పీఎం మోదీతో రామ్ చరణ్.. పుత్రోత్సాహంలో చిరు.. ట్వీట్ వైరల్

ఈ ట్వీట్‌తో పాటు ప్రధాని మోదీతో రామ్ చరణ్ ఉన్న ఫొటోలను కూడా షేర్ చేశారు.

మెగాస్టార్ చిరంజీవి (Megastar Chiranjeevi) పుత్రోత్సాహంతో ఉబ్బితబ్బిబ్బవుతున్నారు. రీసెంట్‌గా థియేటర్లలోకి వచ్చిన తన కుమారుడు రామ్ చరణ్ (Ram Charan) ‘పెద్ది’ (Peddi) చిత్రం సెన్సేషనల్ సక్సెస్‌ని అందుకోవడంతో ఎంతో సంతోషంగా ఉన్న చిరంజీవి.. ఆ సినిమాకు సంబంధించి పలు కార్యక్రమాల్లో సైతం పాల్గొన్నారు. తాజాగా రిపబ్లిక్ సమ్మిట్ 2026 వేడుకలో ప్రధాని మోదీ (PM Modi) ప్రత్యేకంగా రామ్ చరణ్‌‌‌‌ను అభినందించడంతో.. చిరంజీవి ఆనందానికి అవధులు లేవంటే నమ్మాలి. ఆయన ఎంత సంతోషంగా ఉన్నారో.. తాజాగా వచ్చిన ట్వీట్ చూస్తే తెలుస్తోంది. ఈ ట్వీట్‌లో..

‘‘పుత్రోత్సాహము తండ్రికి పుత్రుడు జన్మించినపుడే పుట్టదు, జనులా పుత్రుని గనుగొని పొగడగా, పుత్రోత్సాహంబు నాడు పొందుర సుమతీ!” నిన్న ప్రధానమంత్రి నరేంద్ర మోదీ పాల్గొన్న రిపబ్లిక్ టీవీ కార్యక్రమంలో రామ్ చరణ్‌ను ‘New Age Megastar’ అని సంబోధించడం నాకు ఎంతో ఆనందాన్ని కలిగించింది. ఇలాంటి ప్రతిష్ఠాత్మక వేదికలపై చరణ్‌కు లభిస్తున్న గుర్తింపు, గౌరవం చూస్తుంటే ఒక తండ్రిగా గర్వంగా ఉంది. తన కృషి, అంకితభావం, నటనతో ప్రేక్షకుల అభిమానాన్ని మాత్రమే కాదు, దేశవ్యాప్తంగా విశేషమైన గుర్తింపును కూడా సంపాదించుకోవడం నిజంగా సంతోషకరం. ఇంకా మరెన్నో ఉన్నత శిఖరాలను అధిరోహిస్తూ తెలుగు సినిమా ఖ్యాతిని ప్రపంచవ్యాప్తంగా మరింత విస్తరించాలని మనస్ఫూర్తిగా కోరుకుంటున్నాను’’ అని చిరంజీవి తన ట్వీట్‌లో పేర్కొన్నారు.

ఇక మంగళవారం జరిగిన ‘పెద్ది బ్లాక్‌బస్టర్ ఈవెంట్’లోనూ చిరంజీవి తన పుత్సోత్సాహాన్ని తెలియజేశారు. ఈ కార్యక్రమంలో ఆయన మాట్లాడుతూ.. ‘‘నిన్ననే ప్రధాని నరేంద్ర మోదీతో కలిసి చరణ్ ఒక కార్యక్రమంలో పాల్గొన్నాడు. అక్కడ తనకి న్యూ ఏజ్ మెగాస్టార్ అనే టైటిల్ ఇచ్చారు. నాకు ఎంతో ఆనందంగా అనిపించింది. పిల్లలు ఎదుగుతున్నప్పుడు తండ్రికి కలిగే ఆనందం నిజంగా వర్ణించలేనిది. నేను ఈరోజు ఆ పుత్రోత్సాహాన్ని నూటికి నూరు శాతం అనుభవిస్తున్నాను. మేము ఎప్పుడూ కష్టాన్ని నమ్ముకున్నాం. ఆ కష్టానికి ప్రతిఫలంగా మీరు (అభిమానులు, ప్రేక్షకులు) మమ్మల్ని గుండెల్లో పెట్టుకున్నారు. అంత గొప్ప స్థానం ఇచ్చిన ప్రేక్షకలోకానికి, అభిమానులకు, పెద్ది చిత్రాన్ని ఆదరించిన ప్రతి ఒక్కరికీ మా కుటుంబం తరఫున హృదయపూర్వక ధన్యవాదాలు’’ అని తెలిపారు.

పీఆర్ స్టంట్స్.. పిక్చర్స్‌కు పనికొచ్చేనా..!

‘పెద్ది’ సక్సెస్ చూసి నాకు ‘ఠాగూర్’‌లోని డైలాగ్ గుర్తొచ్చింది: రామ్ చరణ్

Dharman: తలైవర్ 173 టైటిల్ ఖరారు.. రఫ్పాడించేస్తోన్న ఫస్ట్ లుక్!