అవినీతిపై పోరాటం, కులగణన సహా కీలక అంశాలు.. రోడ్ మ్యాప్ ప్రకటించిన సీఎం విజయ్

గవర్నర్ ప్రసంగం పునరుద్ఘాటించింది.తమిళనాడు భాషా విధానాన్ని పునరుద్ఘాటిస్తూ.. 1968లో మాజీ సీఎం సీఎన్ అన్నాదురై హయాం నుంచి అవలంభిస్తో్న ద్విభాషా విధానాన్నే ఇకముందు కూడా కొనసాగిస్తుందని ప్రభుత్వం స్పష్టం చేసింది. అలాగే, ఈ ప్రసంగంలో నూతన జాతీయ విద్యా విధానం 2020పై తీవ్రస్థాయిలో విమర్శలు గుప్పించారు. తాము 'NEP 2020'ని తీవ్రంగా వ్యతిరేకిస్తామని ప్రభుత్వం తెలిపింది. త్రిభాషా విధానాన్ని అంగీకరిస్తేనే తప్ప, సమగ్ర శిక్షా అభియాన్ కింద రాష్ట్రానికి రావాల్సిన రూ. 3,458 కోట్ల నిధులను నిలిపివేయాలన్న కేంద్రం నిర్ణయాన్ని తప్పుపట్టింది. ఇలాంటి విధానపరమైన నిబంధనలు ఏవీ విధించకుండానే ఆ నిధులను విడుదల చేయాలని కేంద్రంపై ఒత్తిడి తీసుకురావడం కొనసాగిస్తామని ప్రభుత్వం పేర్కొంది.అంతేకాకుండా, ఉమ్మడి జాబితాలో ఉన్న విద్యను రాష్ట్ర జాబితాకు మార్చాలనే తన డిమాండ్‌ను ప్రభుత్వం మరోసారి పునరుద్ఘాటించింది. విద్యా రంగంలో కేంద్ర ప్రభుత్వ జోక్యం రోజురోజుకూ పెరుగుతుండటం వల్లే నీట్, జాతీయ విద్యా విధానం, భాషా విధానం వంటి సమస్యలన్నీ తలెత్తుతున్నాయని వాదించింది.గవర్నర్ ప్రసంగంలో ఎక్కువ భాగం రాష్ట్ర ఆర్థిక పరిస్థితులపైనే కేంద్రీకరించారు. ఇటీవల విడుదల చేసిన శ్వేతపత్రాన్నిప్రస్తావిస్తూ.. గత ఐదేళ్లలో తమిళనాడు అప్పులు దాదాపు రెట్టింపై రూ. 10 లక్షల కోట్లకు చేరాయని ప్రభుత్వం తెలిపింది. ఇది రాష్ట్ర స్థూల దేశీయోత్పత్తిలో 28.3 శాతానికి సమానమని, దీనివల్ల రాష్ట్రంలోని ప్రతి పౌరుడిపై లక్ష రూపాయలకు పైగా అప్పు భారం పడిందని పేర్కొంది.ఇలాంటి ఆర్థిక ఇబ్బందులు ఉన్నప్పటికీ, ఆర్థిక క్రమశిక్షణను పునరుద్ధరిస్తూనే తమ ఎన్నికల హామీలను నెరవేర్చడానికి కట్టుబడి ఉన్నామని టీవీకే ప్రభుత్వం స్పష్టం చేసింది. అవినీతిని అరికట్టేందుకు, ఆదాయం రెట్టింపునకు తీసుకుంటున్న చర్యలను ఈ ప్రసంగంలో ప్రముఖంగా ప్రస్తావించారు. ఇందులో భాగంగా ఇటీవల మద్యం తయారీదారులపై అదనపు ప్రివిలేజ్ ఫీజును విధించామని, దీని ద్వారా ఏటా రూ. 1,000 కోట్ల వరకు ఆదాయం సమకూరుతుందని అంచనా వేస్తున్నట్లు తెలిపింది.అక్రమ మైనింగ్, పన్ను ఎగవేతదారులపై కఠిన చర్యలు తీసుకుంటామని ప్రభుత్వం హామీ ఇచ్చింది. నిబంధనలను మరింత కఠినతరం చేయడం, పక్కాగా అమలు చేయడం ద్వారా ఖనిజాల నుండి వచ్చే ఆదాయాన్ని రెట్టింపు చేస్తామని పేర్కొంది.