వర్షాకాలంలో చలిని తరిమికొట్టే వేడివేడి పీతల మసాలా గ్రేవీ.. ఘాటుగా, నోరూరించేలా ఇంట్లోనే ఇలా చేయండి

పీతలలో ఉండే అధిక ప్రోటీన్లు, ఒమేగా 3 ఫ్యాటీ యాసిడ్లు శరీరానికి కొండంత బలాన్ని ఇవ్వడమే కాకుండా వర్షాకాలంలో వచ్చే జలుబు, దగ్గు, గొంతు నొప్పి వంటి ఇన్ఫెక్షన్ల నుండి అద్భుతమైన ఉపశమనాన్ని కలిగిస్తాయి. ముఖ్యంగా ఆంధ్రా స్టైల్‌లో ఘాటుగా చేసుకునే పీతల మసాలా గ్రేవీ రుచి అన్నంలోకి అద్భుతంగా ఉంటుంది.

తయారీకి కావలసిన ముఖ్యమైన పదార్థాలు పీతలు(ఎండ్రకాయలు) – 1 కేజీ (శుభ్రం చేసినవి) ఉల్లిపాయలు – 3 (సన్నగా తరిగినవి) టమోటాలు – 2 (చిన్న ముక్కలుగా తరిగినవి) పచ్చి మిరపకాయలు – 4 అల్లం వెల్లుల్లి పేస్ట్ – 2 టీస్పూన్లు జీలకర్ర, ఆవాలు – అర టీస్పూన్ కరివేపాకు – రెండు రెబ్బలు పసుపు – అర టీస్పూన్ కారం – 2 టీస్పూన్లు (మీ రుచికి తగినట్లు) ధనియాల పొడి – 1 టీస్పూన్ జీలకర్ర పొడి – అర టీస్పూన్ గరం మసాలా పొడి – 1 టీస్పూన్ మిరియాల పొడి – 1 టీస్పూన్ చింతపండు గుజ్జు – 2 టీస్పూన్లు ఉప్పు – రుచికి తగినంత నూనె – 4 టీస్పూన్లు కొత్తిమీర – కొద్దిగా

తాలింపు , మసాలా వేయించే విధానం వంట నిపుణులు తెలిపిన వివరాల ప్రకారం, ఈ ఘాటైన కర్రీ తయారీ కోసం ముందుగా ఒక వెడల్పాటి పాత్రను (పీతలు ముక్కలు అవ్వకుండా కలపడానికి వీలుగా) స్టవ్ మీద పెట్టి నాలుగు చెంచాల నూనె వేసి వేడి చేయాలి. నూనె బాగా కాగిన తర్వాత ఆవాలు, జీలకర్ర , కరివేపాకు వేసి చిటపటలాడే వరకు వేయించాలి. ఆ వెంటనే సన్నగా తరిగిన ఉల్లిపాయ ముక్కలు, పచ్చిమిర్చి వేసి కలపాలి. ఉల్లిపాయలు త్వరగా మగ్గడం కోసం కొద్దిగా ఉప్పు, పసుపు వేసి గోల్డెన్ బ్రౌన్ కలర్ వచ్చే వరకు బాగా వేయించాలి. ఆ తర్వాత రెండు చెంచాల తాజా అల్లం వెల్లుల్లి పేస్ట్ వేసి పచ్చివాసన పోయే వరకు ఒక నిమిషం పాటు వేయించాలి.

కూర సిద్ధం చేసే పద్ధతి ఉల్లిపాయలు బాగా వేగిన తర్వాత అందులో తరిగిన టమోటా ముక్కలను వేసి అవి పూర్తిగా మెత్తబడే వరకు ఉడికించుకోవాలి. ఇప్పుడు ఇందులో ముందుగా క్లీన్ చేసి పెట్టుకున్న పీతలను వేసి మసాలా అంతా ముక్కలకు పట్టేలా నెమ్మదిగా కలపాలి. మూత పెట్టి ఐదు నిమిషాల పాటు పీతలను నూనెలోనే మగ్గనివ్వాలి. ఆ తర్వాత కారం, ధనియాల పొడి, జీలకర్ర పొడి, గరం మసాలా , మిరియాల పొడి వేసి బాగా కలపాలి. ఇప్పుడు పీతలు మునిగేంత వరకు (సుమారు ఒకటిన్నర గ్లాసు) నీటిని పోసి, చింతపండు గుజ్జును కూడా వేసి కలపాలి. మంటను మధ్యస్థంగా ఉంచి, మూత పెట్టి 10 నుండి 12 నిమిషాల పాటు గ్రేవీ చిక్కబడే వరకు ఉడికించాలి. కూరలో నుండి నూనె పూర్తిగా వేరుపడి ముక్కలు బాగా ఉడికిన తర్వాత, చివరగా సన్నగా తరిగిన కొత్తిమీర చల్లుకుని స్టవ్ ఆఫ్ చేయాలి. అంతే వర్షాకాలపు చలిని తరిమికొట్టే వేడివేడి స్పైసీ పీతల మసాలా గ్రేవీ సిద్ధం.