఫిజియోథెరపీ చేయించుకోవాల్సి ఉంటుందని చెప్పారు. తారక్ రికవరీ విషయంలో చాలా జాగ్రత్తగా ఉంటున్నారని, వైద్యుల సూచనలను పాటిస్తున్నారని పేర్కొన్నారు. ఆయన అంకితభావాన్ని చూస్తుంటే త్వరలోనే సాధారణ స్థితికి చేరుకుంటారని వైద్యులు ఆశాభావం వ్యక్తం చేశారు. ప్రస్తుతం ఆయన ఆరోగ్య పరిస్థితి గురించి ఆందోళన చెందాల్సిన అవసరం లేదని స్పష్టం చేశారు. తారక్ పూర్తిగా కోలుకున్న తర్వాత సుమారు రెండు నెలల్లో షూటింగ్‌లో తిరిగి పాల్గొనే అవకాశం ఉందని వైద్యులు వెల్లడించారు. దీంతో అభిమానుల్లో నెలకొన్న ఆందోళన కొంత తగ్గింది. తారక్ త్వరగా కోలుకుని తిరిగి షూటింగ్‌లో పాల్గొనాలని అభిమానులు కోరుకుంటున్నారు. ఇక తారక్ నటిస్తున్న డ్రాగన్ సినిమాపై కూడా ఆసక్తికరమైన పరిణామాలు చోటుచేసుకున్నాయి. ఈ చిత్రానికి ప్రశాంత్ నీల్ దర్శకత్వం వహిస్తున్నారు. తాజాగా ఆయన సోషల్ మీడియాలో ‘డ్రాగన్’కు సంబంధించిన ఓ ఫొటోను విడుదల చేయడంతో సినిమాపై అంచనాలు

IND vs SL: భారత్, శ్రీలంక మధ్య గాలె వేదికగా జరుగుతున్న టెస్ట్ మ్యాచ్ నాలుగో రోజు ఆటలో తీవ్ర విషాదం చోటుచేసుకుంది. శ్రీలంక ప్రధాన బ్యాటర్ దినేష్ చండీమాల్ ఫీల్డింగ్ చేస్తూ మెడకు తీవ్ర గాయమవడంతో మైదానం నుంచి బయటకు వెళ్లాల్సి వచ్చింది. లంక జట్టుకు ఇది కోలుకోలేని దెబ్బగా మారింది. గాలె టెస్ట్ మ్యాచ్ నాలుగో రోజు భారత్ రెండో ఇన్నింగ్స్ ఆడుతున్న సమయంలో ఈ విషాదకర సంఘటన చోటుచేసుకుంది. ఇన్నింగ్స్ నాలుగో ఓవర్ వేస్తున్న లంక బౌలర్ నువన్ తుషార బౌలింగ్‌లో భారత బ్యాటర్ కేఎల్ రాహుల్ అద్భుతమైన షాట్ ఆడాడు. ఆ బంతిని బౌండరీ దాటకుండా ఆపేందుకు దినేష్ చండీమాల్ ఎంతో వేగంగా పరుగెత్తాడు. బంతిని ఆపడంలో విజయం సాధించినప్పటికీ, ఆ వేగంలో నియంత్రణ కోల్పోయి నేలను బలంగా ఢీకొట్టడంతో ఆయన మెడ భాగానికి తీవ్రమైన దెబ్బ తగిలింది. గాయం తీవ్రత కారణంగా చండీమాల్ మైదానంలోనే తీవ్ర నొప్పితో కిందపడిపోయాడు. ఆయన పరిస్థితిని గమనించిన తోటి ఆటగాళ్లు వెంటనే ఫిజియోను పిలిచారు. మైదానంలోకి పరుగెత్తుకొచ్చిన వైద్య సిబ్బంది ప్రాథమిక చికిత్స అందించినప్పటికీ నొప్పి తగ్గకపోవడంతో, ఆయనను మైదానం నుంచి బయటకు తీసుకెళ్లాల్సి వచ్చింది. ఇది కూడా చదవండి: Cricket Records: సచిన్ ఖాతాలో ఎవరూ బ్రేక్ చేయలేని ‘వరల్డ్ రికార్డ్’..100 ఏళ్లయినా ఇది బద్దలవడం అసాధ్యమే చండీమాల్ గాయపడి మైదానం వీడటం శ్రీలంక జట్టును తీవ్ర ఆందోళనకు గురిచేస్తోంది. గాలె టెస్టులో కొండంత లక్ష్యాన్ని ఛేదించాల్సిన సమయంలో జట్టులో అత్యంత అనుభవజ్ఞుడైన ప్రధాన బ్యాటర్ అందుబాటులో లేకపోవడం లంక అవకాశాలను దెబ్బతీసే అంశం. మొదటి ఇన్నింగ్స్‌లో ఆయన కేవలం 4 పరుగులు మాత్రమే చేసి అవుట్ అయినప్పటికీ, రెండో ఇన్నింగ్స్‌లో ఆయన కీలకంగా మారతాడని లంక యాజమాన్యం ఆశించింది. ఆయన మెడ గాయం ఎంత తీవ్రంగా ఉందనే దానిపై శ్రీలంక క్రికెట్ బోర్డు నుంచి ఇంకా అధికారిక ప్రకటన

