ఆ రికార్డ్ వదిలేసుకుంటున్న రాజమౌళి.. చివరికి ఇక్కడే.. పాపం మహేష్ బాబు కష్టం అంతా వృధా

ఇటీవలే రాజమౌళి బాహుబలి డాక్యుమెంటరీ సిరీస్ లో.. వారణాసి సినిమా మరో నాలుగు నెలల్లో షూటింగ్ పూర్తయిపోతుంది అని తెలిపారు.

తాజా సమాచారం ప్రకారం రాజమౌళి ఈ సినిమా షూటింగ్ తోనే వచ్చే ఓ రికార్డ్ ని వదిలేసుకున్నారట. వారణాసి సినిమా షూటింగ్ ఇండియాతో పాటు కెన్యా, దక్షిణాఫ్రికా, టాంజానియా, జార్జియా.. ఇలా పలు దేశాల్లో జరిగింది. ఈ సినిమా మంచు ఖండం అయిన అంటార్కిటికాలో కూడా షూటింగ్ చేయాలని ప్లాన్ చేసారు. అదే జరిగితే అంటార్కిటిలో షూటింగ్ చేయబోయే మొదటి ఇండియన్ సినిమాగా వారణాసి సరికొత్త రికార్డ్ సెట్ చేసేది.

Also See : Alekhya Harika : రెట్రో శారీలో అలేఖ్య హారిక.. ఎంత అందంగా ఉందో..

ఆల్రెడీ రిలీజయిన వారణాసి గ్లింప్స్ లో.. అంటార్కిటికా లో ఉన్న ప్రపంచంలోనే అతి పెద్ద ఐస్ పర్వతం అయిన రాస్ షెల్ఫ్ ని చూపించిన సంగతి తెలిసిందే. దీంతో ఈ కథకు అంటార్కిటికాకు కూడా సంబంధం ఉందని అందరికి అర్థమైంది. దానికి తగ్గట్టు అంటార్కిటికాకు వెళ్లి షూట్ చేయాలని మార్చ్, మే లోనే ప్లాన్ చేసారు.కానీ ఆ రెండు సార్లు పలు కారణాలతో కుదరలేదు. అక్కడ షూటింగ్ కోసం మహేష్ బాబు ఫ్రాన్స్ కి వెళ్లి ఎక్కువ చలిలో, మంచు కొండల్లో షూటింగ్ కోసం ప్రత్యేకంగా ట్రైనింగ్ కూడా తీసుకున్నారు.

అయితే విపరీతమైన చలి, అంటార్కిటికా ప్రయాణంలో ఎదురయ్యే ఇబ్బందులు, అక్కడికి వెళ్లి అక్కడ షూట్ చేయడానికి అయ్యే భారీ ఖర్చు, ఆ ఒక్క షెడ్యూల్ కే ఎక్కువ సమయం అవుతుందని.. ఇవన్నీ గ్రహించి రాజమౌళి అంటార్కిటికా షూటింగ్ ని రద్దు చేసినట్టు సమాచారం. దాని బదులు హైదరాబాద్ లోనే ప్రత్యేకంగా వేసిన మంచు సెట్, గ్రీన్ మ్యాట్ లో షూటింగ్ చేసి విజువల్ ఎఫెక్ట్స్ తో అంటార్కిటికా మంచు ఖండాన్ని సృష్టిస్తున్నారట.

దీంతో అంటార్కిటికాలో షూటింగ్ చేసి కొత్త రికార్డు సృష్టించాలనుకున్న రాజమౌళి ఆ రికార్డ్ ని వదిలేసినట్టే. దాంతో పాటు మహేష్ బాబు ట్రైనింగ్ కి పడ్డ కష్టం కూడా వృధా అయినట్టే.