నక్క పుట్టి నాలుగు వారాలు కాలేదు.. బడాయిపోయేవాళ్లకు బాగా సరిపోతుంది

అలాంటి సమయంలో ఒకరోజు అడవిలో గాలివాన వచ్చింది.నిజానికి అది పెద్ద తుపాను ఏమీ కాదు, సహజంగా వచ్చే వాన. కానీ, ఆ నక్క పిల్లకు అంతకుముందు వానలు చూసిన అనుభవం లేదు కాబట్టి, అది భయపడిపోతూ.. తన జీవితంలో ఇంత పెద్ద గాలివానను నేనెప్పుడూ చూడలేదని పెద్ద డైలాగ్ కొట్టిందట. ఇక్కడ చమత్కారం ఏంటంటే.. దాని వయసే నాలుగు వారాలు, ఇక అది తన జీవితంలో చూడకపోవడంలో పెద్ద వింతేముంది? .

ఇప్పుడున్న జనరేషన్ లో ఉన్నవాళ్లకు ఇది సరిపోతుంది. ఉద్యోగాలు, ఆఫీసులో అడుగుపెట్టి ఆరు నెలలు కూడా కాకుండానే, కంపెనీ స్ట్రాటజీల గురించి, మేనేజ్‌మెంట్ లోపాల గురించి గంటల తరబడి లెక్చర్లు ఇస్తుంటారు. చాలా మంది యూట్యూబ్ లో వీడియోలు చేస్తూ నాలుగు లైకులు రాగానే..సెలబ్రిటీల్లాగా ఫోజులిస్తుంటారు.

అనుభవం అనేది వయసుతో, కాలంతో వస్తుంది. చిన్న విషయాలకే అతిగా స్పందిస్తూ, సర్వజ్ఞులం అనుకునే వారికి, గొప్పలు పోయేవారికి ఈ సామెత సరిపోతుంది.