దేశ పసిప్రాయానికి ప్రమాదం! 9 కోట్ల మంది చిన్నారులకు ముప్పు

చిన్నారుల మనుగడను, ఆరోగ్యాన్ని తీవ్రంగా ప్రభావితం చేస్తున్నట్లు ఐక్యరాజ్యసమితికి చెందిన అంతర్జాతీయ బాలల అత్యవసర నిధి (UNICEF) తమ తాజా నివేదికలో స్పష్టం చేసిందని పీటీఐ వార్తా సంస్థ పేర్కొంది.యూనిసెఫ్ విడుదల చేసిన చిల్డ్రన్స్ క్లైమేట్ రిస్క్ రిపోర్ట్ 2026 (Childrens Climate Risk Report 2026) ప్రకారం.. భారతదేశంలో దాదాపు 8.93 కోట్ల మంది చిన్నారులు (మొత్తం పిల్లల జనాభాలో 20.95 శాతం మంది) తీవ్రమైన వడగాల్పుల (Heatwaves) బారిన పడే భౌగోళిక ప్రాంతాల్లో నివసిస్తున్నారు. అంతేకాదు, దేశంలోని 99.7 శాతం మంది పిల్లలు కనీసం ఏదో ఒక రకమైన వాతావరణ ఆధారిత పర్యావరణ విపత్తు ముప్పు పరిధిలోనే బతుకులీడుస్తున్నారని ఈ అంతర్జాతీయ నివేదిక హెచ్చరించింది.తీవ్రమైన ఎండలు.. అంతకంటే తీవ్రమైన కరవు!యూనిసెఫ్ గ్లోబల్ చైల్డ్ హజార్డ్ డేటాబేస్ (Global Child Hazard Database) ఆధారంగా విడుదలైన ఈ నివేదికలో భారతదేశానికి సంబంధించి పలు దిగ్భ్రాంతికరమైన వాస్తవాలు వెలుగుచూశాయి. వాతావరణ విపత్తుల తీవ్రత ఆధారంగా లెక్కించే స్కోరింగ్‌లో.. తీవ్రమైన ఎండల (Extreme Heat) విభాగంలో భారతదేశానికి 10 కి 10 (గరిష్ట) స్కోరు నమోదైంది. అంటే ప్రపంచంలోనే అత్యధికంగా ఎండల తీవ్రతకు గురవుతున్న బాలలు భారత్‌లోనే ఉన్నారు.మరోవైపు, దేశంలో దాదాపు 39.2 కోట్ల మంది బాలలు (సుమారు 92%) విపరీతమైన ఉష్ణోగ్రతల మధ్య జీవిస్తున్నారు. తీవ్రమైన ఎండలతో పాటు కరవు (Drought) కూడా భారతీయ పిల్లల ఆహార భద్రతను, పౌష్టికాహారాన్ని తీవ్రంగా దెబ్బతీస్తోందని నివేదిక పేర్కొంది. కరవు ముప్పులో భారత్ సాధించిన స్కోరు 8.84గా ఉంది. ఎవరీ మేజర్ అభిలాష బరాక్? ఐరాస వేదికపై భారత నారీ శక్తి జయకేతనం!ఒకేసారి పలకరిస్తున్న మూడు విపత్తులు!నివేదికలోని అంశాల ప్రకారం..భారతదేశంలోని బాలలు కేవలం ఒకే ఒక పర్యావరణ ముప్పుతో కాకుండా, ఒకదానితో ఒకటి ముడిపడి ఉన్న పలు విపత్తులను (Overlapping Hazards) ఒకేసారి ఎదుర్కొంటున్నారు.దేశంలోని సుమారు 55 శాతం మంది పిల్లలు (23.4 కోట్ల మంది కంటే ఎక్కువ) ఒకే సమయంలో కనీసం మూడు రకాల వాతావరణ ముప్పుల (ఉదాహరణకు: తీవ్రమైన ఎండలు, కరవు, వాయు కాలుష్యం) నడుమ బతుకుతున్నారు.భారతదేశంలో వాయు కాలుష్యం (Air Pollution) సైతం పిల్లల శ్వాసకోశ ఆరోగ్యాన్ని హరిస్తోంది. ఈ విభాగంలో దేశానికి 9.94 స్కోరు రావడం ఇక్కడి వాయు నాణ్యత స్థితికి అద్దం పడుతోంది.ఎక్స్‌పోజర్ అంటే ఏమిటి?ఈ నివేదిక ప్రకారం ఒక బాలుడు లేదా బాలిక ఒక నిర్దిష్ట పర్యావరణ విపత్తు సంభవించే భౌగోళిక ప్రాంతంలో నివసిస్తుంటే, వారిని ఆ ముప్పునకు గురవుతున్నట్లు (Exposed) లెక్కిస్తారు. ఎక్స్‌పోజర్ అంటే సదరు విపత్తు వల్ల ఆ పిల్లాడికి అప్పటికే శారీరక హాని జరిగిందని కానీ, లేదా ఆ విపత్తు అప్పుడే సంభవించిందని కానీ అర్థం కాదు. కానీ భవిష్యత్తులో ఆ ప్రమాదం జరిగే అవకాశం అత్యధికంగా ఉందని అర్థం. 1945 నాటి కంప్యూటర్ లో AI వాడతారా? ఐరాస తీరుపై భారత్ సెటైర్లు! ప్రత్యేక రక్షణ చర్యలు అవసరం!భారతదేశంలో స్థానిక, నగర స్థాయిల్లో హీట్ యాక్షన్ ప్లాన్స్ (Heat Action Plans) అమలు చేస్తున్నప్పటికీ, వాటిలో చిన్న పిల్లలు, పసికందుల వయసుకు తగినట్లుగా ప్రత్యేక రక్షణ చర్యలు కరువయ్యాయని యూనిసెఫ్ అభిప్రాయపడింది. రాబోయే రోజుల్లో స్కూళ్లు, అంగన్‌వాడీ కేంద్రాలను కేంద్రంగా చేసుకుని, రాత్రి వేళల్లో పెరిగే వేడిని తట్టుకునేలా, అలాగే చిన్నారుల శారీరక సామర్థ్యానికి అనుగుణంగా ప్రణాళికలు మార్చాలని, పర్యావరణ అనుకూల విద్యా సంస్థలను నిర్మించాలని అంతర్జాతీయ పర్యావరణ నిపుణులు సూచిస్తున్నారు.