KL Rahul: గాలె అంతర్జాతీయ మైదానంలో శ్రీలంకతో ప్రారంభమైన తొలి టెస్ట్ మ్యాచ్ మొదటి రోజు ఆటలో భారత బ్యాటర్ల ఆధిపత్యమే కనిపించింది. టాస్ గెలిచి బ్యాటింగ్ ఎంచుకున్న టీమిండియాకు కేఎల్ రాహుల్, యశస్వి జైస్వాల్ మంచి ఆరంభం అందించారు. జైస్వాల్ దురదృష్టవశాత్తూ రనౌట్ అయినప్పటికీ, రాహుల్ అద్భుతమైన హాఫ్ సెంచరీ సాధించి సెంచరీ వైపు దూసుకెళ్లాడు. 77 పరుగుల వద్ద ఉన్న సమయంలో ఆయన తీవ్రమైన కండరాల నొప్పితో అల్లాడిపోయారు. చేతులు, కాళ్లలో తీవ్రమైన నొప్పి రావడంతో రాహుల్ క్రీజులో నిలబడలేకపోయారు. టీ-విరామం సమయంలో డ్రెస్సింగ్ రూమ్‌లో ఫిజియోథెరపిస్ట్ ఆయనకు ప్రత్యేక చికిత్స అందించారు. మూడో సెషన్ ప్రారంభంలో తిరిగి బ్యాటింగ్‌కు రావడానికి ప్రయత్నించినప్పటికీ, నొప్పి తీవ్రరూపం దాల్చడంతో ఆటను మధ్యలోనే ఆపేసి వెనుదిరగక తప్పలేదు. ఫిజియో సహాయంతో పెవిలియన్ వైపు మెట్లు ఎక్కుతున్నప్పుడు రాహుల్ నడవలేక పడిన బాధకు సంబంధించిన ఫోటోలు అభిమానుల హృదయాలను పిండేశాయి. రాహుల్ మైదానం నుంచి బయటకు వెళ్లిన తర్వాత కెప్టెన్ శుభ్‌మన్ గిల్ బ్యాటింగ్‌కు వచ్చాడు. ఐతే గిల్ ఎక్కువ సేపు నిలవకుండా 16 పరుగులకే అవుటయ్యాడు. మరోవైపు యువ బ్యాటర్ దేవదత్ పడిక్కల్ అద్భుతమైన సెంచరీతో మెరిసి జట్టుకు కొండంత అండగా నిలిచాడు. రాహుల్ నిష్క్రమించినా, పడిక్కల్ సెంచరీ తోడవడంతో భారత్ మొదటి రోజు భారీ స్కోరు వైపు పయనించింది. బీసీసీఐ అధికారిక స్పందన.. కోచింగ్ స్టాఫ్ ఏమన్నారంటే? కేఎల్ రాహుల్ గాయంపై బీసీసీఐ వర్గాల నుంచి స్పష్టత వచ్చింది. టీమిండియా బ్యాటింగ్ కోచ్ సితాంశు కొటక్ మాట్లాడుతూ, “రాహుల్ శరీరం అంతటా కండరాల సమస్య తలెత్తింది. అయితే ఆయన ఇప్పుడు కోలుకున్నారు” అని వెల్లడించారు. ఇప్పటికే సాయి సుదర్శన్, జస్ప్రీత్ బుమ్రా గాయాల కారణంగా శ్రీలంక టెస్ట్ సిరీస్‌కు దూరమైన నేపథ్యంలో, రాహుల్ కోలుకోవడం జట్టు మేనేజ్‌మెంట్‌కు పెద్ద ఊరటనిచ్చే అంశం. రాహుల్ కండరాల నొప్పుల నుంచి పూర్తిగా తేరుకోవడంతో ఆయన తదుపరి

ఆంధ్రప్రదేశ్ డిప్యూటీ సీఎం పవన్ కళ్యాణ్ అనారోగ్యానికి గురయ్యారు. పవన్ కళ్యాణ్ తీవ్ర జ్వరంతో ఇబ్బందులు పడుతున్నారు. ఈ నేపథ్యంలో స్వాతంత్య్ర దినోత్సవం సందర్భంగా లోక్ భవన్‌లో నిర్వహించిన ఎట్ హోమ్ కార్యక్రమానికి పవన్ కళ్యాణ్ హాజరు కాలేకపోతున్నట్లు డిప్యూటీ సీఎంవో వర్గాలు వెల్లడించాయి. ఎట్ హోమ్ కార్యక్రమానికి హాజరు కాలేకపోతున్న విషయాన్ని లోక్ భవన్ అధికారులకు కూడా తెలియజేశారు. శనివారం ఉదయం కాకినాడలో జరిగిన 80వ స్వాతంత్య్ర దినోత్సవ వేడుకల్లో పవన్ కళ్యాణ్ పాల్గొన్నారు. ఆ కార్యక్రమం పూర్తి అయిన తర్వాత రాజమహేంద్రవరంలో అటవీశాఖ అధికారులు ఏర్పాటు చేసిన సెంట్రల్‌ క్రాఫ్ట్‌ వుడ్‌ బ్యాంక్‌ను పవన్ కళ్యాణ్ ప్రారంభించారు.