మరో బంపరాఫర్ పట్టేసింది? - తెలుగు సినిమా న్యూస్, రివ్యూస్

తెలుగులో ఇప్పటికే మోస్ట్ హ్యాపెనింగ్ హీరోయిన్ అనిపించుకున్న మీనాక్షి, ఇప్పుడు మరోసారి తమిళనాట అడుగుపెట్టబోతోంది. ఈసారి ఏకంగా రజనీకాంత్ సినిమాలో అవకాశం అందుకుందంట.

కమల్ హాసన్ నిర్మాతగా, రజనీకాంత్ హీరోగా ‘ధర్మాన్’ (Dharman) అనే సినిమా తెరకెక్కుతోంది. ఇందులో హీరోయిన్లుగా రాశిఖన్నా, సిమ్రాన్ ను తీసుకున్నారు. ఇప్పుడు మరో హీరోయిన్ గా మీనాక్షి చౌదరిని కూడా తీసుకున్నారు. దీనిపై త్వరలోనే అధికారిక ప్రకటన రానుంది.

తెలుగులో వరుస సినిమాలతో దూసుకుపోతోంది మీనాక్షి. ఇప్పటికే ఆమె కోలీవుడ్ లో అడుగుపెట్టింది. విజయ్ సరసన ఓ సినిమా చేసింది. అయితే తెలుగు నుంచి వరుసగా ఛాన్సులు రావడంతో తమిళ సినిమా వైపు ఫోకస్ తగ్గించింది. ఇప్పుడు రజనీకాంత్ సినిమా ఆఫర్ కావడంతో వెంటనే ఓకే చేసినట్టు తెలుస్తోంది.