తల్లి ఆశయం.. తండ్రి సంకల్పం.. 25 ఏళ్ల బసవతారకం సేవాయజ్ఞం

శోకం నుంచి శ్లోకం పుట్టి రామాయణం ఆవిర్భవించినట్లుగానే, తల్లిని కోల్పోయిన ఆవేదన నుంచి నందమూరి కుటుంబం సమాజం పట్ల ఒక గొప్ప బాధ్యతను భుజానికెత్తుకుంది. మహానాయకుడు ఎన్టీఆర్ తన భార్య స్మారకార్థం బసవతారకం ఇండో-అమెరికన్ క్యాన్సర్ ఆసుపత్రికి శంకుస్థాపన చేశారు. మాతృమూర్తికి ఇచ్చిన మాటకు కట్టుబడి, సమాజ శ్రేయస్సు కోరి గత 25 ఏళ్లుగా ప్రపంచస్థాయి క్యాన్సర్ వైద్యాన్ని ఈ సంస్థ ద్వారా అందిస్తున్నారు. ట్రస్ట్ చైర్మన్ నందమూరి బాలకృష్ణ తన సహచర సభ్యుల సహకారంతో ఈ ఆసుపత్రిని ఒక సేవా యజ్ఞంలా నిర్వహిస్తున్నారు. బసవతారకం ఇండో-అమెరికన్ క్యాన్సర్ ఆసుపత్రి అండ్ రీసెర్చ్ ఇన్‌స్టిట్యూట్ రజతోత్సవ వేడుకలు సోమవారం హైదరాబాద్‌లో ఘనంగా నిర్వహించారు. ఈ సందర్భంగా సంస్థ సాధించిన మైలురాళ్లను ప్రెజెంటేషన్ ద్వారా వివరించారు. ఆసుపత్రి ఆరంభం నుంచి నేటి వరకు పెరిగిన వైద్య సౌకర్యాలు, అత్యాధునిక చికిత్సా విధానాలు, రోగులు మరియు వారి బంధువులకు కల్పిస్తున్న వసతులు, అలాగే భవిష్యత్తు ప్రణాళికలపై రూపొందించిన డాక్యుమెంటరీలను ఈ వేదికపై ప్రదర్శించారు.**పేదలకు సేవచేస్తే పరమాత్ముడికి సేవ చేసినట్టే**"మానవత్వం నా ఆదర్శం - సమాజమే దేవాలయం - పేదలే దేవుళ్లు - వారికి చేసే సేవయే పరమాత్ముడికి చేసే సేవ" అన్న ఎన్టీఆర్ ఆశయాలను బసవతారకం ఆసుపత్రి తన సిద్ధాంతంగా మలుచుకుంది. లాభాపేక్ష లేకుండా, కేవలం మానవతా దృక్పథంతో ఈ