ఈ సందర్భంగా సతీమణి అన్నా కొణిదెలతో కలిసి పవన్ కళ్యాణ్ ఉత్సాహంగా, ఉల్లాసంగా కనిపించారు, చేతి వృత్తి కళాకారులు రూపొందించిన పలు కళాఖండాలను సతీమణితో కలిసి పరిశీలించారు. కొన్నింటిని కొనుగోలు చేసి కళాకారులను అభినందించారు. అయితే క్రాఫ్ట్ వుడ్ బ్యాంక్ ప్రారంభోత్సవ కార్యక్రమంలోనే పవన్ కళ్యాణ్‌కు జ్వరం తీవ్రమైనట్లు సమాచారం. దీంతో కార్యక్రమాన్ని మధ్యలోనే ముగించుకున్నట్లు తెలిసింది. అనంతరం రాజమహేంద్రవరంలోని డాక్టర్లు డిప్యూటీ సీఎం పవన్ కళ్యాణ్‌ను పరీక్షించారు. కొద్దిసేపటి తర్వాత పవన్ కళ్యాణ్ హైదరాబాద్‌కు బయలుదేరి వెళ్తారు.మరోవైపుపవన్ కళ్యాణ్ రొటేటర్ కఫ్ గాయానికి వైద్యులు ఇటీవల శస్త్ర చికిత్స నిర్వహించిన సంగతి తెలిసిందే. ముంబైలోని కోకిలా బెన్ ధీరూబాయ్ అంబానీ ఆస్పత్రి వైద్యులు పవన్ కళ్యాణ్ కుడి భుజానికి సర్జరీ నిర్వహించారు. కోలుకోవడానికి కొన్ని నెలలు పడుతుందని.. అప్పటి వరకూ ఫిజియోథెరపీ చేయించుకోవాలని సూచించారు. కొన్ని రోజుల పాటు విశ్రాంతి అవసరమని సూచించారు. వైద్యుల సూచన మేరకు కొన్ని రోజులు విరామం తీసుకున్న పవన్ కళ్యాణ్.. ఇటీవలే తిరిగి అధికారిక కార్యక్రమాల్లో బిజీ అవుతున్నారు. ఈ నేపథ్యంలో మరోసారి జ్వరం రావటంతో సర్జరీ అనంతరం చేయించుకోవాల్సిన ఫిజియో థెరపీ గురించీ వైద్య నిపుణుల సూచనలను పవన్ కళ్యాణ్ స్వీకరించనున్నట్లు డిప్యూటీ సీఎంవో వర్గాలు

దేశమంతా స్వాతంత్ర వేడుకల్ని అట్టహాసంగా జరుపుకుంటోంది. ఏపీలోనూ సీఎం చంద్రబాబు, డిప్యూటీ సీఎం పవన్ కళ్యాణ్ సహా మంత్రులంతా స్వాతంత్ర వేడుకల్లో పాల్గొంటున్నారు. పతాకావిష్కరణలు చేస్తున్నారు. ఈ సందర్భంగా తిరుపతిలో నిర్వహించిన స్వాతంత్ర దినోత్సవంలో పాల్గొన్న మంత్రి ఆనం రామనారాయణ రెడ్డి (Anam Ramanarayana Reddy) ఒక్కసారిగా అస్వస్థతకు గురయ్యారు. ఎండ వేడిమికి తాళలేక కళ్లు తిరిగి పడిపోయారు. దీంతో అక్కడున్న వారంతా కంగారు పడ్డారు. వెంటనే ఆయనకు ప్రాథమిక చికిత్స అందించారు.Amaravati: చంద్రబాబు, నారాయణపై వైసీపీ కేసును తేల్చేసిన సుప్రీంకోర్టు..!తిరుపతి పోలీస్‌ పరేడ్‌ గ్రౌండ్స్ లో ఇవాళ జరిగిన స్వాతంత్య్ర వేడుకల్లో రాష్ట్ర దేవాదాయ శాఖ మంత్రి ఆనం రామనారాయణరెడ్డి పాల్గొన్నారు. ఎప్పటిలాగే పతాకావిష్కరణ తర్వాత ఆనం ప్రసంగించేందుకు సిద్దమయ్యారు. ప్రసంగం కూడా ప్రారంభించారు. ఉన్నట్లుండి ఆయనకు కళ్లు తిరగడంతో ప్రసంగాన్ని ఆపేశారు. వెంటనే కుప్పకూలిపోతుండగా.. పక్కనే ఉన్న పోలీసులు, అధికారులు ఆయన్ను పట్టుకున్నారు. ఏపీలో డ్వాక్రా మహిళలకు పంద్రాగస్టు కానుక- మరో కొత్త పథకం..!మంత్రి ఆనం అస్వస్థతకు గురికావడంతో పరేడ్ గ్రౌండ్ లో ఒక్కసారిగా టెన్షన్ నెలకొంది. వెంటనే అప్రమత్తమైన భద్రతా సిబ్బంది మంత్రి కింద పడకుండా పట్టుకొని పక్కన కూర్చోబెట్టారు. అనంతరం వెంటనే డాక్టర్లను పిలిపించారు. వారు మంత్రికి ప్రాథమిక చికిత్స అందించారు. ప్రస్తుతం మంత్రి ఆనం ఆరోగ్య పరిస్థితి నిలకడగా ఉందని డాక్టర్లు తెలిపారు. దీంతో ఆయన అభిమానులు, పరేడ్ మైదానంలో వేడుకలకు హాజరైన వారంతా ఊపిరిపీల్చుకున్నారు

Jr NTR: సర్జరీ తర్వాత ఎన్టీఆర్ మొదటి ఫోటో.. వైద్యులతో కలిసి కనిపించిన యంగ్ టైగర్ ఈ వార్తకు సంబంధించిన

