మా ఇంటి పాత బంగారం

రామయ్య రాజు (ఆనంద్) ఎంతో పలుకుబడి ఉంటుంది. అతని పెద్ద కొడుకు అనిరుధ్ (దిగంత్) స్వర్ణ ఊరఫ్ ఝాన్సీ (సమంత) అనే ఈ అనాధ అమ్మాయిని ప్రేమించి పెళ్లి చేసుకుంటాడు. ఆ కారణంతో ఫ్యామిలీ మొత్తం అతడ్ని దూరంగా పెడుతుంది. చెల్లి పెళ్లి కారణంగా అనిరుధ్ తన భార్యతో కలిసి మొదటి సారిగా ఇంటికి వస్తాడు. అదే సమయంలో సీఎం పర్యటన కూడా షెడ్యూల్ అవుతుంది. ఇక స్వర్ణ ఆ ఊరిలో అడుగు పెట్టగానే ఆమె గతం నీడలా వెంటాడుతూ ఉంటుంది. జైల్లో ఉండే నక్సలైట్ కరుణ (గుల్షన్ దేవయ్య) మనుషులు స్వర్ణను ఝాన్సీ అంటూ వెంటాడుతుంటారు. స్వర్ణ రాకతో ఆ కుటుంబానికి కూడా సమస్యలు వస్తుంటాయి. అసలు ఈ స్వర్ణ ఎవరు? ఆమెని ఝాన్సీ అని ఎందుకు పిలుస్తారు? ఝాన్సీ గతం ఏంటి? ఈ కరుణకి ఝాన్సీకి ఉన్న లింక్ ఏంటి? చివరకు తన కుటుంబం కోసం అప్పుడు ఆమె ఏం చేసింది.. వాళ్లకు తన గతం చెప్పి ఎలా వాళ్లను కాపాడుకుంది అనేది మిగిలిన కథ.

నటీనటుల హవబవాలు” నటీనటుల విషయానికి వస్తే సమంత ఆల్ రౌండర్‌గా అదరగొట్టేసింది. అమాయకంగా కనిపిస్తూనే యాక్షన్ సీక్వెన్స్‌తో అదరగొట్టేసింది. చీరకట్టులోనే రౌడీల్ని చితక్కొట్టేస్తుంది. సమంత యాక్టింగ్, యాక్షన్ సీక్వెన్స్ మాత్రం నెక్ట్స్ లెవెల్‌ అని చెప్పుకోవచ్చు. ఫైట్స్ విషయంలో మాత్రం సమంతకు విజిల్స్ పడతాయి. మాస్ హీరో రేంజ్‌లో సమంతను ఫ్యాన్స్ సెలెబ్రేట్ చేసుకుంటారు. లేడీ సూపర్ స్టార్ ట్యాగ్‌కి సమంత పర్ ఫెక్ట్ అని అనిపించుకుంటుంది. స్టైలీష్ యాక్షన్ సీక్వెన్స్‌తో సమంత అదరగొట్టేసింది. గన్ను తిప్పిన తీరుకి అంతా ఫిదా అవ్వాల్సిందే. అసలు ఈ రేంజ్ యాక్షన్ సీక్వెన్స్‌ని ఫ్యాన్స్ కూడా ఊహించరేమో. ఇక సమంత తరువాత ఇందులోని ఏ పాత్ర కూడా అంత ఇంపాక్ట్ చూపించదు. గుల్షన్ దేవయ్య పాత్రలోని విలనిజం అంత కన్విన్సింగ్‌గా, ప్రభావవంతంగా కనిపించదు. రామయ్య రాజు, శరత్ రాజు, అనిరుధ్ ఇలా చాలా పాత్రలు వీక్‌గా కనిపిస్తాయి. శ్రీముఖి, బుచ్చిరాజు పాత్రల్ని కామెడీ వరకు వాడుకున్నారు. ఇక పెద్ద ఫ్యామిలీ కాబట్టి.. గౌతమి, శ్రీలక్ష్మి వంటి వారు ఉండాలి కాబట్టి పెట్టారనిపిస్తుంది. మిగిలిన పాత్రలు కూడా తమ తమ పరిధి మేరకు ఓకే అనిపిస్తాయి.

