డేటింగ్ వార్తల నడుమ శ్రీలీలకు కార్తీక్ ఆర్యన్ స్పెషల్ విషెస్..అతని ముద్దుగా పిలిచిన నటి

Sreeleela:బాలీవుడ్ హీరో కార్తీక్ ఆర్యన్, నటి శ్రీలీలకు పుట్టినరోజు శుభాకాంక్షలు తెలుపుతూ చేసిన పోస్ట్ సోషల్ మీడియాలో వైరల్ అవుతోంది. ఇద్దరూ కలిసి నటిస్తున్న కొత్త సినిమా కూడా ఆసక్తిని పెంచుతోంది. ఈ సినిమా షూటింగ్ సన్మానంలో వీళ్ళిద్దరూ ప్రేమలో పడ్డారు అన్న వార్తలు వినిపించగా..

ప్రస్తుతం ఈ పోస్ట్ కాస్త అందుకు ఆర్జ్యం పోస్తోంది. బాలీవుడ్ యువ హీరో కార్తీక్ ఆర్యన్ తాజాగా నటి శ్రీలీలకు ప్రత్యేకంగా పుట్టినరోజు శుభాకాంక్షలు తెలిపాడు. జూన్ 15న 25వ పుట్టినరోజు జరుపుకున్న శ్రీలీలకు కార్తీక్ తన ఇన్‌స్టాగ్రామ్ ఖాతా ద్వారా విషెస్ చెప్పడంతో ఆ పోస్ట్ సోషల్ మీడియాలో వైరల్‌గా మారింది.

కార్తీక్ షేర్ చేసిన ఫొటోలో ఆయన బైక్ నడుపుతుండగా, వెనుక సీట్లో శ్రీలీల కూర్చొని కనిపించింది. ఇద్దరూ బైక్ అద్దంలోకి చూస్తూ చిరునవ్వులు చిందించారు. ఈ ఫొటోకు కార్తీక్ “హ్యాపీ బర్త్‌డే శ్రీ శ్రీ” అంటూ క్యాప్షన్ ఇచ్చాడు. దీనికి స్పందించిన శ్రీలీల “థ్యాంక్యూ స్వీటెస్ట్” అని కామెంట్ చేయడం అభిమానుల దృష్టిని ఆకర్షించింది.

గత కొంతకాలంగా కార్తీక్ ఆర్యన్, శ్రీలీల డేటింగ్‌లో ఉన్నారనే వార్తలు వినిపిస్తున్నాయి. అయితే ఈ విషయంపై ఇద్దరూ ఎప్పుడూ అధికారికంగా స్పందించలేదు. అయినప్పటికీ సోషల్ మీడియాలో వీరి పోస్ట్‌లు, కామెంట్లు అభిమానుల్లో ఆసక్తిని పెంచుతున్నాయి.

ప్రస్తుతం కార్తీక్, శ్రీలీల కలిసి ప్రముఖ దర్శకుడు అనురాగ్ బసు తెరకెక్కిస్తున్న ఓ రొమాంటిక్ డ్రామాలో నటిస్తున్నారు. ఇంకా టైటిల్ ప్రకటించని ఈ చిత్రాన్ని టీ-సిరీస్ నిర్మిస్తోంది. ఈ సినిమా ద్వారా శ్రీలీల బాలీవుడ్‌లో అడుగుపెడుతోంది.

2026 చివర్లో ఈ చిత్రం ప్రేక్షకుల ముందుకు రానుంది. ఇక కార్తీక్ ఆర్యన్ కెరీర్ విషయానికి వస్తే, ఇటీవల ఆయన రొమాంటిక్ కామెడీ చిత్రంలో నటించాడు. అలాగే “నాగ్జిల్లా” అనే ఫాంటసీ కామెడీ అడ్వెంచర్ సినిమాలో కూడా కనిపించనున్నాడు. భారతీయ జానపద కథల ఆధారంగా రూపొందుతున్న ఈ సినిమా ప్రేక్షకుల్లో మంచి ఆసక్తిని కలిగిస్తోంది