ఫోన్‌ను గంటల తరబడి ఉపయోగించడం, ముఖ్యంగా తప్పు భంగిమలో చూడటం వల్ల మెడ, భుజాలు, వెన్ను భాగాల్లో సమస్యలు తలెత్తే అవకాశం ఉంది. ఓ నటి తనకు ఎదురైన అనుభవాన్ని పంచుకుంటూ, అవసరానికి మించి ఫోన్‌ వాడకుండా స్క్రీన్‌ టైమ్‌ను నియంత్రించుకోవాలని సూచించారు. ఇంటర్నెట్ డెస్క్: స్మార్ట్‌ఫోన్‌ మన రోజువారీ జీవితంలో ముఖ్యమైన భాగంగా మారిపోయింది. అయితే అవసరానికి మించి గంటల తరబడి ఫోన్‌ చూడటం, సరైన భంగిమలో కూర్చోకపోవడం లేదా పడుకుని ఫోన్‌ ఉపయోగించడం ఆరోగ్యంపై ప్రభావం చూపవచ్చు. దీనికి ప్రత్యక్ష ఉదాహరణగా దక్షిణాది నటి తన అనుభవాన్ని పంచుకున్నారు. ఓ నటి తన యూట్యూబ్‌ వ్లాగ్‌లో ఫోన్‌ వాడకం వల్ల తాను ఎదుర్కొన్న మెడ సమస్య గురించి వివరించారు. తాను మంచంపై పక్కకు తిరిగి పడుకుని వరుసగా నాలుగు గంటల వరకు ఫోన్‌లో గేమ్స్‌ ఆడేదాన్నని చెప్పారు. మధ్యలో టీ లేదా కాఫీ తాగడానికి మాత్రమే లేచి, మళ్లీ ఫోన్‌ పట్టుకునేదాన్నని తెలిపారు. గేమ్స్‌తో పాటు గంటల తరబడి వీడియోలు, రీల్స్‌ చూస్తూ గడిపేదాన్నని ఆమె చెప్పారు. ఇలా ఎక్కువసేపు ఒకే భంగిమలో ఉండటం వల్ల క్రమంగా మెడలో తీవ్రమైన నొప్పి మొదలైందని వివరించారు. సమస్య తీవ్రం కావడంతో చెన్నైలోని మెడ్‌వే ఆసుపత్రిలో ఆమె మెడకు శస్త్రచికిత్స జరిగినట్లు తెలిపారు. ఈ చికిత్స కోసం సుమారు రూ.3 లక్షలు ఖర్చయ్యాయని చెప్పారు. శస్త్రచికిత్స అనంతరం కోలుకునే సమయంలో మెడకు సాఫ్ట్ సర్వైకల్ కాలర్ ధరించాలని వైద్యులు సూచించినట్లు ఆమె వెల్లడించారు. ఆపరేషన్‌ తర్వాత మంచం నుంచి లేవడం, భోజనం చేయడం వంటి సాధారణ పనులకు కూడా ఇతరుల సహాయం అవసరమైందని నటి తెలిపారు. తన మెడ సమస్యకు చికిత్సలో టైటానియం స్క్రూ ఉపయోగించినట్లు కూడా చెప్పారు. తన అనుభవాన్ని వివరిస్తూ ఆ నటి నెటిజన్లకు, ముఖ్యంగా తల్లిదండ్రులకు ఓ సూచన చేశారు. ఫోన్‌ ఉపయోగకరమైన పరికరమే అయినప్పటికీ, అవసరానికి మించి ఉపయోగించకూడదని

తెలుగు సినీ ప్రముఖ నటుడు జూనియర్ ఎన్టీఆర్ భుజం గాయానికి సంబంధించిన ఆర్థ్రోస్కోపిక్ సర్జరీ విజయవంతంగా పూర్తయింది. ఆగస్టు 12న హైదరాబాద్ లోని కిమ్స్ హాస్పిటల్ లో వైద్యులు ఈ ఆపరేషన్ ను నిర్వహించారు. చికిత్స అనంతరం ఆయన ఆరోగ్యం స్థిరంగా ఉండటంతో ఆగస్టు 13న ఆసుపత్రి నుంచి డిశ్చార్జ్ చేశారు. ప్రస్తుతం ఆయన వైద్యుల పర్యవేక్షణలో 2 నుంచి 3 నెలల పాటు రిహాబిలిటేషన్ ప్రోగ్రామ్ లో పాల్గొననున్నారు. ఈ ఘటనకు సంబంధించి జూలై 27న ఎన్టీఆర్ భుజానికి తీవ్ర గాయమైంది. ఆ సమయంలో వైద్యులు మొదట 6 నుంచి 8 వారాల పాటు పూర్తి విశ్రాంతి తీసుకోవాలని సూచించారు. అయితే తదుపరి పరీక్షలు నిర్వహించిన డాక్టర్లు, వేగంగా కోలుకోవడానికి ఆర్థ్రోస్కోపిక్ సర్జరీయే ఉత్తమ మార్గమని నిర్ణయించారు. దీని ప్రకారం డాక్టర్ ఆర్.