ఆ సినిమా ఆగిపోలేదని క్లారిటీ వచ్చింది - తెలుగు సినిమా న్యూస్, రివ్యూస్

నాని (Nani) ఒకప్పుడు చాలా స్పీడ్ గా సినిమాలు చేసేవాడు. కానీ ఇప్పుడు హీరోగా రేంజ్ పెరిగింది. ఆయన సినిమాల బడ్జెట్ లు కూడా 100 కోట్లు దాటి చాలా కాలం అయింది. ఇక ప్రస్తుతం నటిస్తున్న “ది ప్యారడైజ్” (The Paradise) తో తనకు పాన్ ఇండియా హిట్ వస్తుంది అని బలంగా నమ్ముతున్నాడు.

అందుకే ఈ సినిమా కోసం నాని ఏడాదిపైనే టైం కేటాయించాడు. ఇంకా షూటింగ్ పూర్తి కాలేదు. దాంతో, సుజిత్ డైరక్షన్లో చెయ్యాల్సిన “బ్లడీ రోమియో” (Bloody Romeo) ఆగిపోయింది అనే ప్రచారం మొదలైంది. కానీ అది నిజం కాదు. “బ్లడీ రోమియో” సినిమా ఇప్పటికే లాంచ్ అయింది.

ఇక రెగ్యులర్ షూటింగ్ రెండు నెలల్లో మొదలు కానుంది. ఈ లోపు నాని “ది ప్యారడైజ్” సినిమాని పూర్తి చేస్తాడు. సో, సుజీత్ సినిమా ఆగిపోలేదు. నాని ప్రస్తుతం సైన్ చేసిన చిత్రాలు ఇవే. ఈ రెండు సినిమాల ఫలితాలను బట్టి తదుపరి చిత్రాలు ఎలా ఉండాలి, ఎలాంటివి ఒప్పుకోవాలి అనేది నిర్ణయిస్తాడు.

నాని తన ప్రతి సినిమాని హిందీ, తమిళ్, మలయాళ, కన్నడ భాషల్లో విడుదల చేస్తున్నాడు. కానీ ఇప్పటివరకు ఒక్క సినిమా కూడా పాన్ ఇండియా హిట్ అనిపించుకోలేదు. అన్ని చిత్రాలు లోకల్ మార్కెట్ లోనే హిట్ అయ్యాయి. కానీ పాన్ ఇండియా మార్కెట్ ముఖ్యంగా హిందీలో సక్సెస్ కొడితేనే పారితోషికం, మార్కెట్ రేంజ్ పెరుగుతుంది.

దాని కోసమే ఈ రెండు సినిమాలపై గట్టి నమ్మకం పెట్టుకొని చేస్తున్నాడు