iBomma Ravi: నాంపల్లి కోర్టును ఆశ్రయించిన ఐ బొమ్మ రవి.. ఖర్చులు భరించలేకపోతున్నానని పిటిషన్..

ఐబొమ్మ మాజీ నిర్వాహకుడు ఐబొమ్మ రవి అలియాస్ ఇమంది రవి తాజాగా నాంపల్లి కోర్టును ఆశ్రయించాడు. ప్రస్తుతం తాను ఆర్థికంగా చాలా ఇబ్బందులు పడుతున్నానని.. తన కుటుంబాన్ని పోషించుకోవడం చాలా కష్టంగా ఉందంటూ కోర్టులో పిటిషన్ దాఖలు చేశాడు. సినీ పైరసీ కేసులో తెలంగాణ సైబర్ క్రైమ్ పోలీసులు రవికి చెందిన బ్యాంక్ ఖాతాలను ఫ్రీజ్ చేశారు. దీంతో తన ఖాతాలో రూ.3 కోట్లు అలాగే ఉండిపోయాయని.. తన బ్యాంకు ఖాతాలు స్తంభించిపోవడంతో కుటుంబాన్ని పోషించుకోవడం ఇబ్బందిగా మారిందని.. వాటిని తనకు తిరిగి ఇప్పించాలని తన పిటిషన్ ద్వారా విజ్ఞప్తి చేశాడు. ఈ పిటిషన్ పై ఇవాళ నాంపల్లి 9వ అదనపు చీఫ్ జ్యుడీషియల్ మెజిస్ట్రేట్ కోర్టు విచారణ చేపట్టనుంది.