ఏ. పూర్ణచంద్ర తేజస్వి నేతృత్వంలోని నిపుణుల బృందం విజయవంతంగా ఆపరేషన్ పూర్తి చేసింది. దీంతో ఎన్టీఆర్ స్వయంగా తన సోషల్ మీడియా ఖాతా ద్వారా అభిమానులకు హెల్త్ అప్‌డేట్ ఇచ్చారు. తన ఆరోగ్యం బాగుందని, అందరి ప్రేమ మరియు ప్రార్థనలకు ఎల్లప్పుడూ రుణపడి ఉంటానని ఆయన పేర్కొన్నారు. ఇదిలా ఉండగా కిమ్స్ హాస్పిటల్స్ సీఎండీ డాక్టర్ భాస్కర్ రావు కూడా ఎన్టీఆర్ త్వరగా కోలుకోవాలని ఆకాంక్షించారు. ఈ సర్జరీ సక్సెస్ కావడంతో అభిమానులు మరియు చిత్ర పరిశ్రమ వర్గాలు గొప్ప ఉపశమనం పొందాయి. ఈ నేపథ్యంలో ప్రశాంత్ నీల్ దర్శకత్వంలో ఎన్టీఆర్ నటిస్తున్న డ్రాగన్ సినిమా షూటింగ్ పై పెను ప్రభావం పడింది. ముందుగా అనుకున్న శ్రీలంక షెడ్యూల్ పూర్తిగా వాయిదా పడింది. ఫలితంగా ఎన్టీఆర్ లేని ఇతర భాగాలను చిత్రీకరించేందుకు చిత్ర యూనిట్ ప్రణాళికలు సిద్ధం చేస్తోంది. అక్టోబర్ లేదా నవంబర్ 2026 నాటికి ఆయన పూర్తిగా కోలుకుని తిరిగి షూటింగ్ లో పాల్గొనే అవకాశం ఉందని సమాచారం. ఈ పాన్ ఇండియా చిత్రం 1960ల నాటి ఒపియం

టాలీవుడ్ నటుడు జూనియర్ ఎన్టీఆర్ భుజ శస్త్రచికిత్స సికింద్రాబాద్‌లోని కిమ్స్ ఆస్పత్రిలో విజయవంతంగా పూర్తయింది. ఆగస్టు 12న నిర్వహించిన శస్త్రచికిత్స అనంతరం ఆయన ఆరోగ్యం నిలకడగా ఉందని వైద్యులు వెల్లడించారు. ప్రస్తుతం ఎన్టీఆర్ పూర్తి క్షేమంగా ఉండటంతో పాటు వైద్యుల పర్యవేక్షణలో చికిత్స పొందుతున్నారని కిమ్స్ హెల్త్ బులెటిన్‌లో పేర్కొన్నారు. ఎన్టీఆర్ భుజ శస్త్రచికిత్స విజయవంతం కావడంతో అభిమానులకు ఆయన ఆరోగ్యంపై కీలక సమాచారం అందింది. తదుపరి దశలో ప్రత్యేక పునరావాస చికిత్స ప్రారంభించేందుకు వైద్య బృందం సిద్ధమవుతోంది. ఎన్టీఆర్‌కు జూలై 27 సాయంత్రం భుజానికి గాయం కావడంతో వైద్య పరీక్షలు నిర్వహించారు. అప్పట్లో డాక్టర్ జె. మధుసూదన్ రావు, డాక్టర్ ఆర్.ఎ. పూర్ణచంద్ర తేజస్వి నేతృత్వంలోని బృందం ఆయనను పరిశీలించింది. గాయం నుంచి కోలుకునేందుకు 6 నుంచి 8 వారాల పూర్తి విశ్రాంతి అవసరమని తొలుత వైద్యులు సూచించారు. అయితే తర్వాత నిర్వహించిన సమగ్ర పరీక్షలు, వైద్య అంచనాల ఆధారంగా ఎన్టీఆర్ భుజ శస్త్రచికిత్స అవసరమని నిర్ధారించారు. గాయం ఎలా జరిగిందనే విషయంపై ఎన్టీఆర్ బృందం నుంచి అధికారిక వివరాలు మాత్రం వెల్లడించలేదు. డాక్టర్ ఆర్.ఎ. పూర్ణచంద్ర తేజస్వి నేతృత్వంలోని నలుగురు ఆర్థోపెడిక్ నిపుణుల బృందం ఎన్టీఆర్ భుజ శస్త్రచికిత్స నిర్వహించింది. ఈ బృందంలో డాక్టర్ నితిన్ బెజ్జంకి, డాక్టర్ మధుసూదన్ రావు, డాక్టర్ శ్రీనివాస్ రావు సూరపనేని ఉన్నారు. దీంతో శస్త్రచికిత్స తర్వాత ఆయన ఆరోగ్య పరిస్థితిని వైద్యులు నిరంతరం పర్యవేక్షిస్తూ అవసరమైన చికిత్స అందిస్తున్నారు. ఇదిలా ఉండగా, గాయం ప్రశాంత్ నీల్ దర్శకత్వంలోని ‘డ్రాగన్’ చిత్రీకరణ సమయంలో జరిగినట్లు వివిధ నివేదికలు పేర్కొన్నాయి. అయితే గాయం జరిగిన పరిస్థితులపై అధికారికంగా ఎలాంటి స్పష్టత ఇవ్వలేదు. ఎన్టీఆర్ కోలుకోవడానికి దాదాపు 2 నుంచి 3 నెలల సమయం పట్టవచ్చని వైద్యులు అంచనా వేస్తున్నారు. ఫలితంగా ‘డ్రాగన్’ చిత్రీకరణ షెడ్యూల్‌పై ఎన్టీఆర్ భుజ శస్త్రచికిత్స ప్రభావం చూపే అవకాశం ఉంది. గాయం నేపథ్యంలో

