లైవ్ మ్యాచ్ లో ఏడ్చేసిన మెస్సీ.. ఆ కన్నీళ్ల వెనుక అసలు కారణం ఇదే

గ్రౌండ్‌లోనే కన్నీళ్లు పెట్టుకున్నాడు. ఈ విజువల్స్ సోషల్ మీడియాలో విపరీతంగా వైరల్ అయ్యాయి.

అసలు మెస్సీ ఎందుకు అంతలా ఏడ్చాడా అని ప్రపంచవ్యాప్తంగా ఉన్న ఫుట్‌బాల్ అభిమానులు తెగ టెన్షన్ పడ్డారు. మ్యాచ్ ముగిసిన తర్వాత మెస్సీ కూడా దీనిపై మాట్లాడాడు. గత కొన్ని రోజులుగా తన జీవితంలో చాలా కష్టమైన ఫేజ్ నడుస్తోందని, అయితే దీనికి ఫుట్‌బాల్‌తో ఎలాంటి సంబంధం లేదని హింట్ ఇచ్చాడు.

మెస్సీ ఎందుకు ఏడ్చాడనే సస్పెన్స్‌కు ఫైనల్‌గా అతని ఫ్యామిలీ ఎండ్ కార్డ్ వేసింది. మెస్సీ కన్నీళ్ల వెనుక అసలు కారణాన్ని అతని కుటుంబ సభ్యులు అధికారికంగా వెల్లడించారు. మెస్సీ తండ్రి హోర్హె మెస్సీ హెల్త్ కండిషన్ బాగోలేకపోవడం వల్లే మెస్సీ అంత ఎమోషనల్ అయ్యాడని కుటుంబ సభ్యులు క్లారిటీ ఇచ్చారు.

ప్రస్తుతం హోర్హె మెస్సీకి నిపుణులైన వైద్యులతో ట్రీట్‌మెంట్ అందిస్తున్నామని చెప్పారు. ఆయన ఆరోగ్యం ఇప్పుడు మెరుగుపడుతోందని, రికవరీ చాలా పాజిటివ్‌గా ఉందంటూ ‘ది గార్డియన్’ పత్రికకు ఇచ్చిన స్టేట్‌మెంట్‌లో ఫ్యామిలీ మెంబర్స్ కన్ఫర్మ్ చేశారు.

మెస్సీ కెరీర్‌లో గతంలో కూడా ఇలాంటి ఎమోషనల్ మూమెంట్స్ చాలానే ఉన్నాయి. 2024 కొలంబియాతో జరిగిన కోపా అమెరికా ఫైనల్‌లో మెస్సీ గాయపడి గ్రౌండ్ వీడాడు. ఆ తర్వాత డగౌట్‌లో కూర్చుని మెస్సీ వెక్కివెక్కి ఏడ్చిన వీడియో అభిమానుల గుండెల్ని పిండేసింది. అంతకుముందు 2016లో చిలీతో కోపా అమెరికా ఫైనల్ ఓటమి తర్వాత, 2018లో బొలీవియాను ఓడించి కోపా అమెరికా గెలిచిన ఆనందంలో, అలాగే బార్సిలోనా క్లబ్‌ను వీడేటప్పుడు ఇచ్చిన ఫేర్‌వెల్ స్పీచ్‌లో.. ఇలా మెస్సీ కన్నీళ్లు పెట్టుకున్న ఎన్నో క్షణాలకు ఫుట్‌బాల్ ప్రపంచం సాక్షిగా నిలిచింది. కానీ, వరల్డ్ కప్ గెలిచిన తర్వాత ఆడుతున్న ఈ మ్యాచ్‌లో మెస్సీ ఏడవడం అందరినీ షాక్‌కు గురిచేసింది.

ఇదే సమయంలో మెస్సీ తండ్రి ఆరోగ్యంపై తప్పుడు వార్తలు ప్రచారం చేస్తున్న కొన్ని మీడియా సంస్థలపై ఫ్యామిలీ మెంబర్స్ సీరియస్ అయ్యారు. మీడియా కొంచెం మానవత్వంతో వ్యవహరించాలని కోరారు. హోర్హె మెస్సీ ఆరోగ్యం గురించిన కరెక్ట్ ఇన్ఫర్మేషన్ కేవలం క్లోజ్ ఫ్యామిలీ మెంబర్స్‌కు మాత్రమే తెలుసని స్పష్టం చేశారు. అందుకే అఫీషియల్‌గా రాని ఎలాంటి ఫేక్ న్యూస్‌ను నమ్మొద్దని, కరెక్ట్ అప్‌డేట్స్‌ను తామే కరెక్ట్ టైమ్‌లో షేర్ చేస్తామని చెప్పారు.