లక్కీ కాలర్ పట్టుకున్న రాజు.. ఇందుని గుడ్డిగా నమ్మేస్తున్న రేఖ.. మళ్లీ వల వేసేందుకు ఐశ్వర్య ప్రయత్నం

అవును రా ఇలానే అంటాను రా ఏం చేస్తావ్ రా అని రెచ్చిపోతుంది ఇందు. ఏంటే అని రాజు కూడా రివర్స్ అటాక్ చేస్తాడు. అదేదో తెలీకుండా జరిగిపోయింది.. ఇకపై అలా జరగకుండా నేను చూసుకుంటాను అని చెప్పాను కదా.. అని రాజు అంటాడు. ఇలా ఈ ఇద్దరూ కొట్లాడుకుంటూ ఉంటే.. అపర్ణా దేవీ వస్తుంది. మీరు ఇలా కొట్లాడుకుంటూ ఉంటే.. నిజంగానే మీరు భార్యాభర్తలు కాదని అనుకుంటారంతా అని అపర్ణ అంటుంది. అదేం లేదు అమ్మమ్మ.. మేం భార్యాభర్తలమే కావాలంటే.. చూడు చేతులు కూడా వేస్తున్నా.. మీ మనవరాలు ఏమీ అనడం లేదు.. వేరే వాళ్లు చేతులు వేస్తూ ఊరుకుంటుందా? అని రాజు కవర్ చేస్తుంటాడు. అపర్ణ వెళ్లిపోయిన తరువాత మళ్లీ లక్కీ గాడి మ్యాటర్ తీస్తుంది ఇందు. ముందు అది కాదు.. ఆఫీస్‌లోని సమస్యల గురించి, డీల్ గురించి ఆలోచించు అని రాజు అంటాడు.రాజు కోసం బెంగ.. మన బతుకులు ఏంటి? ఇలా అయ్యాయ్.. చిన్నోడు కుటుంబం కోసం కష్టపడుతున్నాడు.. పెద్దోడు అలా బిజినెస్ అంటూ తిరుగుతున్నాడు.. నిజంగానే ఆ అమ్మాయితో కలిసి అక్కడ బిజినెస్ డీల్ కోసమే వెళ్లాడా? లేదంటే దుగ్గిరాల ఇంట్లోనే ఉంటున్నాడా? నిజం తెలుసుకున్నాడా? నిజం తెలిస్తే ఆ రేఖ ఏం చేస్తుందో.. తన కుటుంబానికి అన్యాయం చేసిందని మన రాజు గాడికి తెలిస్తే వాడేం చేస్తాడో.. నాకు చాలా భయంగా ఉంది అని చలపతి, లక్ష్మీ మాట్లాడుకుంటారు. వెంటనే మనం మన కొడుకుని ఇక్కడికి రమ్మనేద్దాం.. వాడు లేకపోతే నేను ఉండలేను అని లక్ష్మీ అంటుంది.కాలర్ పట్టుకున్న రాజు.. ఫ్రెండ్‌వి అని నమ్మితే మోసం చేశావ్ కదరా అని రాజు అంటాడు. ఐశ్వర్యతో కలిసి ఇంతలా వెన్నుపోటు పొడుస్తావా? అని లక్కీ మీద రాజు ఫైర్ అవుతాడు. మ్యాటర్ ఇదా.. అమ్మానాన్నలకు అడ్రెస్ చెప్పినందుకు తిడుతున్నాడు అని అనుకున్నానే అని లక్కీ గాడు అనుకుంటాడు. వాళ్ల చెల్లిని పెళ్లి చేసుకున్నావ్.. అసలు నీ మనసులో ఏముందో తెలుసుకుందామని ఐశ్వర్య అడిగింది.. హెల్ప్ చేశా.. దాంట్లో తప్పేం ఉంది రా అని లక్కీ అంటాడు. అది నటించి నిన్ను మోసం చేసింది.. మనం మాట్లాడుకుంది రికార్డ్ చేసి పార్టీలో అందరి ముందు చూపించిందిరా అని అసలు నిజం చెబుతాడు రాజు. దీంతో లక్కీ గాడు షాక్ అవుతాడు.