ఇమ్రాన్ ఖాన్ సజీవంగా ఉన్నారు. ఆర్మీ స్పష్టతతో తీరిన ఉత్కంఠ. కుటుంబ భేటీకి పీటీఐ పట్టు. పాకిస్థాన్ మాజీ ప్రధాని, పీటీఐ (PTI) అధినేత ఇమ్రాన్ ఖాన్ జైలులోనే మరణించారంటూ సోషల్ మీడియాలో ప్రచారమైన వార్తలు ఆ దేశ రాజకీయ వర్గాల్లో తీవ్ర కలకలాన్ని సృష్టించాయి. గత కొద్దిరోజులుగా ఆయన ఆరోగ్య పరిస్థితిపై తీవ్ర ఉత్కంఠ నెలకొనడంతో పీటీఐ శ్రేణులు, మద్దతుదారులు ఆందోళనకు దిగారు. ఈ నేపథ్యంలో పాకిస్థాన్ సైనిక సమాచార విభాగం ఎట్టకేలకు మౌనం వీడి స్పందించింది. ఇమ్రాన్ ఖాన్ మరణించారంటూ వస్తున్న వార్తలన్నీ తప్పుడు నివేదికలని, ఆయన క్షేమంగానే ఉన్నారని ఆర్మీ స్పష్టం చేసినట్లు ప్రముఖ జర్నలిస్ట్ వజాహత్ ఖాన్ వెల్లడించారు. RC Transfer: మీ బండిని అమ్మేశారా?.. ఆర్సీ మార్చకపోతే పోలీస్ కేసే.. ఆర్టీఓ కొత్త రూల్స్ ఇవే! ఆర్మీ ప్రకటనపై జర్నలిస్ట్ వజాహత్ ఖాన్ విశ్లేషణ: ISPR స్పందనపై వజాహత్ ఖాన్ తాజా వీడియోలో స్పందిస్తూ.. సైన్యం తన కథనాన్ని ‘ఫేక్’ అని కొట్టిపారేసినప్పటికీ, ఆర్మీ ప్రకటన ద్వారా ఇమ్రాన్ ఖాన్ బతికే ఉన్నారనే నిజం బయటకు రావడం ఊరటనిచ్చే అంశమని తెలిపారు. GHQ లోని ముగ్గురు సీనియర్ అధికారులు కేవలం తమ ఆందోళనను మాత్రమే పంచుకున్నారని, మరణాన్ని ధ్రువీకరించలేదని స్పష్టం చేశారు. ఆర్మీ అసాధారణంగా మౌనంగా ఉండటమే ఈ అనుమానాలకు కారణమైందని, తమ ఒత్తిడి వల్లే ప్రభుత్వం, సైన్యం స్పందించక తప్పలేదని ఆయన పేర్కొన్నారు. కుటుంబ భేటీ కోసం పీటీఐ పట్టుబట్టడం ఆర్మీ ప్రకటనతో కొంత స్పష్టత వచ్చినప్పటికీ, 73 ఏళ్ల ఇమ్రాన్ ఖాన్ ఆరోగ్యంపై పీటీఐ పార్టీ అనుమానాలు పూర్తిగా నివృత్తి కాలేదు. జైలులో ఉన్న ఆయనను కలిసేందుకు కుటుంబ సభ్యులను, వ్యక్తిగత వైద్యులను వెంటనే అనుమతించాలని పీటీఐ డిమాండ్ చేస్తోంది. ముఖాముఖి భేటీకి అనుమతి ఇచ్చి, ఆయన ఆరోగ్య పరిస్థితిపై పూర్తి పారదర్శకత చూపించే వరకు తమ ఆందోళనలు ఆపబోమని పార్టీ స్పష్టం చేసింది

ప్రముఖ నటుడు జూనియర్ ఎన్టీఆర్ నేడు హైదరాబాద్‌లోని కిమ్స్ (KIMS) ఆసుపత్రిలో భుజం శస్త్రచికిత్స చేయించుకోనున్నారు. ఇటీవల ఆయనకు తగిలిన గాయం తీవ్రతను వైద్యులు పరిశీలించిన అనంతరం, ఈ శస్త్రచికిత్స అనివార్యమని నిర్ణయించారు. ప్రస్తుతం తారక్ ఆరోగ్య పరిస్థితి నిలకడగా ఉందని, శస్త్రచికిత్స తర్వాత పూర్తి వివరాలు వెల్లడిస్తామని ఆయన బృందం పేర్కొంది. అభిమానులు ఆందోళన చెందవద్దని, ఆయన త్వరగా కోలుకోవడమే తమ ప్రాథమిక లక్ష్యమని వారు స్పష్టం చేశారు. గత నెల జూలై 27న జూనియర్ ఎన్టీఆర్‌కు గాయమైనట్లు తొలిసారిగా సమాచారం అందింది. మొదట్లో వైద్యులు ఆయనకు 6 నుండి 8 వారాల పాటు పూర్తిస్థాయి విశ్రాంతి తీసుకోవాలని సూచించారు. అయితే, గాయం మెరుగుపడకపోవడంతో పరీక్షలు నిర్వహించిన వైద్య నిపుణులు శస్త్రచికిత్స ఉత్తమమని సూచించారు. ఈ నేపథ్యంలో తారక్ చికిత్స కోసం హాస్పిటల్‌లో చేరారు. గాయం ఎక్కడ, ఎలా జరిగిందనే అంశంపై స్పష్టత లేనప్పటికీ, చికిత్సపైనే టీమ్ దృష్టి పెట్టింది. ప్రస్తుతం జూనియర్ ఎన్టీఆర్ ప్రశాంత్ నీల్ దర్శకత్వంలో తెరకెక్కుతున్న ‘డ్రాగన్’ చిత్రంలో నటిస్తున్నారు. 