ఐర్లాండ్ తో రెండో టీ20... తప్పక నెగ్గాల్సిన పోరులో టాస్ గెలిచిన భారత్

ఐర్లాండ్‌తో రెండు మ్యాచ్‌ల టీ20 సిరీస్‌లో కీలకమైన రెండో మ్యాచ్‌లో భారత జట్టు టాస్ గెలిచింది. బెల్ ఫాస్ట్‌లోని సివిల్ సర్వీస్ క్రికెట్ క్లబ్ మైదానంలో జరుగుతున్న ఈ మ్యాచ్‌లో కెప్టెన్ శ్రేయస్ అయ్యర్ మొదట బౌలింగ్ ఎంచుకున్నాడు. తొలి మ్యాచ్‌లో అనూహ్యంగా ఓటమి పాలైన టీమిండియాకు, సిరీస్‌ను సమం చేయాలంటే ఈ మ్యాచ్‌లో విజయం తప్పనిసరి. ఈ నేపథ్యంలో భారత జట్టు రెండు మార్పులతో బరిలోకి దిగుతోంది. యువ ఆటగాళ్లు సూర్యాన్ష్ షెడ్గే, ప్రిన్స్ యాదవ్‌లకు ఈ మ్యాచ్ ద్వారా అంతర్జాతీయ టీ20ల్లోకి అరంగేట్రం చేసే అవకాశం లభించింది. వాషింగ్టన్ సుందర్, ప్రసిద్ధ్ కృష్ణ స్థానంలో వీరిని జట్టులోకి తీసుకున్నారు. మరోవైపు, తొలి మ్యాచ్‌లో గెలిచిన ఉత్సాహంలో ఉన్న ఐర్లాండ్ జట్టు ఎలాంటి మార్పులు లేకుండా బరిలోకి దిగుతోంది.టాస్ గెలిచిన అనంతరం కెప్టెన్ శ్రేయస్ అయ్యర్ మాట్లాడుతూ, వాతావరణ పరిస్థితుల కారణంగానే బౌలింగ్ ఎంచుకున్నట్లు తెలిపాడు. "ఎప్పుడైనా వర్షం పడే సూచనలు ఉన్నాయి. దానిని సద్వినియోగం చేసుకోవాలనుకుంటున్నాం. తొలి మ్యాచ్ మాకు ఒక చేదు అనుభవం. కానీ జట్టులో అనుభవజ్ఞులైన ఆటగాళ్లు ఉన్నారు. ఈరోజు తెలివైన క్రికెట్ ఆడతాం" అని అయ్యర్ అన్నాడు. కొత్త ఆటగాళ్ల గురించి మాట్లాడుతూ, "సూర్యాన్ష్ షెడ్గే ఒక విధ్వంసకర బ్యాటర్. దేశవాళీ క్రికెట్, ఐపీఎల్‌లో బాగా రాణించాడు. ఇక ప్రిన్స్‌కు ఇది తొలి మ్యాచ్ కావడంతో అతనిపై ఒత్తిడి పెట్టాలనుకోవడం లేదు. అతను పరిస్థితులకు తగ్గట్టుగా రాణిస్తాడని నమ్మకం ఉంది" అని వివరించాడు.మరోవైపు, ఐర్లాండ్ కెప్టెన్ లోర్కాన్ టకర్ మాట్లాడుతూ, తాము మొదట