హార్ట్ ఎటాక్ తో సినీ దిగ్గజం కె. భాగ్యరాజ్ కన్నుమూత, గుండెపోటు వచ్చే ముందు ఎలాంటి లక్షణాలు కనిపిస్తాయో

దర్శకుడిగా, నటుడిగా, స్క్రీన్‌రైటర్‌గా, సంగీత దర్శకుడిగా, నవలా రచయితగా ప్రతిభ చాటిన 73 ఏళ్ల భాగ్యరాజ్ గుండెపోటుతో మరణించారు. అయితే, ఇలాంటి హఠాత్ పరిణామాల నుంచి మనం కూడా అలర్ట్ కావాలి. ముఖ్యంగా 60 ఏళ్లు పైబడిన వారు తమ గుండె ఆరోగ్యాన్ని కాపాడుకోవడానికి రోజువారీ జీవితంలో కొన్ని సాధారణ అలవాట్లపై దృష్టి పెట్టాలి. ఇది యువకులకు కూడా వర్తిస్తుంది. నేటి యువతలో కూడా గుండెపోటు కేసులు ఎక్కువైపోయాయి. నిర్లక్ష్యం చేయకూడని సైలెంట్ హార్ట్ ఎటాక్ లక్షణాలు, తీసుకోవాల్సిన జాగ్రత్తలు గురించి డాక్టర్ సంజయ్ భట్ (సీనియర్ కన్సల్టెంట్ - ఇంటర్వెన్షనల్ కార్డియాలజీ, ఆస్టర్ సిఎంఐ హాస్పిటల్, బెంగళూరు) వివరించారు.డాక్టర్ ఏం చెప్పారు? " గుండెపోటు యొక్క అత్యంత సాధారణ, ప్రధాన లక్షణం ఛాతీ నొప్పి లేదా బరువుగా అనిపించడం. ఈ నొప్పి ఛాతీపై బరువుగా లేదా ఒత్తిడిగా అనిపించవచ్చు. కొన్నిసార్లు, ఈ నొప్పి కొన్ని నిమిషాల పాటు ఉంటుంది లేదా పదేపదే వస్తూ పోతూ ఉంటుంది. కొంతమందిలో ఈ నొప్పి తేలికగా ఉండొచ్చు. అందుకే ఇది గ్యాస్ లేదా ఎసిడిటీ అని భావించి నిర్లక్ష్యం చేయడం ప్రమాదకరం. గుండెపోటు సమయంలో ఛాతీ నొప్పి ఒకే ప్రాంతానికి పరిమితం కాదు. అది ఎడమ చేయి, రెండు భుజాలు, వీపు, మెడ, దవడ లేదా పొత్తికడుపుకు వ్యాపించవచ్చు. ముఖ్యంగా ఎడమ చేయి, దవడలో నొప్పిని గుండెపోటుకు ఒక కీలకమైన సంకేతంగా పరిగణిస్తారు."డాక్టర్ సంజయ్ భట్ (సీనియర్ కన్సల్టెంట్ - ఇంటర్వెన్షనల్ కార్డియాలజీ)ముందస్తు లక్షణాల్ని గుర్తించడం ఎలా? గుండెపోటు వచ్చే ముందు శరీరం ఇచ్చే హెచ్చరికలను అస్సలు నిర్లక్ష్యం చేయకూడదు. ఛాతీ నొప్పి లేదా గుండెలో బరువుగా అనిపించడం ఊపిరి అందకపోవడం (శ్వాస ఆడకపోవడం) కారణం లేకుండా విపరీతమైన అలసట, మైకం రావడం ఎడమ చేయి, వీపు లేదా దవడ భాగంలో నొప్పి రావడంగమనిక: ఇలాంటి లక్షణాలు కనిపించినప్పుడు గ్యాస్ నొప్పే కదా అని అశ్రద్ధ చేయకుండా, వెంటనే వైద్య సాయం తీసుకోవాలి. సకాలంలో స్పందించడం వల్ల ప్రాణాల్ని కాపాడుకోవచ్చు. చిన్న వయసు నుంచే ఈ ఆరోగ్యకరమైన అలవాట్లను అలవర్చుకోవడం వల్ల భవిష్యత్తులో తీవ్రమైన గుండె జబ్బుల బారిన పడకుండా, సుదీర్ఘమైన, ఆరోగ్యకరమైన జీవితాన్ని గడపొచ్చు.పాటించాల్సిన ఆరోగ్య సూత్రాలు గుండె ఆరోగ్యాన్ని కాపాడుకోవడానికి రోజువారీ జీవితంలో కొన్ని సాధారణ అలవాట్లపై దృష్టి పెట్టాలి. సమతుల్య ఆహారం: పండ్లు, కూరగాయలు, తృణధాన్యాలు, ఆరోగ్యకరమైన కొవ్వులు (Healthy Fats) ఉన్న ఆహారాన్ని తీసుకోవాలి. ప్రాసెస్ చేసిన ఆహార పదార్ధాల్ని (Processed Foods), నూనెలో వేయించిన పదార్ధాల్ని పూర్తిగా దూరం పెట్టాలి. క్రమం తప్పని వ్యాయామం: వారంలో ఎక్కువ రోజులు కనీసం 30 నిమిషాల పాటు నడక (Walking), జోగింగ్, సైక్లింగ్ లేదా స్ట్రెంత్ ట్రైనింగ్ వంటి వ్యాయామాలు చేయాలి. ఆరోగ్యకరమైన బరువు: వయసుకు తగ్గ బరువును మెయింటైన్ చేయడం ముఖ్యం. చెడు అలవాట్లకు దూరం: స్మోకింగ్ పూర్తిగా మానేయాలి. మద్యం సేవించడాన్ని పరిమితం చేయాలి. మానసిక ఒత్తిడి నివారణ: మెడిటేషన్ (ధ్యానం), యోగా లేదా నచ్చిన అలవాట్ల ద్వారా మానసిక ఒత్తిడిని తగ్గించుకోవాలి. తగినంత నిద్ర: ప్రతిరోజూ 6 నుంచి 8 గంటల పాటు ప్రశాంతమైన నిద్ర అవసరం.ముఖ్యమైన విషయం ముఖ్యంగా కుటుంబంలో గుండె జబ్బుల చరిత్ర ఉన్నవారు, క్రమం తప్పకుండా హెల్త్ చెకప్స్ చేయించుకుంటూ బ్లడ్ ప్రెజర్ (BP), షుగర్ లెవెల్స్, కొలెస్ట్రాల్ స్థాయిలను మానిటర్ చేసుకోవాలి. పై లక్షణాలు కనిపిస్తే వెంటనే అలర్ట్ అయి వైద్య సాయం తీసుకోవాలి. ఇంట్లో పెద్దలు ఇలాంటి లక్షణాలతో కనిపిస్తే నిర్లక్ష్యం చేయకుండా వైద్యుల్ని సంప్రదించాలి. ఎవరైనా గుండెపోటుతో పడిపోతే.. వెంటనే సీపీఆర్ చేయాలి. సమయం తెలుగు సంప్రదించిన వైద్య నిపుణులుడాక్టర్ సంజయ్ భట్ (సీనియర్ కన్సల్టెంట్ - ఇంటర్వెన్షనల్ కార్డియాలజీ, ఆస్టర్ సిఎంఐ హాస్పిటల్, బెంగళూరు)