సచిన్ 'క్రికెట్ దేవుడు' అయితే.. వైభవ్ 'దేవుడి కొడుకు'.. మాజీ క్రికెటర్ఇంట్రెస్టింగ్ కామెంట్స్

ఆయన అన్నారు. వైభవ్ రిస్ట్ స్పీడ్, బ్యాట్ స్పీడ్, బ్యాట్ స్వింగ్ చాలా అద్భుతంగా ఉంటాయని కొనియాడారు. ఎంతటి భయంకరమైన బౌలర్ వచ్చినా క్రీజులో ఎంతో ప్రశాంతమైన మైండ్ సెట్‌తో నిలబడటం ఈ వండర్ కిడ్ కి ఉన్న అతిపెద్ద ప్లస్ పాయింట్ అని శ్రీకాంత్ వివరించారు.

VIDEO | Former India captain Krishnamachari Srikkanth urges fans not to compare Vaibhav Sooryavanshi with Sachin Tendulkar, calling the teenager a "tremendous talent" and backing him to become a future match-winner for India if given time and encouragement.

— Press Trust of India (@PTI_News) June 18, 2026 గుజరాత్ టైటాన్స్‌పై ఆడిన ఆ క్లాస్ ఇన్నింగ్స్ ఐపీఎల్ 2026 క్వాలిఫైయర్ మ్యాచ్ లో గుజరాత్ టైటాన్స్‌పై వైభవ్ ఆడిన ఇన్నింగ్స్‌ను శ్రీకాంత్ ప్రత్యేకంగా గుర్తుచేశారు. ఆ మ్యాచ్ లో రాజస్థాన్ రాయల్స్ జట్టు విపరీతమైన ఒత్తిడిలో ఉన్నప్పటికీ, ఈ 15 ఏళ్ల కుర్రాడు క్రీజులో పాతుకుపోయి 96 పరుగుల అద్భుతమైన ఇన్నింగ్స్ ఆడాడు. సాధారణంగా ఇన్నింగ్స్ మొదటి బంతి నుండే విరుచుకుపడే అలవాటు ఉన్న వైభవ్.. ఆ మ్యాచ్ లో మాత్రం జట్టు అవసరాల కోసం ఎంతో ఓపికగా ఆడి, సమయం చూసి క్లాస్ షాట్లతో రెచ్చిపోయాడు. రన్స్ చేయాలనే ఆకలి, బౌలర్లపై ఆధిపత్యం చలాయించాలనే కసి ఈ పిల్లాడిలో స్పష్టంగా కనిపిస్తోందని శ్రీకాంత్ ప్రశంసించారు.

వైభవ్ సూర్యవంశీకి భారత క్రికెట్‌లో చాలా ప్రకాశవంతమైన భవిష్యత్తు ఉందని శ్రీకాంత్ జోస్యం చెప్పారు. అందుకే అతడిపై అనవసరమైన అంచనాలు మోపి, వేరే ఆటగాళ్లతో పోల్చి ఒత్తిడి పెంచవద్దని క్రికెట్ ఫ్యాన్స్‌కు, మీడియాకు సూచించారు. "వైభవ్‌ను ఎవరితోనూ పోల్చకండి. అతడిని తన లాగే ఉండనివ్వండి. ఎలాంటి ఒత్తిడి లేకుండా సహజంగా ఎదిగేలా, తనకు నచ్చినట్లు స్వేచ్ఛగా ఆడేలా మనం కేవలం ప్రోత్సహిస్తే చాలు. ఈ పిల్లాడు దేశానికి ఎన్నో గొప్ప విజయాలు అందిస్తాడు" అని శ్రీకాంత్ తన విశ్లేషణను ముగించారు.

మరిన్ని క్రీడా వార్తల కోసం ఇక్కడ క్లిక్ చేయండి..