సాంకేతిక వర్గం పనితీరు : చిత్రం ఏ మాత్రం 90వ దశకంలో తీశారనే ఫీలింగ్ కలగదు. నందినీ రెడ్డి తనకు ఇచ్చిన బాధ్యతకు వంద శాతం న్యాయం చేసినట్టుగా అనిపిస్తుంది. సమంతను మాత్రం నెవ్వర్ బిఫోర్ అనేలా చూపించింది. సంతోష్ నారాయణ్ మ్యూజిక్ బాగుంది. పాటల కంటే.. యాక్షన్ సీక్వెన్స్‌లో కొట్టిన బీజీఎం అదిరిపోతుంది. ఎడిటింగ్ విషయంలో ఇంకాస్త జాగ్రత్తగా ఉండుంటే బాగుండేది. వెబ్ సిరీస్ మాదిరి అక్కడక్కడ కాస్త నెమ్మదించింది. సినిమాటోగ్రఫీ చాలా బాగుంది. స్టోరీ రన్నర్ రాజ్ నిడిమోరు తీసుకున్న కథ పాతదే కానీ స్క్రీన్ ప్లే బాగుంది. నిర్మాణ పరంగా పెట్టిన ప్రతీ పైసా తెరపై కనిపిస్తుంది. దాదాపు ఒకే సెట్‌లో చుట్టేసినట్టుగా అనిపిస్తుంది.

విశ్లేషణ : ఇందులోని కథ ఎంత పాతగా ఉన్నా.. ఊహాజనితంగా ఉన్నా.. సమంత చేయడం వల్ల కొత్తగా కనిపిస్తుంది. ఎక్కడా కూడా థ్రిల్లింగ్‌గా, వావ్ ఈ సీన్ కొత్తగా ఉందే అని అనిపించదు. ప్రతీదీ ప్రేక్షకుడి ఊహకు తగ్గట్టుగానే సాగుతుంది. అయినా కూడా ఎక్కడా బోర్ కొట్టించకుండా ఫ్యామిలీ ఆడియెన్స్‌కి కావాల్సిన ఫన్, ఎమోషన్ ఇలా అన్నింటినీ కథలో జొప్పించారు. ఊర్లోకి స్వర్ణ రావడం, ఇంట్లో చిన్న కోడలి హవా.. మంచి పేరు తెచ్చుకోవాలని పెద్ద కోడలి ఆరాటం.. హీరోయిన్ ఫ్రెండ్‌గా కిరణ్మయి అనే పాత్రను తీసుకు రావడం ఇలా కథ అంతా ఎంటర్టైనింగ్‌గానే సాగుతుంది. ఇక స్వర్ణ గతానికి సంబంధించిన మనుషులు వెంటాడుతూ వస్తుండటం కథ మెల్లిగా పట్టాలెక్కినట్టు అనిపిస్తుంది. ప్రీ ఇంటర్వెల్‌కి చూపించిన ఫ్లాష్ బ్యాక్ మాత్రం ఏలాంటి ఇంపాక్ట్‌గా అనిపించదు. సెకండాఫ్‌లో హీరోయిన్, విలన్ మధ్య పోటీలా సాగుతుంది. ఆ పోటీ కూడా అంత ఇంట్రెస్టింగ్‌గా ఉండదు. క్రేజీ స్టార్ నటించిన చిత్రాలలో చుట్టు పక్కల పాత్రలన్నీ ఎంత వీక్‌గా రాస్తారో అందరికీ తెలిసిందే. ఇక ఇందులోనూ ఇలానే సమంత తప్పా.. మిగిలిన పాత్రలన్నీ చాలా వీక్‌గా కనిపిస్తాయి. ఇక అంతా తానై సమంత పాత్రే సినిమాని భుజాన మోసేస్తుంది. సమంత ఫ్యాన్స్‌కి ఓ ట్రీట్‌లా ఈ సినిమా అనిపిస్తుంది. మరి సమంత బాక్సాఫీస్ సోలో స్టామినా ఏంటి? టాక్ వైస్ ఓ కే అయినా… కలెక్షన్స్ పరంగా, కమర్షియల్‌గా ఎలా ఉంటుందనేది తెలియాలంటే ఈ వారం వేచి చూడాల్సిందే!