1967 నాటి నల్లమందు వ్యాపార నేపథ్యంలో సాగే ఈ కథలో ఆయన 'లూగర్' అనే పాత్రలో కనిపిస్తారు. ఇదిలా ఉండగా, షూటింగ్ సెట్‌లో ఈ గాయం జరిగిందా లేదా అనే విషయంపై చిత్రబృందం ఎటువంటి అధికారిక ప్రకటన చేయలేదు. దీంతో షూటింగ్‌కు తాత్కాలికంగా విరామం ప్రకటించారు. ఈ గాయం ఫలితంగా 'డ్రాగన్' సినిమా చిత్రీకరణ షెడ్యూల్స్ అన్నీ పూర్తిగా మారిపోయాయి. మైత్రీ మూవీ మేకర్స్ మరియు ఎన్టీఆర్ ఆర్ట్స్ సంయుక్తంగా నిర్మిస్తున్న ఈ భారీ బడ్జెట్ చిత్రం విడుదల వాయిదా పడింది. ఈ నేపథ్యంలో 2027 జూన్ 11న చిత్రాన్ని ప్రేక్షకుల ముందుకు తీసుకురావాలని నిర్మాతలు తాజాగా నిర్ణయించారు. సర్జరీ తర్వాత తారక్ కోలుకోవడానికి కొంత సమయం పట్టే అవకాశం ఉందని తెలుస్తోంది. వైద్యుల సూచన మేరకు శస్త్రచికిత్స అనంతరం తారక్ సుదీర్ఘకాలం విశ్రాంతి తీసుకోవాల్సి ఉంటుంది

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది. Jr NTR Key Surgery: టాలీవుడ్ అగ్రహీరోల్లో ఒకరైన జూనియర్ ఎన్టీఆర్‌కు ఈ రోజు హైదరాబాద్‌లోని కిమ్స్ ఆసుపత్రిలో ఆయన భుజానికి శస్త్రచికిత్స జరగనుంది. ప్రశాంత్ నీల్ డైరెక్షన్‌లో తెరకెక్కుతున్న డ్రాగన్ మూవీ షూటింగ్‌లో అతని భుజానికి గాయం అయింది. కొన్ని రోజులుగా చేతికి కట్టుతోనే షూటింగ్‌లో పాల్గొంటూ వస్తున్నారు. ఆ సందర్భంలో భుజం నొప్పి మరింత కావడంతో.. డాక్టర్ల సలహా మేరకు నేడు ఆయనకు శస్త్రచికిత్స నిర్వహిస్తున్నట్లు ఆయన కార్యాలయం అధికారికంగా ఓ ప్రకటన విడుదల చేసింది. ఈ మేరకు సర్జరీకి సంబంధించిన అన్ని ఏర్పాట్లను కిమ్స్ ఆసుపత్రి యాజమాన్యం పూర్తి చేసింది. ఈ నేపథ్యంలో డ్రాగన్ సినిమా షూటింగ్‌కు కాస్త అంతరాయం ఏర్పడనున్నట్లు తెలుస్తోంది. ఎన్టీఆర్ భుజానికి ఆపరేషన్ జరగబోతుందనే వార్త తెలియగానే అతని ఫ్యాన్స్ ఆందోళనకు గురవుతున్నారు. ఎన్టీఆర్ త్వరగా కోలుకోవాలని ఆలయాల్లో ప్రత్యేక పూజలు నిర్వహిస్తున్నారు. మరోవైపు గతంలో ఎన్టీఆర్‌ రెండు మూడు సార్లు షూటింగ్ సందర్భాల్లో గాయపడ్డ సంగతి తెలిసిందే కదా. ఇక ఎన్టీఆర్ విషయానికొస్తే.. ఆర్ఆర్ఆర్ సినిమాతో గ్లోబల్ లెవల్లో ఈయన ఇమేజ్ ఒక్కసారిగా పెరిగింది. ఆ తర్వాత ‘దేవర’ సినిమాతో మంచి సక్సెస్ అందుకున్న తారక్.. ఆ తర్వాత తొలిసారి బాలీవుడ్‌లో ‘వార్ 2’ డైరెక్ట్ ఎంట్రీ ఇచ్చాడు. హృతిక్ రోషన్‌తో కలిసి నటించాడు. ఈ సినిమా ఆశించిన మేర సక్సెస్ సాధించలేదు. ఈ చిత్రంలో నెగిటివ్ షేడ్స్ ఉన్న క్యారెక్టర్‌లో మెప్పించాడు. ప్రస్తుతం ప్రశాంత్ నీల్

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది. Jr NTR Shoulder Injury:జూనియర్ ఎన్టీఆర్‌కు జూలై 27న భుజానికి గాయం అయినట్లు ఆయన టీమ్ వెల్లడించింది. అయితే ఈ గాయం ఎలా జరిగిందనే విషయాన్ని మాత్రం అధికారికంగా వెల్లడించలేదు. ఎన్టీఆర్‌ను పరీక్షించిన వైద్యులు కొంతకాలం పూర్తిగా విశ్రాంతి తీసుకోవాలని సూచించారు. వైద్యుల సూచన ప్రకారం ఎన్టీఆర్ ఆరు నుంచి ఎనిమిది వారాల పాటు పూర్తి విశ్రాంతి తీసుకోవాల్సి ఉంది. గాయం నుంచి పూర్తిగా కోలుకోవడానికి ఈ విశ్రాంతి