జియో ఐపీఓ పై అంబానీ క్లారిటీ.. 1.5 లక్షల కోట్ల నష్టానికి చెక్ పడుతుందా

Reliance AGM 2026:దేశంలోనే అతిపెద్ద కంపెనీ రిలయన్స్ ఇండస్ట్రీస్ జరుపుతున్న పెట్టుబడిదారుల్లో భారీ ఆసక్తి నెలకొంది. గత ఏడాది కాలంలో రిలయన్స్ షేర్ ధర సుమారు 7 శాతం పడిపోవడం మరియు కంపెనీ మార్కెట్ విలువ 1.5 లక్షల కోట్లు తగ్గడం వాటాదారులను ఆందోళనకు గురిచేస్తోంది.

విదేశీ సంస్థాగత పెట్టుబడిదారుల అమ్మకాలు, జియో ఐపీఓ ఆలస్యం వంటి అంశాలు స్టాక్ పనితీరుపై ప్రభావం చూపాయి. ఇప్పుడు ముఖేష్ అంబానీ తన ప్రసంగంలో మార్కెట్ సెంటిమెంట్‌ను మళ్లీ ఎలా మారుస్తారనేది కీలకం కానుంది. ఇన్వెస్టర్ల నమ్మకాన్ని పునరుద్ధరించేలా ఈ సమావేశంలో ఎలాంటి స్పష్టమైన హామీలు లభిస్తాయోనని అందరూ ఆసక్తిగా వేచి చూస్తున్నారు.

Read also: Nutritious food : అప్రమత్తతే అసలైన మందు! టెలికాం దిగ్గజం రిలయన్స్ జియో లిస్టింగ్‌పై ఇన్వెస్టర్లు ఎన్నో ఆశలు పెట్టుకున్నారు. చాలా కాలంగా వాయిదా పడుతున్న ఈ ప్రక్రియపై అంబానీ ఈరోజు స్పష్టమైన కాలపరిమితిని ప్రకటిస్తారని మార్కెట్ నిపుణులు భావిస్తున్నారు.

సెబీకి డ్రాఫ్ట్ పేపర్లు సమర్పించడంపై వచ్చే అప్‌డేట్ కంపెనీ షేర్లను పరుగులు పెట్టించవచ్చు. మరోవైపు కృత్రిమ మేధస్సు (AI) రంగంలో రిలయన్స్ వేస్తున్న అడుగులు కూడా కీలకం. మెటాతో భాగస్వామ్యం, డేటా సెంటర్ల అభివృద్ధిపై భారీ పెట్టుబడుల వివరాలను అంబానీ వెల్లడించనున్నారు.

కేవలం ప్రకటనలకే పరిమితం కాకుండా, వీటి ద్వారా వచ్చే రాబడిపై స్పష్టత ఇస్తే షేరు ధర మెరుగుపడే అవకాశం ఉంది. రిలయన్స్ కొత్త ఇంధన వ్యాపారం (New Energy) కంపెనీ దీర్ఘకాలిక వృద్ధికి ప్రధాన ఇంజిన్‌గా మారనుంది. సోలార్ మాడ్యూళ్ల ఉత్పత్తి ఇప్పటికే ప్రారంభం కాగా, బ్యాటరీ తయారీ కేంద్రంపై అంబానీ చేసే వ్యాఖ్యలు చాలా ముఖ్యం.

గ్రీన్ హైడ్రోజన్ లక్ష్యాలు మరియు ఎలక్ట్రోలైజర్ ఫ్యాక్టరీ వాణిజ్య ఉత్పత్తి ప్రారంభంపై వచ్చే ప్రకటనలు రిలయన్స్ భవిష్యత్తును నిర్ణయిస్తాయి. ఒకప్పుడు టెలికాం, రిటైల్ రంగాల్లో సంచలనం సృష్టించినట్టే, గ్రీన్ ఎనర్జీ రంగంలో కూడా రిలయన్స్ తిరుగులేని శక్తిగా