ఇంకోసారి ఏం చెప్పకు.. ఫ్రెండ్ అని నమ్మితే వెన్ను పోటు పొడిచావ్ కదరా.. అది అడిగిందని నా గుట్టంతా రట్టు చేశావ్.. స్మాల్ పెగ్గు, స్ట్రాంగ్ పెగ్గు అని మొత్తం చెప్పేలా చేశావ్.. నాకు సాయం చేయకపోయినా పర్లేదు.. కానీ ఇలా మాత్రం చేయకు.. ఐశ్వర్యను నమ్మకు.. అది ప్రేమగా మాట్లాడి నీ వీక్ నెస్ మీద కొడుతోంది.. ఇంకోసారి అది మన గురించి అడిగితే.. ఏం చెప్పకు అంటాడు రాజు. దీని వల్ల మన ఫ్రెండ్ షిప్‌ని కట్ చేయకు రా ప్లీజ్ రా మామ అని లక్కీ అంటాడు. సరే కానీ ఇకపై జాగ్రత్తగా ఉండు అని చెప్పి వెళ్లిపోతాడు రాజు.ఆపరేషన్ చేయిస్తా.. సీఈవో అయ్యాక మొదటి సారి డీల్ చేయబోతోన్నాను నన్ను ఆశీర్వదించండి అని అపర్ణ, సుభాష్‌లతో అంటుంది ఇందు. నువ్వు సొంతంగా నిర్ణయాలు తీసుకోవాలి.. ఇంకా రేఖకు భయపడుతూనే ఉన్నావ్.. నిన్న పార్టీకి వచ్చిన వాళ్లు కూడా నువ్వు రేఖ నీడవే అని అంటున్నారు.. జాగ్రత్తగా ఉండు.. సొంతంగా నిర్ణయాలు తీసుకో.. సీఈవో అంటే ముళ్ల కీరిటం.. సరైన నిర్ణయాలు తీసుకో.. అప్పుడే నిన్ను అందరూ గౌరవిస్తారు అని సుభాష్ తన సలహాలు చెబుతాడు. ఇంకొన్ని రోజులు మనకు ఈ కష్టాలు తప్పవు.. త్వరలోనే తాతయ్యకి ఆపరేషన్ చేయిస్తా అని ఇందు అంటుంది.పారిపోయిన లక్కీ.. రాజు మత్తులో వాగింది అంతా మా ఇంట్లో వచ్చి చెప్పు.. వాళ్లది దొంగ పెళ్లి అని చెప్పు అని లక్కీ గాడ్ని మళ్లీ ట్రాప్ చేయాలని ఐశ్వర్య చూస్తుంది. ఆ రోజు కూడా ఇలానే ప్రేమగా మాట్లాడావ్.. అదంతా నిజమని నేను నమ్మేశా.. అని లక్కీ అంటాడు. నా కోసం ఈ మాత్రం చేయలేవా? అని భుజం మీద చేయి వేసి లక్కీని కరిగిపోయేలా చేసేందుకు ఐశ్వర్య ప్రయత్నిస్తుంది. కానీ లక్కీ గాడు మాత్రం ఐశ్వర్య మాయలో పడకుండా అక్కడి నుంచి పారిపోతాడు. ఎలాగైనా సరే రాజు, ఇందు బాగోతాన్ని బయటపెట్టాలని ఐశ్వర్య అనుకుంటుంది.గుడ్డిగా నమ్ముతున్న రేఖ.. ఇందు ఏదో సొంతంగా నిర్ణయాలు తీసుకుంటుందని అంతా అనుకుంటున్నారు. అది నా నీడ అని, మనం చెప్పిందే చేస్తుందని వాళ్లకి తెలీదు.. అని రేఖ అంటుంది. ఇన్ని రోజులు అంటే ఓకే గానీ.. ఇప్పుడు చేతికి డబ్బు వస్తుంది.. డబ్బు వస్తే మారిపోవడం సహజం కదా.. ఒక వేళ ఆ ఇందు కూడా మారిపోతే ఎలా అని శేషు అంటాడు. అలా ఎందుకు జరుగుతుంది అని రేఖ, భ్రమరం అంటారు. బావ అన్నది కూడా నిజమే కదా అని భూషణ్ అంటాడు. అసలు అంత గుడ్డిగా ఇందుని ఎందుకు నమ్ముతున్నావ్ అని రేఖను భూషణ్ అడుగుతాడు. రేపు చెక్ మీద అది సంతకం పెట్టాలి.. పెట్టలేదు.. ఆ చెక్ నాకే తెచ్చి ఇస్తుందని రేఖ అంటుంది. అంతటితో ఎపిసోడ్ పూర్తవతుంది. 🔹‘గుండెనిండా గుడిగంటలు’ టుడే ఎపిసోడ్: మనోజ్ బద్దకానికి బలైన రోహిణి.. ఒకేసారి రెండు సమస్యలు.. బాలు మంచితనంతో సుగుణ కంగారు