ఇంట్లో ఏ వినాయకుడిని ఉంచాలి? తొండం ఎటువైపు ఉండాలి

అయితే, కేవలం విగ్రహాన్ని ఇంట్లో ఉంచడమే కాకుండా, వాస్తు నియమాలను అనుసరించి సరైన స్థానంలో కొలువుదీరిస్తేనే ఆ ఇల్లు సానుకూల శక్తితో నిండిపోతుంది. ఇంట్లో గణేశుడి విగ్రహాన్ని ఎక్కడ ఉంచాలి, ఎలాంటి విగ్రహాన్ని ఎంచుకోవాలనే విషయాలపై వాస్తు శాస్త్రం చెప్పే ఆసక్తికరమైన గైడ్ ఇక్కడ ఉంది.గణేశుడిని ఏ దిశలో ప్రతిష్ఠించాలి?వాస్తు శాస్త్రం ప్రకారం, వినాయకుడి విగ్రహాన్ని ప్రతిష్ఠించడానికి ఈశాన్య మూల అత్యంత పవిత్రమైన స్థలం. ఎందుకంటే ఈ దిశను దేవతల నివాసంగా భావిస్తారు. ఈశాన్యం కుదరని పక్షంలో ఉత్తర లేదా పడమర దిశలను ఎంచుకోవచ్చు. అయితే, పూజ చేసే సమయంలో భక్తుడి ముఖం తూర్పు లేదా ఉత్తర దిశ వైపు ఉండేలా విగ్రహాన్ని అమర్చాలి. విగ్రహాన్ని కొనేటప్పుడు చాలామంది గమనించని ముఖ్యమైన విషయం.. వినాయకుడి తొండం. గృహస్థులకు, నివాస గృహాలకు ఎడమవైపు తొండం ఉన్న విగ్రహమే అత్యంత శుభప్రదం. ఈ రూపంలో ఉన్న గణేశుడు ప్రశాంతతను, లక్ష్మీ కటాక్షాన్ని ఇస్తాడు. దీనికి సాధారణ పూజా నియమాలు సరిపోతాయి. కుడివైపు తొండం ఉన్న విగ్రహానికి అత్యంత శక్తివంతమైన, తీవ్రమైన పూజా విధానాలు ఉంటాయి. కొద్దిగా నియమ నిబంధనలు తప్పినా ప్రతికూల ఫలితాలు వచ్చే అవకాశం ఉన్నందున, ఇలాంటి విగ్రహాలను సాధారణంగా దేవాలయాలు లేదా ఆశ్రమాల్లోనే ఉంచుతారు.మీ ఇంట్లో శాంతి, ప్రగతి కోసం విగ్రహాల రంగులుమీరు ఆశించే ఫలితాన్ని బట్టి విగ్రహం రంగును ఎంచుకోవచ్చని వాస్తు నిపుణులు సూచిస్తున్నారు. ఇంట్లో తరచూ గొడవలు జరుగుతుంటే లేదా మానసిక ప్రశాంతత లోపిస్తే తెల్లని వినాయకుడిని పూజించాలి. ఇది శాంతి, సామరస్యాలకు ప్రతీక. వ్యాపారంలో వృద్ధి, ఉద్యోగంలో పదోన్నతి, కుటుంబంలో ఆర్థిక పురోగతిని కోరుకునే వారు సింధూర వర్ణంలో ఉన్న వినాయకుడిని ఆరాధించాలి. ఇంటి పూజా గదిలో ఎప్పుడూ లంబోదరుడు కూర్చుని ఉన్న భంగిమలోనే ఉండాలి. ఇది స్థిరత్వానికి, ప్రశాంతతకు సంకేతం. ఆఫీసులు లేదా వ్యాపార సంస్థల్లో నిలబడిన భంగిమలో ఉన్న విగ్రహాన్ని ఉంచవచ్చు.సంఖ్య నియమంఇంట్లో ఒకటి లేదా గరిష్టంగా రెండు గణేశ విగ్రహాలు మాత్రమే ఉండాలి. మూడు లేదా అంతకంటే ఎక్కువ విగ్రహాలు ఉంటే వాస్తు దోషం ఏర్పడుతుంది. ఒకవేళ రెండు విగ్రహాలు ఉంటే, వాటి ముఖాలు ఒకదానికొకటి ఎదురుగా ఉండకుండా వేర్వేరు చోట్ల ఉంచాలి. వినాయకుడి వెనుక భాగంలో దరిద్రం ఉంటుందని పురాణాలు చెబుతాయి. కాబట్టి విగ్రహం వెనుక భాగం ఏ గది వైపునకూ కనిపించకుండా, గోడకు ఆనించి ఉంచాలి. ఇంట్లో ప్రతికూల శక్తులు ప్రవేశించకుండా ఉండాలంటే ఈ క్రింది ప్రదేశాలలో వినాయకుడిని ఉంచకూడదు. ఇంటి దక్షిణ భాగంలో గణేశుడిని అస్సలు పెట్టకూడదు. ఇది యముడి దిశ కావడం వల్ల శుభ ఫలితాలు లభించవు.స్థలం కలిసి వస్తుందని చాలామంది మెట్ల కింద పూజ గదులు కడతారు. కానీ, దేవుడి తలపై భాగంలో నడవడం వల్ల ఇంట్లో దరిద్రం, అనారోగ్య సమస్యలు పెరుగుతాయి. బాత్రూమ్ లేదా టాయిలెట్ గోడలకు ఆనుకుని ఉండేలా పూజా పీఠాన్ని లేదా విగ్రహాన్ని అస్సలు పెట్టకూడదు. పడకగదిలో వినాయకుడిని ఉంచడం వల్ల దంపతుల మధ్య అనవసరమైన మనస్పర్థలు, ఉద్రిక్తతలు చోటుచేసుకుంటాయి. వినాయకుడి విగ్రహంతో పాటు ఆయన వాహనమైన మూషికం , ఆయనకు ఇష్టమైన మోదకం కుడుము విగ్రహంలో అంతర్భాగంగా ఉండేలా చూసుకుంటే ఆ పూజ సంపూర్ణమౌతుంది.