దేశీయ కార్పొరేట్ ప్రపంచంలో అత్యంత శక్తివంతమైన వ్యాపార సామ్రాజ్యం టాటా గ్రూప్‌లో ఊహించని భారీ పరిణామాలు ప్రారంభమయ్యాయి. టాటా సన్స్ చైర్మన్‌గా వ్యవహరిస్తున్న ఎన్.చంద్రశేఖరన్ తన పదవికి రాజీనామా చేశారు. ఈ నెల 18న జరగనున్న అత్యంత కీలకమైన టాటా గ్రూప్ వార్షిక జనరల్ బాడీ సమావేశానికి కొద్దిరోజుల ముందే ఆయన ఈ నిర్ణయం తీసుకోవడం దేశీయ వ్యాపార రంగాన్ని తీవ్ర దిగ్భ్రాంతికి గురిచేసింది. ప్రస్తుత పదవీకాలం 2027 ఫిబ్రవరి వరకు ఉండటంతో, అప్పటివరకు మాత్రమే బాధ్యతల్లో కొనసాగుతానని, ఆ తర్వాత చైర్మన్‌గా మళ్లీ అవకాశం కోరబోనని ఆయన స్పష్టం చేశారు.రాజీనామా వెనుక అసలు కథ1987లో సాధారణ ఉద్యోగిగా టీసీఎస్‌లో ప్రస్థానం ప్రారంభించి, 2017లో దివంగత రతన్ టాటా ఆశీస్సులతో గ్రూప్‌లోనే అత్యున్నత పీఠాన్ని దక్కించుకున్న మొదటి నాన్-టాటా ఫ్యామిలీ లీడర్ చంద్రశేఖరన్. అయితే, గత కొంతకాలంగా గ్రూప్‌లో ప్రధాన భాగస్వామి అయిన టాటా ట్రస్ట్స్ చైర్మన్ నోయెల్ టాటా, చంద్రశేఖరన్ మధ్య కొన్ని విధానపరమైన విషయాల్లో తీవ్రమైన విభేదాలు నడుస్తున్నాయి.టాటా సన్స్ కు భారీ దెబ్బ: Air India లో పెను తుఫాను! విల్సన్ ఔట్!కంపెనీ అప్పుల తగ్గింపు, టాటా సన్స్‌ను పబ్లిక్ లిస్టింగ్ చేయకుండా చూడటం, షాపూర్జీ పల్లోంజీ గ్రూప్‌తో ఉన్న పాత వివాదాల పరిష్కారం వంటి అంశాలపై నోయెల్ టాటా గట్టి హామీలు కోరినట్లు తెలుస్తోంది. ఈ ఉద్రిక్తతల నేపథ్యంలోనే చంద్రశేఖరన్ తప్పుకోవడమే మేలనే నిర్ణయానికి వచ్చినట్లు సమాచారం.బిగ్ ఇంపాక్ట్: కుప్పకూలిన టాటా గ్రూప్ షేర్లు!చంద్రశేఖరన్ రాజీనామా వార్త బయటకు రావడమే ఆలస్యం, స్టాక్ మార్కెట్లలో టాటా గ్రూప్ కంపెనీల షేర్లు ఒక్కసారిగా పతనమయ్యాయి. దేశంలోనే అతిపెద్ద ఐటీ సంస్థ టీసీఎస్ షేరు విలువ ఏకంగా 4 శాతం మేర క్షీణించగా, టాటా మోటార్స్, టాటా కన్జ్యూమర్ ప్రోడక్ట్స్ షేర్లు కూడా భారీగా నష్టాల్లోకి జారుకున్నాయి. ఇన్వెస్టర్లలో ఒక్కసారిగా ఆందోళన నెలకొనడంతో బెంచ్ మార్క్ సూచీలపై ఈ ప్రభావం స్పష్టంగా కనిపించింది.TATA ఎలక్ట్రానిక్స్‌లో భారీ డేటా లీక్..!నెక్స్ట్ బాస్ ఎవరు?: టాటా గ్రూప్‌లో నాయకత్వ ఉత్కంఠ!ఒకవైపు సెమికండక్టర్ చిప్‌ల తయారీ వంటి వేల కోట్ల రూపాయల భారీ ప్రాజెక్టుల్లో టాటా గ్రూప్ వేగంగా అడుగులు వేస్తున్న తరుణంలో, ఈ అగ్రస్థానంలో ఖాళీ ఏర్పడటం గ్రూప్ భవిష్యత్తుపై సందేహాలను రేకెత్తిస్తోంది. సర్ రతన్ టాటా ట్రస్ట్ కీలక సభ్యుడు విజయ్ సింగ్ కూడా తన పదవికి రాజీనామా చేయడం పరిణామాలను మరింత సంక్లిష్టం చేసింది. ఈ నెల 18న జరగబోయే అత్యవసర సమావేశంలో టాటా వర్గాలు ఎలాంటి సంచలన నిర్ణయం తీసుకోబోతున్నాయి? చంద్రశేఖరన్ వారసుడిగా ఆ స్థానాన్ని ఎవరు భర్తీ చేస్తారనే అంశంపై ఇప్పుడు దేశమంతటా తీవ్రమైన ఉత్కంఠ నెలకొంది.
