మీ ఇంట్లో కూరగాయలు లేవా? కేవలం ఉల్లిపాయలతో 10 నిమిషాల్లో అదిరిపోయే టేస్టీ కర్రీ ఇలా చేయండి

అలాంటి అత్యవసర సమయాల్లో అస్సలు టెన్షన్ పడకుండా, కేవలం ఇంట్లో ఎప్పుడూ అందుబాటులో ఉండే ఉల్లిపాయలను ఉపయోగించి కేవలం పది నిమిషాల్లోనే లంచ్ లేదా డిన్నర్‌లోకి ఒక అద్భుతమైన, రుచికరమైన గ్రేవీ కర్రీని సిద్ధం చేసుకోవచ్చు. వినడానికి ఇది చాలా సాదాసీదాగా అనిపించినప్పటికీ, దీని రుచి మాత్రం చికెన్ గ్రేవీకి ఏమాత్రం తీసిపోకుండా అంత అద్భుతంగా ఉంటుంది.

తయారీకి కావలసిన ముఖ్యమైన పదార్థాలు ఉల్లిపాయలు – 4 (పెద్దవి, పొడవుగా తరిగినవి) టమోటాలు – 2 (చిన్న ముక్కలుగా తరిగినవి) పచ్చి మిరపకాయలు – 3 అల్లం వెల్లుల్లి పేస్ట్ – 1 టీస్పూన్ జీలకర్ర, ఆవాలు – అర టీస్పూన్ కరివేపాకు – ఒక రెబ్బ పసుపు – పావు టీస్పూన్ కారం – 1/5 టీస్పూన్ ధనియాల పొడి – 1 టీస్పూన్ గరం మసాలా పొడి – అర టీస్పూన్ ఉప్పు – రుచికి తగినంత నూనె – 3 టీస్పూన్లు కొత్తిమీర – కొద్దిగా

ఉల్లిపాయల తాలింపు… ఈ కర్రీ తయారీ కోసం ముందుగా స్టవ్ వెలిగించి ఒక బాణలిలో మూడు చెంచాల నూనె వేసి వేడి చేయాలి. నూనె బాగా కాగిన తర్వాత ఆవాలు, జీలకర్ర , కరివేపాకు వేసి చిటపటలాడే వరకు వేయించాలి. ఆ వెంటనే పొడవుగా తరిగి పెట్టుకున్న ఉల్లిపాయ ముక్కలు , పచ్చిమిర్చి వేసి కలపాలి. ఉల్లిపాయలు త్వరగా మగ్గడం కోసం కొద్దిగా ఉప్పు, పసుపు వేసి, మంటను మధ్యస్థంగా ఉంచి మూత పెట్టాలి. ఉల్లిపాయలు కాస్త మెత్తబడి బంగారు రంగులోకి మారిన తర్వాత, ఒక చెంచా తాజా అల్లం వెల్లుల్లి పేస్ట్ వేసి పచ్చివాసన పోయే వరకు బాగా వేయించాలి.

గ్రేవీ ఉడికించి కర్రీ సిద్ధం చేసే విధానం ఉల్లిపాయలు బాగా వేగిన తర్వాత అందులో తరిగిన టమోటా ముక్కలను వేసి కలపాలి. టమోటాలు పూర్తిగా మెత్తబడి, నూనె పైకి తేలే వరకు ఉడికించుకోవాలి. ఆ తర్వాత మీ రుచికి సరిపడా కారం, ధనియాల పొడి , గరం మసాలా పొడి వేసి మసాలాలన్నీ ఉల్లిపాయలకు పట్టేలా ఒక నిమిషం పాటు వేయించాలి. ఇప్పుడు గ్రేవీ చిక్కదనం కోసం అర కప్పు నీటిని పోసి, మూత పెట్టి తక్కువ మంట మీద ఐదు నిమిషాల పాటు ఉడికించాలి. కూరలో నుండి నూనె పూర్తిగా వేరుపడి గ్రేవీ చిక్కబడిన తర్వాత, చివరగా సన్నగా తరిగిన కొత్తిమీర చల్లుకుని స్టవ్ ఆఫ్ చేయాలి. అంతే ఎంతో సువాసన భరితమైన, నోరూరించే వేడివేడి ఉల్లిపాయ కర్రీ సిద్ధమవుతుంది. దీనిని వేడి అన్నం లేదా చపాతీలతో తింటే రుచి అద్భుతంగా ఉంటుంది.