అవసరమని వైద్యులు తెలిపారు. ప్రస్తుతం ఆయన ఆరోగ్యం గురించి అభిమానులు ఆందోళన చెందాల్సిన అవసరం లేదని టీమ్ స్పష్టం చేసింది. తాజా ప్రకటనలో ఎన్టీఆర్‌కు రేపు కిమ్స్ ఆసుపత్రిలో భుజానికి శస్త్రచికిత్స చేయనున్నట్లు ఆయన టీమ్ తెలిపింది. వైద్య పరీక్షల తర్వాతే ఆపరేషన్ చేయాలని నిర్ణయించినట్లు పేర్కొంది. నిపుణులైన వైద్యుల బృందం ఎన్టీఆర్ చికిత్సను పర్యవేక్షించనుంది. ఎన్టీఆర్‌కు గాయం గురించి గతంలో కూడా ఆయన టీమ్ అధికారిక ప్రకటన చేసింది. వైద్యుల సూచన మేరకు పూర్తిగా విశ్రాంతి తీసుకుంటున్నారని తెలిపింది. ఆయన త్వరగా, పూర్తిగా కోలుకునేలా వైద్యులు అవసరమైన చికిత్స అందిస్తున్నారని పేర్కొంది. ఇదిలా ఉంటే ఎన్టీఆర్ ప్రస్తుతం ప్రశాంత్ నీల్ దర్శకత్వంలో తెరకెక్కుతున్న ‘డ్రాగన్’ సినిమాలో నటిస్తున్నారు. ఈ సినిమా షూటింగ్ సమయంలోనే ఆయనకు గాయం అయి ఉండొచ్చని కొన్ని వార్తలు వచ్చాయి. అయితే గాయం షూటింగ్ సమయంలోనే జరిగిందని ఎన్టీఆర్ టీమ్ అధికారికంగా ధృవీకరించలేదు. ప్రస్తుతం ఎన్టీఆర్ ఆరోగ్య పరిస్థితిపై అభిమానులు ఆసక్తిగా ఎదురుచూస్తున్నారు. ఆపరేషన్ తర్వాత ఆయన

రేణుక గొడుగు జీ తెలుగు డిజిటల్ మీడియాలో సబ్ ఎడిటర్‌గా 2024 నుంచి పనిచేస్తున్నారు. హెల్త్‌, లైఫ్‌స్టైల్‌, ఆస్ట్రోలజీ, బ్రేకింగ్, వైరల్‌ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన 6 ఏళ్ల అనుభవం ఉంది. Dengue Symptoms: వర్షాకాలం ప్రారంభం కావడంతో వ్యాధులు కూడా విపరీతంగా విస్తరిస్తున్నాయి. ముఖ్యంగా దోమల వల్ల మలేరియా, చికెన్ గున్యా వంటి వ్యాధులు పెరుగుతున్నాయి. ఇటీవల నటి స్వర భాస్కర్ కూడా డెంగీ బారిన పడి ఆసుపత్రిలో చేరారు. ఈ విషయం ఆమె ఇన్స్టాగ్రామ్ ద్వారా తన అభిమానులతో పంచుకున్నారు. వర్షాకాలంలో దోమల ప్రభావం పెరగడం వల్ల డెంగ్యూ వచ్చే అవకాశం ఉంది, కాబట్టి ఈ క్రింది ఐదు లక్షణాలు కనిపిస్తే మీరు కూడా నిర్లక్ష్యం చేయకుండా జాగ్రత్త పడాలి. గత ఐదేళ్లలో 968 కేసులు నమోదైనప్పటికీ, 2023లో రికార్డు స్థాయిలో 2,89,235 కేసులు నమోదై 485 మంది మరణించారు. డెంగీ లక్షణాలు ప్రధానంగా జ్వరంతో మొదలవుతాయి. ఆ తర్వాత కండరాలు, కీళ్ల నొప్పులు, తలనొప్పి, కళ్ళ నొప్పి, వాంతులు వంటివి కనిపిస్తాయి. దీనితో పాటు ముక్కు లేదా చిగుళ్ల నుండి రక్తం రావడం, కడుపు నొప్పి, ప్రతి 24 గంటల్లో మూడు కంటే ఎక్కువసార్లు వాంతులు అవ్వడం, మలంలో రక్తం పడటం లేదా రక్త వాంతులు కావడం కూడా ముఖ్యమైన లక్షణాలే. డెంగీ నివారణ మార్గాలు.. డెంగీ వచ్చిన తర్వాత చికిత్స తీసుకోవడం కంటే ముందుగానే నివారించుకోవడం మంచిది. ఇది నిల్వ ఉన్న నీటి ద్వారా వ్యాప్తి చెందుతుంది. కాబట్టి మీ ఇంటి పరిసరాలను పరిశుభ్రంగా ఉంచుకోవాలి. నీరు నిల్వ ఉండకుండా జాగ్రత్త వహించాలి. ప్రతి వారం చేయాల్సిన జాగ్రత్తలు.. ఇంటి బాల్కనీలలోని మొక్కల పాత్రలలో నీరు నిల్వ ఉండకుండా ఎప్పటికప్పుడు వాటిని మార్చాలి. ఎయిర్ కూలర్ ట్యాంకులు, బకెట్లు, డ్రమ్ములలోని నీటిని ప్రతి వారం మార్చాలి. అలాగే