వెజిటబుల్ డిటాక్స్ సూప్.. వెయిట్ లాస్ కు బెస్ట్ ఆప్షన్

బరువు తగ్గాలని భావించే వారు సాధారణంగా వ్యాయామం, డైటింగ్‌పై ఎక్కువ దృష్టి పెడతారు. అయితే సరైన ఆహార ఎంపిక కూడా బరువు నియంత్రణలో కీలక పాత్ర పోషిస్తుంది. ఇంటర్నెట్ డెస్క్: బరువు తగ్గేందుకు చాలామంది డైటింగ్, వ్యాయామంపై ఎక్కువగా దృష్టి పెడతారు.

అయితే సరైన ఆహారాన్ని ఎంపిక చేసుకోవడం కూడా అంతే ముఖ్యమని ఆరోగ్య నిపుణులు చెబుతున్నారు. అలాంటి ఆరోగ్యకరమైన ఆహారాల్లో వెజిటబుల్ డిటాక్స్ సూప్ ఒకటి. ఇది తక్కువ కేలరీలతో పాటు శరీరానికి అవసరమైన పోషకాలను అందిస్తూ, ఎక్కువసేపు కడుపు నిండిన భావన కలిగిస్తుంది.

దీంతో ఆకలి నియంత్రణలో ఉండి బరువు తగ్గడంలో సహాయపడుతుంది. ఈ సూప్‌లో సాధారణంగా క్యారెట్, బీన్స్, క్యాబేజీ, టమాటా, బ్రోకలీ వంటి కూరగాయలను ఉపయోగిస్తారు. వీటిలో పీచు పదార్థం (ఫైబర్) అధికంగా ఉండటంతో జీర్ణక్రియ మెరుగుపడుతుంది. అలాగే తరచూ ఆకలి వేయకుండా ఉండటానికి కూడా దోహదపడుతుంది.

తక్కువ కేలరీలతో ఎక్కువ ఫైబర్ అందడం వల్ల శరీరంలో కొవ్వు కరిగే ప్రక్రియకు మద్దతు లభిస్తుంది. ముందుగా ఒక పాత్రలో కొద్దిగా ఆలివ్ ఆయిల్ లేదా నెయ్యి వేడి చేయాలి. అందులో అల్లం, వెల్లుల్లి వేసి స్వల్పంగా వేయించాలి. తర్వాత తరిగిన కూరగాయలన్నీ వేసి 2 నుంచి 3 నిమిషాలు కలుపుతూ ఉడికించాలి.

అనంతరం నీరు పోసి ఉప్పు, మిరియాల పొడి కలపాలి. సన్నని మంటపై 10 నుంచి 15 నిమిషాల పాటు ఉడికించాలి. కూరగాయలు మెత్తబడిన తర్వాత నిమ్మరసం కలిపి దించాలి. అంతే... ఆరోగ్యకరమైన వెజిటబుల్ డిటాక్స్ సూప్ సిద్ధం. ఎక్కువసేపు కడుపు నిండిన భావన కలిగిస్తుంది.

ఆరోగ్యకరమైన జీవనశైలితో పాటు ఈ సూప్‌ను డైట్‌లో చేర్చుకుంటే బరువు నియంత్రణలో మంచి ఫలితాలు పొందవచ్చు. Note: ఇందులోని సమాచారం సాధారణ అవగాహన కోసం మాత్రమే.. ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.