ఈ క్లాసికల్ డ్యాన్సర్ ను గుర్తు పట్టారా? ఇప్పుడు టాలీవుడ్ లక్కీ హీరోయిన్.. సినిమా తీస్తే హిట్టే

ప్రస్తుతం ఈ బ్యూటీ తెలుగుతో పాటు తమిళ్, మలయాళ భాషల్లోనూ సినిమాలు చేస్తోంది. బ్యాక్ టు బ్యాక్ హిట్స్ అందుకుంటోంది. అందుకే ఇప్పుడీ ముద్దుగుమ్మ లక్కీ హీరోయిన్ గా మారిపోయింది. స్టార్ హీరోలు, డైరెక్టర్లు తమ సినిమాల్లో ఈ హీరోయిన్ నే తీసుకుంటున్నారు. కాగా ఈ సొగసరి 2017 నుంచే సినిమాలు చేస్తోంది. కానీ తెలుగు ఆడియెన్స్ కు రెండేళ్ల క్రితమే పరిచయమైంది. ఆమె నటించిన ఒక మలయాళం సినిమా తెలుగులోనూ డబ్బింగ్ అయ్యింది. ఎలాంటి అంచనాలు లేకుండా చిన్న సినిమా ట్యాగ్ తో రిలీజైన ఈ మూవీ సంచలన విజయం సాధించింది. కేవలం రూ. 3 కోట్ల బడ్జెట్ తో తెరకెక్కిన ఈ సినిమా ఓవరాల్ 100 కోట్లకు పైగానే కలెక్షన్లు సాధించింది. ముఖ్యంగా యూత్ అయితే ఈ సినిమాను ఎగబడి చూశారు. అందులోనూ హీరోయిన్ కోసమే చాలా మంది సినిమాకు వెళ్లారంటే అతి శయోక్తి కాదు. అంతలా కుర్రకారు హృదయాలు కొల్లగొట్టిందీ అందాల తార. తన క్యూట్ యాక్టింగ్ తో చాలా మందికి ఫేవరెట్ హీరోయిన్ గా మారిపోయిందామె. దీని తర్వాత ఆమె నటించిన సినిమాలు కూడా దాదాపు హిట్ గానే నిలిచాయి.

ప్రస్తుతం లక్కీ హీరోయిన్ ట్యాగ్ తో బ్యాక్ టు బ్యాక్ సినిమాలు చేస్తోన్న ఈ బ్యూటీ మరెవరో కాదు మమితా బైజు. సోమవారం ( జూన్ 22) పుట్టిన రోజు నేపథ్యంలో ఆమె చిన్న నాటి ఫొటోలు, వీడియోలు సామాజిక మాధ్యమాల్లో తెగ వైరలయ్యాయి. కాగా ప్రేమలు తర్వాత రెబల్, డ్యూడ్, కర సినిమాల్లో నటించింది. ఇందులో డ్యూడ్ కూడా 100 కోట్లకు పైగా కలెక్షన్లు రాబట్టింది. ఇక రెబల్, కర యావరేజ్ గా నిలిచాయి. ఇక ఈ బ్యూటీ నటించిన జన నాయగన్ త్వరలోనే ప్రేక్షకుల ముందుకు రానుంది. దీనితో పాటు సూర్య విశ్వనాథ్ అండ్ సన్స్, ఇరందు వానమ్ వంటి క్రేజీ ప్రాజెక్టులు ఈ ముద్దుగుమ్మ చేతిలో ఉన్నాయి.

మమితా బైజు లేటెస్ట్ ఇన్ స్టా గ్రామ్ పోస్ట్..

A post shared by Mamitha Baiju (@mamitha_baiju) A post shared by Mamitha Baiju (@mamitha_baiju) మరిన్ని సినిమా వార్తల కోసం ఇక్కడ క్లిక్ చేయండి.