మౌర్య , త న్వి హీరో హీరోయిన్లుగా మీరా ప్రొడ క్ష న్స్ ప్రొడ క్ష న్ నెం.1
Telugu Times
మీరా ప్రొడక్షన్స్ బ్యానర్పై మౌర్య సిద్ధవరం, తన్వి ఆకాంక్ష హీరో హీరోయిన్లుగా రూపొందుతోన్న చిత్రం శనివారం లాంఛనంగా పూజా కార్యక్రమాలతో ప్రారంభమైంది.
హైదరాబాద్ రామానాయుడు స్టూడియోస్లో జరిగిన ఈ కార్యక్రమానికి సినీ పరిశ్రమకు చెందిన పలువురు ప్రముఖులు హాజరయ్యారు. ముహూర్తపు సన్నివేశానికి ఏస్ ప్రొడ్యూసర్ అల్లు అరవింద్ క్లాప్ కొట్టగా..అల్లు స్నేహ కెమెరా స్విచ్ ఆన్ చేశారు. యంగ్ ప్రొడ్యూసర్ బన్నీ వాస్ స్క్రిప్ట్ను అందించారు. ఈ సందర్భంగా... నిర్మాత సందీప్ రామినేని(శాండి) మాట్లాడుతూ ‘‘మా బ్యానర్లో ప్రొడక్షన్ నెం.1 మూవీగా రాబోతోన్న ఈ సినిమా ఔట్ అండ్ ఔట్ ఎంటర్టైనర్. డైరెక్టర్ గీత సి.శేఖర్ ఫన్ ఎంటర్టైనింగ్ కంటెంట్తో సినిమాను రూపొందిస్తూనే ఓ ఎమోషనల్ టచ్తో ఉండేలా స్క్రిప్ట్ను రెడీ చేశారు. మౌర్య, తన్వి జోడీ క్యూట్గా మెప్పించనున్నారు. ఆగస్ట్ నుంచి షూటింగ్ను ప్రారంభించబోతున్నాం. త్వరలోనే సినిమాలోని ఇతర నటీనటులు, టెక్నీషియన్స్కు సంబంధించిన వివరాలను తెలియజేస్తాం’’ అన్నారు. Click here for Photogallery