కడుపుతో ఉంటే కత్తి ముట్టుకోకూడదా? సమంత అలా ఎందుకు చెప్పింది

సక్సెస్ లో భాగంగా కేక్ కటింగ్ ఏర్పాట్లు చేశారు. అయితే.. సమంతని కేక్ కట్ చేయమని చెబితే... నేను కత్తి పట్టుకోకూడదు.. అని చెప్పింది. ఆ వీడియో వైరల్ గా మారింది. ఆ మాట విని అందరూ షాక్ అయ్యారు.. కడుపుతో ఉన్నవారు కత్తి ఎందుకు పట్టుకోకూడదు...? నార్మల్ గా కడుపుతో ఉన్న మహిళలు అందరూ ఇంట్లో కత్తి పట్టుకుంటూనే ఉంటారు.. కదా, కూరగాయలు కట్ చేస్తూనే ఉంటారు కదా? మరి సమంత అలా ఎందుకు అని చెప్పింది.. దీని వెనక కారణం అనే విషయం ఇప్పుడు చూద్దాం..

మన దేశంలో గర్భిణీలకు సంబంధించిన ఎన్నో ఆచారాలు, నమ్మకాలు చాలా ఉన్నాయి. వాటిల్లో భాగంగానే కడుపుతో ఉన్నవారు కత్తి పట్టుకోకూడదు అనే నమ్మకం కూడా ఉంది. ఇప్పటికీ చాలా మంది ఇళ్లల్లో గర్భిణీ స్త్రీలను కత్తులు, కత్తెర లాంటి పదునైన వస్తువులను ముట్టుకోనివ్వరు. ఇలా చెప్పడం వెనక కారణం కూడా ఉంది. కడుపుతో ఉన్నప్పుడు మహిళల శరీరంలో చాలా మార్పులు జరుగుతాయి. ముఖ్యంగా అలసట, కళ్లు తిరగడం, నీరసం లాంటి లక్షణాలు ఎక్కువగా కనపడతాయి. అలాంటి సమయంలో.. ఇలాంటి పరిస్థితుల్లో కత్తి వంటి పదునైన వస్తువులు ఉపయోగిస్తే... ప్రమాదాలు జరిగే అవకాశం ఎక్కువగా ఉంటుంది. అందుకే.. ఇంట్లో ఎవరైనా పెద్దవారు ఉంటే.. కత్తి, కత్తెర లాంటి పదునైన వస్తువులు ముట్టుకోకూడదు అని చెబుతుంటారు.

అంతేకాదు.. ఒకప్పుడు వైద్య సదుపాయలు ఉండేవి కావు. ఏదైనా చిన్న గాయం అయినా.. దానికి సరైన వైద్యం చేయకపోతే.. ఇన్ఫెక్షన్లు వచ్చే ప్రమాదం ఉంది. కాబట్టి..కడుపులో బిడ్డకు ఏదైనా సమస్య వచ్చే అవకాశం ఉందని భయపడేవారు. అందుకే.. ముందు జాగ్రత్త కోసం.. ఇలాంటి జాగ్రత్తలు తీసుకోవాలని పెద్దలు చెప్పేవారు. అంతే తప్ప.. ఇలాంటి నమ్మకాలకు వైద్య పరంగా ఎలాంటి ఆధారాలు లేవు.

అంతేకాదు.. కొన్ని ప్రాంతాల్లో కడుపుతో ఉన్న స్త్రీలు కత్తి లేదా కత్తెర వాడితే కడుపులో బిడ్డ లోపాలతో పుడుతుందని నమ్ముతారు. దీనికి శాస్త్రీయ ఆధారాలు ఏమీ లేనప్పటికీ.. చాలా మంది దీనిని నమ్ముతారు. అది కేవలం వారి నమ్మకం మాత్రమే. కొందరు ఫాలో అవుతారు.. మరి కొందరు మాత్రం ఇలాంటి వాటిని పెద్దగా పట్టించుకోరు.