ఈ 5 ఆకుకూరల్ని కుండీల్లో ఈజీగా పెంచేయచ్చు.. 15 రోజుల్లోనే చేతికొస్తాయి
Asianet News Telugu
బాల్కనీ, చిన్న కుండీల్లో మైక్రె గ్రీన్స్ పెంచుకోవచ్చు. పెసలు, మెంతులు, ఆవాలు, పొద్దుతిరుగుడు గింజలను మొలకెత్తేలా చేస్తే 7 నుంచి 15 రోజుల్లో రెడీ అవుతాయి. ఇవి చాలా పోషకమైనవి.
గింజల్ని నానబెట్టి, తేమగా ఉంచితే చాలు, మొలకలొస్తాయి. వాటిని మట్టిలో పాతేయాలి. వచ్చిన ఆకుకూరల్ని పప్పులో వేసుకుని వండుకోవాలి. లేదా కూరల్లా వండుకున్నా మంచిదే.
ప్రతి ఇంట్లో కొత్తిమీర ఉంటుంది. ఏ కూరకైనా కొత్తిమీర కలిపితే రుచి అద్భుతంగా ఉంటుంది. వంటగదిలో ఉన్న ధనియాలను కాస్త నలిపి, నీటిలో నానబెట్టి, ఆ తర్వాత మట్టిలో నాటండి. 15 రోజుల్లోనే కొత్తిమీర ఆకులు వస్తాయి. వీటిని ఆహారంగా వాడుకోవచ్చు.
మెంతులు ఉన్నాయా? అయితే ఏ సీజన్లోనైనా సరే మెంతి ఆకులు పెంచేయొచ్చు. మెంతుల్ని మట్టిలో చల్లండి. సుమారు రెండు వారాల్లో మొక్కలు పెరుగుతాయి. వాటిని మీరు వాడుకోవచ్చు. రోజూ నీళ్లు, కాస్త ఎండ తగిలితే చాలు, మెంతి ఆకులు భలేగా పెరుగుతాయి.
పాలకూర ప్రతి ఒక్కరూ తినడం అత్యవసరం. శరీరంలో ఐరన్ లోపాన్ని తగ్గించడానికి ఇది ఎంతగానో సహకరిస్తుంది. పాలకూర పెరిగేందుకు టైమ్ పట్టినా దాని లేత ఆకులు (బేబీ లీవ్స్) 15 నుంచి 20 రోజుల్లోనే రెడీ అవుతాయి. వీటిని చిన్న కుండీలో కూడా పెంచుకోవచ్చు. దీనివల్ల మీకు ఐరన్తో పాటు విటమిన్లు కూడా బాగా అందుతాయి.
వెల్లుల్లి రెబ్బలను మట్టిలో నాటితే, సుమారు 15 నుంచి 20 రోజుల్లో పచ్చని ఆకులు వస్తాయి. ఈ ఆకులను సూప్, సలాడ్, కూరల్లో వాడుకోవచ్చు. చిన్న కుండీల నుంచి ప్లాస్టిక్ బాటిల్ ప్లాంటర్లలో కూడా వెల్లుల్లిని పెంచొచ్చు.