మీ పాత స్మార్ట్ ఫోన్ ని.. సీసీ కెమేరాగా మార్చేయచ్చు.. ఎలానో తెలుసా

దానిని కొని.. తమ పాత ఫోన్ ని పక్కన పడేస్తూ ఉంటారు. కానీ.. మీరు పక్కన పడేసిన పాత ఫోన్ ని.. మీ ఇంటిని భద్రంగా ఉంచుకోవడానికి సీసీ కెమేరాను తయారు చేసుకోవచ్చు. కేవలం కొన్ని సింపుల్ పద్దతులతో స్పెషల్ గా సీసీ కెమేరా కొనాల్సిన అవసరం లేకుండా.. పాత ఫోన్ ని మీకు ఉపయోగపడేలా మార్చుకోవచ్చు.

దీని కోసం.. మీరు పాత ఫోన్ లో కొన్ని చిన్నపాటి మార్పులు చేసుకోవాలి. ముఖ్యంగా.. మీ ఫోన్ లో స్టోరేజ్ ఎక్కువగా ఉండేలా చూసుకోవాలి. దీనికోసం.. ఫోన్ లో పనికిరాని యాప్స్ అన్నీ తీసేయాలి. మీ పాత ఫోన్ స్లోగా పనిచేస్తుంటే...దానిని రీసెట్ చేయాలి. అప్పుడు మళ్లీ మంచిగా పనిచేస్తుంది. తర్వాత మీ ఫోన్ ను వైఫై కి కనెక్ట్ చేసి, దాని కెమేరా, మైక్రో ఫోన్, ఇంటర్నెట్ సరిగా పనిచేస్తున్నాయో లేదో సరి చూసుకోవాలి.

సెక్యూరిటీ కెమేరా యాప్ డౌన్ లోడ్ చేసుకోవాలి..

మీ ఫోన్ సీసీ కెమేరాలా పనిచేయాలి అంటే.. దానిలో ఒక సెక్యూరిటీ యాప్ ని డౌన్ లోడ్ చేయాలి. మార్కెట్లో చాలా రకాల యాప్స్ ఉన్నాయి. వాటిలో ఏది డౌన్ లోడ్ చేసినా మీ ఫోన్ సీసీ కెమేరాలా పని చేస్తుంది. మీ పాత ఫోన్ కెమేరాలా పనిచేస్తే.. అందులో రికార్డు అయిన దానిని చూడటానికి మీ ప్రెజెంట్ ఫోన్ ని దానికి కనెక్ట్ చేసుకుంటే సరిపోతుంది. ఈ రెండు ఫోన్ లని ఒకే యూజర్ అకౌంట్ తో లాగిన్ అవ్వాలి.అప్పుడు పాత ఫోన్ కెమేరాలా పనిచేస్తే.. మీరు ఇప్పుడు వాడుతున్న ఫోన్ లో ఎక్కడి నుంచి అయినా లైవ్ ఫుటేజ్ చూడటానికి వీలుగా ఉంటుంది.

మెరుగైన భద్రత కోసం.. మీ ఫోన్ ని ఉంచే ప్రదేశం చాలా ముఖ్యం. మీ ఫోన్ కాస్త ఎక్కువ ఎత్తులో ఉండేలా సెట్ చేయాలి. ముఖ్యంగా.. ఇంటి మెయిన్ డోర్, బాల్కనీ ఇలా.. మీకు ఎక్కడ భద్రత అవసరమో.. అక్కడ సెట్ చేయాలి. కాస్త ఎత్తులో పెడితే.. మీకు టోటల్ ఫుటేజ్ చూడటానికి వీలుగా ఉంటుంది.

అయితే.. మీరు సీసీ కెమేరా కోసం అమర్చిన ఫోన్ నిరంతరం ఆన్ లో ఉంటుంది. దీని వల్ల మీ ఫోన్ బ్యాటరీ తొంరదగా అయిపోయే అవకాశం ఉంది. అందుకే ఫోన్ కి ఎప్పుడూ ఛార్జింగ్ ఉండేలా చూసుకోవాలి. అందుకే.. ఆ వెలుసుబాటు కూడా ఉండేలా చూసుకోవాలి.

చాలా సెక్యూరిటీ యాప్స్ లో మోషన్ డిటెక్షన్ ఫీచర్ ఉంటుంది. ఈ ఫీచర్ కెమేరా ముందు ఎవరైనా కదిలితే.. వెంటనే రికార్డు చేయడం మొదలుపెడుతుంది. దీని వల్ల స్టోరేజ్ ఆదా అవుతుంది. ముఖ్యమైన ఫుటేజ్ మాత్రమే రికార్డు చేస్తుంది. అంతేకాదు.. ఫోన్ ని సీసీకెమేరాలాగా వాడటం వల్ల వీడియో మాత్రమే కాకుండా.. ఆడియో కూడా రికార్డు అవుతుంది. ఇంట్లో కేవలం పిల్లలు, పెద్దవాళ్లు ఉన్నప్పుడు ఇది చాలా బాగా ఉపయోగపడుతుంది.

ఫోన్ ని సీసీకెమేరా కోసం వాడుతున్నాం అంటే.. కాస్త స్టోరేజ్ చాలా ఎక్కువగా అవసరం రావచ్చు. దాని కోసం.. మీరు క్లౌడ్ స్టోరేజ్ యాప్స్ డౌన్ లోడ్ చేసుకోవచ్చు. దీని వల్ల మీరు రికార్డు చేసిన వీడియోని స్టోర్ చేసుకునే వీలు కూడా ఉంటుంది. ఇంటర్నెట్ కనెక్షన్ బాగుంటే.. ఎలాంటి ఆటంకాలు లేకుండా మీరు వీడియో ఫుటేజ్ చూడటానికి వీలు ఉంటుంది.